भीष्म पर्व महाभारत  हिन्दी देवनागरी में पढ़ें।

mahabharat ke parv

bhishm parv men kurukshetr men yuddh ke lie sannaddh donon pakshon ki senaon men yuddhasambandhi niyamon ka nirnay, snjay dvara dhritarashtr ko bhoomi ka mahattv batalate hue jambookhand ke dvipon ka varnan, shakadvip tatha rahu, soory aur chandrama ka praman, donon pakshon ki senaon ka amane-samane hona, arjun ke yuddh-vishayak vishad tatha vyahamoh ko door karane ke lie unhen upadesh (shrimadbhagavadgita), ubhay paksh ke yoddhaon men bhishan yuddh tatha bhishm ke vadh aur sharashayya par letakar pranatyag ke lie uttarayan ki pratiksha karane adi ka niroopan hai.

yuddh-bhoomi

kurukshetr ke maidan men kauravon-pandavon ki senaen amane-samane a datin. kauravon ki sena ke age bhishm the tatha pandavon ki sena ka snchalan kar rahe the- arjun. arjun ne jab dekha ki use apane guru, pitamah, bhaee-bndhu aur sage-snbndhiyon se yuddh karana hai to usaka hriday kanp utha. usane socha ki ve aise rajy ko lekar kya karenge, jo unhen apane priyajanon ko marakar prapt hoga.

arjun ka moh aur gita ka upadesh

arjun ke moh tatha bhram ko door karane ke lie shri krishn ne karmayog ka upadesh diya, jo shrimadbhagavad gita ke roop men prasiddh hai. unhonne kaha ki honi pahale ho chuki hai, tumhen to keval kshatriy dharm ke anusar chalana hai. dharm palan ke lie yuddh karana hi chahie. krishn ne arjun ko apana virat roop dikhate hue kaha ki adharm ke karan kauravon ka nash ho chuka hai. arjun ne dekha ki samast kaurav shrikrishn ke mukh men sama rahe hain. arjun ka moh door ho gaya tatha ve yuddh ke lie taiyar ho ge.

yuddh prarnbh hone se poorv yudhishthir rath se utarakar paidal hi pitamah bhishm ke pas ge tatha unake charanasparsh karake unhen pranam kiya. isi prakar yudhishthir ne kripachary aur dronachary ko bhi pranam kiya tatha vijay ka ashirvad prapt kiya. yudhishthir ki dharm-niti ko dekhakar dhritarashtr ka putr yuyutsu itana prabhavit hua ki kauran-sena chhodakar pandavon se ja mila.

pahale din ka yuddh

arjun ne yuddh prarnbh kiya. dekhate-hi dekhate ghamasan yuddh chhid gaya. bhishm ke samane pandav-sena tharra uthi. abhimanyu ne bhishm ko roka tatha unaki dhvaja ko kat diya. bhishm pitamah abhimanyu ke ran-kaushal ko dekhakar chakit the. is din ke yuddh men virat putr uttar kumar ko viragati prapt huee. sndhya hote hi yuddh ki samapti ki ghoshana ki gee. pahale din ke yuddh se duryodhan bahut prasann tha. yudhishthir ne shrikrishn se kaha ki aj ke yuddh se pitamah ki ajeyata siddh ho gee hai. shrikrishn ne yudhishthir ko dhandhas bndhaya.

doosare din ka yuddh

doosare din bhishm ne netritv men kaurav-sena ne pandavon par akraman kiya, jisase pandavon ki sena titar-bitar ho gee. arjun ke kahane par shrikrishn unake rath ko bhishm ke samane le ge. arjun aur bhishm men bhaynkar yuddh chhid gaya. bhishm sakshat yamaraj ki tarah pandav-sena ko kat rahe the. bhishm arjun se ladana chhod bhim ki taraph bhage. satyaki ke ek ban se bhishm ka sarathi ghayal hokar gir pada. usake girate hi rath ke ghode bhag khade hue jisase pandav sena men utsah ka snchar hua. sndhya ho gee thi, donon or ke senapatiyon ne yuddh bnd hone ka shnkh bajaya.

tisare din ka yuddh

tisare din bhi pandav-sena ke samane kauravon ki ek n chali. bhim ke ek ban se duryodhan achet ho gaya. duryodhan ka sarathi unhen yuddh-bhoomi se hata le gaya. kauravon ne samajha ki duryodhan yuddh-kshetr se bhag khade hue hain. sainikon men bhagadad mach gee. tabhi bhim ne saikadon sainikon ko mar dala. sndhya ke samay yuddh bnd hone par duryodhan bhishm ke shivir men gaya tatha kaha ki ap ji (man) lagakar yuddh nahin karate. bhishm yah sunakar krodhit ho uthe aur bole ki pandav ajey hain, phir bhi main prayas karoonga.

chauthe se sataven din tak ka yuddh

chauthe din bhishm ne prabal veg se pandavon par akraman kiya. pandav sena men hahakar mach gaya. aj arjun ka vash bhi unake samane nahin chal raha tha. panchaven, chhathe aur sataven din bhi bhaynkar yuddh chalata raha.

athaven din ka yuddh

athaven din ka yuddh ghanaghor tha. is din arjun ki doosari patni uloopi se utpann putr maharathi iravan mara gaya. usaki mrityu se arjun bahut kshubdh ho uthe. unhonne kauravon ki apar sena nasht kar di. aj ka bhishan yuddh dekhakar duryodhan karn ke pas gaya. karn ne use santvana di ki bhishm ka ant hone par vah apane divyastron se pandav ka ant kar dega. duryodhan bhishm pitamah ke bhi pas gaya aur bola pitamah, lagata hai ap ji lagakar nahin lad rahe. yadi ap bhitar-hi-bhitar pandavon ka samarthan kar rahe hon to agya dijie main karn ko senapati bana doon. bhishm pitamah ne duryodhan se kaha ki yoddha ant tak yuddh karata hai. karn ki virata tum virat nagar men dekh chuke ho. kal ke yuddh men main kuchh kasar n chhodoonga.

nauven din ka yuddh

nauven din ke yuddh men bhishm ke banon se arjun bhi ghayal ho ge. krishn ke ang bhi jarjar ho ge. shrikrishn apani pratigya bhoolakar rath ka ek chakr uthakar bhishm ko marane ke lie daude. arjun bhi rath se koode aur krishn ke pairon se lipat pade. sndhya huee aur yuddh bnd hua. ratri ke samay yudhishthir ne krishn se mntrana ki. krishn ne kaha ki kyon n ham bhishm se hi un par vijay prapt karane ka upay poochhen. shrikrishn aur pandav bhishm ke pas pahunche. bhishm ne kaha ki jab tak main jivit hoon tab tak kaurav paksh ajey hai. bhishm pitamah ne apani mrityu ka rahasy bata diya. drupad ka beta shikhndi poorvajanm ka stri hai. mere vadh ke lie usane shiv ki tapasya ki thi. drupad ke ghar vah kanya ke roop men paida hua, lekin danav ke var se phir purush ban gaya. yadi use samane karake arjun mujh par tir barasaega, to main astr nahin chalaoonga.

dasaven din ka yuddh

dasaven din ke yuddh men shikhndi pandavon ki or se bhishm pitamah ke samane akar dat gaya, jise dekhate hi bhishm ne astr parityag kar diya. krishn ke kahane par shikhndi ki ad lekar arjun ne apane banon se bhishm ko jarjar kar diya tatha ve rath se niche gir pade, par prithvi par nahin, tiron ki shayya par pade rahe.

bhishm ki sharashayya

bhishm ke girate hi donon pakshon men hahakar mach gaya. kauravon tatha pandav donon shok manane lage. bhishm ne kaha, mera sir latak raha hai, isaka upay karo. duryodhan ek takiya laya, par arjun ne tin ban bhishm ke sir ke niche aise mare ki ve sir ka adhar ban ge. phir bhishm ne kaha, pyas lagi hai. duryodhan ne sone ke patr men jal mngaya, par bhishm ne arjun ki taraph phir dekha. arjun ne ek ban prithvi par aisa mara ki svachchh jal-dhara phootakar bhishm ke muhn par girane lagi. pani pikar bhishm ne kaurav-pandavon ko jane ki agya di aur kaha ki soory ke uttarayan hone par main pran tyag karoonga. bhishm sharashayya par girane ka samachar sunakar karn apani shatruta bhoolakar bhishm se milane gaya. usane pitamah ko pranam kiya. bhishm ne karn ko ashirvad diya aur samajhaya ki yadi tum chaho to yuddh ruk sakata hai. duryodhan samajhata hai ki tumhari sahayata se vah vijayi hoga, par arjun ko jitana snbhav nahin. tum duryodhan ko samajhao. tum pandavon ke bhaee tatha kunti ke putr ho. tum donon pakshon men shanti sthapit karo. karn ne kaha,pitamah ab sngharsh door tak pahunch gaya hai. main to ab soot adhirath ka hi putr hoon, jisane mera palan-poshan kiya hai. yah kahakar karn apane shivir men laut aya.

bhishm parv ke antargat 4 (up) parv hain aur isamen kul 122 adhyay hain. in 4 (up) parvon ke nam hain-

  • jambookhandavinirman parv,
  • bhoomi parv,
  • shrimadbhagavadgita parv,
  • bhishmavadh parv.


snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah