हनुमान  हिन्दी देवनागरी में पढ़ें।

snkshipt parichay
hanuman
hanuman
any nam marooti, bajarng bali
avatar bhagavan shiv ke anshik avatar
pita kesari
mata anjani
dharm pita vayu dev
janm vivaran apsara punjikasthali (anjani nam se prasiddh) kesari namak vanar ki patni thi. vah atynt sundari thi tatha abhooshanon se susajjit hokar ek parvat shikhar par khadi thi. unake saundary par mugdh hokar vayu dev ne unaka alingan kiya. vratadharini anjani bahut ghabara gayi kintu vayu dev ke varadan se usaki kokh se hanuman ne janm liya.
vrat-var mngalavar aur shanivar
astr-shastr gada
sndarbh grnth valmiki ramayan, shiv puran, pum charit
snbndhit lekh hanuman jayanti, hanuman chalisa, bajarng ban, arati, hanumanashtak
any janakari ramabhakton dvara snan dhyan, bhajan-poojan aur samoohik pooja men hanuman chalisa aur hanuman ji ki arati ke vishesh ayojan kiya jata hai.

hanuman hindoo dharm men bhagavan shriram ke anany bhakt aur bharatiy mahakavy ramayan men sabase mahatvapoorn pauranik charitr hain. valmiki ramayan ke anusar hanuman ek vanar vir the. (vastav men vanar ek vishesh manav jati hi thi, jisaka dharmik lanchhan (chihn) vanar athava usaki langal thi. pura kathaon men yahi vanar (pashu) roop men varnit hai.) bhagavan ram ko hanuman rishyamook parvat ke pas mile the. hanuman ji ram ke anany mitr, sahayak aur bhakt siddh hue. sita ka anveshan (khoj) karane ke lie ye lnka ge. ram ke dauty (sandesh dena, doot ka kary) ka inhonne adbhut nirvah kiya. ram-ravan yuddh men bhi inaka parakram prasiddh hai. valmiki ramayan sundar kand[1] ke anusar lnka men samudratat par sthit ek 'arisht' namak parvat hai, jis par chadhakar hanuman ne lnka se lautate samay, samudr ko kood kar par kiya tha. ramavat vaishnav dharm ke vikas ke sath hanuman ka bhi daivikaran hua. ve ram ke parshad aur pun: poojy dev roop men many ho gaye. dhire-dhire hanumnt athava marooti pooja ka ek sampraday hi ban gaya. 'hanumatkalp' men inake dhyan aur pooja ka vidhan paya jata hai. ramabhakton dvara snan dhyan, bhajan-poojan aur samoohik pooja men hanuman chalisa aur hanuman ji ki arati ke vishesh ayojan kiya jata hai.

janmakatha

apsara punjikasthali (anjani nam se prasiddh) kesari namak vanar ki patni thi. vah atynt sundari thi tatha abhooshanon se susajjit hokar ek parvat shikhar par khadi thi. unake saundary par mugdh hokar vayu dev ne unaka alingan kiya. vratadharini anjani bahut ghabara gayi kintu vayu dev ke varadan se usaki kokh se hanuman ne janm liya.[2] janm lene ke bad hanuman ne akash men chamakate hue soory ko phal samajha aur udakar lene ke lie akash-marg men gaye. marg men unaki takkar rahu se ho gayi. rahu ghabaraya hua indr ke pas pahuncha aur bola- 'he indr, tumane mujhe apani kshudha ke samadhan ke lie soory aur chndrama die the.
hanuman ram aur lakshman ko le jate hue

aj amavasya hai, at: main soory ko grasane gaya tha, kintu vahan to koee aur hi ja raha hai.' indr kruddh hokar airavat par baithakar chal pade. rahu unase bhi pahale ghatanasthal par gaya. hanuman ne use bhi phal samajha tatha usaki or jhapate. usane indr ko avaz di. tabhi hanuman ne airavat ko dekha. use aur bhi bada phal janakar ve pakadane ke lie badhe. indr ne kruddh hokar apane vajr se prahar kiya, jisase hanuman ki bayin thodi toot gayi aur ve niche gire. yah dekhakar pavanadev hanuman ko uthakar ek gufa men chale gaye. snsar-bhar ki vayu unhonne rok li. log vayu ke abhav se pidit hokar marane lage. manushy-roopi praja brahma ke pas gayi. brahma vibhinn devataon ko lekar pavanadev ke pas pahunche. unake sparshamatr se hanuman thik ho gaye. sath ae devataon se brahma ne kaha- 'yah balak bhavishy men tumhare lie hitakar hoga. at: ise anek varadanon se vibhooshit karo.'

varadan

  • indr ne prasannata se svarn ke kamal ki mala dekar kaha- 'mere vajr se isaki hanu tooti hai, at: yah hanuman kahalayega. mere vajr se yah nahin marega.'
  • soory ne apana saunva bhag hanuman ko de diya aur bhavishy men sab shastr padhane ka uttaradayitv liya.
  • yam ne use apane dnd se abhay kar diya ki vah yam ke prakop se nahin mar payega.
  • varun ne das lakh varsh tak varshadi men nahin marane ka var diya.
  • kuber ne apane astr-shastron se nirbhay kar diya.
  • mahadev ne kisi bhi astr se n marane ka var diya.
  • brahma ne hanuman ko dirghayu bataya aur brahmastr se n marane ka var diya. sath hi yah var bhi pradan kiya ki vah ichchhanusar roop dharan karane men samarth hoga.
  • vishvakarma ne apane banaye astr-shastron se use nirbhay kar diya.[3]

var-prapti ke uparant hanuman uddhat bhav se ghoomane lage. ygy karate hue muniyon ki samagri bikher dete ya unhen tng karate. pita vayu aur kesari ke rokane par bhi ve rukate nahin the. angira aur bhriguvnsh men utpann rishiyon ne kruddh hokar unhen shap diya ki ye apane bal ko bhool jayen. jab koee unhen phir se yad dilae tab unaka bal badhe.[4]

hanuman mndir, knkali tila, mathura

anjani ka krodh

anjani ne hanuman namak putr vanar roop men dekha to use shiv ke roop se bhinn janakar vah pavan dev se rusht ho gayi. usane hanuman ko shikhar se niche phenk diya. usake girane se parvat choor-choor ho gaya. dharati kanpi, sab vyakul ho gaye. hanuman ne prithvi par girakar akash men soory ugata dekh use nigalana chaha. rahu bhag gaya. hanuman indr ki or bhi jhapata. indr ne us par prahar kiya. shiv ne akashavani men bataya ki vah unaka putr hai, use samast devataon ke var prapt hain. pavan ne anjani ko sab kah sunaya aur balak thama diya. hanuman ne soory se vidya sikhi aur guru-dakshinasvaroop yah vachan diya ki vah soory-putr sugriv ka sath dega.[5]

ramakatha men hanuman

ram aur hanuman

sita-haran ke uparant ram ravan se yuddh karane ki taiyari men lag gaye. sugriv ki vanar sena ne ram ka poora sath diya. surasa ramayan ke anusar samudr men rahane vali nagamata thi. sitaji ki khoj men samudr par karane ke samay surasa ne rakshasi ka roop dharan kar hanuman ka rasta roka aur unhen kha jane ke lie uddhat huee. samajhane par jab vah nahin mani, tab hanuman ne apana sharir usase bhi bada kar liya. jaise-jaise surasa apana munh badhati jati, vaise-vaise hanuman sharir badhate jate. bad men hanuman ne achanak hi apana sharir bahut chhota kar liya aur surasa ke munh men pravesh karake turnt hi bahar nikal aye. surasa ne prasann hokar hanuman ko ashirvad diya tatha unaki saphalata ki kamana ki. surasa ka samana karane ke bad ramabhakt hanuman sitaji ki khoj ke lie age badh gaye.
ramachndr ne hanuman ko apana doot banakar lnka nagari men ravan ke pas bheja. lnka ke nikat pahunchakar hanuman ne bahut chhota roop dharan kiya tatha ratri ke andhakar men usamen pravesh kiya. lnka ek bhaynkar nari ka roop dharan karake hanuman ke pas pahunchi aur boli- 'main is nagari ki raksha karati hoon, tum mujhe parast kiye bina isamen pravesh nahin pa sakate.' sath hi lnka ne hanuman ke munh par ek chapat lagayi. hanuman ne use nari janakar ek halka-sa ghoonsa mara kintu vah gir padi aur parast ho gayi. tadanntar atynt mudit bhav se boli-'mujhe brahma ne varadan diya tha ki jab koee vanar akar tumhen parast kar dega tab samajh lena, rakshason ka nash ho jayega. ravan ne sita-haran ke dvara rakshason ke nash ko amantrit kiya hai. tum sita ko jakar dhoondho.'

sitaji se bhent

hanuman ne ashokavatika men sita ko ram ka sndesh diya tatha lnka nagari men utpat khada kar diya.[6] anek rakshason ko parast karake hanuman ne apani virata ka pradarshan kiya. ant men ravan ne meghanad ko bheja. meghanad ne brahmastr ka prayog karake hanuman ko bandh liya tatha use ravan ke pas le gaya. ravan ne pahale to hanuman ko mrityudnd dene ka vichar kiya kintu vibhishan ke yah sujhane par ki kisi ke doot ko marana uchit nahin hai, ravan ne unaki poonchh jalavakar chhod diya. jalati huee poonchh se hanuman ne samast lnka jala dali, phir sita ko pranam karake, samudr par karake angad ke pas pahunche. ram-ravan ke pratyaksh yuddh men bhi hanuman ka advitiy yogadan tha. yuddhakshetr men shatruon ke nash aur mitron ki paricharya men vah saman roop se dattachitt rahate the.[7]

snjivani aushadhi

snjivani le jate hue hanuman

ek bar yuddh karate samay meghanad ne yuddhasthal men brahmastr ka prayog kiya. usase adhikansh vanar sena tatha ram-lakshman moorchchhit hokar gir gaye. meghanad prasannatapoorvak lnka men laut gaya. vibhishan aur hanuman janbavan ko dhoondhane lage. ghayal janbavan ne vibhishan ko dekhate hi hanuman ka kushal-kshem poochha. vibhishan ke yah poochhane par ki apane ram-lakshman, sena adi sabako chhodakar hanuman ke vishay men hi kyon poochha to janbavan ne uttar diya ki hanuman hi ek matr aise vyakti hain jo himalay se aushadhi la sakate hain, jo sabake jivan ki raksha karane men samarth hai. tadanntar janbavan ne aushadhiparvat ka marg tatha aushadhiyon ki pahachan batalayi. usane mrit snjivani, vishalyakarani, savarnyakarani tatha sndhanakarani namak char aushadhiyan lane ke lie kaha. hanuman ne avilnb prasthan kiya. aushadhi parvat par pahunchakar hanuman ne dekha ki aushadhiyan vilupt ho gayin, at: dikhani bnd ho gayin. unhonne kruddh hokar aushadhi parvat ka shikhar utha liya aur udate hue vanar sena tatha ram-lakshman ke nikat pahunche. parvat se aisi sungadh a rahi thi ki ram aur lakshman uth baithe. yuddh ke karan jitane bhi vanar mritapray pade the, ve sabhi us gndh se uth baithe, kintu rakshason ko unase koee labh nahin hua kyonki mritakon ke sammanarth un sabhi rakshason ko samudr men phenk diya gaya tha jo yuddh men mare gaye the. tadanntar hanuman us parvat-shring ko pun: parvat par rakh aye.[8]unhonne ramachndr ki sahayata ki. ravan shiv-bhakt the kintu ram ne shiv ki agya grahan karake hi ravan ka nash kiya. shiv ki bhakti se madamast hokar ravan ne ek bar kailash parvat ko ukhad liya tha, phalat: rusht hokar shiv ne shap diya tha- 'koee manushy tumhara nash karega.' isi karan ravan kumargagami ho gaya tha.

pum charit ke anusar

vishal kay hanuman, sngrahalay mathura

varun se ravan ke yuddh men ravan ki or se hanuman ne yuddh kiya tatha usake samast putron ko bndi bana liya. varun ne apani putri satyavati ka tatha ravan ne apani duhita anngakusuma ka vivah hanuman se kar diya. sita-haran ke sndarbh men khar dooshan-vadh ka samachar lekar rakshas-doot hanuman ki sabha men pahuncha to ant:pur men shok chha gaya. anngakusuma moorchchhit ho gayi. tabhi sugriv ke doot ne vahan pahunchakar kritrim sugriv (sahasagati) ke vadh ka samachar diya tatha kaha ki sugriv ne hanuman ko bulaya hai. hanuman ne ram ke pas pahunchakar kritgyta-gyapan kiya tatha kritgytavash shriram ka sath dene ka nishchay kiya. vah rakshas samuday ko shant karake sita ko ram se milane ke lie chal pade. marg men mahendr adi ko ram ki sahayatarth pahunchane ke lie kahate gaye. sasainy hanuman ne lnka men pahunchakar vibhishan ko prerit kiya ki vah ravan ko nar-nari sng se bachane ke lie kahe. vibhishan pahale bhi prayatn kar chuka tha tathapi usane phir se ravan se bat karane ki thani. hanuman ne ramapradatt mudrika sita ko di. ram ki virahajany vyatha batakar tatha sita ko n ghabarane ka sndesh dekar hanuman ne sita ka diy. hanumanaji ne sita ko ram ka kushal-kshem sunakar bhojan karane ke lie taiyar kiya. hanuman ki kulakanyaon ne bhojan prastut kiya. tadanntar hanuman ne sita se kaha- "ap mere kndhe par chadh jaiye, main ap ko rat tak pahuncha deta hoon." sita ne par-purush ka sparsh karana uchit n samajhakar aisa nahin kiya aur ram tak yah sndesh pahunchane ke lie kaha ki ve apane poorv vir krityon ka smaran kar sita ko chhuda le jayen. ravan ko hanuman ke nndan van men pahunchakar sita se bat karane ka samachar mila to usane use pakad lane ke lie sevakon ko bheja. hanuman ne nndan van ke vriksh tod-tadakar unhen mara-pita. lnka ko tahas-nahas karake vah ravan ke pas pahuncha. ravan ke kahane se use jnjiron se bandh diya gaya. hanuman un bndhanon ko todakar kishkindhapuri ki or chal diye. ram-lakshman ko sita ka sndesh dekar pavan-putr ne apane sahayogiyon ko ekatr kiya tatha ram ne sabha mndal ko sndesh bheja.[9]


panne ki pragati avastha
adhar
prarambhik
madhyamik
poornata
shodh

vithika

tika tippani aur sndarbh

  1. sundar kand va. ra. 56,26
  2. valmiki ramayan, kishkindha kand, 66.8-40
  3. valmiki ramayan, uttar kand, 35.14-34 / 36.1-27.–
  4. valmiki ramayan, uttar kand, 36.28-37
  5. shiv puran, 7.33-43
  6. valmiki ramayan, sundar kand, 3.19-51
  7. valmiki ramayan, sundar kand, sarg 48-57
  8. valmiki ramayan, yuddh kand 73.68-74, 74.–
  9. pum charit, 19.-, 49-50.–52-55

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah