पाण्डव-द्रौपदी विवाह  हिन्दी देवनागरी में पढ़ें।

arjun dvara draupadi ko svaynvar men vijit kar liye jane ke pashchath panchon pandav draupadi ko sath lekar vahan pahunche, jahan ve apani mata kunti ke sath nivas kar rahe the. dvar se hi arjun ne pukar kar apani mata se kaha- "mate! aj ham log apake liye ek adbhuth bhiksha lekar aye hain.” us par kunti ne bhitar se hi kaha- "putron! tum log apas men mil-bant usaka upabhog kar lo.” bad men yah gyat hone par ki bhiksha vadhoo ke roop men hain, kunti ko atyant pashchatap hua, kintu mata ke vachanon ko saty siddh karane ke liye draupadi ne panchon pandavon ko pati ke roop men svikar kar liya. pandavon ke draupadi ko sath lekar apane nivas par pahunchane ke kuchh kal pashchath unake pichhe-pichhe krishn bhi vahan par a pahunche. krishn ne apani bua kunti ke charanasparsh karake ashirvad prapt kiya aur sabhi pandavon se gale mile. aupacharikataen poorn hone ke pashchath yudhishthir ne krishn se poochha- "he dvarikadhish! apane hamare is agyatavas men hamen pahachan kaise liya?” krishn ne uttar diya- "bhim aur arjun ke parakram ko dekhane ke pashchath bhala main ap logon ko kaise n pahachanata.” sabhi se bhent mulakat karake krishn vahan se apani nagari dvaraka chale gaye.[1]

draupadi ke svaynvar ke samay duryodhan ke sath hi sath drupad, dhrishtadyumn evn anek any logon ko sndeh ho gaya tha ki ve brahman pandav hi hain. unaki pariksha karane ke liye drupad ne dhrishtadyumn ko bhejakar unhen apane rajaprasad men bulava liya. rajaprasad men drupad evn dhrishtadyumn ne pahale rajakosh ko dikhaya, kintu pandavon ne vahan rakhe ratnabhooshanon tatha ratn-maniky adi men kisi prakar ki ruchi nahin dikhaee. kintu jab ve shastragar men gaye to vahan rakhe astr-shastron men un sabhi ne bahut adhik ruchi pradarshit ki aur apani pasnd ke shastron ko apane pas rakh liya. unake kriya-kalap se drupad ko vishvas ho gaya ki ye brahman ke roop men yoddha hi hain. drupad ne yudhishthir se poochha- "he ary! apake parakram ko dekhakar mujhe vishvas ho gaya hai ki ap log brahman nahin hain. kripa karake ap apana sahi parichay dijiye.” unake vachanon ko sunakar yudhishthir ne kaha- "rajanh! apaka kathan aksharashah saty hai. ham pandu putr pandav hain. main yudhishthir hoon aur ye mere bhaee bhim, arjun, nakul evn sahadev hain. hamari mata kunti apaki putri draupadi ke sath apake mahal men hain.” yudhishthir ki bat sunakar drupad atyant prasann huye aur bole- "aj bhagavan ne meri sun li. main chahata tha ki meri putri ka vivah pandu ke parakrami putr arjun ke sath hi ho. main aj hi arjun aur draupadi ke vidhivat vivah ka prabandh karata hoon.” is par yudhishthir ne kaha- "rajan! draupadi ka vivah to ham panchon bhaiyon ke sath hona hai.” yah sunakar drupad ashcharyachakit ho gaye aur bole- "yah kaise sambhav hai? ek purush ki anek patniyan avashy ho sakati hain, kintu ek stri ke panch pati hon, aisa to n kabhi dekha gaya hai aur n suna hi gaya hai.”

yudhishthir ne kaha- "rajan! n to main kabhi mithya bhashan karata hoon aur n hi koee kary dharm ya shastr ke viruddh karata hoon. hamari mata ne ham sabhi bhaiyon ko draupadi ka upabhog karane ka adesh diya hai aur main mata ki agya ki avahelana kadapi nahin kar sakata.” isi samay vahan par vedavyas padhare aur unhonne drupad ko draupadi ke poorvajanm men tapasya se prasann hokar shnkar bhagavan ke dvara panch parakrami pati prapt karane ke var dene ki bat bataee. vedavyas ke vachanon ko sunakar drupad ka sandeh samapt ho gaya aur unhonne apani putri draupadi ka panigrahan snskar panchon pandavon ke sath bade dhoomadham ke sath kar diya. is vivah men vishesh bat yah huee ki devarshi narad ne svayn padhar kar draupadi ko pratidin kanyaroop ho jane ka ashirvad diya. pandavon ke jivit hone tatha draupadi ke sath vivah hone ki bat teji se sabhi or phail gee. hastinapur men is samachar ke milane par duryodhan aur usake sahayogiyon ke duahkh ka paravar n raha.[1]


pichhe jaen
pandav-draupadi vivah
age jaen


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 mahabharat katha- bhag 4 (hindi) freegita. abhigaman tithi: 23 agast, 2015.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah