धृतराष्ट्र, पांडु व विदुर जन्म  हिन्दी देवनागरी में पढ़ें।

maharaj shantanu se vivah ke pashchath satyavati ke chitrangad aur vichitraviry namak do putr hue. shantanu ka svargavas chitrangad aur vichitraviry ke balyakal men hi ho gaya, isaliye unaka palan-poshan bhishm ne kiya. bhishm ne chitrangad ke yuva hone par unhen hastinapur ki rajagaddi par bitha diya, kintu kuchh hi kal men gandharvon se yuddh karate hue chitrangad mrityu ko prapt ho ge. is par bhishm ne unake anuj vichitraviry ko rajy saunp diya. ab bhishm ko vichitraviry ke vivah ki chinta huee.

unhin dinon kashiraj ki tin kanyaon- amba, ambika aur ambalika ka svaynvar hone vala tha. unake svaynvar men jakar akele hi bhishm ne vahan aye samast rajaon ko parast kar diya aur tinon kanyaon ka haran karake hastinapur le aye. badi kanya amba ne bhishm ko bataya ki vah apana tan-man raja shalv ko arpit kar chuki hai. usaki bat sunakar bhishm ne use raja shalv ke pas bhijava diya aur ambika tatha ambalika ka vivah vichitraviry ke sath karava diya. raja shalv ne amba ko grahan nahin kiya, usaka kahana tha ki- "vah hari huee vastu svikar nahin karata." atah vah hastinapur laut kar a gee aur bhishm se boli- "he ary! ap mujhe har kar laye hain, at: ap mujhase vivah karen." kintu bhishm ne apani pratigya ke karan usake anurodh ko svikar nahin kiya. amba rusht hokar parashuram ke pas gee aur unase apani vyatha sunakar sahayata mangi.[1]

maharshi parashuram ne amba se kaha- "he devi! ap chinta n karen, main apaka vivah bhishm ke sath karavaunga." parashuram ne bhishm ko bulava bheja, kintu bhishm unake pas nahin gaye. is par krodhit hokar parashuram bhishm ke pas pahunche aur donon viron men bhayanak yuddh chhid gaya. donon hi abhootapoorv yoddha the, isaliye har-jit ka nirnay nahin ho saka. antat: devataon ne hastakshep karake is yuddh ko rukava diya. amba nirash hokar van men tapasya karane chali gee.

vivahoparant vichitraviry apani donon raniyon ke sath bhog-vilas men rat ho gaye, kintu donon hi raniyon se unaki koee santan nahin huee aur ve kshay rog se pidit hokar mrityu ko prapt ho gaye. ab kul nash hone ke bhay se satyavati ne ek din bhishm se kaha- "putr! is vnsh ko nasht hone se bachane ke liye meri agya hai ki tum in donon raniyon se putr utpann karo." mata ki bat sunakar bhishm ne kaha- "mata! main apani pratigya kisi bhi sthiti men bhng nahin kar sakata." yah sunakar mata satyavati ko atyant duahkh hua. achanak unhen maharshi parashar se utpann apane putr vedavyas ka smaran ho aya. smaran karate hi vedavyas vahan upasthit ho gaye. satyavati unhen dekhakar bolin- "he putr! tumhare sabhi bhaee niahsantan hi svargavasi ho gaye. atah mere vnsh ko nash hone se bachane ke liye main tumhen agya deti hoon ki tum unaki patniyon se santan utpann karo." vedavyas unaki agya man kar bole- "mata! ap un donon raniyon se kah dijiye ki ve ek varsh tak niyam-vrat ka palan karate rahen, tabhi unako garbh dharan hoga."[1]

ek varsh vyatit ho jane par vedavyas sabase pahale badi rani ambika ke pas gaye. ambika ne unake tej se dar kar apane netr band kar liye. vedavyas lautakar mata se bole- "mata ambika ka bada tejasvi putr hoga, kintu netr band karane ke dosh ke karan vah andha hoga." satyavati ko yah sunakar atyant duahkh hua aur unhonne vedavyas ko chhoti rani ambalika ke pas bheja. ambalika vedavyas ko dekhakar bhay se pili pad gee. usake kaksh se lautane par vedavyas ne satyavati se kaha- "mata! ambalika ke garbh se pandu rog se grasit putr hoga." isase mata satyavati ko aur bhi duahkh hua aur unhonne badi rani ambalika ko punah vedavyas ke pas jane ka adesh diya. is bar badi rani ne svayn n jakar apani dasi ko vedavyas ke pas bhej diya.

dasi ne anandapoorvak vedavyas se bhog karaya. is bar vedavyas ne mata satyavati ke pas akar kaha- "mate! is dasi ke garbh se ved-vedant men parngat atyant nitivan putr utpann hoga." itana kahakar vedavyas tapasya karane chale gaye. samay ane par ambika ke garbh se janmandh dhritarashtr, ambalika ke garbh se pandu rog se grasit pandu tatha dasi ke garbh se dharmatma vidur ka janm hua.[1]



pichhe jaen
dhritarashtr, pandu v vidur janm
age jaen


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 1.2 mahabharat katha- bhag 2 (hindi) freegita.in. abhigaman tithi: 22 agast, 2015.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah