सुरसा  हिन्दी देवनागरी में पढ़ें।

surasa
surasa ke mukh men pravesh karate hanuman
vivaran 'surasa' ramayan ke anusar samudr men rahane vali nagamata thi. sita ki khoj men gaye hanuman ka rasta surasa ne roka tha aur unhen khane ko udyrit huee.
sandarbh grnth ramayan
vishesh svarg ke devataon ne hanuman ki bal-buddhi adi ki vishesh pariksha lene ke lie hi nagamata surasa ko bheja tha.
snbndhit lekh hanuman, ramayan
adyatan‎ surasa hanuman ko nigalane ke lie jaise-jaise apane mukh ka akar badhati jati, vaise hi hanuman bhi apana akar duguna karate jate the.

surasa ramayan ke anusar samudr men rahane vali nagamata thi. sitaji ki khoj men samudr par karane ke samay surasa ne rakshasi ka roop dharan kar hanuman ka rasta roka tha aur unhen kha jane ke lie uddhat huee thi. samajhane par jab vah nahin mani, tab hanuman ne apana sharir usase bhi bada kar liya. jaise-jaise surasa apana munh badhati jati, vaise-vaise hanuman sharir badhate jate. bad men hanuman ne achanak hi apana sharir bahut chhota kar liya aur surasa ke munh men pravesh karake turnt hi bahar nikal aye. surasa ne prasann hokar hanuman ko ashirvad diya tatha unaki saphalata ki kamana ki.[1]

mainak ka agrah

shriram ke bhakt hanuman ko akash men bina vishram lie lagatar udate dekh kar samudr ne socha ki yah prabhu shriram ji ka kary poora karane ke lie ja rahe hain. kisi prakar thodi der ke lie vishram dilakar inaki thakan door karani chahie. at: samudr ne apane jal ke bhitar rahane vale mainak parvat se kaha- "mainak! tum thodi der ke lie oopar uth kar apani choti par hanuman ko bitha kar unaki thakan door karo." samudr ka adesh pakar mainak prasann hokar hanuman ji ko vishram dene ke lie turant unake pas a pahuncha. usane unase apani sundar choti par vishram ke lie nivedan kiya. usaki baten sunakar hanuman ne kaha- "mainak! tumhara kahana thik hai, lekin bhagavan shriramachndr ji ka kary poora kie bina mere lie vishram karane ka koee prashr hi nahin uthata." aisa kah kar unhonne mainak ko hath se chhookar pranam kiya aur age chal die.

hanuman ki pariksha lena

hanuman ko tivr gati se lnka ki or prasthan karate dekh kar devataon ne socha ki yah ravan jaise balavan rakshas ki nagari men ja rahe hain. at: inake bal-buddhi ki vishesh pariksha kar lena is samay atynt avashyak hai. yah sochakar unhonne nagon ki mata surasa se kaha- "devi surasa! tum hanuman ke bal-buddhi ki pariksha lo." devataon ki bat sunakar surasa turant ek rakshasi ka roop dharan kar hanuman ke samane ja pahunchi. usane unaka marg rokate hue kaha- "vanaravir! devataon ne aj mujhe tumako apana ahar banane ke lie bheja hai." usaki baten sunakar hanuman ne kaha- "mata! is samay main prabhu shriram ke kary se ja raha hoon. unaka kary poora karake mujhe laut ane do. usake bad main svayn hi akar tumhare munh men pravisht ho jaoonga. is samay tum mujhe mat roko, yah tumase meri prarthana hai." is prakar hanuman ne surasa se bahut prarthana ki, lekin vah kisi prakar bhi unhen jane nahin de rahi thi. ant men hanuman ne kruddh hokar kaha- "achchha to lo tum mujhe apana ahar banao."

surasa ka ashirvad

hanuman ke aisa kahate hi surasa apana munh solah yojan tak phailakar unaki or badhi. hanuman ne turant apana akar usase doguna arthat 32 yojan tak badha liya. is prakar jaise-jaise vah apane mukh ka akar badhati gee, hanuman apane sharir ka akar usaka doguna karate ge. ant men usane apana munh phailakar 100 yojan tak chauda kar liya. tab hanuman turant atynt chhota-sa roop dharan karake usake us 100 yojan chaude munh men ghus kar turnt bahar nikal ae. unhonne akash men khade hokar surasa se kaha- "mata! devataon ne tumhen jis kary ke lie bheja tha, vah poora ho gaya hai. ab main bhagavan shri ramachndr ji ke kary ke lie apani yatra pun: age badhata hoon." surasa ne tab unake samane apane vastavik roop men prakat hokar kaha- "mahavir hanuman! devataon ne mujhe tumhare bal aur buddhi ki pariksha lene ke lie hi yahan bheja tha. tumhare bal-buddhi ki samanata karane vala tinon lokon men koee nahin hai. tum shighr hi bhagavan shriramachndr ji ke sare kary poorn karoge. isamen koee sndeh nahin hai. aisa mera ashirvad hai."


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. ramacharitamanas, sundarakand, 1|1 se 2.

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah