हरियाली तीज  हिन्दी देवनागरी में पढ़ें।

hariyali tij
hariyali tij ke avasar par jhoola jhoolati mahilaen
any nam shravani tij, haritalika tij, kajali tij
anuyayi hindoo
tithi shravan mas ke shukl paksh ki tritiya
utsav tij bharat ke anek bhagon men manaee jati hai, parantu rajasthan ki rajadhani jayapur men isaka vishesh mahattv hai. tij ka agaman bhishan grishmritu ke bad punarjivan v punarshakti ke roop men hota hai. yadi is din varsha ho, to yah aur bhi smaraniy ho uthati hai.
vishesh navavivahit ladakiyon ke lie vivah ke pashchath padane vale pahale savan ke tyohar ka vishesh mahattv hota hai.
any janakari navavivahita ladaki ki sasural se is tyohar par sinjara bheja jata hai. is din navavivahita ladaki ki sasural se vastr, abhooshan, shrringar ka saman, mehndi aur mithaee bheji jati hai.

hariyali tij ka utsav shravan mas men shukl paksh tritiya ko manaya jata hai. mukhyat: yah striyon ka tyohar hai. is samay jab prakriti charon taraf hariyali ki chadar si bichha deti hai to prakriti ki is chhata ko dekhakar man pulakit hokar nach uthata hai. jagah-jagah jhoole padate hain. striyon ke samooh git ga-gakar jhoola jhoolate hain. shravan mas ke shukl paksh ki tritiya tithi ko 'shravani tij' kahate hain. ise 'haritalika tij' bhi kahate hain. janamanas men yah 'hariyali tij' ke nam se jani jati hai.

riti rivaz

striyan apane hathon par tyohar vishesh ko dhyan men rakhate hue bhinn-bhinn prakar ki mehndi lagati hain. mehndi rache hathon se jab vah jhoole ki rassi pakad kar jhoola jhoolati hain to yah drishy bada hi manohari lagata hain mano suhagin akash ko chhoone chali hain. is din suhagin striyan suhagi pakadakar sas ke panv chhookar unhen deti hain. yadi sas n ho to svayn se badon ko arthat jethani ya kisi vriddha ko deti hain. is din kahin-kahin striyan pairon men alata bhi lagati hain jo suhag ka chihn mana jata hai. hariyali tij ke din anek sthanon par mele lagate hain aur mata parvati ki savari bade dhoomadham se nikali jati hai. vastav men dekha jae to hariyali tij koee dharmik tyohar nahin varanh mahilaon ke lie ekatr hone ka ek utsav hai. navavivahit ladakiyon ke lie vivah ke pashchath padane vale pahale savan ke tyohar ka vishesh mahattv hota hai.

pauranik mahattv

  • shravan shukl tritiya (tij) ke din bhagavati parvati sau varshon ki tapasya sadhana ke bad bhagavan shiv se mili thin.
  • man parvati ka is din poojan - ahvan vivahit stri - purush ke jivan men harsh pradan karata hai.
  • samast uttar bharat men tij parv bade utsah aur dhoomadham se manaya jata hai.
  • ise shravani tij, hariyali tij tatha kajali tij bhi kahate hain.
  • bundelakhnd ke jalaun, jhansi, daniya, mahoba, orachha adi kshetron men ise hariyali tij ke nam se vratotsav ke roop men manate hain.
  • poorvi uttar pradesh, banaras, mirzapur, devali, gorakhapur, jaunapur, sultanapur adi zilon men ise kajali tij ke roop men manane ki parampara hai.
  • lokagayan ki ek prasiddh shaili bhi isi nam se prasiddh ho gee hai, jise 'kajali' kahate hain.
  • rajasthan ke logon ke lie tyohar hi jivan ka sar hai.
    hariyali tij ke avasar par mauj masti karati huee ladakiyan
  • tij ke agaman ke harsh men mor harshit ho nrity karane lagate hain.
  • striyan udyanon men lage rassi ke jhoole men jhoolakar prasannachith hoti hain tatha surile giton se vatavaran goonj uthata hai.
  • tij savan (julaee–agast) ke mahine men shuklapaksh ke tisare din manaee jati hai.

tij utsav ki parampara

tij bharat ke anek bhagon men manaee jati hai, parantu rajasthan ki rajadhani jayapur men isaka vishesh mahattv hai. tij ka agaman bhishan grishm ritu ke bad punarjivan v punarshakti ke roop men hota hai. yadi is din varsha ho, to yah aur bhi smaraniy ho uthati hai. log tij juloos men thndi bauchhar ki kamana karate hain. grishm ritu ke samapt hone par kale - kajarare meghon ko akash men ghumadata dekhakar pavas ke prarambh men papihe ki pukar aur varsha ki phuhar se abhyntar anandit ho uthata hai. aise men bharatiy lok jivan kajali ya hariyali tij ka parvotsav manata hai. asaman men ghumadati kali ghataon ke karan hi is tyohar ya parv ko 'kajali' ya 'kajjali tij' tatha poori prakriti men hariyali ke karan 'tij' ke nam se jana jata hai.
is tyohar par ladakiyon ko sasural se pihar bula liya jata hai. vivah ke pashchath pahala savan ane par ladaki ko sasural men nahin chhoda jata hai. navavivahita ladaki ki sasural se is tyohar par sinjara bheja jata hai. hariyali tij se ek din pahale sinjara manaya jata hai. is din navavivahita ladaki ki sasural se vastr, abhooshan, shrringar ka saman, mehndi aur mithaee bheji jati hai. is din mehndi lagane ka vishesh mahattv hai.

saj–shrringar aur anand ka utsav

hariyali tij ke avasar par menhadi
  • tij poorn roop se striyon ka utsav hai.
  • striyan akarshak paridhanon se susajjit ho bhagavati parvati ki upasana karati hain.
  • rajasthan men jin kanyaon ki sagaee ho gee hoti hai, unhen apane bhavishy ke sas - sasur se ek din pahale hi bhent milati hai.
  • is bhent ko sthaniy bhasha men "shinjhar" (shrringar) kahate hain.
  • shinjhar men anek vastuen hoti hain. jaise - menhadi, lakh ki choodiyan, lahariya namak vishesh vesh–bhoosha, jise bandhakar rnga jata hai tatha ek mishtan jise "ghevar" kahate hain.

tij utsav ki vishesh rasm–baya

  • isamen anek bhent vastuen hoti hain, jisamen vastr v mishthan hote hain. ise man apani vivahit putri ko bhejati hai. pooja ke bad 'baya' ko sas ko supurd kar diya jata hai.
  • poorvi uttar pradesh men bhi yadi kanya sasural men hai, to mayake se tatha yadi mayake men hai, to sasural se mishthan, kapade adi bhejane ki parampara hai. ise sthaniy bhasha men 'tij' ki bhent kaha jata hai.
  • rajasthan ho ya poorvi uttar pradesh prayah navavivahita yuvatiyon ko savan men sasural se mayake bula lene ki parampara hai.
  • sabhi vivahitaen is din vishesh roop se shrringar karati hain.
  • saynkal ban thanakar sarovar ke kinare utsav manati hain aur udyanon men jhoola jhoolate hue kajali ke git gati hain.
    hariyali tij ke avasar par jhoola jhoolati ladakiyan

menhadi rachane ka utsav

is avasar par navayuvatiyan hathon men menhadi rachati hain. tij ke git hathon men menhadi lagate hue gaye jate hain. samoocha vatavaran shrringar se abhibhoot ho uthata hai. is tyohar ki sabase badi visheshata hai, mahilaon ka hathon par vibhinn prakar se belaboote banakar menhadi rachana. pairon men alata lagana, mahilaon ke suhag ki nishani hai. rajasthan men hathon v panvon men bhi vivahitaen menhadi rachati hain. jise "menhadi - mandana" kahate hain. is din rajasthani balaen door desh ge apane pati ke tij par ane ki kamana karati hain. jo ki unake lokagiton men bhi mukharit hota hai. tij par tin baten tyagane ka vidhan hai -

  1. pati se chhal–kapat
  2. jhooth evn durvyavahar karana
  3. paraninda

malhar aur jhoolon ka utsav

tij ke din ka vishesh kary hota hai, khule sthan par bade–bade vrikshon ki shakhaon par jhoola bandhana. jhoola striyon ke lie bahut hi manabhavan anubhav hai. malhar gate hue menhadi rache hue hathon se rassi pakade jhoolana ek anootha anubhav hi to hai. savan men tij par jhoole n lagen, to savan kya? tij ke kuchh din poorv se hi pedon ki daliyon par, ghar ki chhat ki kadon ya baramade men kadon men jhoole pad jate hain aur nariyan, sakhi - saheliyon ke sng saj - snvarakar lokagit, kajari adi gate hue jhoola jhoolati hain. poora vatavaran hi unake giton ke madhur layabaddh suron se rasamay, gitamay aur sngitamay ho uthata hai.

jayapur ka tij mata utsav aur juloos

hariyali tij ke avasar par jhoola jhoolati mahilaen
  • jayapur ke rajaon ke samay men parvati ji ki pratima, jise 'tij mata' kahate hain, ko ek juloos utsav men do din tak le jaya jata tha.
  • utsav se kuchh poorv pratima men dobara se rngakari ki jati hai tatha tyohar vale din ise navaparidhanon se sajaya jata hai.
  • paramparik abhooshanon se susajjit rajaparivar ki striyan moorti ki pooja, janana kamare men karati hain.
  • isake pashchath pratima ko juloos men sammilit hone ke lie prangan men le jaya jata hai.
  • hazaron darshak badi adhirata se bhagavati ki ek jhalak pane ke lie lalayit ho uthate hain.
  • logon ki achchhi khasi bhid hoti hai. marg ke donon or, chhaton par hazaron gramin apane paramparik rng–birnge paridhanon men ekatrit hote hain.
  • purohit dvara batae ge shubh muhoort men, juloos ka netritv nishan ka hathi (isamen ek vishesh dhvaja bandhi jati hai) karata hai. susajjit hathi, bailagadiyan v rath is juloos ko atyant hi manohari bana dete hain.
  • yah juloos phir tripoliya dvar se prasthan karata hai aur tabhi lambi pratiksha ke bad tij pratima drishtigochar hoti hai. bhid age badh pratima ki ek jhalak ke roop men ashirvad pana chahati hai.
  • jaise hi juloos ankhon se ojhal hota hai, bhid titar–bitar hona arambh ho jati hai. log ghar lautakar agale tyohar ki taiyari men lag jate hain.
  • tij, nrity v sngit ka ullas bhara parv hai. sabhi prasann ho, ant men svadisht bhojan ka anand lete hain.
  • prakriti evn manav hriday ki bhavy bhavana ki abhivyakti tij parv (kajali tij, hariyali tij v shravani tij) men nihit hai.
  • is tyohar ke as–pas kheton men kharif ki buvaee bhi shuroo ho jati hai. atah lokagiton men us tyohar ko sukhad, suramy aur suhavane roop men gaya–manaya jata hai.


panne ki pragati avastha
adhar
prarambhik
madhyamik
poornata
shodh

tika-tippane aur sndarbh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah