विराट नगर पर आक्रमण  हिन्दी देवनागरी में पढ़ें।

kichak ke vadh ki soochana andhi ki tarah charon or phail gee. vastav men kichak bada parakrami tha aur usase trigart ke raja susharma tatha hastinapur ke kaurav adi darate the. kichak ki mrityu ho jane par raja susharma aur kauravon virat nagar par akraman karane ke uddeshy se ek vishal sena gathit kar li. kauravon ne susharma ko pahale chadhaee karane ki salah di. unaki salah ke anusar susharma ne unaki salah manakar virat nagar par dhava bolakar us rajy ki samast gauon ko hadap liya. isase rajy ke sabhi gvalon ne rajasabha men jakar guhar lagaee- "he maharaj! trigart ke raja susharma hamase sab gauon ko chhinakar apane rajy men liye ja rahe hain. ap hamari shighr raksha karen.” us samay sabha men virat aur knk adi sabhi upasthit the. raja virat ne nishh‍chay kiya ki knk, ballav, tantipal, granthik tatha unake svayn ke netritv men sena ko yuddh men utara jaye. unaki is yojana ke anusar sab ne milakar raja susharma ke oopar dhava bol diya. chhadmaveshadhari pandavon ke parakram ko dekhakar susharma ke sainik apane-apane pran lekar bhagane lage. susharma ke bahut utsah dilane par bhi ve sainik vapas akar yuddh karane ke liye taiyar nahin the. apani sena ke pair ukhadate dekhakar raja susharma bhi bhagane laga, kintu pandavon ne use gher liya. ballav (bhim) ne lat ghoonson se mar-mar kar usaki haddi pasali tod dali. susharma ko adhamara karane ke bad ballav ne use uthakar prithvi par patak diya. bhoomi par girakar vah jor-jor chillane laga. bhimasen ne usaki ek n suni aur use bandhakar yudhishthir ke samaksh prastut kar diya. susharma ke dvara dasatv svikar karane par dharmaraj yudhishthir ne use chhod diya.[1]

idhar doosari or se kauravon ne virat nagar par hamala bol diya. praja rajasabha men akar raksha ke liye guhar lagane lagi, kintu us samay to maharaj charon pandavon ke sath susharma se yuddh karane chale gaye the. mahal men keval rajakumar uttar hi the. praja ko raksha ke liye guhar lagate dekhakar sairandhri (draupadi) se raha n gaya aur unhonne rajakumar uttar ko kauravon se yuddh karane ke liye n jate hue dekhakar khoob phatakara. sairandhri ki phatakar sunakar rajakumar uttar ne shekhi bagharate huye kaha- "main yuddh men jakar kauravon ko avashy hara deta, kintu asamarth hoon, kyonki mere pas koee sarathi nahin hai.” usaki bat sunakar sairandhri ne kaha- "rajakumar! brihannala bahut nipun sarathi hai aur vah kuntiputr arjun ka sarathi rah chuki hai. tum use apana sarathi banakar yuddh ke liye jao.” antatah rajakumar uttar brihannala ko sarathi banakar yuddh ke liye nikala. us din pandavon ke agyatavas ka samay samapt ho chuka tha tatha unake prakat hone ka samay a chuka tha. urvashi ke shapavash mili arjun ki napunsakata bhi samapt ho chuki thi. atah marg men arjun ne us shmashan ke pas, jahan pandavon ne apane astr-shastr chhupaye the, rath roka aur chupake se apane hathiyar le liye. jab unaka rath yuddhabhoomi men pahuncha to kauravon ki vishal sena aur bhishm, dronachary, karn, ashvatthama, duryodhan adi parakrami yoddhaon ko dekhakar rajakumar uttar atyant ghabara gaya aur bola- "brihannala! tum rath vapas le chalo. main in yoddhaon se mukabala nahin kar sakata.” brihannala ne kaha- "he rajakumar! kisi bhi kshatriyaputr ke liye yuddh men pith dikhane se to achchha hai ki vah yuddh men viragati prapt kar le. uthao apane astr-shastr aur karo yuddh.” kintu rajakumar uttar par brihannala ke vachanon ka koee prabhav nahin pada aur vah rath se koodakar bhagane laga. is par arjun (vrihannala) ne lapak kar use pakad liya aur kaha- "rajakumar! bhayabhit hone ki avashyakata nahin hai. mere hote huye tumhara koee bhi kuchh nahin bigad sakata. aj main tumhare samaksh svayn ko prakat kar raha hoon. main panduputr arjun hoon aur 'knk' yudhishthir, 'ballav' bhimasen, 'tantipal' nakul tatha 'granthik' sahadev hai. ab main in kauravon se yuddh karoonga, tum rath ki bagador snbhalo.” yah vachan sunakar rajakumar uttar ne gadagad hokar arjun ke pair pakad liye.

arjun ke 'devadatt' shnkh ki dhvani ranabhoomi men goonj uthi. us vishisht dhvani ko sunakar duryodhan bhishm se bola- "pitamah! yah to arjun ke devadatt shnkh ki dhvani hai, abhi to pandavon ka agyatavas samapt nahin hua hai. arjun ne svayn ko prakat kar diya, isaliye ab pandavon ko punah barah varsh ka vanavas aur ek varsh ka agyatavas bhogana hoga.” duryodhan ke vachan sunakar bhishm pitamah ne kaha- "duryodhan! kadachit tumhen gyat nahin hai ki pandav kal ki gati janane vale hain, bina avadhi poori kiye arjun kabhi samane nahin a sakata. mainne bhi ganana kar liya hai ki pandavon ke agyatavas ki avadhi poorn ho chuki hai.” duryodhan ek dirgh niahshh‍vas chhodate huye bola- "ab jab arjun ka ana nishh‍chit ho chuka hai to pitamah! hamen shighr hi vyooh rachana kar leni chahiye.” is par bhishm ne kaha- "vats! tum ek tihaee sena lekar gauon ke sath vida ho jao. shesh sena ko sath lekar ham log yahan par arjun se yuddh karenge.” bhishm pitamah ke paramarsh ke anusar duryodhan gauon ko lekar ek tihaee sena ke sath hastinapur ki or chal pada. yah dekhakar ki duryodhan ranabhoomi se lautakar ja raha hai, arjun ne apana rath duryodhan ke pichhe dauda diya aur bhagate hue duryodhan ko marg men hi gherakar apane asnkhy banon se use vyakul kar diya. arjun ke banon se duryodhan ke sainikon ke pair ukhad gaye aur ve pith dikhakar bhag gaye. sari gauen bhi rambhati hueen virat nagar ki aur bhag nikalin.[1]

duryodhan ko arjun ke banon se ghira dekhakar karn, dron, bhishm adi sabhi vir usaki raksha ke liy daud pade. karn ko samane dekhakar arjun ke krodh ka paravar n raha. unhonne karn par itane ban barasaye ki usake rath, ghode, sarathi sabhi nasht bhrasht ho gaye aur karn bhi maidan chhodakar bhag gaya. karn ke chale jane par bhishm aur dron ek sath arjun par ban chhodane lage, kintu arjun apane banon se bich men hi unake banon ke tukade-tukade kar deta tha. antatah arjun ke banon se vyakul hokar sare kaurav maidan chhod kar bhag gaye. kauravon ke is prakar bhag jane par arjun bhi vijayashnkh bajate huye virat nagar laut aye.



pichhe jaen
virat nagar par akraman
age jaen


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 mahabharat katha- bhag 7 (hindi) freegita. abhigaman tithi: 25 agast, 2015.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah