बीन  हिन्दी देवनागरी में पढ़ें।

bin

bin ek prakar ka sngit vady hai, jisaka prayog prachin samay se hi hota a raha hai. is vady ka prayog mukhyat: bharat men sanp ka tamasha adi dikhane vale sapera log karate hain. bin koee shastriy saz nahin hai lekin ise 'lok saz' kaha ja sakata hai, kyonki isaka prayog lok sngit me hota hai ya koee samuday vishesh isaka prayog apani jivika uparjan ke lie karata hai. bin ko aksar saperon aur sanpon se joda jata hai. ab bin ka prayog karane vale bahut kam log hain. bharat ke ganvon, galiyon ya kisi chaurahe par ab mushkil se hi koee sapera bin bajata hua dikhaee deta hai. yah ek lupt hota vady hai.

vibhinn nam

yah vady poore bharatavarsh men alag-alag ilakon men alag-alag namon se jana jata hai. uttar bharat aur poorvi bharat men ise 'pungi', 'tumbi', 'nagasar' aur 'sapera bansuri' ke namon se pukara jata hai. vahin dakshin men isake 'nagasvaram', 'mahudi', 'pungi' aur 'pamabatti kuzal' nam prachalit hai. 'pungi' ya 'bin' ko sapere ki patni ka darja diya jata hai aur is saz ka vikas shuru men lok sngit ke lie kiya gaya tha.

banavat

bin ke chahe kitane bhi alag-alag nam kyon n hon, is saz ka jo gathan hai, vah lagabhag ek jaisa hi hai. isaki lambaee qarib ek se do foot tak ki hoti hai. paramparik taur par bin ek sookhi lauki se banaya jata hai, jisaka istamal eyar rizarvar ke lie kiya jata hai. isake sath bans ki naliyan lagaee jati hain, jinhen 'jivala' kaha jata hai. inamen se ek nali meladi ke lie aur doosari dron prabhav ke lie hoti hai. sabase oopar lauki ke andar ek nali dali jati hai, jo ek bansuri ke saman hoti hai jisamen sapera phoonk marata hai. vah lauki ke andar hava bharata hai. yah hava niche ke hisse men lagi do naliyon se bahar nikalati hai. in donon naliyon men ek 'biting rid' hota hai, jo dhvani utpann karata hai. pungi ya bin ko bajate samay koee vishesh mudra avashyak nahin hai. isalie ise bajane ka jo sabase prachalit tarika hai, vah hai golakar tarike se sans lena. ise angrezi men 'sarkular briding' kaha jata hai.

prayog

bin ka istemal karane valon men 'kalabeliya' sampraday ek mukhy nam hai. kalabeliya jati ek bnjara jati hai, jo prachin kal se hi ek jagah se doosare jagah par nirntar ghoomati rahati hai. jivika uparjan ke lie ye log sanpon ko pakadate hain aur unake zahar ka vyapar karate hain. shayad isi vajah se inaka jo lok nrity aur poshak hai, unamen bhi sarpon ki visheshataen dekhi ja sakati hain. kalabeliya jati ko 'sapera', 'jogira' aur 'jogi' bhi kahate hain. hindoo dharm se inaka nikat ka sambandh hai. inake poorvaj 'kanlipar' kahe jate hain, jo guru gorakhanath ke 12ven uttaradhikari the.

kalabeliya sabase zyada rajasthan ke pali, ajamer, chittaudagadh aur udayapur zilon men paye jate hain. kalabeliya nrity inaki snskriti ka ek mahattvapoorn ang hai, jisamen purush sngit ka paksh snbhalate hain. purush is paksh ko snbhalane ke lie jin sazon ka sahara lete hain, unamen shamil hain- pungi, dafali, bin, khnjari, morachng, khuralio aur dholak, jinase nartakiyon ke lie ridam utpann ki jati hai. jaise-jaise nrity age badhata hai, ridam aur tez hoti jati hai. in nartakiyon ka sharir itana lachila hota hai ki dekh kar aisa lagata hai jaise rabar ke banen hain. jis tarah se bin bajakar sanpon ko akarshit aur vash men kiya jata hai, kalabeliya ki nartakiyan bhi usi andaz men bin aur dholak ke ird-gird lahara kar nrity prastut karati hain.

filmon men prayog

bin ka prayog bahut se hindi filmi giton men bhi hota raha hai. jab bhi kabhi sanp ke vishay par film banati hai to bin ke drishy bahutayat men shamil hote hain. kabhi haramoniyam aur kleviolin se bin ki dhvani utpann ki jati hai to kabhi koee aur sinthesaizar prayog kiya jata hai. kyonki mool bin bahut zyada surila ya karnapriy nahin hota hai, isalie kisi aur saz ke prayog se bin ka prabhav laya jata hai.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah