गांधारी  हिन्दी देवनागरी में पढ़ें।

Disamb2.jpg gandhari ek bahuvikalpi shabd hai any arthon ke lie dekhen:- gandhari (bahuvikalpi)
snkshipt parichay
gandhari
gandhari tatha dhritarashtr
pita subal
samay-kal mahabharat
parijan dhritarashtr, shakuni, duryodhan, du:shasan, du:shala
vivah dhritarashtr
sntan duryodhan, du:shasan adi kaurav
nivas hastinapur
any vivaran kafi samay tak sntan n hone par gandhari ne mukke ke prahar se apana garbh gira diya tha, kintu bhagavan shiv ke varadan aur maharshi vyas ki kripa se inhen sau kauravon ki prapti huee.
mrityu davagni men jalakar
yashakirti dyootakrida men pandavon ke har jane par jab duryodhan bhari sabha men draupadi ka ka apaman kar raha tha, tab gandhari ne hi isaka virodh kiya.
snbndhit lekh dhritarashtr, duryodhan, kaurav
vishesh gandhari ne shrikrishn ko yah shap diya ki jis prakar kuru vnsh ka nash hua hai, usi prakar yadukul ka bhi nash hoga.
any janakari gandhari ke pati maharaj dhritarashtr netrahin the, isilie inhonne bhi apani ankhon par patti bandh li aur use ajanm bandhe rahin. mahabharat yuddh ke bad gandhari bhi pati bhi ke sath van men chali geen.

gandhari gandhar desh ke 'subal' namak raja ki kanya thin. kyonki vah gandhar ki rajakumari thin, isilie unaka nam gandhari pada. yah hastinapur ke maharaj dhritarashtr ki patni aur duryodhan adi kauravon ki mata thin. gandhari ki bhagavan shiv men vishesh astha thi, aur ye shiv ki param bhakt thin. ek pativrata ke roop men gandhari adarsh nari siddh huee thin. apane pati dhritarashtr ke andha hone ke karan vivahoparant hi gandhari ne bhi ankhon par patti bandh li tatha use ajanm bandhe rahin. mahabharat ke anantar gandhari apane pati, kunti aur vidur ke sath van men chali gayin, jahan davagni[1] men ve jalakar bhasm ho gayin.

parichay

snsar ki pativrata aur mahanh nariyon men gandhari ka vishesh sthan hai. gandhar ke raja subal inake pita aur shakuni bhaee the. jab gandhari ka vivah netrahin dhritarashtr se hua, tabhi se gandhari ne bhi apani ankhon par patti bandh li. inhonne socha ki jab mere pati hi netrahin hain, tab mujhe snsar ko dekhane ka adhikar nahin hai. pati ke liye indriyasukh ke tyag ka aisa udaharan anyatr nahin milata. kintu gandhari ka bhaee shakuni is vivah se prasann nahin tha, kyonki netrahin dhritarashtr ke sath gandhari ke vivah ka prastav lekar jab gngaputr bhishm subal ke pas pahunche, tab shakuni ne ise apane pita tatha svayn ka bahut bada apaman mana. shakuni is bat se bada krodhit tha ki usaki bahan ke lie bhishm ek netrahin vyakti ka prastav lekar aye hain. shakuni ne isi din yah pran kar liya tha ki vah hastinapur men kabhi sukh-shanti nahin rahane dega. mahabharat yuddh ke lie jo paristhitiyan zimmedar thin, unake lie gandhari ka bhaee shakuni bhi ek bada karan tha.

vivah aur sntan

gandhari bhagavan shiv ki aradhana se sau putron ki mata banane ka varadan pa chuki thin. bhishm ki prerana se dhritarashtr ka vivah gandhari ke sath kiya gaya. gandhari ne jab suna ki usaka bhavi pati andha hai to usane bhi apani ankhon par patti bandh li, jisase ki pativrat dharm ka palan kar paye. ek din jab maharshi vyas atynt thake hue tatha bhookhe the, ve mahal men padhare. aise samay men gandhari ne unaka adar-satkar kiya. prasann hokar vyas ne gandhari ko apane pati ke anuroop sau putr prapt karane ka varadan diya. garbhadhan ke uparant do varsh bit gaye. kunti ne ek putr prapt bhi kar liya, kintu gandhari ne sntan ko janm nahin diya. at: krodh aur eershya ke vashibhoot usane apane udar par prahar kiya, jisase lohe ke saman kathor mansapind nikala. vyas ji ke prakat hone par gandhari ne unhen sab kuchh kah sunaya. vyas ne ek gupt sthan par ghi se bhare hue ek sau ek matake rakhava diye. mans-pind ko shital jal se dhone par usake ek sau ek khnd ho gaye. pratyek khnd ek-ek matake men do varsh ke lie rakh diya gaya. usake bad dhakkan kholane par pratyek matake se ek-ek balak prakat hua. antim matake se ek kanya prapt huee, usaka nam du:shala rakha gaya tatha usaka vivah jayadrath se hua.

jyoshth putr duryodhan

pahala mataka kholane par jo balak prakat hua tha, usaka nam duryodhan hua. usane janm lete hi buri tarah se bolana prarnbh kar diya. is samay prakriti men kee apashakun prakat hue. pnditon ne maharaj dhritarashtr se kaha ki is balak ka parityag kar dene se kaurav vnsh ki raksha ho sakati hai anyatha anarth hoga, kintu moh vash gandhari tatha dhritarashtr ne usaka parityag nahin kiya. usi din kunti ke ghar men bhim ne janm liya. dhritarashtr ki ek vaishy jati ki sevika thi, jisase dhritarashtr ko yuyutsukaran namak putr ki prapti huee.

nyayapriy mahila

gandhari ek pativrata hone ke sath hi atyant nirbhik aur nyayapriy mahila thin. dyootakrida men har jane par, inake putron ne jab bhari sabha men pandavon ki bharya tatha kulavadhu draupadi ke sath atyachar kiya, tab inhonne du:khi hokar usaka khula virodh kiya. jab inake pati maharaj dhritarashtr ne duryodhan ki baton men akar pandavon ko dubara dyoot ke liye amantrit kiya, tab inhonne jue ka virodh karate hue apane pati se kaha- "svami!' duryodhan janm lete hi buri tarah se roya tha. usi samay param gyani vidur ne usaka tyag kar dene ki salah di thi. mujhe aisa pratit hota hai ki yah kul-kalnk kuru vnsh ka nash karake hi chhodega. ap apane doshon se sabako vipatti men mat daliye. in dhith moorkhon ki han men han milakar is vnsh ke nash ka karan mat baniye. kulakalnk duryodhan ko tyagana hi shreyaskar hai. mainne mohavash us samay vidur ki bat nahin mani, usi ka yah phal hai. rajyalakshmi kroor ke hath men padakar usi ka satyanash kar deti hain. bina vichare kam karana ap ke liye bada du:khadayi siddh hoga." gandhari ki is salah men dharm, niti aur nishpakshata ka anupam samanvay hai.

dhritarashtr aur gandhari

kathan

mahabharat ka yuddh prarambh hone se pahale bhagavan shrikrishn sandhi ke lie shantidoot banakar hastinapur gaye the. unhonne duryodhan ke samaksh yah prastav rakha tha ki yadi pandavon ko panch ganv bhi de diye jaen tab bhi ve yuddh nahin karenge aur sntusht ho jayenge. kintu duryodhan ne unake prastav ko thukara diya tatha bina yuddh ke sooee ki nonk ke barabar bhi zamin dena svikar nahin kiya. isake bad gandhari ne usako samajhate hue kaha- "beta! meri bat dhyan se suno. bhagavan shrikrishn, bhishm, dronachary tatha viduraji ne jo baten tumase kahi hain, unhen svikar karane men hi tumhara hit hai. jis prakar uddand ghode marg men moorkh sarathi ko mar dalate hain, usi prakar yadi indriyon ko vash men n rakha jay to manushy ka sarvanash ho jata hai. indriyan jisake vash men hain, usake pas rajyalakshmi chirakal tak surakshit rahati hain. bhagavan shrikrishn aur arjun ko koee nahin jit sakata. tum shrikrishn ki sharan lo. pandavon ka nyayochit bhag tum unhen de do aur unase sandhi kar lo. isi men donon pakshon ka hit hai. yuddh karane men kalyan nahin hai." dusht duryodhan ne gandhari ke is uttam upadesh par dhyan nahin diya, jisake karan sabhi ka kalyan sambhv tha.

duryodhan ko vajr ka banana

mahabharat ke yuddh men sabhi kaurav mare gaye, keval duryodhan hi ab tak jivit bacha hua tha. aise men gandhari ne apani ankhon ki patti kholakar duryodhan ke sharir ko vajr ka karana chaha. gandhari ne bhagavan shiv se yah varadan paya tha ki vah jis kisi ko bhi apane netron ki patti kholakar nagnavastha men dekhegi, usaka sharir vajr ka ho jayega. isilie gandhari ne duryodhan se kaha ki vah gnga men snan karane ke pashchath usake samane nagn avastha men upasthit ho, kintu krishn ki yojana aur bahakane ke karan duryodhan ka samast sharir vajr ka nahin ho saka. jab duryodhan gnga snan ke bad nagn avastha men gandhari ke samaksh upasthit hone ke lie a raha tha, tabhi marg men shrikrishn use mil gaye aur unhonne duryodhan ko bahaka diya ki itana bada ho jane ke bad bhi vah gandhari ke samaksh nagn hokar jayega. shrikrishn ne duryodhan se kaha ki kya tumhen lajja nahin ati. is par duryodhan ne apani jngha par patte lapet lie aur gandhari ke samaksh upasthit ho gaya. jab gandhari ne apane netron se patti kholakar use dekha to usaki divy drishti jngha par nahin pad saki, jis karan duryodhan ki jnghaen vajr ki nahin ho sakin. apane pran ke anusar hi mahabharat ke ant men bhim ne gada se duryodhan ki jangh par prahar kiya.

mamatamayi man

mahabharat yuddh ke antim samay men, jab bhim dvara duryodhan ki jngha tod di gee aur vah bhoomi par pada apani mrityu ki pratiksha kar raha tha, gandhari ne apani ankhon ki patti ko khol diya aur vah kurukshetr men daudi aee. unhonne vahan mahabharat ke mahayuddh ka vinashakari parinam dekha. unaka ekamatr jivit putr duryodhan bhi ab apani antim sanse le raha tha. pandav to kisi prakar bhagavan shrikrishn ki kripa se gandhari ke krodh se bach gaye, kintu bhagivash bhagavan shrikrishn ko unake shap ko shirodhary karana pada aur yaduvnsh ka paraspar kalah ke karan mahavinash hua. maharaj yudhishthir ke rajyabhishek ke bad devi gandhari kuchh samay tak pandavon ke sath rahin aur ant men apane pati ke sath tapasya karane ke liye van men chali gayin. unhonne apane pati ke sath apane sharir ko davagni men bhasm kar dala. gandhari ne is lok men patiseva karake paralok men bhi pati ka sannidhy prapt kiya. ve apane nashvar deh ko chhodakar apane pati ke sath hi kuber ke lok men gayin. pativrata nariyon ke liye gandhari ka charitr anupam shiksha ka vishay hai.

mahabharat yuddh ke uparant

mahabharat men vijay prapt karane ke uparant pandav putravihina gandhari ke sammukh jane ka sahas nahin kar pa rahe the. vah unhen dekhate hi koee shap n de den, is bat ka bhi bhay tha. at: un logon ne shrikrishn ko taiyar karake unake pas bheja. krishn gandhari ke krodh ka shaman kar aye. taduparant pandav dhritarashtr ki agya lekar gandhari ke darshan karane gaye. gandhari unhen shap dene ke lie udyat hueen kintu maharshi vyas ne unaki man sthiti janakar unhen samajhaya ki kauravon ke pratidin pranam karane par vah ashish deti thin ki jahan dharm vahin jay hai, phir dharm ke jitane par unhen is prakar kruddh nahin hona chahie. gandhari ne kaha ki bhim ne duryodhan ke sath adharm yuddh kiya tha. usane nabhi ke niche gada se prahar kiya, jo ki niyam-viruddh tha. at: us sndarbh men vah unhen kaise kshama kar de? bhim ne apane is aparadh ke lie kshama-yachana ki, sath hi yad dilaya ki usane bhi dyoot krida, chir haran adi men adharm ka prayog kiya tha. gandhari ne pun: kaha- "tumane du:shasan ka raktapan kiya." bhim ne kaha- "soory putr yam janate hain ki rakt mere dant ke andar nahin gaya, mere hath raktarnjit the. vah karm keval tras utpann karane ke lie kiya tha. draupadi ke kesh khinche jane par mainne aisi pratigya ki thi." gandhari ne kaha- "tum mere kisi bhi ek kam aparadhi putr ko jivit chhod dete to ham donon ke budhape ka sahara rahata." gandhari ne yudhishthir ko pukara. vah kauravon ka vadh karane ka aparadh svikarate hue gandhari ke charan-sparsh karane lage. gandhari ne ankh par bndhi patti se hi unake pair ki kor dekhi aur unake nakhoon kale pad gaye. yah dekhakar arjun bhayabhit hokar krishn ke pichhe chhip gaye. usake chhipane ki cheshta janakar gandhari ka krodh thnda pad gaya. taduparant pandavon ne kunti ke darshan kiye. kunti pandavon ke kshat-vikshat shariron par hath pherati aur dekhati hi rah gayin. abhimanyu hi nahin aur bhi kee pandav putr viragati ko prapt hue the. kunti tatha draupadi apane beton ko yad kar roti rahin. un sabake bina rajy bhala kis kam ka tha. gandhari ne donon ko dhiraj bndhaya. jo hona tha, ho gaya. usake lie shok karane se kya labh? tadanntar vedavyas ke varadan se gandhari ko divy drishti prapt huee, jisase vah kauravon ka snpoorn vinash-sthal dekhane men samarth ho gayin. gandhari yuddh-kshetr men pade kaurav-pandav bndhuon, sainikon ke shav tatha unase chipatakar roti unaki patniyon aur mataon ka vilap dekh-dekhakar shrikrishn ko snbodhit kar rone lagin. un du:khitaon men uttara bhi thi, kauravon ki patniyan bhi thin, du:shala bhi thi. bhoorishrava ki patniyan vilap kar rahi thin. shaly, bhagadatt, bhishm, dron ko dekh gandhari sisakati rahin, vilap karati rahin.

krishn ko shap

drupad ki raniyan aur putr vadhuen usaki jalati chita ki parikrama le rahi thin. rote-rote gandhari achanak kruddh ho uthin. unhonne shrikrishn se kaha- "mere pativrat men bal hai to shap deti hoon ki yadav vnshi samast log paraspar ladakar mar jayenge. tumhara vnsh nasht ho jayega, tum akele jngal men ashobhaniy mrityu prapt karoge, kyonki kaurav-pandavon ka yuddh rok lene men ekamatr tum hi samarth the aur tumane unhen roka nahin. tumhare dekhate-dekhate kuru vnsh ka nash ho gaya." shrikrishn ne muskarakar kaha- "jo kuchh ap kah rahi hain, yatharth hai. yah sab to poorv nishchit hai, aisa hi hoga."[2]

gandhari putr kauravon ke nam[3]
kram snkhya nam kram snkhya nam kram snkhya nam kram snkhya nam kram snkhya nam
1. duryodhan 2. duahshasan 3. duahsah 4. duahshal 5. jalasngh
6. sam 7. sah 8. vind 9. anuvind 10. durdharsh
11. subahu 12. dushapradharshan 13. durmarshan 14. durmukh 15. dushkarn
16. vikarn 17. shal 18. satvan 19. sulochan 20. chitr
21. upachitr 22. chitraksh 23. charuchitr 24. sharasan 25. durmad
26. durvigah 27. vivitsu 28. vikatanand 29. oornanabh 30. sunabh
31. nand 32. upanand 33. chitraban 34. chitravarma 35. suvarma
36. durvimochan 37. ayobahu 38. mahabahu 39. chitrang 40. chitrakundal
41. bhimaveg 42. bhimabal 43. balaki 44. balavardhan 45. ugrayudh
46. sushen 47. kundadhar 48. mahodar 49. chitrayudh 50. nishngi
51. pashi 52. vrindarak 53. dridhavarma 54. dridhakshatr 55. somakirti
56. anoodar 57. dadhasngh 58. jarasngh 59. satyasngh 60. sadsuvak
61. ugrashrava 62. ugrasen 63. senani 64. dushparajay 65. aparajit
66. kundashayi 67. vishalaksh 68. duradhar 69. dridhahast 70. suhast
71. vataveg 72. suvarch 73. adityaketu 74. bahvashi 75. nagadatt
76. ugrashayi 77. kavachi 78. krathan 79. kundi 80. bhimavikr
81. dhanurdhar 82. virabahu 83. alolup 84. abhay 85. dridhakarma
86. dridharathashray 87. anadhrishy 88. kundabhedi 89. viravi 90. chitrakundal
91. pradham 92. amapramathi 93. dirgharoma 94. suviryavan 95. dirghabahu
96. sujat 97. kanakadhvaj 98. kundashi 99. viraj 100 yuyutsu
  • yadyapi alag-alag grnthon men kauravon ke kuchh namon men parivartan bhi milate hain. uparokt sau kauravon ki ek bahin bhi thi, jisaka nam 'du:shala' tha aur jisaka vivah jayadrath ke sath sampann hua tha.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. van men lagi ag
  2. mahabharat, adiparv, adhyay 109, 114 115, striparv 21-25, shalyaparv 63
  3. panch pandav aur sau kauravon ke nam (hindi). . abhigaman tithi: 19 julaee, 2013.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah