अक्षौहिणी  हिन्दी देवनागरी में पढ़ें।

kurukshetr men khadi 'akshauhini sena

akshauhini prachin bharat men sena ka ek map hua karata tha. mahabharat ke yudgh men atharah akshauhini sena nasht ho gee thi. mahabharat yuddh ki sena ke manushyon ki snkhya kam se kam 4681920, ghodon ki snkhya[1] 2715620 aur isi anupat men gajon ki snkhya thi. is snkhya se is bat ka sahaj hi anuman lagaya ja sakata hai ki mahabharat ka yuddh kitana vinashakari tha.

akshauhini hi sena sa tada yaudhishthirn balamh .
pravishyantardadhe rajansagarn kunadi yatha ॥[2]

vibhag

kisi bhi akshauhini sena ke char vibhag hote the-

  1. gaj (hathi savar)
  2. rath (rathi)
  3. ghode (ghudasavar)
  4. sainik (paidal sipahi)

isake pratyek bhag ki snkhya ke ankon ka kul jama 18 ata hai. ek ghode par ek savar baitha hota tha. hathi par kam se kam do vyaktiyon ka hona avashyak hai, ek pilavan aur doosara ladane vala yoddha. isi prakar ek rath men do manushy aur char ghode rahe honge.[3]

sena ke bhag

ek akshauhini sena nau bhagon men bati hoti thi-

  1. patti - 1 gaj + 1 rath + 3 ghode + 5 paidal sipahi
  2. senamukh (3 x patti) - 3 gaj + 3 rath + 9 ghode + 15 paidal sipahi
  3. gulm (3 x senamukh) - 9 gaj + 9 rath + 27 ghode + 45 paidal sipahi
  4. gan (3 x gulm) - 27 gaj + 27 rath + 81 ghode + 135 paidal sipahi
  5. vahini (3 x gan) - 81 gaj + 81 rath + 243 ghode + 405 paidal sipahi
  6. pritana (3 x vahini) - 243 gaj + 243 rath + 729 ghode + 1215 paidal sipahi
  7. chamoo (3 x pritana) - 729 gaj + 729 rath + 2187 ghode + 3645 paidal sipahi
  8. anikini (3 x chamoo) - 2187 gaj + 2187 rath + 6561 ghode + 10935 paidal sipahi
  9. akshauhini (10 x anikini) - 21870 gaj + 21870 rath + 65610 ghode + 109350 paidal sipahi

ek akshauhini sena

is prakar ek akshauhini sena men hathi, rath, ghudasavar tatha sipahi ki sena nimnalikhit hoti thi-

  1. gaj - 21870
  2. rath - 21870
  3. ghudasavar - 65610
  4. paidal sipahi - 109350

isamen charon angon ke 218700 sainik barabar-barabar bnte hue hote the. pratyek ikaee ka ek pramukh hota tha.

  1. patti, senamukh, gulm tatha gan ke nayak ardharathi hua karate the.
  2. vahini, pritana, chamu aur anikini ke nayak rathi hua karate the.
  3. ek akshauhini sena ka nayak atirathi hota tha.
  4. ek se adhik akshauhini sena ka nayak samanyatah ek maharathi hua karata tha.[3]

pandavon ki sena

pandavon ke pas (7 akshauhini sena)-

  1. 153090 rath
  2. 153090 gaj
  3. 459270 ashv
  4. 765270 paidal sainik

kauravon ki sena

kauravon ke pas (11 akshauhini sena)-

  1. 240570 rath
  2. 240570 gaj
  3. 721710 ghode
  4. 1202850 paidal sainik

prachin kal ki chaturngini sena

prachin bharat men sena ke char ang hote the- hathi, ghode, rath aur paidal. jis sena men ye charon ang hote the, vah chaturngini sena kahalati thi.

mahabharat ke adiparv aur sabhaparv anusar

  • akshauhini sena men kitane paidal, ghode, rath aur hathi hote hai? isaka hamen yatharth varnan sunaiye, kyonki apako sab kuchh gyat hai[4]
  • ugrashrava ji ne kaha- ek rath, ek hathi, panch paidal sainik aur tin ghode-bas, inhin ko sena ke marmgy vidvanon ne 'patti' kaha hai॥[5]
  • is patti ki tiguni snkhya ko vidvanh purush 'senamukh' kahate hain. tin 'senamukho' ko ek 'gulm' kaha jata hai॥[6]
  • tin gulm ka ek 'gan' hota hai, tin gan ki ek 'vahini' hoti hai aur tin vahiniyon ko sena ka rahasy janane vale vidvanon ne 'pritana' kaha hai.[7]
  • tin pritana ki ek 'chamoo' tin chamoo ki ek 'anikini' aur das anikini ki ek 'akshauhini' hoti hai. yah vidvanon ka kathan hai.[8]
  • shreshth brahmano! ganit ke tattvgy vidvanon ne ek akshauhini sena men rathon ki snkhya ikkis hazar ath sau sattar (21870) batalayi hai. hathiyon ki snkhya bhi itani hi kahani chahiye.[9]
  • nishpap brahmano! ek akshauhini men paidal manushyon ki snkhya ek lakh nau hazar tin sau pachas (109350) janani chahiye.[10]
  • ek akshauhini sena men ghodon ki thik-thik snkhya painsath hazar chh: sau das (65610) kahi gayi hai.[11]
  • tapodhano! snkhya ka tattv janane vale vidvanon ne isi ko akshauhini kaha hai, jise mainne ap logon ko vistarapoorvak bataya hai.[12]
  • shreshth brahmano! isi ganana ke anusar kauravon-pandavon donon senaon ki snkhya atharah akshauhini thi.[13]
  • adbhut karm karane vale kal ki prerana se samantapanchak kshetr men kauravon ko nimitt banakar itani senaen ikatthi huee aur vahin nash ko prapt ho gayin.[14]

alaverooni ke anusar

alaverooni ne akshauhini ki pariman-snbndhi vyakhya is prakar ki hai-

  • ek akshauhini men 10 antakiniyan hoti hain.
  • ek antakini men 3 chamoo hote hain.
  • ek chamoo men 3 pritana hote hain.
  • ek pritana men 3 vahiniyan hoti hain.
  • ek vahini men 3 gan hote hain.
  • ek gan men 3 gulm hote hain.
  • ek gulm men 3 senamukh hote hain.
  • ek senamukh men 3 pnkti hoti hain.
  • ek pnkti men 1 rath hota hai.
  • shatarnj ke hathi ko 'rookh' kahate hain jabaki yoonani ise 'yuddh-rath' kahate hain. isaka avishkar ethens men 'manakalus'(mirtilos) ne kiya tha aur ethensavasiyon ka kahana hai ki sabase pahale yuddh ke rathon par ve hi savar hue the. lekin us samay ke pahale unaka avishkar ephrodisiyas (evamev) hindoo kar chuka tha, jab mahapralay ke lagabhag 900 varsh bad misr par usaka rajy tha. un rathon ko do ghode khinchate the.
  • rath men ek hathi, tin savar aur panch pyade hote hain.
  • yuddh ki taiyari, tnboo tanane aur tnboo ukhadane ke lie uparyukt sabhi ki avashyakata hoti hai.
  • ek akshauhini men 21,870 rath, 21,870 hathi, 65,610 savar aur 109,350 paidal sainik hote hain.
  • har rath men char ghode aur unaka sarathi hota hai jo banon se susajjit hota hai, usake do sathiyon ke pas bhale hote hain aur ek rakshak hota hai jo pichhe se sarathi ki raksha karata hai aur ek gadivan hota hai.
  • har hathi par usaka hathivan baithata hai aur usake pichhe usaka sahayak jo kursi ke pichhe se hathi ko ankush lagata hai; kursi men usaka malik dhanush-ban se sajjit hota hai aur usake sath usake do sathi hote hain jo bhale phenkate hain aur usaka vidooshak hauhava (?) hota hai jo yuddh se itar avasaron par usake age chalata hai.
  • tadanusar jo log rathon aur hathiyon par savar hote hain unaki snkhya 284,323 hoti hai (evamev ke anusar). jo log ghudasavar hote hain unaki snkhya 87,480 hoti hai. ek akshauhini men hathiyon ki snkhya 21,870 hoti hai, rathon ki snkhya bhi 21,870 hoti hai, ghodon ki snkhya 153,090 aur manushyon ki snkhya 459,283 hoti hai.
  • ek akshauhini sena men samast jivadhariyon- hathiyon, ghodon aur manushyon-ki kul snkhya 634,243 hoti hai. atharah akshauhiniyon ke lie yahi snkhya 11,416,374 ho jati hai arthath 393,660 hathi, 2,755,620 ghode, 8,267,094 manushy.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. rath men jute huon ko laga kar
  2. 5.49.19.0.6 udyogaparv, ekonavinshoadhyayah (19) shlok 6
  3. 3.0 3.1 akshauhini sena (hindi). . abhigaman tithi: 28 mee, 2013.
  4. akshauhinya: parimann narashvarathadantinamh.
    yathavachchaiv no broohi sarv hi viditn tav॥ sautiroovach
  5. eko ratho gajashchaiko nara: panch padatay:.
    trayashch turagastajjhai: pattirityabhidhiyate॥
  6. eko ratho gajashchaiko nara: panch padatay:.
    pattin tu trigunametamahu: senamukhn budha:.
    trini senamukhanyeko gulm ityabhidhiyate॥
  7. trayo gulma gano nam vahini tu ganastray:.
    smritastistrastu vahiny: pritaneti vichakshanai:॥
  8. chamoostu pritanastistrastistrashchamvastvanikini.
    anikinin dashagunan prahurakshauhinin budha:॥
  9. akshauhinya: prasnkhyata rathanan dvijasattama:.
    snkhya ganitatattvgyai: sahastranyekavinshati:॥
    shatanyupari chaivashtau tatha bhooyashch saptati:.
    gajanan ch parimanametadev vinirdisheth॥
  10. gyeyn shatasahastrn tu sahastrani navaiv tu.
    naranamapi panchashachchhatani trini chanagha:॥
  11. panchashashtisahastrani tathashvanan shatani ch.
    dashottarani shath prahuryathavadih snkhyaya॥
  12. etamakshauhinin prahu: snkhyatattvavido jana:.
    yan v: kathitavanasmi vistaren tapodhana:॥
  13. etaya snkhyaya hyasanh kurupandavasenayo:.
    akshauhinyo dvijashreshtha: pinditashtadashaiv tu॥
  14. sametastatr vai deshe tatraiv nidhann gata:.
    kauravanh karann kritva kalenadbhutakarmana॥

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah