अभिमन्यु  हिन्दी देवनागरी में पढ़ें।

uttara aur abhimanyu
Uttara And Abhimanu

abhimanyu mahabharat ke mahattvapoorn patr the jo panch pandavon men se arjun ke putr the. unaka chhal dvara karunik ant bataya gaya hai. abhimanyu mahabharat ke nayak arjun aur subhadra, jo balaram v krishn ki bahan thin, ke putr the. inhen chndr devata ke putr 'varcha' ka avatar bhi mana jata hai. dharana hai ki samast devataon ne apane putron ko avatar roop men dharati par bheja tha, parntu chndr dev ne kaha ki- "ve apane putr ka viyog sahan nahin kar sakate, atah unake putr ko manav yoni men matr solah varsh ki ayu di jae." isilie abhimanyu mahabharat yuddh men alp ayu men hi viragati ko prapt hue.

abhimanyu ka arth

abhi (=nirbhay) aur manyu (=krodhi) hone se is balak ka nam abhimanyu rakha gaya tha. ise shrikrishn, pandav log aur nagar nivasi bhi bahut chahate the. isake jatakarm adi snskar shrikrishn ne kiye the. inake char bhagon aur das lakshanon se snyukt divy tatha manush dhanurved apane pita arjun se sikha tha. yah ooncha, bhare kandhon vala, robila aur shrikrishn ke saman shoor-vir tha. isamen yudhishthir ki tarah dhairy, shrikrishn ki tarah svabhav, bhimasen ki tarah parakrami, arjun ki tarah roop aur vikram, nakul ki tarah namrata aur sahadev ki tarah shastr gyan tha.

jivan parichay

abhimanyu ka balyakal apani nanihal dvaraka men hi bita. unaka vivah maharaj virat ki putri uttara se hua. abhimanyu ke putr parikshit, jisaka janm abhimanyu ke mrityoparant hua, kuruvnsh ke ekamatr jivit sadasy purush the, jinhonne yuddh ki samapti ke pashchath pandav vnsh ko age badhaya. abhimanyu ek asadharan yoddha the. unhonne kaurav paksh ki vyooh rachana, jise chakravyooh kaha jata tha, ke sat men se chhah dvar bhed die the. arjun, subhadra ko chakravyooh bhedane ki vidhi suna rahe the, abhimanyu ne apani mata ki kokh men rahate hi arjun ke mukh se chakravyooh bhedan ka rahasy jan liya tha par subhadra ke bich men hi nidra magn hone se ve vyooh se bahar ane ki vidhi nahin sun paye the. abhimanyu ki mrrityu ka karan jayadrath tha jisane any pandavon ko vyooh men pravesh karane se rok diya tha. snbhavatah isi ka labh utha kar vyooh ke antim charan men kaurav paksh ke sabhi maharathi yuddh ke manadndon ko bhulakar us balak par toot pade, jis karan usane viragati prapt ki. abhimanyu ki mrityu ka pratishodh lene ke liye arjun ne sooryast se pahale hi jayadrath ke vadh ki shapath li thi. yahan krishn ke chamatkar se arjun ne jayadrath ka vadh kiya.

abhimanyu kauravon ke chakravyooh men ladate hue

abhimanyu ka vadh

pandavon ki sena abhimanyu ke pichhe-pichhe chali aur jahan se vyooh todakar abhimanyu andar ghusa tha, vahin se vyooh ke andar pravesh karane lagi. yah dekh sindhu desh ka parakrami raja jayadrath jo dhritarashtr ka damad tha, apani sena ko lekar pandav-sena par toot pada. jayadrath ke is sahasapoorn kam aur soojh ko dekhakar kaurav sena men utsah ki lahar daud gee. kaurav sena ke sabhi vir usi jagah ikatthe hone lage jahan jayadrath pandav-sena ka rasta roke hue khada tha. shighr hi toote morachon ki dararen bhar gee. jayadrath ke rath par chandi ka shookar-dhvaj phahara raha tha. use dekh kaurav-sena ki shakti bahut badh gee aur usamen naya utsah bhar gaya. vyooh ko bhedakar abhimanyu ne jahan se rasta kiya tha, vahan itane sainik akar ikatthe ho gaye ki vyooh phir pahale jaisa hi mazaboot ho gaya. vyooh ke dvar par ek taraph yudhishthir, bhimasen aur doosari or jayadrath yuddh chhid gaya. yudhishthir ne jo bhala phenkakar mara to jayadrath ka dhanush katakar gir gaya. palak marate-marate jayadrath ne doosara dhanush utha liya aur das ban yudhishthir par chhode. bhimasen ne banon ki bauchhar se jayadrath ka dhanush kat diya. rath ki dhvaja aur chhatari ko tod-phod diya aur ranabhoomi men gira diya. us par bhi sindhuraj nahin ghabaraya. usane phir ek doosara dhanush le liya aur banon se bhimasen ka dhanush kat dala. palabhar men hi bhimasen ke rath ke ghode dher ho gaye. bhimasen ko lachar ho rath se utarakar satyaki ke rath par chadhana pada. jayadrath ne jis kushalata aur bahaduri se thik samay vyooh ki tooti kilebndi ko phir se poora karake mazaboot bana diya usase padnv bahar hi rah gaye. abhimanyu vyooh ke andar akela rah gaya. par akele abhimanyu ne vyooh ke andar hi kauravon ki us vishal sena ko tahas-nahas karana shuroo kar diya. jo bhi usake samane ata, khatm ho jata tha.

duryodhan putr lakshman ka vadh

duryodhan ka putr lakshman abhi balak tha, par usamen virata ki abha phoot rahi thi. usako bhay chhoo tak nahin gaya tha. abhimanyu ki ban varsha se vyakul hokar jab sabhi yoddha pichhe hatane lage to vir lakshman akela jakar abhimanyu se bhid pada. balak ki is nirbhayata ko dekh bhagati huee kaurav sena phir se ikatthi ho gee aur lakshman ka sath dekar ladane lagi. sabane ek sath hi abhimanyu par ban varsha kar di, par vah abhimanyu par is prakar lagi jaise parvat par meh barasata ho. duryodhan putr apane adabhut parakram ka parichay deta hua virata se yuddh karata raha. ant men abhimanyu ne us par ek bhala chalaya. kenchuli se nikale sanp ki tarah chamakata hua vah bhala vir lakshman ke bade zor se ja laga. sundar nasika aur sundar bhaunho vala, chamakile ghungharale kesh aur jagamate kundalon se vibhooshit vah vir balak bhale ki chot se tatkal mrit hokar gir pada.

yah dekh kaurav-sena arttasvar men hahakar kar uthi. "papi abhimanyu ka kshan vadh karo." duryodhan ne chillakar kaha aur dron, ashvatthama, vrihadabal, kritavarma adi chhah maharathiyon ne abhimanyu ko charon or se gher liya. dron ne karn ke pas akar kaha-"isaka kavach bheda nahin ja sakata. thik se nishana bandhakar isake rath ke ghodon ki ras kat dalo aur pichhe ki or se is par astr chalao." vyooh ke antim charan men kaurav paksh ke sabhi maharathi yuddh ke manadndon ko bhulakar us balak par toot pade, jis karan usane viragati prapt ki.


panne ki pragati avastha
adhar
prarambhik
madhyamik
poornata
shodh

tika-tippani aur sndarbh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah