पाण्डव जन्म  हिन्दी देवनागरी में पढ़ें।

dhritarashtr janm se hi andhe the, atah unaki jagah par pandu ko hastinapur ka raja banaya gaya tha. isase dhritarashtr ko sada apani netrahinata par krodh ata aur unhen pandu se dveshabhavana hone lagati. pandu ne kuchh hi samay men sampoorn bharatavarsh ko jitakar kuru rajy ki simaon ka yavanon ke desh tak vistar kar diya.

ek bar raja pandu apani donon patniyon- kunti tatha madri ke sath akhet ke liye van men gaye. vahan unhen ek mrig ka maithunarat joda drishtigat hua. pandu ne tatkal hi apane ban se us mrig ko ghayal kar diya. marate huye mrigaroopadhari kindam rishi ne pandu ko shap diya- "rajan! tumhare saman kroor purush is snsar men koee bhi nahin hoga. toone mujhe maithun ke samay ban mara hai, atah jab kabhi bhi too maithunarat hoga, teri bhi mrityu ho jayegi." is shap se pandu atyant duahkhi hue aur apani raniyon se bole- "he deviyon! ab main apani samast vasanaon ka tyag karake is van men hi rahoonga, tum log hastinapur laut jao़." unake vachanon ko sunakar donon raniyon ne duahkhi hokar kaha- "nath! ham apake bina ek kshan bhi jivit nahin rah sakatin. ap hamen bhi van men apane sath rakhane ki kripa kijiye." pandu ne unake anurodh ko svikar karake unhen van men apane sath rahane ki anumati de di.[1]

isi dauran raja pandu ne amavasya ke din rishi-muniyon ko brahma ji ke darshanon ke liye jate hue dekha. unhonne un rishi-muniyon se svayn ko sath le jane ka agrah kiya. unake is agrah par rishi-muniyon ne kaha- "rajan! koee bhi niahsantan purush brahmalok jane ka adhikari nahin ho sakata, atah ham apako apane sath le jane men asamarth hain.” rishi-muniyon ki bat sunakar pandu apani patni se bole- "he kunti! mera janm lena hi vritha ho raha hai, kyonki santanahin vyakti pitri-rin, rishi-rin, dev-rin tatha manushy-rin se mukti nahin pa sakata. kya tum putr prapti ke liye meri sahayata kar sakati ho?"

kunti boli- "he aryaputr! durvasa rishi ne mujhe aisa mantr pradan kiya hai, jisase main kisi bhi devata ka ahvan karake manovanchhit vastu prapt kar sakati hoon. ap agya karen main kis devata ko bulaoon." is par pandu ne dharm ko amantrit karane ka adesh diya. dharm ne kunti ko putr pradan kiya, jisaka nam yudhishthir rakha gaya. kalantar men pandu ne kunti ko punah do bar vayudev tatha indradev ko amantrit karane ki agya di. vayudev se bhim tatha indr se arjun ki utpatti huee. tatpashchath pandu ki agya se kunti ne madri ko us mantr ki diksha di. madri ne ashvinikumaron ko amantrit kiya aur nakul tatha sahadev ka janm hua.[1]

ek din pandu madri ke sath van men sarita ke tat par bhraman kar rahe the. vatavaran atyant ramanik tha aur shital-mand-sugandhit vayu chal rahi thi. sahasa vayu ke jhonke se madri ka vastr ud gaya. isase pandu ka man chnchal ho utha. madri dvara samajhane tatha inkar karane par bhi ve maithun men pravrit hue, tabhi kindam rishi ke shapavash unaki mrityu ho gee. madri ne isake lie svayn ko hi doshi mana aur vah bhi pandu ke sath hi sati ho gee, kintu putron ke palan-poshan ke liye kunti hastinapur laut aee. vahan rahane vale rishi-muni pandavon ko rajamahal chhodakar a gaye. rishi-muni tatha kunti ke kahane par sabhi ne pandavon ko pandu ka putr mana aur unaka svagat kiya.



pichhe jaen
pandav janm
age jaen


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 mahabharat katha- bhag 3 (hindi) freegita. abhigaman tithi: 22 agast, 2015.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah