अंगिरा  हिन्दी देवनागरी में पढ़ें।

  • puranon men bataya gaya hai ki maharshi angira brahma ji ke manas putr hain tatha ye gunon men brahma ji ke hi saman hain. inhen prajapati bhi kaha gaya hai aur saptarshiyon men vasishth, vishvamitr tatha marichi adi ke sath inaka bhi pariganan hua hai. inake divy adhyatmgyan, yogabal, tap-sadhana evn mantrashakti ki vishesh pratishtha hai. inaki patni daksh prajapati ki putri smriti (matantar se shraddha) thin, jinase inake vnsh ka vistar hua.
  • inaki tapasya aur upasana itani tivr thi ki inaka tej aur prabhav agni ki apeksha bahut adhik badh gaya. us samay agnidev bhi jal men rahakar tapasya kar rahe the. jab unhonne dekha ki angira ke tapobal ke samane meri tapasya aur pratishtha tuchchh ho rahi hai to ve du:khi ho angira ke pas gaye aur kahane lage- 'ap pratham agni hain, main apake tez ki tulana men apekshakrit nyoon hone se dvitiy agni hoon. mera tez apake samane phika pad gaya hai, ab mujhe koee agni nahin kahega.' tab maharshi angira ne sammanapoorvak unhen devataon ko havi pahunchane ka kary saunpa. sath hi putr roop men agni ka varan kiya. tatpashchath ve agni dev hi brihaspati nam se angira ke putr ke roop men prasiddh hue. utathy tatha maharshi snvart bhi inhin ke putr hain. maharshi angira ki vishesh mahima hai. ye mantradrashta, yogi, snt tatha mahanh bhakt hain. inaki 'angira-smriti' men sundar upadesh tatha dharmacharan ki shiksha vyapt hai.
  • sampoorn rigved men maharshi angira tatha unake vnshadharon tatha shishy-prashishyon ka jitana ullekh hai, utana any kisi rishi ke sambandh men nahin hain. vidvanon ka yah abhimat hai ki maharshi angira se sambandhit vesh aur gotrakar rishi rigved ke navam mandal ke drashta hain. navam mandal ke sath hi ye angiras rishi pratham, dvitiy, tritiy adi anek mandalon ke tatha katipay sookton ke drashta rishi hain. jinamen se maharshi kuts, hiranyastoop, saptagu, nrimedh, shnkapoot, priyamedh, sindhusit, vitahavy, abhivart, angiras, snvart tatha havirdhan adi mukhy hain.
  • rigved ka navam mandal jo 114 sookton men nibaddh hain, 'pavaman-mandal' ke nam se vikhyat hai. isaki richaen pavamani richaen kahalati hain. in richaon men som devata ki mahimaparak stutiyan hain, jinamen yah bataya gaya hai ki in pavamani richaon ke path se som devataon ka apyayan hota hai.


panne ki pragati avastha
adhar
prarambhik
madhyamik
poornata
shodh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah