खाटूश्यामजी  हिन्दी देवनागरी में पढ़ें।

khatooshyam ji

khatoo shyam barbarik ke roop hai. shrikrishn ne hi barbarik ko khatooshyamaji nam diya tha. bhagavan shrikrishn ke kalayugi avatar khatoo shyamaji khatoo men virajit hain. vir ghatotkach aur mauravi ko ek putraratan ki prapti huee jisake bal babbar sher ki tarah hone ke karan inaka nam barbarik rakha gaya. barbarik ko aj ham khatoo ke shyam, kalayug ke avatar, shyam sarakar, tin banadhari, shish ke dani, khatoo naresh v any anaginat namon se janate v manate hain. krishn vir barbarik ke mahanh balidan se kafi prasann huye aur varadan diya ki kaliyug men tum shyam nam se jane jaoge, kyonki kaliyug men hare huye ka sath dene vala hi shyam nam dharan karane men samarth hai. khatoonagar tumhara dham banega aur unaka shish khatoonagar men dafanaya gaya.

dan

brahman ne balak barbarik se dan ki abhilasha vyakt ki, is par vir barbarik ne unhen vachan diya ki agar vo unaki abhilasha poorn karane men samarth hoga to avashy karega. krishn ne unase shish ka dan manga. balak barbarik kshan bhar ke liye chakara gaya, parantu usane apane vachan ki dridhata jataee. balak barbarik ne brahman se apane vastavik roop se avagat karane ki prarthana ki aur krishn ke bare men sun kar balak ne unake virat roop ke darshan ki abhilasha vyakt ki, krishn ne unhen apana virat roop dikhaya. unhonne barbarik ko samajhaya ki yuddh arambh hone se pahale yuddhabhoomi ki pooja ke liye ek viryavir kshatriy ke shish ke dan ki avashyakata hoti hai, unhonne barbarik ko yuddh men sabase vir ki upadhi se alnkrit kiya, ataiv unaka shish dan men manga. barbarik ne unase prarthana ki ki vah ant tak yuddh dekhana chahata hai, shri krishn ne unaki yah bat svikar kar li. phalgun mah ki dvadashi ko unhonne apane shish ka dan diya. bhagavan ne us shish ko amrit se sinch kar sabase oonchi jagah par rakh diya, taki vah mahabharat yuddh dekh sake. unaka sir yuddhabhoomi ke samip hi ek pahadi par sushobhit kiya gaya, jahan se barbarik sampoorn yuddh ka jayaja le sakate the.

khatoo nagar ka pauranik itihas

khatoo ki sthapana raja khattavang ne ki thi. khattavan ne hi babhruvahan ke barbarikaddh ke devare men barbarik ke sir ki pran pratishtha karavaee thi. khatoo ki sthapana ke vishay men any mat prachalit hai. kee vidvanh ise mahabharat ke pahale ka manate hain to kee ise eesa poorv ke samay ka manate hai lekin kul milakar vidvanon ki ekamat ray yah hai ki babhuhravahan ke devare men sir ki pratima ki sthapana mahabharat ke pashchath‌ huee.

khatoo shyamaji mndir

khatoo shyamaji mndir

unaka shish khatoo men dafanaya gaya tha aur bad men vahan safed sngamaramar ka khatoo shyamaji mndir banavaya gaya tha. ek bar ek gay us sthan par akar apane stanon se dugdh ki dhara svatah hi baha rahi thi, bad men khudayi ke bad vah shish prakat hua, jise kuchh dinon ke liye ek brahman ko supurd kar diya gaya. ek bar khatoo ke raja ko svapn men mandir nirman ke liye aur vah shish mandir men sushobhit karane ke liye prerit kiya gaya. tadantar us sthan par mandir ka nirman kiya gaya aur kartik mah ki ekadashi ko shish mandir men sushobhit kiya gaya, jise baba shyam ke janmadin ke roop men manaya jata hai. khatoo shyam ji ka mukhy mndir rajasthan ke sikar zile ke ganv khatoo men bana hua hai.

shri khatoo shyam mndir jayapur se uttar disha men vaya ringas hokar 80 kilomitar door padata hai. ringas pashchimi relave ka jnkshan hai. dilli, ahamadabad, jayapur adi se ane vale yatriyon ko pahala padav ringas hi hota hai. ringas se sabhi bhaktajan khatoo-shyam-dham paidal athava jipon, bason adi dvara prasthan karate hain.

mndir ka itihas

shyam mndir bahut hi prachin hai. shyam mndir ki adharashila sanh 1720 men rakhi gee thi. itihasakar pndit jhabaramall sharma ke mutabik sanh 1679 men aurngajeb ki sena ne is mndir ko nasht kar diya tha. is mndir ki raksha ke lie us samay anek rajapooton ne apana pranotsarg kiya tha. khatoo ke shyam mndir men bhim ke pautr aur ghatotkach ke putr barbarik ki pooja shyam ke roop men ki jati hai. aisa mana jata hai ki mahabharat yuddh ke samay bhagavan shrikrishn ne barbarik ko varadan diya tha ki kalayug men usaki pooja shyam (krishn svaroop) ke nam se hogi. khatoo ke shyam mndir men shyam ke mastak svaroop ki pooja hoti hai, jabaki pas hi men sthit ringas men dhad svaroop ki pooja ki jati hai.

khatoo men mela

khatoo shyamaji mndir men pratyek varsh phalgun mas shukl paksh men bade mele ka ayojan hota hai. har sal is mele men kafi snkhya men desh-videsh se shraddhalu ate hain. yah mela phagun sudi dashami ke arnbh aur dvadashi ke ant men lagata hai.

shraddhalu ki shraddha

hazaron shraddhalu yahan padayatra karake pahunchate hain, vahin kee log dndavat karate hue khatoo naresh ke darabar men haziri dete hain. yahan ke ek dukanadar ramachndr chejara ke mutabik navami se dvadashi tak bharane vale mele men lakhon shraddhalu ate hain. pratyek ekadashi aur ravivar ko bhi yahan bhakton ki lnbi kataren lagi hoti hain. jivan ke samast pap samapt ho jate hain aur prabhu ke darshan matr se usake jivan men khushiyan aur sukh shanti ka bhndar bharana prarambh ho jata hai

pauranik prachalit pavanakatha

ye mahanh pandav bhim ke putr ghatotkach aur nag kanya ahilavati ke putr the. balyakal se hi ve bahut vir aur mahanh yoddha the. unhonne yuddh kala apani man se sikhi. bhagavan shiv ki ghor tapasya karake unhen prasann kiya aur tin abhedy ban prapt kiye aur tin banadhari ka prasiddh nam prapt kiya. agni dev ne prasann hokar unhen dhanush pradan kiya, jo ki unhen tino lokon men vijayi banane men samarth tha.

balak vir barbarik ke janm ke pashchath ghatotkach inhen bhagavan shri krishn ke pas lekar ge the aur bhagvan shri krishn ne vir barbarik ko bataya ki jivan ka sarvottam upayog, paropakar aur nirbal ka sath dena hota hai. vir barbarik ne vapas akar vijay namak brahman ka shishy banakar astr-shastr vidya gyan hasil kiya aur unake ygy ko rakshason se bachakar, unaka ygy snpoorn karaya. vijay nam ke us brahman ka ygy snpoorn karavane par man bhagavati v bhagavan shiv shnkar barbarik se bahut prasann hue aur unake samane prakat hokar tin ban pradan kie jisase tino lokon men vijay prapt ki ja sakati thi.

mahabharat ka yuddh prarambh hone par vir barbarik ne apani mata ke samane yuddh men bhag lene ki ichchha prakat ki aur tab inaki mata ne inhen yuddh men bhag lene ki agya de di aur yah vachan liya ki tum yuddh men harane vale paksh ka sath nibhaoge. jab barbarik yuddh men bhag lene pahunche tab bhagavan shri krishn ne barbarik se shish dan men mang liya aur unhen yah samajhaya ki yuddh arambh hone se pahale yuddhabhoomi ki pooja ke liye ek viryavir kshatriy ke shish ke dan ki avashyakata hoti hai, unhonne barbarik ko yuddh men sabase vir ki upadhi se alnkrit kiya, ataiv unaka shish dan men manga. shri krishn ne aisa isalie kiya kyoki agar barbarik yuddh men bhag lete to kauravon ki samapti keval 18 dinon men mahabharat yuddh men nahin ho sakati thi aur yuddh nirntar chalata rahata.

khatooshyam ji kalayug ke avatar

vir barbarik ne bhagavan shri krishn ke kahane par jan-kalyan, paropakar aur dharm ki raksha ke lie apane shish ka dan prasann ho kar de diya aur kalayug men bhagavan shri krishn ke ati priy nam shri shyam nam se poohje jane ka varadan prapt kiya. barbarik ki yuddh dekhane ki ichchha bhagavan shri krishn ne barbarik ke shish ko oonche parvat par rakhakar poori ki thi. yuddh samapt ho jane ke bad sabhi pandavo ke poochhane par barbarik ke shish ne uttar diya ki yah yuddh keval bhagavan shri krishn ki niti ke karan jita gaya hai aur is yuddh men sirf bhagavan shri krishn ka sudarshan chakr chalata tha aur draupadi chndi ka roop dharan kar papiyon ka lahoo pi rahi thi. bhagavan shri krishn ne barbarik ke shish ko amrit se sincha aur kalayug ka avatari banane ka ashirvad pradan kiya.

aj yah sach ham apani ankhon se dekh rahe hain ki us yug ke barbarik aj ke yug ke shyam hain aur kalayug ke samast prani shyam ji ke darshan matr se sukhi ho jate hain unake jivan men khushiyon aur sampadaon ki bahar ane lagati hai aur khatoo shyam ji ko nirntar bhajane se prani sab prakar ke sukh pata hai aur ant men moksh ko prapt ho jata hai. [1]

khatoo shyam ji ki arati

Om jay shri shyam hare , baba jay shri shyam hare |
khatoo dham virajat, anupam rup dhare ॥
Om jay shri shyam hare....
ratn jadit sinhasan, sir par chnvar dhule|
tan keshariya bagon, kundal shravan pade ॥
Om jay shri shyam hare....
gal pushpon ki mala, sir par mukut dhare|
khevat dhoop agni par, dipak jyoti jale॥
Om jay shri shyam hare....
modak khir churama, suvaran thal bharen |
sevak bhog lagavat, seva nity karen ॥
Om jay shri shyam hare....
jhanjh katora aur ghasiyaval, shnkh mrindag dhare|
bhakt arati gave, jay jayakar karen ॥
Om jay shri shyam hare....
jo dhyave phal pave, sab duahkh se ubare |
sevak jan nij mukh se, shri shyam shyam ucharen ॥
Om jay shri shyam hare....
shrishyam bihariji ki arati jo koee nar gave|
kahat manohar svami manavanchhit phal paven ॥
Om jay shri shyam hare....
Om jay shri shyam hare, baba jay shri shyam hare |
nij bhakton ke tum ne poorn kaj karen ॥
Om jay shri shyam hare....
Om jay shri shyam hare, baba jay shri shyam hare |
khatoo dham virajat, anupam rup dhare ॥
Om jay shri shyam hare...


tika tippani aur sndarbh

  1. shri shyam katha (hindi) shri shyam mandal. abhigaman tithi: 18 joon, 2010.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah