सत्यवान  हिन्दी देवनागरी में पढ़ें।

Disamb2.jpg satyavan ek bahuvikalpi shabd hai any arthon ke lie dekhen:- satyavan (bahuvikalpi)
snkshipt parichay
satyavan
satyavan aur savitri
pita raja dyumatsen
samay-kal pauranik
vivah savitri
shasan-rajy shalv
any vivaran alpayu hone ke karan satyavan ki mrityu ho gee, parntu savitri ne apane pativraty dharm ke bal se yamaraj ko prasann karake pati ko pun: jivit kar liya. satyavan ka nam savitri ke karan hi prasiddh hai.
snbndhit lekh savitri, yamaraj, dyumatsen, narad
any janakari savitri aur satyavan ki katha sabase pahale mahabharat ke vanaparv men milati hai, jab yudhishthir marakandey rishi se poochhate hain ki kya kabhi koee aur stri thi, jisane draupadi jitana bhakti pradarshit ki?

satyavan shalv desh ke raja dyumatsen ke putr the. inaki patni savitri ke pativraty dharm ki katha puranon men prasiddh hai. inake pita andhe hone ke karan rajagaddi se utar diye ge the. at: parivar sahit raja dyumatsen van men nivas karate the. madr desh ke raja ashvapati ne apani putri savitri ka vivah satyavan se kar diya tha. alpayu hone ke karan satyavan ki mrityu ho gee, parntu savitri ne apane pativraty dharm ke bal se yamaraj ko prasann karake pati ko pun: jivit kar liya. satyavan ka nam apani patni savitri ke karan hi prasiddh ho gaya. savitri ki tapasya se satyavan ki ayu char sau varsh ho gee.[1] savitri aur satyavan ki katha sabase pahale mahabharat ke vanaparv men milati hai, jab yudhishthir marakandey rishi se poochhate hain ki kya kabhi koee aur stri thi, jisane draupadi jitana bhakti pradarshit ki?

katha

savitri ka janm

puran varnit kathanusar- madr desh ke raja ka nam ashvapati tha. unake koee bhi santan n thi, isaliye unhonne santan prapti ke liye savitri devi ki badi upasana ki, jisake phalasvaroop unaki ek atyant sundar kanya utpann huee. savitri devi ki kripa se utpann us kanya ka nam ashvapati ne savitri hi rakh diya.[2]

vivah hetu savitri dvara satyavan ka chunav

savitri ki umr, roop, gun aur lavany shukl paksh ke chandrama ki tarah badhana laga aur vah yuvavastha ko prapt ho gee. ab usake pita raja ashvepati ko usake vivah ki chinta hone lagi. ek din unhonne savitri ko bula kar kaha ki- "putri! tum atyant vidushi ho, atah apane anuroop pati ki khoj tum svayn hi kar lo." pita ki agya pakar savitri ek vriddh tatha atyant buddhiman mantri ko sath lekar pati ki khoj hetu desh-videsh ke paryatan ke liye nikal padi. jab vah apana paryatan kar vapas apane ghar lauti to us samay savitri ke pita devarshi narad ke sath bhagavatcharcha kar rahe the. savitri ne donon ko pranam kiya aur kaha ki- "he pita! apaki agyanusar main pati ka chunav karane ke liye anek deshon ka paryatan kar vapas lauti hoon. shalv desh men dyumatsen nam se vikhyat ek bade hi dharmatma raja the. kintu bad men daivavash ve andhe ho gaye. jab ve andhe huye, us samay unake putr ki balyavastha thi. dyumatsen ke anadhatv tatha unake putr ke balyapan ka labh utha kar usake padosi raja ne unaka rajy chhin liya. tab se ve apani patni evn putr satyavan ke sath van men chale aye aur kathor vraton ka palan karane lage. unake putr satyavan ab yuva ho gaye hain, ve sarvatha mere yogy hain, isaliye unhin ko mainne patiroop men chuna hai."

satyavan-savitri ka vivah

savitri ki baten sunakar devarshi narad bole ki- "he rajan! pati ke roop men satyavan ka chunav karake savitri ne badi bhool ki hai." narad ji ke vachanon ko sunakar ashvavapati chintit hokar bole- "he devarshi! satyavan men aise kaun se avagun hain jo ap aisa kah rahe hain?" is par narad ji ne kaha ki- "rajan! satyavan to vastav men saty ka hi roop hai aur samast gunon ka svami hai. kintu vah alpayu hai aur usaki ayu keval ek varsh hi shesh rah gee hai. usake bad vah mrityu ko prapt ho jayega." narad ki baten sunakar raja ashvapati ne savitri se kaha ki- "putri! tum narad ji ke vachanon ko saty man kar kisi doosare uttam gunon vale purush ko apane pati ke roop men chun lo." is par savitri boli ki- "he tat! bharatiy nari apane jivanakal men keval ek hi bar pati ka varan karati hai. ab chahe jo bhi ho, main kisi doosare ko apane pati ke roop men svikar nahin kar sakati." savitri ki d‍ridhata ko dekhakar devarshi narad atyant prasann huye aur unaki salah ke anusar raja ashvapati ne savitri ka vivah satyavan ke sath kar diya.[2]

savitri ka satyavan ke sath van men gaman

vivah ke pashchath savitri apane rajasi vastrabhooshanon ko tyagakar tatha valkal dharan kar apane pati evn sas, shvasur ke sath van men rahane lagi. pati tatha sas shvasur ki seva hi usaka dharm ban gaya. kintu jyon-jyon samay vyatit hota jata tha, savitri ke man ka bhay badhata jata tha. anttatah vah din bhi a gaya, jis din satyavan ki mrityu nishchit thi. us din savitri ne d‍ridh nishchay kar liya ki vah aj apane pati ko ek bhi pal akela nahin chhodegi. jab satyavan lakadi katane hetu kndhe par kulhadi rakhakar van men jane ke liye taiyar huye to savitri bhi usake sath jane ke liye taiyar ho gee. satyavan ne use bahut samajhaya ki van ka marg atyant durgam hai aur vahan jane men tumhen bahut kasht hoga, kintu savitri apane nishchay par adig rahi aur apane sas-shvasur se agya lekar satyavan ke sath gahan van men chali gee.

satyavan ki mrityu

satyavan ke pran harane ke lie yamaraj ka agaman

lakadi katane ke liye satyavan ek vriksh par ja chadhe, kintu thodi hi der men ve asvasth hokar vriksh se utar aye. unaki asvasthata aur pida ko dhyan men rakhakar savitri ne unhen vahin vriksh ke niche unake sir ko apani jngha par rakh kar lita liya. letane ke bad satyavan achet ho gaye. savitri samajh gee ki ab satyavan ka antim samay a gaya hai, isaliye vah chupachap ashru bahate huye eeshvar se prarthana karane lagi. akasmath savitri ne dekha ki ek kantimay, krishnavarn, hrisht-pusht, mukutadhari vyakti usake samane khada hai. savitri ne unase poochha ki- "he dev! ap kaun hain?" unhonne uttar diya ki- "savitri! main yamaraj hoon aur tumhare pati ko lene aya hoon." savatri boli- "he prabho! sansarik praniyon ko lene ke liye to apake doot ate hain, kintu kya karan hai ki aj apako svayn ana pada?" yamaraj ne uttar diya ki- "devi! satyavan dharmatma tatha gunon ka samudr hai, mere doot unhen le jane ke yogy nahin hain. isiliye mujhe svayn ana pada hai." itana kah kar yamaraj ne balapoorvak satyavan ke sharir men se pash men bndha angushth matr pariman vala jiv nikala aur dakshin disha ki or chal pade.

yamaraj dvara savitri ko varadan

savitri apane pati ko le jate huye dekhakar svayn bhi yamaraj ke pichhe-pichhe chal padi. kuchh door jane ke bad jab yamaraj ne savitri ko apane pichhe ate dekha to kaha ki- "he savitri! too mere pichhe mat a, kyonki tere pati ki ayu poorn ho chuki hai aur vah ab tujhe vapas nahin mil sakata. achchha ho ki too laut kar apane pati ke mrit sharir ke antyeshti ki vyavastha kar. ab is sthan se age too nahin ja sakati." savitri boli ki- "he prabho! bharatiy nari hone ke nate pati ka anugaman hi to mera dharm hai aur main is sthan se age to kya apake pichhe apake lok tak bhi ja sakati hoon, kyonki mere pativrat dharm ke bal se meri gati kahin bhi rukane vali nahin hai." yamaraj bole ki- "savitri! main tere pativrat dharm se atyant prasann hoon. isaliye too satyavan ke jivan ko chhodakar jo chahe vah varadan mujhase mang le. is par savitri ne kaha ki- "prabhu! mere shvasur netrahin hain. ap kripa karake unake netron ki jyoti punah pradan kar den. yamaraj bole ki- "aisa hi hoga, lekin ab too vapas laut ja." savitri ne kaha ki- "bhagavan! jahan mere prananath honge, vahin mera nishchal ashram hoga. isake siva meri ek bat aur suniye. mujhe aj ap jaise devata ke darshan huye hain aur dev-darshan tatha snt-samagam kabhi nishphal nahin jate." is par yamaraj ne kaha ki- "devi! tumane jo kaha hai, vah mujhe atyant priy laga hai. atah too phir satyavan ke jivan ko chhodakar ek var mang le."[2]

savitri boli- "he dev! mere shvasur rajy-chyut hokar vanavasi jivan vyatit kar rahe hain. mujhe yah var den ki unaka rajy unhen vapas mil jaye. yamaraj bole- "tathastu, ab too laut ja." savitri ne phir kaha ki- "he prabho! sanatan dharm ke anusar manushyon ka dharm hai ki vah sab par daya kare. satpurush to apane pas aye huye shatruon par bhi daya karate hain." yamaraj bole ki- "he kalyani! too niti men atyant nipun hai aur jaise pyase manushy ko jal pikar jo anand prapt hota hai, too vaisa hi anand pradan karane vale vachan kahati hai. teri is bat se prasann hokar main tumhen punah ek var dena chahata hoon; kintu too satyavan ka jivan var ke roop men nahin mang sakati." tab savitri ne kaha ki- "mere pita raja ashvapati ke koee putr nahin hai. atah prabhu! kripa karake unhen putr pradan karen." yamaraj bole ki- "mainne tujhe yah var bhi diya, ab too yahan se chali ja." savitri ne phir kaha ki- "he yamadev! main apane pati ko chhod kar ek kshan bhi jivit nahin rah sakoongi. ap to snt-hriday hain aur satsng se sahridayata men vriddhi hi hoti hai. isiliye snton se sab prem karate hain." yamaraj bole ki- "kalyani tere vachanon ko sunakar main tujhe satyavan ke jivan ko chhodakar ek aur antim var dena chahata hoon, kintu is var ke pashcharath tumhen vapas jana hoga." savitri ne kaha ki- "prabhu yadi ap mujhase itane hi prasann hain to mere shvasur dyumatsen ke kul ki vriddhi karane ke liye mujhe sau putr pradan karane ki kripa karen." yamaraj bole ki- "thik hai, yah var bhi mainne tujhe diya, ab too yahan se chali ja."

satyavan ka purnajivit hona

kintu savitri yamaraj ke pichhe hi chalati rahi. use apane pichhe ata dekh yamaraj ne kaha ki- "savitri too mera kahana man kar vapas chali ja aur satyavan ke mrit sharir ke antim snskar ki vyavastha kar." is par savitri boli ki- "he prabhu! apane abhi hi mujhe sau putron ka varadan diya hai, yadi mere pati ka antim snskar ho gaya to mere putr kaise honge? aur mere shvasur ke kul ki vriddhi kaise ho payegi?" savitri ke vachanon ko sunakar yamaraj ashchary men pad gaye aur ant men unhonne kaha ki- "savitri too atyant vidushi aur chatur hai. toone apane vachanon se mujhe chakkar men dal diya hai. too pativrata hai isaliye ja, main satyavan ko jivanadan deta hoon." itana kah kar yamaraj vahan se antardhan ho gaye aur savitri vapas satyavan ke sharir ke pas laut aee. savitri ke nikat ate hi satyavan ki chetana laut aee.[2]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

mahabharat shabdakosh |lekhak: es. pi. paramahns |prakashak: dilli pustak sadan, dilli |snkalan: bharat diskavari pustakalay |prishth snkhya: 112 |

  1. pauranik kosh |lekhak: rana prasad sharma |prakashak: gyanamandal limited, varanasi |snkalan: bharat diskavari pustakalay |prishth snkhya: 510 |
  2. 2.0 2.1 2.2 2.3 sati savitri ki katha (hindi) blogs.oyepages.com. abhigaman tithi: 22 pharavari, 2017.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah