दुर्योधन वध  हिन्दी देवनागरी में पढ़ें।

sarovar se nikalata duryodhan

mahabharat ka yuddh apane ant ki or badh raha tha. kauravon ki or se ashvatthama, kritavarma, kripachary tatha duryodhan ke atirikt koee bhi any maharathi jivit nahin bacha. ab duryodhan ko yuddh se poorv diye ge vidur ke upadesh yad ane lage. vah yuddh-kshetr se bhaga. yuddh men sabhi kaurav mare gaye the, keval duryodhan hi ab tak jivit bacha hua tha. aise men gandhari ne apani ankhon ki patti kholakar duryodhan ke sharir ko vajr ka karana chaha. gandhari ne bhagavan shiv se yah varadan paya tha ki vah jis kisi ko bhi apane netron ki patti kholakar nagnavastha men dekhegi, usaka sharir vajr ka ho jayega. isilie gandhari ne duryodhan se kaha ki vah gnga men snan karane ke pashchath usake samane nagn avastha men upasthit ho, kintu shrikrishn ki yojana aur bahakane ke karan duryodhan ka samast sharir vajr ka nahin ho saka.

jab duryodhan gnga snan ke bad nagn avastha men gandhari ke samaksh upasthit hone ke lie a raha tha, tabhi marg men shrikrishn use mil gaye. unhonne duryodhan se kaha- "itana bada ho jane ke bad bhi tum apani mata ke samaksh poorv nagn hokar jaoge. kya tumhen lajja nahin ati." is par duryodhan ne apani jngha par patte lapet lie aur gandhari ke samaksh upasthit ho gaya. jab gandhari ne apane netron se patti kholakar use dekha to usaki divy drishti jngha par nahin pad saki, jis karan duryodhan ki jnghaen vajr ki nahin ho sakin. yuddh ke ant samay men duryodhan ek sarovar men pravesh kar gaya. usane kaha ki- "mere paksh ke logon se kah dena ki main rajyahin ho jane ke karan sarovar men pravesh kar gaya hoon." vah sarovar men jakar chhip gaya tatha maya se usaka pani bandh liya. tabhi kripachary, ashvatthama tatha kritavarma duryodhan ko dhoondhate hue us or ja nikale. snjay se samast samachar janakar ve pun: yuddh kshetr ki or badhe. yuddh-kshetr janashoony pakar ve tinon pun: sarovar par pahunche aur duryodhan ko pandavon se yuddh karane ka adesh dene lage. unaka kahana tha ki is prakar jal men chhipana kayarata hai. usi samay kuchh vyadh mans ke bhar se thake pani pine ke lie sarovar par pahunche. snyogavash duryodhan ko dhoondhate hue pandav bhi vahan a ge. vyadhon ne kripachary, ashvatthama, kritavarma tatha duryodhan ki batachit sun li thi. unhonne dhan-vaibhav ke lalach men pandavon ko duryodhan ke sarovar men chhipane ke sthan ko bata diya. pandav apane sainikon ke sath sinhanad karate hue us 'dvaipayan' namak sarovar tak pahunche. ashvatthama adi ne samajha ki ve apani vijay ki prasannata ke aveg men ghoom rahe hain, at: ve duryodhan ko vahan chhod door ek baragad ke ped ke niche ja baithe tatha bhavishy ke vishay men charcha karane lage. bahar se duryodhan dikhalayi nahin padata tha, at: ve log ashvast the.

pandavon ne vahan pahunchakar dekha ki sarovar ka jal maya se stnbhit hai aur usake andar duryodhan bhi poorn surakshit hai. shrikrishn ne yudhishthir ko bhi maya ka prayog karane ka paramarsh diya. yudhishthir adi ne duryodhan ko kayarata ke lie dhikkara tatha yuddh ke lie lalakara. duryodhan ne uttar men kaha ki- "vah bhayakrant pran-raksha ke nimitt vahan nahin hai, apitu kuchh samay vishram karana chahata hai tatha usake pas rath ityadi ki vyavastha bhi nahin hai. apane bndhu-bandhavon ke nash ke uparant vah mrigacharm dharan karane ke lie utsuk hai. pandav mitrashoony dharati par rajy karen." duryodhan ke mukh se yah kathan sunakar yudhishthir ne use jamakar phatakar lagayi aur kaha ki- "tumhari di dharati bhogane ko koee bhi ichchhuk nahin hai. kshatriy kisi ka diya dan nahin lete. tum yoddha ho to samane akar lado, is prakar chhipana kahan ki virata hai." duryodhan svabhav se hi krodhi tha. usane kaha ki- "vah ek-ek pandav ke sath gada yuddh karane ke lie taiyar hai. yudhishthir ne usase kaha- "tum kavach ityadi yuddh ke lie avashyak avayav grahan kar lo. tum kisi bhi ek pandav se yuddh karo, yadi jit jaonge to tum apana sara rajy le lena. shrikrishn is bat par rusht ho gaye. ve yudhishthir se bole- "ap logon men se bhim se itar koee bhi duryodhan se gada-yuddh karane yogy nahin hai. apane dayavash phir bhnyakar bhool ki hai. dyootakrida ki bhanti hi use yah avasar dena ki vah bhim ko chhodakar kisi aur ko lalakar le- kaun-si buddhimatta hai?" bhim ne avasar dekhakar duryodhan ko yuddh ke lie lalakara. donon ka dvndv yuddh arnbh hua. tabhi tirthatan karate hue balaram ko narad muni se kuroo-snhar ka samachar mila, at: ve bhi vahan pahunch gaye. bhim aur duryodhan gada-yuddh men jut gaye. donon ka palada barabar tha. shrikrishn tatha arjun ne paraspar vichar-vimarsh kiya ki bhim adhik balavan hai tatha duryodhan adhik kushal, at: dharmayuddh men duryodhan ko parast karana bahut kathin hai. bhim ne dyutakrida ke samay draupadi ke apaman par yah pratigya ki thi ki- "main gada marakar duryodhan ki donon janghe tod daloonga." bhim ke dekhane par shrikrishn ne apani bayin jangh ko thoka. bhim snket samajh ge aur unhonne paintara badalate hue duryodhan ki janghen gada ke prahar se tod dalin. vah dharashayi ho gaya to bhim ne usaki gada le li aur bayen pair se usaka sir kuchal diya, sath hi dyootakrida tatha chiraharan ke lajjajanak prasng ki yad duryodhan ko dilayi.

mahabharat yuddh ke bad ka drishy

yudhishthir ne bhim ko duryodhan par pad-prahar karane se roka. unhonne bhim se kaha ki- "mitrahin duryodhan ab daya ka patr hai, upahas ka nahin, jisake tarpan ke lie bhi koee shesh nahin bacha hai." yudhishthir ne duryodhan se kshama-yachana ki aur du:khi hone lage ki rajy pakar vidhava bahuon-bhabhiyon ko kaise dekh sakenge. balaram ne duryodhan ko aniti se parajit dekha to krodh se lal-pile ho uthe tatha bole- "mere shishy ko anyay se girana mera apaman hai. ve apana hal uthakar bhimasen ki or daude, kintu shrikrishn ne unhen bich men rokakar batalaya ki kis prakar chiraharan ke samay bhim ne usaki jnghayen todane ki shapath li thi. kis prakar samay-samay par kauravon ne pandavon ko chhala, kis prakar abhimanyu ko anyay se mara gaya; ityadi. yah to pratishodh matr tha. balaram sntusht nahin hue tatha dvaraka ki or chal diye. shrikrishn ki bat sunakar tangen kata hua duryodhan uchakakar dharati par baith gaya aur bola- "tum logon ne bhishm, dron, karn, bhoorishrava tatha mujhe adharm se mara hai. main apani mrityu se du:khi nahin hoon. mujhe kshatriy dharm ke anusar hi mrityu prapt ho rahi hai. main svarg bhog karoonga aur tum log bhagn manorath hokar shochaniy jivan bitate rahoge. bhim ke pad-prahar ka bhi mujhe du:kh nahin, kyonki kuchh samay bad kaue-gridh is sharir ka upabhog karenge."

pandav duryodhan ko usi sthiti men chhodakar chale gaye. duryodhan tadapata raha. tabhi snyog se snjay vahan pahunche, duryodhan ne unake sammukh sab vrittant kah sunaya, phir sndeshavahakon se ashvatthama, kripachary tatha kritavarma ko bulavakar sab krity sunaye. ashvatthama ne kruddh hokar pandavon ko mar dalane ki shapath li tatha vahin par duryodhan ne unhen kauravon ke senapati-pad par niyukt kar diya gaya. un tinon ke jane ke uparant us rat vah vahin tadapata raha. tinon maharathi nikatavarti gahan jngal men chhipakar rat vyatit karane ke lie chale gaye. ghodon ko pani ityadi pilakar ve vishram karane lage. kripachary tatha kritavarma ko nind a gayi, kint ashvatthama ko nind nahin aee. vah log baragad ke ek bade vriksh ke niche vishram kar raha tha. ashvatthama ne dekha ki ek ulloo ne achanak akraman karake ped ki kotaron men sote hue anek kauon ko mar dala. usane isi prakar pandavon ko bhi marane ka nishchay kiya aur ise daivi snket hi mana. kripachary aur kritavarma, in donon maharathiyon ko dvar par chhodakar ki koee jivit n bhag sake, ashvatthama pandavon ke shivir ke bhitar ja ghusa. vahan dhrishtadyumn, uttamoja, yudhamanyu, shikhndi, draupadi ke panch putron tatha any jitane bhi log shivir men the, unhen kuchalakar, gala ghontakar athava talavar se katakar mar dala gaya. pau phatane par shesh donon yoddhaon ko sath lekar ashvatthama duryodhan ke pas pahuncha. duryodhan ne ratri ka mrityukand sunakar sntoshapoorvak pran tyag diye.



pichhe jaen
duryodhan vadh
age jaen


panne ki pragati avastha
adhar
prarambhik
madhyamik
poornata
shodh

tika tippani aur sndarbh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah