कुन्ती  हिन्दी देवनागरी में पढ़ें।

kunti mahabharat ke pramukh patron men se ek hai. shrikrishn ke pita vasudev ki bahan thin aur bhagavan shrikrishn ki bua thin. maharaj kuntibhoj se inake pita ki mitrata thi, usake koee santan nahin thi, at: ye kuntibhoj ke yahan god ayin aur unhin ki putri hone ke karan inaka nam kunti pada. maharaj pandu ke sath kunti ka vivah hua, ve rajapat chhodakar van chale gaye. van men hi kunti ko dharm, indr, pavan ke ansh se yudhishthar, arjun, bhim adi putron ki utpatti huee aur inaki saut madri ko ashvanikumaron ke ansh se nakul, sahadev ka janm hua. maharaj pandu ka sharirant hone par madri to unake sath sati ho gayi aur ye bachchon ki raksha ke liye jivit rah gayin. inhonne panchon putron ko apani hi kokh se utpann hua mana, kabhi svapn men bhi unamen bhedabhav nahin kiya.

jivan parichay

pritha (kunti) maharaj shoorasen ki beti aur vasudev ki bahan thin. shoorasen ke mamere bhaee kuntibhoj ne pritha ko mangakar apane yahan rakha. isase unaka nam 'kunti' pad gaya. pritha ko durvasa rishi ne ek mntr batala diya tha jisake dvara ve kisi devata ka avahan karake usase sntan prapt kar sakati thin. samay ane par svaynvar-sabha men kunti ne pandu ko jayamala pahanakar pati roop se svikar kar liya.

maharshi durvasa ka varadan

age chalakar pandu ko shap ho jane se jab unhen sntan utpann karane ki rok ho gee tab kunti ne maharshi durvasa ke varadan ka hal sunaya. yah sunane se maharaj pandu ko sahara mil gaya. unaki anumati pakar kunti ne dharmaraj ke dvara yudhishthir ko, vayu ke dvara bhimasen ko aur indr ke dvara arjun ko utpann kiya. isake pashchath pandu ne putr utpann karane ke lie jab unase dobara agrah kiya tab unhonne use svikar nahin kiya. kah diya ki yah niyam - viruddh aur anuchit hoga.

vaivahik jivan

vastav men kunti ka vaivahik jivan anandamay nahin hua. arambh men unhen kuchh sukh mila, kintu isake anntar pati ke shapagrast hokar rogi ho jane aur kuchh samay pashchath mar jane se unako bade klesh sahane pade. rishi log jab balakon samet vidhava kunti ko unake gharavalon ko saunpane hastinapur le gaye tab vahan unaka svagat to hua nahin, ulta ve sandeh ki drishti se dekhi geen. unaki sntan ko vaidh sntati manane men apatti ki gee. kisi prakar unako rakh bhi liya gaya to tarah-tarah se sataya jane laga. ve apane putron ke sath "varanavat" bheji geen. aur aise bhavan men rakhi geen jo kisi bhi ghadi bhabhakakar sabako bhasm kar deta. kintu hitaishi vidur ke kaushal se ve snkat se putron samet bachakar nikal geen. jngal men unhonne vividh kasht sahe. sath men putron ke rahane se unake lie badi-badi kathinaiyan bhi saral ho geen. inhin kashton ke silasile men unako putravadhoo draupadi ki prapti huee. isase unhen kuchh sntosh hua. isi bich unhen dhritarashtr ne hastinapur men bulakar alag rahane ka prabandh kar diya jisamen koee jhagada-bakheda n ho. yahi thoda-sa samay tha jab kunti ko kuchh aram mila.

kunti ka pandavon ke sath vanavas

isake bad duryodhan ne yudhishthir ko jue men harakar shart ke anusar vanavas karane ko bhej diya. is vanavas ke samay kunti ko apane putron se alag hastinapur men rahana pada. unake lie yah bahut bada snkat tha. unhonne hastinapur se yudhishthir ke pas sndesha bheja tha vah un jaisi vir patni aur viramata ke anuroop tha. ve nahin chahati thin ki snkat men padakar unake putr atmasamman ko kho baithen. snkat sahate-sahate unhen snkaton se ek prakar ka prem ho gaya tha. isi se, ek bar shrikrishn ke varadan dene ko taiyar hone par kunti ne kaha tha ki yadi main dhan-daulat athava aur koee vastu mangoongi to usake pher men padakar tumhen (bhagavan ko) bhool jaoongi, isalie main zindagi bhar kathinaiyon se ghiri rahana pasand karati hoon. unamen phnse rahane se main sada tumako smaran kiya karoongi.

madri ka vishvas

kunti ki saut ka nam madri tha. sath kunti ka bartav bahut hi achchha tha. vah kunti ko apane bete saunpakar sati ho gee thi. usane kunti se kaha tha ki main pakshapat se bachakar apane aur tumhare beton ka palan n kar sakoongi. yah kathin kam tumhin karana. mujhe tum par poora-poora bharosa hai.

dhritarashtr aur gandhari ka satkar

jeth-jethani-dhritarashtr aur gandhari-ke putron ne yadyapi kunti ke ladakon ko kasht dene men kuchh kami nahin ki thi phir bhi ve sada jeth-jethani ka satkar kiya karati thin. pandavon ko rajy prapt ho jane par kuchh samay ke bad jab dhritarashtr, gandhari ke sath, van ko jane lage tab kunti bhi unake sath ho geen. dhritarashtr adi ne unako ghar rakhane ke lie bahut-bahut samajhaya, ve roye-gidagidaye bhi, kintu nahin lautin. unhonne dharmaraj se spasht kar diya ki 'mainne apane aram ke lie tumako yuddh karane ke lie sannaddh nahin kiya tha, yuddh karane ka mera uddeshy yah tha ki tum snsar men vir ki bhanti jivan vyatit kar sako.' unhonne van men jakar apane jeth-jethani ki seva-shushroosha ji-jan se ki. is drishti se usaka mahattv gandhari se bhi badh jata hai. gandhari ko sntan-prem tha, ve apane putron ka bhala chahati bhi thin. yadyapi duryodhan ke paksh ko nyay-viruddh janakar unhonne use vijay ka ashirvad nahin diya tha, phir bhi mata ka hriday kahan tak patthar ka ho jata. unhonne kurukshetr ka snhar dekh ant men shrikrishn ko shap de hi dala. kintu kunti ne hazar kasht sahane par bhi aisa koee kam nahin kiya jisase unake charitr ka mahattv kam ho jay. unamen itani adhik daya thi ki ve ekachakra nagari men rahate samay, apane ashrayadata brahman ke bete ke badale apane putr bhimasen ko rakshas ki bhent karane ko taiyar ho geen. thin. yah doosari bat hai ki us rakshas se bhimasen ikkis nikale aur use marakar unhonne bastivalon ka snkat kat diya. kunti itani udar thin ki unhonne hidimba rakshasi ko bhi putravadhoo manane men apatti nahin ki.

kunti ka tyag

panchon pandavon ko kunti sahit jalakar mar dalane ke uddeshy se duryodhan ne varanavat namak sthan men ek chapade ka mahal banavaya aur andhe raja dhritarashtr ko samajha bujhakar dhritarashtr ke dvara yudhishthir ko agya dilava di ki' tum log vahan jakar kuchh din raho aur bhanti-bhanti se dan-puny karate raho.


panne ki pragati avastha
adhar
prarambhik
madhyamik
poornata
shodh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah