टेसू  हिन्दी देवनागरी में पढ़ें।

dukan par bikate vibhinn prakar ke tesoo aur jhanjhi

sharadiy navaratr ke dinon men gaya jane vala balakon ka git hai. yah git brajalok men vishesh roop se prachalit hai. ladake tesoo, jo manushy ki akriti ka khilauna hota hai, lekar dvar-dvar par ghoomate hain, tesoo ke git gate hai aur paise mangate hain. vishay ki drishti se yah git bahut hi ootapatang aur adbhut kahe ja sakate hain, kintu ye bade manornjak hote hain. tesoo ko janashruti ek prachin vir ke roop men smaran karati hai. poornima ke din tesoo tatha jhanjhi ka vivah bhi rachaya jata hai.[1] sanjhi aur tesoo ke khel adhikansh uttar bharat men lokapriy hai. tesoo ki apani hi chhata hai. tesoo ka khel uttar bharat aur asapas ke kshetr men bade paimane par khela jata hai, yahan ise balak hi nahin yuva bhi khelate hain. sanjhi banate samay balikayen jo git gati hain ve to poore ke poore pradeshik bhasha ke hote hain.

tesoo ka svaroop

amataur par tesoo ka staind bans ka banaya jata hai jisamen mitti ki tin putaliyan phit kar di jati hain. jo kramash: tesoo raja, dasi aur chaukidar ki hoti hai ya tesoo raja aur do dasiyan hoti hain. madhy men momabatti ya diya rakhane ka sthan hota hai.

lupt hoti pratha

tesoo khelane ki pratha ab dhire kam hoti ja rahi hai. is karan ise khelate samay gaye jane vale git bhi vismrit hote ja rahe hain. tesoo aur sanjhi ke giton ka adhyayan karane par pratit hota hai ki sanjhi git vyavasthit aur nishchit vishay vastu ko lekar chalate hai, jabaki tesoo git matr tukabandiyan pratit hoti hain. tesoo ka khel dashahare se prarambh hota hai. yoon to tesoo ki dhoom sare uttar bharat men machati hai. braj, bundelakhand aur gvaliyar ke tesoo vishesh rup se prasiddh hai. dashahare ke din se hi gaya jata hai-

mera tesoo yahin ada
khane ko mange dahi bada,
dahi bade men panni,
dhar do jhnya athanni.

yah gate hue ladakon ki toliyan gali muhallon me hath men tesoo liye ghoomati phirati hain. tesoo ka yah tyohar atyant prachin samay se hi manaya jata hai is tyohar ka arnbh mahanavami se ho jata hai aur isaka samapan sharadapoornima ko tesoo aur sanjhi ke vivah ke sath hota hai.

kinvadntiyan

tesoo aur jhanjhi ke sath git gate bachche

tesoo ki utpatti aur is tyohar ke arnbh ke sambandh men yahan anek kivadntiyan prachalit hai. mana jata hai ki tesoo ka arambh mahabharat kal se hi ho gaya tha. kaha jata hai ki kunti ko vivah se poorv hi do putr utpann hue the jinnmen pahala putr babbaravahan tha jise kunti jngal men chhod aee thi. vah bada vilakshan balak tha. vah paida hote hi samany balak se dugani raftar se badhane laga aur kuchh salon bad to usane bahut hi upadrav karana shuroo kar diya. pandav usase bahut pareshan rahane lage to subhadra ne bhagavan krishn se kaha ki ve unhen babbaravahan ke atnk se bachaen, to krishn bhagavan ne apane sudarshan chakr se usaki gardan kat di. parantu babbaravahan to amrit pi gaya tha is liye vah mara hi nahi. tab krishn ne usake sir ko chhekur ke ped par rakh diya. lekin phir bhi babbaravahan shant nahin hua to krishn ne apani maya se sanjhi ko utpann kiya aur tesoo se usaka vivah rachaya.

doosari katha

babbaravahan, bhimasen ka kisi rakshasi se hua putr tha jise ghatotkach bhi kaha gaya hai. yah paramavir aur dani purush tha. usaki yah an thi ki vah hamesha yuddh men harane vale raja ki or se ladata tha. jab mahabharat ka yuddh shuroo hua to krishn yah janate the ki yadi babbaravahan kauravon ki or mil gaya to pandav yuddh kabhi nahin jit payenge, isaliye ek din brahman ka vesh dharakar babbaravahan ke pas gaye aur usase usaka parichay manga. tab babbaravahan kahane laga ki vah bada bhari yoddha aur mahadani hai. to krishn ne usase kaha ki yadi tum aise hi mahadani ho to apana sir kat kar de do aur tab babbaravahan ne apana sir kat kar krishn ko de diya parantu yah vachan manga ki vah usake sir ko aisi jagah rakhenge jahan se vah mahabharat ka yuddh dekh sake. krishn ne babbaravahan ko diye vachan ke anusar usaka sir chhekur ke ped par rakh diya, jahan se yuddh ka maidan dikhata tha. parantu jab bhi kauravon pandavon ki senaen yuddh ke liye pas ati thi to babbaravahan ka sir yah sochakar ki hay kaise-kaise yoddha maidan men hai par main in se lad n saka, zor se hnsata tha. kahate hai usaki hnsi se bhayabhit hokar donon senaen milon tak pichhe hat jati thin. is prakar yah yuddh kabhi bhi nahin ho payega yah sochakar krishn ne jis dal par babbaravahan ka sir rakha hua tha usamen dimak laga di. dimak ke karan sir niche gir pada aur usaka mukh doosari or hone ke karan use yuddh dikhaee dena band ho gaya. tab kahin jakar mahabharat ka yuddh arambh ho saka.

katha
tesoo aur jhanjhi

bahut sal pahale kisi ganv men ek brahman parivar rahata tha. parivar men lagabhag sattar sath vyakti the jo sabhi prakar se sampann the. inamen se chhote bhaee ki patni mar chuki thi, use bade bhaiyon ki patniyan bahut pareshan karati thi isase dukhi hokar vah apani putri ko lekar ghar chhod kar doosare ganv chala gaya yah ganv jngal ke kinare ek sundar ganv tha. us jngal men ek rakshas rahata tha. brahman ki roopavan kanya jab ek din pani bharane gee tab us rakshas ne use dekh liya aur us par mohit ho gaya. usane ladaki se usaka parichay liya aur usake pita se milane ki ichchha prakat ki tab ladaki ne kaha ki usake pita sham ke samay ghar milate hai. rakshas sham ko brahman se milane gaya. brahman bahut ghabaraya usane socha yah rakshas mana karane par manane vala nahin isase usane rakshas se kaha ki vivah to ho jayega. parantu kuchh rasmen poori karani padegi isaliye solah din ka samay lagega. is bich brahman ne apane parivar ke logon ko sahayata ke liye bulane ka patr likh diya. kvanr mah ke yah solah din solah shraddh ke din mane jate hai. aur in dinon brahman ki ladaki jo khel gobar ki thapaliyon se kheli vah sanjhi ya chanda taraiyan kahalaya aur tabhi se sanjhi khelane ki parampara ka arnbh hua. solah din bitane par rakshas aya parantu brahman ke parivar vale nahin pahunch paye isaliye usane phir bahana ki ab usaki ladaki nau din mitti ke gaur banakar khelegi. rakshas nau din bad phir vapis ane ka kah kar chala gaya. tabhi se yah nau din naurata kahalaye aur in dinon suata khelane ki pratha shuroo huee. nau din bhi khatm ho gaye is par brahman ne usase kaha ab keval akhiri rat rah gee hai. ab panch din tum aur meri beti ghar ghar bhikh mangoge tab sharad poornima ke din tumhari shadi ho sakegi, rakshas is bat ke liye bhi man gaya aur tabhi se dashahare se poornima tak us rakshas ke nam par tesoo aur brahman ki ladaki par jhanjhi mangane ki pratha ka arnbh hua. is prakar jab bhikh mangate panch din bit gaye aur brahman ke parivar ke log nahin aye to brahman nirash ho gaya aur use apani putri ka vivah rakshas se karane ke alava koee rasta dikhaee nahin diya to sharad poornima ke din usane vivah nishchit kar diya. lekin abhi vivah ke sadhe tin phere hi pade the ki brahman ke parivar ke log a gaye aur unhonne us rakshas ko mar dala. choonki unaki ladaki ka adha vivah rakshas se ho chuka tha isaliye use bhrasht man kar unhonne use bhi mar dala isaliye tesoo aur jhanjhi ka poora vivah nahin hone diya jata hai. unhen bich men phod diya jata hai. brahman ke bhaiyon ne brahman ko bhi mar dala. isiliye naurata men mitti ke gaur banakar khela jane vala suata tesoo ke vivah ke bad us brahman pita ke pratik suata ke rup men phod diya jata hai.

dukan par bikate tesoo aur jhanjhi

tesoo ke prachalit git

1- tesoo ke bhee tesoo ke
pan paseri ke
ud ge titar rah ge mor
sadi dukariya lai ge chor
choran ke jab kheti bhee
khay dukatato moti bhee.

2-mera tesoo jhnee ada
khane ko mange dahi bada
dahi bade men panni
ghar do beta athanni
athanni achchhi hoti to dholaki banavate
dholaki ki tan apane yar ko sunate
yar ka dupatta sade sat ki nishani
dekho re loge vo ho gee divani.

3- agare ki gail men chhokari sunar ki
bhoore bhoore bal usaki nathani hazar ki
apane mahal men dholaki bajati
dholaki ki tan apane yar ko sunati
yar ka dupatata sade sat ki nishani
dakho re logo vo ho gee divani.

4- selakhadi bhee selakhadi
nau sau dibba rel khadi
ek dibba arampar
usamen baithe miyansab
miyan sab ki kali topi
kale hain kalayan ji
gaure hain gurayan ji
kood pade hanuman ji
lnka jite ram ji.

5- tesoo bhaiya bade kasaee
ankh phod bandook chalaee
sab bachchan se bhikh mngaee
daunon mar ge log lugaee.

6- tesoo re tesoo
ghntar bajeeyo
das nagari das ganv baseeyo
bas gaye titar bas gaye mor
sadi dukariya e lai gaye chor
choran ke ghar kheti
khay dukariya moti
moti hai ke dilli gayi
dilli te do billi laee
ek billi kani
sab bachchon ki nani.

7- tesoo par ek git is prakar bhi hai jo mathura men gaya jata hai

agare koo jange
char kauri lange
kauri achchhi bhi tau
tesoo men lagange
tesoo achchhau bhayo tau
gam men ghumange
gam achchhau bhayo tau
chakki lagabange
chakki achchhi bhee tau
poori pua karabange


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. dhirendr, varma “bhag- 2 par adharit”, hindi sahity kosh (hindi), 266.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah