सत्यवती  हिन्दी देवनागरी में पढ़ें।

satyavati ek nishad kanya thi. rishi parashar se inake ek putr the jinaka nam vyas tha. ye sanvale rng ke the tatha yamuna ke bich sthit ek dvip men utpann hue the. atev ye sanvale rng ke karan 'krishn' tatha janmasthan ke karan 'dvaipayan' kahalaye. satyavati ne bad men shantanu se vivah kiya, jinase unake do putr hue, jinamen bada chitrangad yuddh men mara gaya aur chhota vichitraviry sntanahin mar gaya.

bhishm pratigya

ek din maharaj shantanu yamuna ke tat par ghoom rahe the ki unhen nadi men nav chalate huye ek sundar kanya drishtigat huee. usake ang ang se sugandh nikal rahi thi. maharaj ne us kanya se poochha, “he devi! tum kaun ho?” kanya ne bataya, “maharaj! mera nam satyavati hai aur main nishad kanya hoon.” maharaj usake roop yauvan par rijh kar tatkal usake pita ke pas pahunche aur satyavati ke sath apane vivah ka prastav kiya. is par dhinvar (nishad) bola, “rajanh! mujhe apani kanya ka apake sath vivah karane men koee apatti nahin hai parantu apako meri kanya ke garbh se utpann putr ko hi apane rajy ka uttaradhikari banana hoga.” nishad ke in vachanon ko sun kar maharaj shantanu chupachap hastinapur laut aye.

satyavati ke viyog men maharaj shantanu vyakul rahane lage. unaka sharir durbal hone laga. maharaj ki is dasha ko dekh kar devavrat ko badi chinta huee. jab unhen mantriyon ke dvara pita ki is prakar ki dasha hone ka karan gyat hua to ve tatkal samast mantriyon ke sath nishad ke ghar ja pahunche aur unhonne nishad se kaha, “he nishad! ap saharsh apani putri satyavati ka vivah mere pita shantanu ke sath kar den. main apako vachan deta hoon ki apaki putri ke garbh se jo balak janm lega vahi rajy ka uttaradhikari hoga. kalantar men meri koee santan apaki putri ke santan ka adhikar chhin n paye is karan se main pratigya karata hoon ki main ajanm avivahit rahoonga.” unaki is pratigya ko sun kar nishad ne hath jod kar kaha, “he devavrat! apaki yah pratigya abhootapoorv hai.” itana kah kar nishad ne tatkal apani putri satyavati ko devavrat tatha unake mantriyon ke sath hastinapur bhej diya.

devavrat ne apani mata satyavati ko lakar apane pita shantanu ko saunp diya. pita ne prasann hokar putr se kaha, “vats! toone pitribhakti ke vashibhoot hokar aisi pratigya ki hai jaisi ki n aj tak kisi ne kiya hai aur n bhavishy men karega. main tujhe varadan deta hoon ki teri mrityu teri ichchha se hi hogi. teri is prakar ki pratigya karane ke karan too bhishm kahalayega aur teri pratigya bhishm pratigya ke nam se sadaiv prakhyat rahegi.”

satyavati ke chitrangad aur vichitraviry namak do putr huye. jab chitrangad aur vichitraviry chhote hi the tabhi shantanu ka svargavas ho gaya tha isaliye unaka palan poshan bhishm ne kiya. bhishm ne chitrangad ke bade hone par use rajagaddi par bitha diya kintu kuchh samay bad hi vah gandharvon se yuddh karate huye mara gaya. bhishm ne usake bhaee vichitraviry ko rajy saunpane ke bad bhishm ko vichitraviry ke vivah ki chinta huee. usi samay kashiraj ki tin kanyaon, amba, ambika aur ambalika ka svaynvar hone vala tha. bhishm ne vahan jakar akele hi sabhi rajaon ko hara diya aur tinon kanyaon ka haran karake hastinapur le aye. badi kanya amba ne bhishm ko bataya ki vah raja shalv ko prem karati hai. yah sun kar bhishm ne use raja shalv ke pas bhijavaya aur ambika aur ambalika ka vivah vichitraviry ke sath karava diya.

satyavati ka duahkh

vichitraviry ki koee santan nahin huee aur ve kshay rog se pidit ho kar mrityu ko prapt ho gaye. kul ka nash hone ke bhay se mata satyavati ne bhishm se kaha, 'putr! is vnsh ko nasht hone se bachane ke liye meri agya hai ki tum in donon raniyon se putr utpann karo.' mata ka adesh sun kar bhishm ne kaha, 'mata! main apani pratigya bhng nahin kar sakata.' mata satyavati ko atyant duahkh hua. achanak unhen apane putr vedavyas ki yad ayi. yad karate hi vedavyas vahan upasthit ho gaye. satyavati ne unhen dekh kar kaha, 'putr! tumhare sabhi bhaee niahsantan hi svargavasi ho gaye. atah vnsh ka nash hone se bachane ke liye main tumhen agya deti hoon ki tum unaki patniyon se santan utpann karo.' vedavyas unaki agya man kar bole, 'mata! ap un donon raniyon se kah den ki ve ek varsh tak niyam vrat ka palan karate rahen tabhi unako garbh dharan hoga.'

dhritarashtr ka janm

ek varsh vyatit ho jane par vedavyas sabase pahale badi rani ambika ke pas gaye. ambika ne unake tez se dar kar apane netr band kar liye. vedavyas laut kar mata se bole, 'mata ambika ka bada hi tejasvi putr hoga kintu netr band karane ke dosh ke karan vah andha hoga. satyavati ko yah sun kar atyant duahkh hua.

pandu ka janm

unhonne vedavyas ko chhoti rani ambalika ke pas bheja. ambalika vedavyas ko dekh kar bhay se pili pad gee. usake kaksh se lautane par vedavyas ne satyavati se kaha,'mata! ambalika ke garbh se pandu rog se grasit putr hoga." isase mata satyavati ko aur bhi duahkh hua. unhonne badi rani ambalika ko punah vedavyas ke pas jane ka adesh diya.

vidur ka janm

is bar badi rani ne svayn n ja kar apani dasi ko vedavyas ke pas bhej diya. dasi ne anandapoorvak vedavyas se bhog karaya. is bar vedavyas ne mata satyavati ke pas a kar kaha, 'mate! is dasi ke garbh se ved-vedant men parngat atyant nitivan putr utpann hoga.' itana kah kar vedavyas tapasya karane chale gaye.

pandu ko rajapat

samay ane par amba ke garbh se janmandh dhritarashtr, ambalika ke garbh se pandu rog se grasit pandu tatha dasi ke garbh se dharmatma vidur ka janm hua. dhritarashtr, pandu aur vidur ke lalan palan ka bhar bhishm ke oopar tha. tinon putr bade hone par vidya padhane bheje gaye. dhritarashtr bal vidya men, pandu dhanurvidya men tatha vidur dharm aur niti men nipun huye. yuva hone par dhritarashtr andhe hone ke karan rajy ke uttaradhikari n ban sake. vidur dasiputr the isaliye pandu ko hi hastinapur ka raja ghoshit kiya gaya. bhishm ne dhritarashtr ka vivah gandhar ki rajakumari gandhari se kar diya. gandhari ko jab gyat hua ki usaka pati andha hai to usane svayn apani ankhon par patti bandh li.



panne ki pragati avastha
adhar
prarambhik
madhyamik
poornata
shodh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah