अम्बा  हिन्दी देवनागरी में पढ़ें।

  • kashiraj indradyumn ki tin kanyaon men jyeshth kanya amba thi. bhishm ne apane do sautale chhote bhaeeyon- vichitraviry aur chitrangad ke vivah ke lie kashiraj ki putriyon ka apaharan kiya tha.
  • bhishm ke parakram ke karan ve un par mugdh thi aur unase vivah karana chahati thin. kintu bhishm ajivan brahmachary ki pratigya kar chuke the, at: yah vivah sampann n ho saka.
  • is apaharan ki ghatana ke poorv inaka vivah shalv ke sath hona nishchit ho chuka tha. parantu is ghatana ke karan unhonne bhi amba se vivah karana asvikar kar diya.
  • pratishodh ki bhavana se prerit hokar amba ne kathin tapasya ki aur shiv ka varadan prapt kar agami janm men shikhandi ke roop men avatirn hokar arjun ke dvara bhishm ko jarjar karakar badala liya.
  • bhishm is vastavikata se avagat the.
katha

bhishm (devavrat) ko apane sautele bhaee vichitraviry ka vivah karana tha. isake lie ve kshatriy-kanyaon ki khoj men the. isi bich kashiraj ki kanyaon ke svaynvar ki khabar mili. thik samay par ve kashiraj ke yahan pahunche aur samavet rajamandali ko parast karake un kanyaon ko lakar unhonne mata satyavati ke supurd kar diya. kanyaon ka nam amba, ambika, aur ambalika tha. amba sabase badi thi. usane shalv ko varamala pahanane ka nishchay kar rakha tha. hastinapur men pahunchakar usane apana ukt abhipray prakat karake kaha ki main doosare ko hriday se varan kar chuki hoon, atev vichitraviry ke sath mera vivah karana anuchit hai.

shalv dvara tiraskar

bhishm aur satyavati ne udarata dikhalakar amba ko shalv ke pas jane ki agya de di. kintu jab vah shalv ke pas pahunchi to usane ise grahan karana svikar nahin kiya. kah diya ki tum to bhishm ke yahan se aee ho tumamen kuchh dosh dekhakar hi unhonne tumhen tyag diya hai. amba ne shalv ko sachcha hal samajhane ki badi cheshta ki, kintu kuchh phal nahin hua. bechari ki zindagi barabad ho gee. ab vah bhishm ke yahan bhi n ja sakati thi. jati to ve log kahate ki doosare purush par asaktaramani ko apani grihini banane ka dayitv kaun le. ant men vah badi dukhi hokar van men rishiyon ke pas pahunchi. un logon ne sab hal sunakar usako dhandhas bndhaya. ek din usaki bhent usake nana rajarshi hotravahan se ho gee. unaki salah manakar amba mahatma parashuram ji ki sharan men gee. unhonne apane mitr ki natin ke du:kh se dukhi hokar bhishm ke sath ghor yuddh kiya. is yuddh men bhishm ne bada parakram prakat kiya. parashuram ji se unhonne dhanurved sikha is nate ve parashuram ji ke shishy the. is snbndh ka nirvah unhonne uchit riti se kiya. yuddh arambh karane se pahale unhonne guru ke charanon ki vandana karake unase yuddh ke lie anumati li aur ashirvad prapt kiya tatha kshatriy-dharm ki or dekhakar datakar yuddh kiya. bada vikat sngram hua. koee kisi se har nahin manata tha. ant men apane pitaron ki agya manakar parashuram ko yuddh band karana pada. yah vijay pakar bhi bhishm ne kisi prakar ka abhiman prakat n karake guru ki vandana hi ki thi.

amba dvara tapasya

ab amba ne parashuram ji ke upadesh se apani manorath-siddhi ke lie, mahadev ji ki aradhana karana arambh kar diya. ashutosh ne prasann hokar use bhishm ke vadh karane ka varadan de diya. bas, amba ne ek chita banakar apani deh ko bhasm kar diya. isake anntar vah raja drupad ke yahan kanya ke roop men utpann huee. usaka nam 'shikhandini' tha. age chalakar vah 'sthoonakarn' namak yaksh se purushatv ka vinimay karake shikhandi nam se prasiddh huee. ant men isi ko yuddh men bhishm ka vadh karane men saphalata mili.

amba ka drishtikon

amba ne apane hathon apatti mol li. yadi vah shalv ki chinta chhod deti to kauravon ke ranivas se use kaun hata sakata tha. par kasht yahan bhi rahata. usaki donon bahanon par jaisi biti vah prakat hi hai. bhishm ko apani vipatti ka mool karan manakar vah unhen apana shatru samajhati thi. unase badala lene ke lie usase jitane upay ban pade, un sabako usane kiya. itane bade mahatma parashuram ji tak ko is jhagade men ghasita aur saphalata n pane par bhi usane asha nahin chhodi. kathor tapasya dvara parvatipati ko prasann kar unase varadan manga. vah chahati to bhishm ka vadh ki kshamata mangane ke badale apane kalyan ka sadhan kar leti, kintu use to badala lena tha. isake age usaki drishti men moksh ka bhi kuchh mahattv n tha. isi ko lagan kahate hain. jisamen aisi lagan hoti vah sab kuchh kar leta hai. itani tapasya karane par bhi amba ko doosare janm men purush-sharir nahin mila. pahale kanya hokar tab vinimay men purush-sharir mila.[1]


snbndhit lekh

  1. hindi vishvakosh, khand 1 |prakashak: nagari pracharini sabha, varanasi |snkalan: bharat diskavari pustakalay |prishth snkhya: 61 |

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah