ध्रुव  हिन्दी देवनागरी में पढ़ें।

dhruv ji mandir, madhuvan
Dhruva Ji Temple, Madhuvan
Disamb2.jpg dhruv ek bahuvikalpi shabd hai any arthon ke lie dekhen:- dhruv (bahuvikalpi)

uttanapad ki suniti aur suruchi namak do bharyayen thin . raja uttanapad ke suniti se dhruv tatha suruchi se uttam namak putr utpann huye . yadyapi suniti badi rani thi kintu raja uttanapad ka prem suruchi ke prati adhik tha . ek bar uttanapad dhruv ko god men liye baithe the ki tabhi chhoti rani suruchi vahan aee . apane saut ke putr dhruv ko raja ke god men baithe dekh kar vah eershya se jal uthi . jhapatakar usane dhruv ko raja ke god se khinch liya aur apane putr uttam ko unaki god men baithate huye kaha-

"re moorkh! raja ki god men vah balak baith sakata hai jo meri kokh se utpann hua hai . too meri kokh se utpann nahin hua hai is karan se tujhe inaki god men tatha rajasinhasan par baithane ka adhikar nahin hai . yadi teri ichchha raj sinhasan prapt karane ki hai to bhagavan narayan ka bhajan kar . unaki kripa se jab too mere garbh se utpann hoga tabhi rajapad ko prapt kar sakega ."

panch varsh ke balak dhruv ko apani sauteli mata ke is vyahar par bahut krodh aya par vah kar hi kya sakata tha ? isaliye vah apani man suniti ke pas jakar rone laga . sari baten janane ke pashchath suniti ne kaha-

"beta dhruv! teri sauteli man suruchi se adhik prem hone ke karan tere pita ham logon se door ho gaye hain . ab hamen unaka sahara nahin rah gaya hai . too bhagavan ko apana sahara bana le . sampoorn laukik tatha alaukik sukhon ko dene vale bhagavan narayan ke atirikt tumhare duahkh ko door karane vala aur koee nahin hai . too keval unaki bhakti kar ."

mata ke in vachanon ko sun kar dhruv ko kuchh gyan utpann hua aur vah bhagavan ki bhakti karane ke liye pita ke ghar ko chhod kar chal diya . marg men usaki bhent devarshi narad se huee . narad muni ne use vapas jane ke liye samajhaya kintu vah nahin mana . tab usake dridh snkalp ko dekh kar narad muni ne use 'Om namo bhagavate vasudevay' mantr ki diksha dekar use siddh karane ki vidhi samajha di . balak ke pas se devarshi narad raja uttanapad ke pas aye .

dhruv kund, madhuvan
Dhruva Kund, Madhuvan

raja uttanapad ko dhruv ke chale jane ke bad pachhatava ho raha tha . narad muni ka vidhivath poojan tatha adar satkar karane bad ve bole-

" he devarshi! main bada nich tatha nirdayi hoon . mainne stri ke vash men hokar apane panch varsh ke chhote se balak ko ghar se nikal diya . ab apane is krity par mujhe atynt pachhatava ho raha hai ."

aisa kahate huye unake netron se ashru bahane lage . narad ji ne raja se kaha-

" rajanh! ap us balak ki tanik bhi chinta mat kijiye . jisaka rakshak bhagavan hain usaka koee bal bhi banka nahin kar sakata . vah bada prabhavashali balak hai . bhavishy men vah apane yash ko sari prithvi par phailayega . usake prabhav se tumhari bhi kirti is snsar men phailegi ."

narad ji ke in vachanon se raja uttanapad ko kuchh santvana mili . udhar balak dhruv ne yamuna ji ke tat par madhuvan men jakar 'Om namo bhagavate vasudevay' mantr ke jap ke sath bhagavan narayan ki kathor tapasya ki . atyant alpakal men hi usaki tapasya se bhagavan narayan ne prasann hokar use darshan dekar kaha-

" he rajakumar! main tere antahkaran ki bat ko janata hoon . teri sabhi ichchhayen poorn hongi . teri bhakti se prasann hokar main tujhe vah lok pradan karata hoon jisake charon or jyotishchakr ghoomata rahata hai tatha jisake adhar par yah sare grah nakshatr ghoomate hain . pralayakal men bhi jisaka nash nahin hota . saptarshi bhi nakshatron ke sath jisaki pradakshina karate rahate hain . yakshon ke dvara mara javega aur usaki mata suruchi putr virah ke karan davanal men bhasm ho javegi . samast prakar ke sarvottam aishvary bhog kar ant samay men too mere lok ko prapt karega ."

balak dhruv ko aisa varadan dekar bhagavan narayan apane lok ko chale gaye.

snbndhit lekh


varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah