खांडव वन  हिन्दी देवनागरी में पढ़ें।

khandav van ko indraprasth kaha gaya hai. khandav van ek prasiddh arany tha. mahabharat men isaka pramukhata se varnan ata hai. takshak pahale kurukshetr men, bad men khandav van men chhipakar raha tha. nagaraj takshak ki indr ne chhipane men sahayata ki thi. agni khandav ko prajvalit lapaton men lekar bhakshan karana chahata tha. usane sat bar prayatn kiya ki khandav ka bhakshan kare. brahma ne paramarsh diya ki vah krishn aur arjun ki sahayata len. krishn aur arjun ne khandav men rahane vale praniyon ko marane se roka tha. indr aur devataon ka unase sngharsh hua. lekin indr ki nahin chali. nagaraj takshak ka putr bachakar bhag gaya. asur maya ko bhi chhod diya gaya. dahit khandav van ke sabhi prani vyakul ho uthe. is khandav van dah se agni ki tripti huee.[1]

katha

shvaitaki ke ygy men nirntar barah varshon tak ghritapan karane ke uparant agni devata ko tripti ke sath-sath apach ho gaya. unhen kisi ka havishy grahan karane ki ichchha nahin rahi. svasthy ki kamana se agnidev brahma ke pas gaye. brahma ne kaha ki yadi ve khandav van ko jala denge to vahan rahane vale vibhinn jntuon se tript hone par unaki aruchi bhi samapt ho jayegi. agni ne kee bar prayatn kiya, kintu indr ne takshak nag tatha janavaron ki raksha ke hetu agnidev ko khandav van nahin jalane diya. agni punah brahma ke pas pahunche. brahma se kaha ki nar aur narayan roop men arjun tatha krishn khandav van ke nikat baithe hain, unase prarthana karen to agni apane manorath men nishchit saphal honge.

agnidev ki kamana

ek bar arjun aur krishn apani raniyon ke sath jal-vihar ke lie gaye. agnidev ne un donon ko akela pakar brahman ke vesh men jakar unase yathechchha bhojan ki kamana ki. unaki svikriti prapt kar agnidev ne apana parichay diya tatha bhojan ke roop men khandav van ki yachana ki. arjun ke yah kahane par ki usake pas vegavahan karane vala koee dhanush, amit banon se yukt tarakash tatha vegavan rath nahin hai, agnidev ne varun dev ka avahan karake gandiv dhanush, akshay tarakash, divy ghodon se juta hua ek rath[2] lekar arjun ko samarpit kiya. agni ne krishn ko bhi ek chakr samarpit kiya.

gandiv dhanush alaukik tha. vah varun se agni ko aur agni se arjun ko prapt hua tha. vah dev, danav tatha gndharvon se annt varshon tak poojit raha tha. vah kisi shastr se nasht nahin ho sakata tha tatha any lakh dhanushon ki samata kar sakata tha. usamen dharan karane vale ke rashtr ko badhane ki shakti vidyaman thi. usake sath hi agnidev ne ek akshay tarakash bhi arjun ko pradan kiya tha, jisake ban kabhi samapt nahin ho sakate the. gati ko tivrata pradan karane ke lie jo rath arjun ko mila, usamen alaukik ghode jute hue the tatha usake shikhar par ek divy vanar baitha tha. us dhvaj men any janavar bhi vidyaman rahate the, jinake garjan se dil dahal jata tha. pavak ne krishn ko ek divy chakr pradan kiya, jisaka madhy bhag vajr ke saman tha. vah manaviy tatha amanaviy praniyon ko nasht kar punah krishn ke pas laut ata tha.

khandav van ka dahan

tadanntar agnidev ne khandav van ko sab or se prajvalit kar diya. jo bhi prani bahar bhagane ki cheshta karata, arjun tatha krishn usaka pichha karate. is prakar dahit khandav van ke prani vyakul ho uthe. unaki sahayata ke lie indr samast devataon ke sath ghatanasthal par pahunche, kintu un sabaki bhi arjun tatha krishn ke sammukh ek n chali. antatogatva ve sab maidan men bhag khade hue. tabhi indr ke prati ek akashavani huee- 'tumhara mitr takshak nag kurukshetr gaya hua hai, atah khandav van dah se bach gaya hai. arjun tatha krishn 'nar-narayan' hain, atah unase koee devata jit nahin payega.' yah sunakar indr bhi apane lok ki or badhe. khandav van–dah se ashvasen, mayasur tatha char shangark namak pakshi bach gaye the. is van dah se agni dev tript ho gaye tatha unaka rog bhi nasht ho gaya.

usi samay indr marudgan adi devataon ke sath prakat hue tatha devataon ke lie bhi jo kary kathin hai, use karane vale arjun tatha krishn ko unhonne var mangane ke lie kaha. arjun ne sab prakar ke divyastron ki kamana prakat ki. indr ne kaha ki shiv ko prasann kar lene par hi divyastr prapt honge. krishn ne indr se var prapt kiya ki arjun se unaka[3] prem nity prati badhata jaye.[4]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. mahabharat, adiparv adhyay 1, 2, 61 123, 223-232, vanaparv, adhyay 48, 49, 160
  2. jis par kapidhvaj lagi thi
  3. krishn ka
  4. mahabharat adiparv,adhyay 221 se 227 tak, adhyay 233, shlok 7 se14 tak

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah