द्रौपदी चीरहरण  हिन्दी देवनागरी में पढ़ें।

draupadi chiraharan

duryodhan dvara vidur ko agya di gee vah draupadi ko le aye. is par vidur ne kaha ki- "apane-apako danv par harane ke bad yudhishthir draupadi ko danv par lagane ke adhikari nahin rah jate." kintu dhritarashtr ne pratikami namak sevak ko draupadi ko vahan le ane ke lie bheja. draupadi ne usase prashn kiya ki- "dharmaputr ne pahale kaun-sa danv hara hai, svayn apana athava draupadi ka." duryondhan ne kruddh hokar du:shasan se kaha ki vah draupadi ko sabhabhavan men lekar aye. yudhishthir ne gupt roop se ek vishvast sevak ko draupadi ke pas bheja ki yadyapi vah rajasvala hai tatha ek vastr men hai, vah vaisi hi uth kar chali aye. sabha men poojy varg ke samane usaka us dasha men kalapate hue pahunchana duryodhan adi ke papon ko vyakt karane ke lie paryapt hoga.

draupadi sabha men pahunchi to du:shasan ne use stri varg ki or nahin jane diya tatha usake bal khinchakar kaha- "hamane tujhe jue men jita hai. at: tujhe apani dasiyon men rakhenge." draupadi ne samast kuruvnshiyon ke shaury, dharm tatha niti ko lalakara aur shrikrishn ko man-hi-man smaran kar apani lajja ki raksha ke lie prarthana ki. sab maun rahe, kintu duryodhan ke chhote bhaee vikarn ne draupadi ka paksh lete hue kaha ki- "hara hua yudhishthir use danv par nahin rakh sakata tha." kintu kisi ne usaki bat nahin suni. karn ke ukasane se du:shasan ne draupadi ko nirvastr karane ki cheshta ki. udhar vilap karati huee draupadi ne pandavon ki or dekha to bhim ne yudhishthir se kaha ki- "vah unake hath jala dena chahata hai, jinase unhonne jua khela tha." arjun ne use shant kiya. bhim ne shapath li ki vah du:shasan ki chhati ka khoon piyega tatha duryodhan ki jngha ko apani gada se nasht kar dalega.[1]

draupadi ne is vikat vipatti men shrikrishn ka smaran kiya. shrikrishn ki kripa se anek vastr vahan prakat hue, jinase draupadi achchhadit rahi, phalat: usake vastr khinchakar utarate hue bhi du:shasan use nagn nahin kar paya. sabha men bar-bar kary ke anauchity athava auchity par vivad chhid jata tha. duryodhan ne pandavon ko maun dekhakar 'draupadi ko danv men hare jane ki bat', uchit hai athava anuchit, isaka nirnay bhim, arjun, nakul tatha sahadev par chhod diya. arjun tatha bhim ne kaha ki- "jo vyakti svayn ko danv men har chuka hai, vah kisi any vastu ko danv par rakh hi nahin sakata tha."

dhritarashtr ne sabha ki rag pahachanakar duryodhan ko phatakara tatha draupadi se tin var mangane ke lie kaha. draupadi ne pahale var se yudhishthir ki dasabhav se mukti mangi taki bhavishy men usaka putr prativindhy das putr n kahalae. doosare var se bhim, arjun, nakul tatha sahadev ki, shastron tatha rath sahit dasabhav se mukti mangi. tisara var mangane ke lie vah taiyar hi nahin huee, kyonki usake anusar kshatriy striyan do var mangane ki hi adhikarini hoti hain. dhritarashtr ne unase snpoorn vigat ko bhoolakar apana sneh banae rakhane ke lie kaha. sath hi unhen khandav van men jakar apana rajy bhogane ki anumati di. dhritarashtr ne unake khandav van jane se poorv, duryodhan ki prerana se, unhen ek bar phir se jua khelane ki agya di. yah tay hua ki ek hi danv rakha jayega. pandav athava dhritarashtr putron men se jo bhi har jayenge, ve mrigacharm dharan kar barah varsh vanavas karenge aur ek varsh agyatavas men rahenge. us ek varsh men yadi unhen pahachan liya gaya to phir se barah varsh ka vanavas grahan karenge.[1]

bhishm, vidur, dronachary adi ke rokane par bhi dyootakrida huee, jisamen pandav har gaye. shakuni dvara kapatapoorvak khelane se kaurav vijayi hue. vanagaman se poorv pandavon ne shapath li ki ve samast shatruon ka nash karake hi chain ki sans lenge. shridhaumy[2] ke netritv men pandavon ne draupadi ko sath lekar van ke lie prasthan kiya. shridhaumy sam mantron ka gan karate hue age ki or badhe. ve kahakar gaye the ki yuddh men kauravon ke mare jane par unake purohit bhi isi prakar sam gan karenge. yudhishthir ne apana munh dhaka hua tha.[3] bhim apane bahu ki or dekh raha tha.[4] arjun ret bikherata ja raha tha.[5] sahadev ne munh par mitti mali huee thi.[6] nakul ne badan par mitti mal rakhi thi.[7] draupadi ne bal khole hue the, unhin se munh dhakakar vilap kar rahi thi.[8][9]


pichhe jaen
draupadi chiraharan
age jaen


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 mahabharat katha- bhag 5 (hindi) freegita. abhigaman tithi: 24 agast, 2015.
  2. purohit
  3. ve apane kruddh netron se dekhakar kisi ko bhasm nahin karana chahate the.
  4. apane bahubal ko smaran kar raha tha.
  5. aise hi bhavi sngram men vah vanon ki varsha karega.
  6. durdin men koee pahachan n le.
  7. koee nari usake roop par asakt n ho.
  8. jis anyay se usaki yah dasha huee thi, chaudah varsh bad usake parinam svaroop shatru-nariyon ki bhi yahi dasha hogi, ve apane sage-snbndhiyon ko tilanjali dengi.
  9. mahabharat, sabhaparv, adhyay 47 se 77 tak

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah