लाक्षागृह षड्यन्त्र  हिन्दी देवनागरी में पढ़ें।

pandav hastinapur men apani mata kunti ke sath shant jivan vyatit kar rahe the, kintu daivayog tatha shakuni ke chhal kapat se unamen tatha kauravon men vair ki ag prajvalit ho uthi. duryodhan badi khoti buddhi ka manushy tha. usane apane mama shakuni ke kahane par pandavon ko bachapan men kee bar marane ka prayatn kiya. yuvavastha men akar jab gunon men usase adhik shreshth yudhishthir ko yuvaraj bana diya gaya to shakuni ne laksh ke bane hue ghar men pandavon ko rakhakar ag lagakar unhen jalane ka prayatn kiya, kintu vidur ki sahayata se panchon pandav apani mata ke sath us jalate hue ghar se sakushal bahar nikal gaye.

apane uttam gunon ke karan yudhishthir hastinapur ke prajajanon men atyant lokapriy ho gaye. unake gunon tatha lokapriyata ko dekhate hue bhishm pitamah ne dhritarashtr se yudhishthir ka rajyabhishek kar dene ke liye kaha. duryodhan nahin chahata tha ki yudhishthir raja bane, atah usane apane pita dhritarashtr se kaha- "pitaji! yadi ek bar yudhishthir ko rajasinhasan prapt ho gaya to yah rajy sada ke liye pandavon ke vnsh ka ho jayega aur ham kauravon ko unaka sevak ban kar rahana padega.” is par dhritarashtr bole- "vats duryodhan! yudhishthir hamare kul ki santanon men sabase bada hai, isaliye is rajy par usi ka adhikar hai. phir bhishm tatha prajajan bhi usi ko raja banana chahate hain. ham is vishay men kuchh bhi nahin kar sakate.”[1]

dhritarashtr ke vachanon ko sunakar duryodhan ne kaha- "pitaji! mainne isaka prabandh kar liya hai. bas ap kisi tarah pandavon ko varanavat bhej den.” duryodhan ne varanavat men pandavon ke nivas ke liye purochan namak shilpi se ek bhavan ka nirman karavaya tha, jo ki lakh, charbi, sookhi ghas, moonj jaise atyant jvalanashil padarthon se bana tha. duryodhan ne pandavon ko us bhavan men jala dalane ka shadyntr racha tha. dhritarashtr ke kahane par yudhishthir apani mata tatha bhaiyon ke sath varanavat jane ke liye nikal pade. duryodhan ke shadyntr ke vishay men vidur ko pata chal gaya. atah ve varanavat jate hue pandavon se marg me mile tatha unase bole- "dekho, duryodhan ne tum logon ke rahane ke liye varanavat nagar men jvalanashil padarthon se ek bhavan banavaya hai, jo ag lagate hi bhadak uthega. isaliye tum log bhavan ke andar se van tak pahunchane ke liye ek surng avashy banava lena, jisase ki ag lagane par tum log apani raksha kar sako. main surng banane vala karigar chupake se tum logon ke pas bhej doonga. tum log us lakshagrih men atyant savadhani ke sath rahana.” varanavat men yudhishthir ne apane chacha vidur ke dvara bheje gaye karigar ki sahayata se gupt surng banava liya.

pandav nity akhet ke liye van jane ke bahane apane chhipane ke liye sthan ki khoj karane lage. kuchh din isi tarah bitane ke bad ek din yadhishthir ne bhim se kaha- "bhim! ab dusht purochan ko isi lakshagrih men jala kar hamen bhag nikalana chahiye.” bhim ne usi ratri purochan ko kisi bahane bulavaya aur use us bhavan ke ek kaksh men bandi bana diya. usake pashchath bhavan men ag laga di aur apani mata kunti evn bhaiyon ke sath surng ke raste van men bhag nikale. lakshagrih ke bhasm hone ka samachar jab hastinapur pahuncha to pandavon ko mara samajh kar vahan ki praja atyant duahkhi huee. duryodhan aur dhritarashtr sahit sabhi kauravon ne bhi shok manane ka dikhava kiya aur ant men unhonne pandavon ki antyeshti karava di.[1]



pichhe jaen
lakshagrih shadyantr
age jaen


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 mahabharat katha- bhag 3 (hindi) freegita. abhigaman tithi: 23 agast, 2015.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah