भीष्म-अभिमन्यु वध  हिन्दी देवनागरी में पढ़ें।

banon ki shaiyya par bhishm

pahale din se hi mahabharat ka yuddh bade hi bhaynkar roop se prarambh hua. athaven din ka yuddh bhi ghanaghor tha. is din arjun ki doosari patni uloopi se utpann putr maharathi iravan mara gaya. usaki mrityu se arjun bahut kshubdh ho uthe. unhonne kauravon ki apar sena nasht kar di. aj ka bhishan yuddh dekhakar duryodhan karn ke pas gaya. karn ne use santvana di ki bhishm ka ant hone par vah apane divyastron se pandavon ka ant kar dega. duryodhan bhishm pitamah ke bhi pas gaya aur bola- "pitamah, lagata hai ap ji lagakar nahin lad rahe. yadi ap bhitar-hi-bhitar pandavon ka samarthan kar rahe hon to agya dijie main karn ko senapati bana doon." bhishm pitamah ne duryodhan se kaha- "yoddha ant tak yuddh karata hai. karn ki virata tum virat nagar men dekh chuke ho. kal ke yuddh men main kuchh kasar n chhodoonga."

nauven din ke yuddh men bhishm ke banon se arjun bhi ghayal ho ge. shrikrishn ke ang bhi jarjar ho ge. shrikrishn apani pratigya bhoolakar rath ka ek chakr uthakar bhishm ko marane ke lie daude. arjun bhi rath se koode aur krishn ke pairon se lipat pade. sndhya huee aur yuddh bnd hua. ratri ke samay yudhishthir ne krishn se mntrana ki. krishn ne kaha ki- "kyon n ham bhishm se hi un par vijay prapt karane ka upay poochhen." shrikrishn aur pandav bhishm ke pas pahunche. bhishm ne kaha ki- "jab tak main jivit hoon, tab tak kaurav paksh ajey hai. bhishm pitamah ne apani mrityu ka rahasy bata diya. drupad ka beta shikhndi poorvajanm ka stri hai. mere vadh ke lie usane shiv ki tapasya ki thi. drupad ke ghar vah kanya ke roop men paida hua, lekin danav ke var se phir purush ban gaya. yadi use samane karake arjun mujh par tir barasaega, to main astr nahin chalaoonga."

dasaven din ke yuddh men shikhndi pandavon ki or se bhishm pitamah ke samane akar dat gaya, jise dekhate hi bhishm ne astr parityag kar diya. shrikrishn ke kahane par shikhndi ki ad lekar arjun ne apane banon se bhishm ko jarjar kar diya tatha ve rath se niche gir pade, par prithvi par nahin, tiron ki shayya par pade rahe. bhishm ke girate hi donon pakshon men hahakar mach gaya. kauravon tatha pandav donon shok manane lage. bhishm ne kaha- "mera sir latak raha hai, isaka upay karo." duryodhan ek takiya laya, par arjun ne tin ban bhishm ke sir ke niche is prakar mare ki ve sir ka adhar ban ge. phir bhishm ne kaha- "pyas lagi hai." duryodhan ne sone ke patr men jal mngaya, par bhishm ne arjun ki taraf phir dekha. arjun ne ek ban prithvi par mara, jisase svachchh jal-dhara phootakar bhishm ke muhn par girane lagi. pani pikar bhishm ne kaurav-pandavon ko jane ki agya di aur kaha- "soory ke uttarayan hone par main pran tyag karoonga." bhishm ke sharashayya par girane ka samachar sunakar karn apani shatruta bhoolakar bhishm se milane gaya. usane pitamah ko pranam kiya. bhishm ne karn ko ashirvad diya aur samajhaya ki yadi tum chaho to yuddh ruk sakata hai. duryodhan samajhata hai ki tumhari sahayata se vah vijayi hoga, par arjun ko jitana snbhav nahin. tum duryodhan ko samajhao. tum pandavon ke bhaee tatha kunti ke putr ho. tum donon pakshon men shanti sthapit karo. karn ne kaha- "pitamah ab sngharsh door tak pahunch gaya hai. main to ab soot adhirath ka hi putr hoon, jisane mera palan-poshan kiya hai." yah kahakar karn apane shivir men laut aya.

bhishm ke ban-shayya par gir jane ke bad jab duryodhan shok se vyakul ho utha, tab achary dronachary ne senapatitv ka bhar grahan kiya. udhar harsh manati huee pandavon ki sena men dhrishtadyumn senapati hue. un donon men bada bhaynkar yuddh hua, jo yamalok ki abadi ko badhane vala tha. terahave din ke yuddh men kaurav sena ke pradhan senapati guru dronachary dvara yudhishthir ko bndi banane ke lie chakravyooh ki rachana ki gee. pandav paksh men keval shrikrishn aur arjun hi chakravyooh bhedan janate the. lekin us din unhen trigat naresh bndhu yuddh karate-karate chakravyooh sthal se bahut door le ge. trigat duryodhan ke shasanadhin ek rajy tha. arjun putr abhimanyu ko chakravyooh men keval pravesh karana ata tha, usase nikalana vah nahin janata tha. chakravyooh bhedan abhimanyu ne tab suna tha, jab vah apani mata ke garbh men tha aur usake pita arjun usaki mata ko yah vidhi samajha rahe the, kintu mata ke so jane ke karan vah chakravyooh se nikalana nahin jan paya. abhimanyu ne jaise hi chakravyooh men pravesh kiya, sindhu naresh jayadrath ne pravesh marg rok liya aur any pandavon ko bhitar pravesh nahin karane diya. ab shatruchakr men abhimanyu akela pad gaya. akela hone par bhi vah virata se lada aur usane akele hi kaurav sena ke bade-bade yoddhaon ko parast kiya, jinamen svayn karn, dron aur duryodhan bhi the. karn aur duryodhan ne guru dron ke nirdeshanusar abhimanyu ka vadh karane ka nirnay liya. un sabhi ne yuddh ke sare niyamon ko bhulakar abhimanyu par ek sath akraman karana prarambh kar diya. karn ne ban chalakar abhimanyu ka dhanush aur rath ka ek pahiya tod diya, jisase vah bhoomi par gir pada aur any kauravon ne us par akraman kar diya. sabhi ne gherakar abhimanyu ko maut ki nind sula diya. yuddh samapti par jab arjun ko ye pata lagata hai ki abhimanyu ke mare jane men jayadrath ka sabase bada hath hai, tab usane yah pratigya ki ki "agale din ka sooryast hone se poorv vah jayadrath ka vadh kar dega anyatha agni samadhi le lega."[1]


pichhe jaen
bhishm-abhimanyu vadh
age jaen


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. mahabharat katha- bhag 8 (hindi) freegita. abhigaman tithi: 25 agast, 2015.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah