हरिश्चंद्र  हिन्दी देवनागरी में पढ़ें।

raja harishchndr rajy khone ke bad apani patni aur putr ko bechate hue
chitrakar- raja ravi varma

satyavadi raja harishchndr pauranik grnthon ke adhar par dharmik, satyapriy tatha nyayi raja the. raja harishchndr ne vishvamitr ko diye apane vade ko nibhane ke lie apani patni aur putr ko bech dala.

vibhinn grnthon men ullekh

markandey puran[1]

raja harishchndr dharmik, satyapriy tatha nyayi the. ek bar unhonne striyon ka arttanad suna. ve raksha ke lie pukar rahi thin. harishchndr ne unaki raksha ke nimitt pag padhaya to usake hriday men vighnaraj (snpoorn karyon men badha svaroop) ne pravesh kiya, kyonki vah arttanad un vidhaon ka hi tha, jinaka vishvamitr adhyayan karate the. maun aur atmasnyam se jin vidhaon ko ve pahale siddh nahin kar paye the, vah nari-roop men unake bhay se pidit hokar ro rahi thin. rudrakumar vighnaraj ne unaki sahayata ke nimitt hi raja ke hriday men pravesh kiya tha. harishchndr ne abhimanapoorvak kaha—'vah kaun papatma hai jo hamare rajy men kisi ko sata raha hai?' vishvamitr ne usake abhiman se rusht hokar usase poochha—'dan kise dena chahie? kisaki raksha karani chahie aur kisase yuddh karana chahie?' raja ne tinon prashnon ke uttar kramash: ye diye:

  1. brahman athava ajivika vihin ko,
  2. bhayabhit prani ko
  3. shatru se.

vishvamitr ne brahman hone ke nate raja se usaka samast danasvaroop le liya. tadanntar use us rajy ki simaen chhodakar chale jane ko kaha aur yah bhi kaha ki ek mah ke uparant harishchndr unake rajasooy ygy ke lie dikshasvaroop dhan (dakshina) bhi pradan kare. raja apani patni taramati (shaivya) tatha putr rohitashv ko sath le paidal hi kashi ki or chal diya. taramati dhire-dhire chal rahi thi, atah kruddh muni ne us par dnde se prahar kiya. kalantar men ve log kashi pahunche. vahan vishvamitr dakshina lene ke nimitt pahale se hi vidyaman the. koee aur marg n dekh raja ne shaivya aur rohitashv ko ek brahman ke hathon bech diya. dakshina ke lie dhan paryapt n hone ke karan svayn chandal ke hathon bik gaya. vastav men dharm ne hi chandal ka roop dharan kar rakha tha. harishchndr ka kary shavon ke vastr adi ekatr karana tha. use shmashan bhoomi men hi rahana bhi padata tha. kuchh samay uparant kisi sarp ne rohitashv ka dnshan kar liya. usaka shav lekar shaivya shmashan pahunchi. harishchndr aur shaivya ne paraspar pahachana to apane-apane kasht ki gatha kah sunayi. tadanntar chita taiyar karake balak rohitashv ke sath hi harishchndr aur shaivya ne atmadah ka nishchay kar kiya. dharm ne prakat hokar unhen pran tyagane se roka.

indr ne prakat hokar prasannatapoorvak unhen svarg-lok chalane ke lie kaha kintu chandal ki agya ke bina harishchndr kahin bhi jane ke lie taiyar nahin tha. rohitashv chita se jita-jagata uth khada hua. dharm ne bataya ki usi ne chandal ka roop dharan kiya tha. taduparant vishvamitr ne prasann hokar rohitashv ko ayodhya ka raja ghoshit kar usaka rajy-tilak kiya. raja harishchndr ne shaivya tatha apane rajy ke any anek vyaktiyon sahit svarg ke lie prasthan kiya.

harishchndr ke purohit vasishth the. ve barah varsh tak jal men rahane ke bad bahar nikale to harishchndr ke aihik kasht tatha svarg gaman ke vishay men sunakar bahut kruddh hue. unhonne vishvamitr ko tiryak-yoni prapt karane ka shap diya. vishvamitr ne bhi vasishth ko vahi shap diya, dono ne kramashah chil aur bagule ka roop prapt kiya. ve donon paraspar ladane lage, jisase samast prithvi tahas-nahas hone lagi. brahma ne donon ka pakshi-roop vapas le liya aur unhen shant kar phir se mitrata ke sootr se abaddh kiya.

devi bhagavat[2]

ek bar indralok men vishvamitr vasishth se mile. vishvamitr ne unase poochha ki unhen indralok pahunchane ka puny kaise prapt hua. vasishth ne kaha—'harishchndr atynt satyavadi hain—unhin ke punyon se indralok ki prapti huee hai.' vishvamitr ne shesh ghatana ko smaran karake harishchndr ko mithyavadi kaha. ghar lautakar unhonne apana kathan siddh karane ka nishchay kiya. ek din raja mrigaya ke lie van gaye, vahan ek sundari ro rahi thi. usase gyat hua ki vah siddhirupini thi. use prapt karane ke lie vishvamitr ghor tap kar rahe the, atah vah klesh pa rahi thi. raja ne usaka duahkh harane ke lie vishvamitr ko tapasya chhodane ke lie kaha.

vishvamitr tapasya bhng hone se bahut kruddh ho uthe. unhonne ek bhnyakar danav ko shookar ka roop dekar raja ke rajy men bheja. praja ke tras ki nivriti ke lie raja dhanush-van lekar usaka pichha karate hue jngal men gnga tatiy ek tirth sthan par pahunch gaye. nagar ka marg poochhate hue raja ko vishvamitr ne tirthasthan karane ke lie prerit kiya. tadanntar dakshina svaroop apane mayavi putr ke vivah men raja ne samast rajy dene ko kaha. raja dan dene ke lie pratigyabaddh the. atah unhonne rajy pradan kiya. vishvamitr ne brahman ke roop hi phir dhaee bhar svarn ki dakshina mangi. raja ne dakshina dena ka vayada to kar liya kintu ab usake pas svarn athava mudra nahin thi. atah usane patni ke kahane par use bechane ka nishchay kiya.

vishvamitr ne ek boodhe brahman ka roop dharakar usaki patni tatha balak rohitashv ko kharid liya tatha ek chandal ke hathon raja ko bechakar paryapt mudra prapt kar li. chandal ka nam virabahu tha. usane raja ko shmashan men mrit vyaktiyon ke vastr lene ke lie niyukt kar diya. ek din rohitashv bachchon ke sath khel raha tha. sanp ke dns lene se usaka nidhan ho gaya. man atynt dinahin sthiti men vilap karane lagi. nagar ke log ekatr ho gaye. unake parichay poochhane par usane koee uttar nahin diya, atah sabane use mayavi rakshasi janakar chandal se kaha ki usaka vadh kar de. chandal ne pashabaddh karake harishchndr ko vadh karane ke nimitt bulaya.

shaivya ne apane putr ka dah-snskar karane tak use rukane ke lie kaha. rohitashv ko dekhane kie uparant raja ne rani ko tatha shaivya ne chandal veshi raja ko pahachana. donon ne vilap karate hue balak ka shav chita par rakha. tabhi indr, vishnu tatha vishvamitr sahit samast devataon ne vahan prakat hokar un donon ko sahanashilata ki sarahana ki. dharm ne harishchndr ko svarg pradan kiya. raja chandal se agya lena nahin bhoole. dharm ne kaha—'vastav men tumhari pariksha lene ke lie mainne hi brahman, chandal tatha sarp ka roop dharan kiya tha.' unake ashirvad se rohitashv bhi punarjivit ho utha. raja ke kahane se usaki samast praja ko bhi svarg ki prapti huee.

mahabharat[3]

ikshvaku vnsh men trishnku namak raja tatha unaki patni satyavati ke putr ka nam harishchndr tha. harishchndr ne samast prithvi ko jitakar rajasooy ygy kiya.


tika tippani aur sndarbh

  1. markandey puran, 7-9-
  2. devi bhagavat,7 . 17-27
  3. mahabharat, sabhaparv, 12|10-19

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah