वन पर्व महाभारत  हिन्दी देवनागरी में पढ़ें।

mahabharat ke parv

van parv men pandavon ka vanavas, bhimasen dvara kirmir ka vadh, van men shrikrishn ka pandavon se milana, shalyavadhopakhyan, pandavon ka dvaitavan men jana, draupadi aur bhim dvara yudhishthir ko utsahit karana, indrakilaparvat par arjun ki tapasya, arjun ka kirataveshadhari shnkar se yuddh, pashupatastr ki prapti, arjun ka indralok men jana, nal-damayanti-akhyan, nana tirthon ki mahima aur yudhishthir ki tirthayatra, saugandhik kamal-aharan, jatasur-vadh, yakshon se yuddh, pandavon ki arjun vishayak chinta, nivatakavachon ke sath arjun ka yuddh aur nivatakavachasnhar, ajagararoopadhari nahush dvara bhim ko pakadana, yudhishtir se vartalap ke karan nahush ki sarpayoni se mukti, pandavon ka kamyakavan men nivas aur markandey rishi se snvad, draupadi ka satyabhama se snvad, ghoshayatra ke bahane duryodhan adi ka dvaitavan men jana, gandharvon dvara kauravon se yuddh karake unhen parajit kar bandi banana, pandavon dvara gandharvon ko hatakar duryodhanadi ko chhudana, duryodhan ki glani, jayadrath dvara draupadi ka haran, bhim dvara jayadrath ko bandi banana aur yudhishthir dvara chhuda dena, ramopakhyan, pativrata ki mahima, savitri satyavan ki katha, durvasa ki kunti dvara seva aur unase var prapti, indr dvara karn se kavach-kundal lena, yaksh-yudhishthir-snvad aur ant men agyatavas ke lie paramarsh ka varnan hai.

pandavon ka vanavas

jue ki shart ke anusar yudhishthir ko apane bhaiyon ke sath barah varsh ka vanavas tatha ek varsh ka agyatavas bitana tha. yudhishthir ne mata kunti ko vidur ke ghar pahuncha diya tatha subhadra apane putr abhimanyu aur draupadi ke panchon putron ko lekar apane mayake chali gee. pandav draupadi tatha apane purohit dhaumy ke sath van ko chal die. anek brahman unake sath chal die. brahmanon ko sath dekhakar purohit dhaumy ki salah par yudhishthir ne soory ki upasana ki aur sooryadev ne unhen ek akshayapatr diya jisaka bhojan kabhi samapt nahin hoga. us akshayapatr draupadi brahmanon ko tatha pandavon ko bhojan khilati tatha ant men khud khati.

is bich vidur dvara pandavon ki prashnsa karane par dhritarashtr ne vidur ko nikal diya, par kuchh hi dinon men vidur ki yad ane par kuchh hi dinon men vidur ko bula liya. pandav van men apana jivan bitane lage. van men hi vyasaji pandavon se mile tatha salah di ki van rahakar divyastron ki shiksha prapt karo. unhonne arjun ko salah di ki kailash parvat par jakar bhagavan pashupati se divyastr tatha indr se amogh astr bhi prapt karen.

arjun ki tapasya tatha divyastr ki prapti

vyas ki salah par arjun kailash ja pahunche. raste men unhonne dekha ki ek jatadhari vriddh tapasvi baitha hai. tapasvi ne arjun se kaha ki yah tapobhoomi hai, yahan koee astr lekar nahin chalata. arjun ne vinamr bhav se kaha men kshatriy hoon. tapasvi ke roop men ve indr the. unhonne arjun se var mangane ko kaha. arjun ne indr se divyastr manga. indr ne bataya ki pahale tum bhagavan shnkar se pashupat astr prapt karon, phir any devata bhi tumhen divyastr denge. arjun ne tapasya shuroo ki tatha panch mahine bit gaye. ek din ek jngali suar van se a nikala. arjun ne jaise hi us par ban chalane ki sochi to dekha ki ek shikari bhi us sooar par ban chalane ko taiyar hai. donon ke ban ek sath sooar ko lage. arjun ne vyadh se kaha ki jab mainne us par ban chala diya tha, to tumane us par ban kyon chalaya. vyadh hns pada aur bola ki use to mainne pahale hi nishana bana liya tha. arjun ko vyadh par krodh a gaya tatha usane vyadh par tir chala diya. par vyadh par banon ka kuchh asar n hua. arjun ne dhanush phenkakar talavar se akraman kiya, par vyadh ke sharir se takarakar talavar bhi toot gee. arjun vyadh se mall yuddh karane lage, par thak jane par achet hokar gir pade. arjun ne socha ki pahale ishtadev ki poojakar loon phir vyadh se ladoonga. vyadh ne bhi arjun se kaha-thik hai, pooja karake shakti badha lo. arjun ne pooja karake jaise hi shiv ki moorti par mala chadhaee to dekha ki vah mala vyadh ke gale men padi hai. arjun ko samajhane men der nahin lagi ki vyadh ke roop men bhagavan shnkar hi khade hain. shnkar ne prasann hokar arjun ko pashupat astr de diya aur bataya ki manushyon par isaka prayog varjit hai.

arjun ki indralok-yatra

raste men arjun ko indr ke sarathi malati rath lekar pratiksha karate dikhaee die. malati ne arjun ko bataya ki indr ne tumhen bulaya hai. vahan chalie aur asuron ka snhar kijie. indralok men sabhi devataon ne arjun ka svagat kiya tatha apane divy astron ki shiksha di. arjun ne asuron ka snhar kiya. ek rat arjun apane bhaiyon aur draupadi ke bare men soch rahe the ki svarg ki apsara urvashi unake pas akar baith gee. arjun ne urvashi ko mata kahakar snbodhit kiya kyonki ve unake guru indr ki apsara hain. main yahan shastr tatha nrity-sngit ki shiksha ke lie aya hoon. vidyarthi ka dharm bhog nahin hai. urvashi ne apane prayojan men asaphal rahane ka karan, arjun ko ek varsh tak nirviry rahane ka shap diya, par kaha ki yah shap tumhare lie varadan siddh hoga. ek varsh ke agyatavas men tum napunsak ke roop men apane ko chhipa sakoge.

anek varshon tak arjun ka samachar n milane par pandav chintit rahane lage. tabhi narad ne akar unhen bataya ki ve shighr hi maharshi lomash ke sath akar mujhase milenge. tab tak ap desh-bhraman tatha tirth-darshan kar lijie. kuchh dinon bad lomash rishi ne akar arjun ka samachar sunaya. lomash rishi ke sath pandav tirthon ke darshan karane chal die. unhonne prayas, vedatirth, gaya, gngasagar tatha prabhas tirth ke darshan kie. prabhas tirth se ve sindhu tirth hokar kashmir pahunche, yahan se ve himalay ke subahu rajy men pahunche. yahan se ve badarika ashram bhi ge.

bhim ki hanuman se bhent

ek din sahastr dalon vala ek kamal hava se udakar draupadi ke pas a gira. usane bhim se aise hi pushp lane ko kaha. bhim pushp ki talash men age badhate ge. raste men ek-sa bndar leta hua tha. bhim ne garajakar use rasta chhodane ko kaha, par bndar ne kahaa ki main buddha hoon. tumhin meri poonchh uthakar ek or rakh do. bhim ne poonchh uthane ki bahut koshish ki, par bhim se usaki poonchh hili bhi nahin. bhim hath jodakar us bndar ke age a khade hue. boodhe bndar kaha ki main ram ka das hanuman hoon. tum mere chhote bhaee ho. bhim ne hanuman se maphi mangi aur prarthana ki ki ap mere bhaee arjun ke nndighosh rath ki dhvaja par baithakar mahabharat ka yuddh dekhie. hanuman ne bhim ki yah prarthana svikar kar li. hanuman ne bhim ko kamal sarovar ka pata bhi bataya. sarovar par pahunchakar bhim ne phool todane shuroo kar die to sarovar ke rakshas yakshon ne unhen roka. bhim rakshason ko marane lage. jab sarovar ke svami kuber ko pata chala ki pandav yahan ae hain, to prasannata se vahan ke phool-phool pandavon ke pas bheje.

yahin rahakar pandav arjun ki pratiksha karane lage. kuchh samay bad akash se ek rath aya tatha arjun usamen se utare. pandavon tatha draupadi ki prasannata ki sima n rahi.

duryodhan adi ka garv haran

van men pandavon ko nicha dikhane ke lie duryodhan ne ek yojana banaee. karn, shakuni adi ke sath apani raniyon ko lekar vah van pahuncha. ek din duryodhan ki ichchha raniyon ko lekar sarovar men snan karane ki huee. sarovar ke tat par gndharvon ka raja chitrasen thahara hua tha. duryodhan ne us or ki zamin saphakarane ke lie apane adamiyon ko bheja, jinhen chitrasen dhamakakar bhaga diya. duryodhan ne sainik bheje, par chitrasen ne unhen bhi bhaga diya. karn aur shakuni ko sath lekar duryodhan gndharvon ke samane a data. chitrasen us samay snan kar raha tha. usane kaurav-sena par ban-varsha shuroo kar di. phir sammohan astr ka prayog kiya, karn ka rath kat diya, duryodhan ko pash men bandh diya aur kauravon ki raniyon ko kaid karake svarg le chala. raniyon ne bhim, arjun tatha yudhishthir ko sahayata ke lie pukara. isi samay duryodhan ke mntri ne bhi akar yudhishthir se kauravon ki vipatti ka varnan kiya tatha sahayata ki prarthana ki. bhim to prasann the, par yudhishthir ne kaha ki yah hamari pratishtha ka prashn hai. unhin ke kahane par bhim aur arjun chitrasen se bhid ge tatha mahakarshan astr dvara chitrasen ko akash se niche utarane par vivash kiya. bhim ne mahilaon ke sath duryodhan ko rath se utar liya. chitrasen aur arjun mitravat mile. duryodhan bahut lajjit tha. usane dharmaraj ko pranam kiya tatha apani rajadhani laut aya.

  • van parv ke antargat 22 (up) parv aur 315 adhyay hain. in 22 parvon ke nam hain-
  1. arany parv
  2. kirmiravadh parv
  3. arjunabhigaman parv
  4. kairat parv
  5. indralokabhigaman parv
  6. nalopakhyan parv
  7. tirthayatra parv
  8. jatasuravadh parv
  9. yakshayuddh parv
  10. nivatakavachayuddh parv
  11. ajagar parv
  12. markandeyasamasya parv
  13. draupadisatyabhama parv
  14. ghoshayatra parv
  15. mrigasvapnodbhav parv
  16. brihidraunik parv
  17. draupadiharan parv
  18. jayadrathavimoksh parv
  19. ramopakhyan parv
  20. pativratamahatmy parv
  21. kundalaharan parv
  22. araney parv


panne ki pragati avastha
adhar
prarambhik
madhyamik
poornata
shodh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah