दुर्वासा  हिन्दी देवनागरी में पढ़ें।

durvasa satayug, treta evn dvapar tinon yugon ke ek prasiddh siddh yogi aur mahanh maharshi the. ve apane krodh ke lie jane jate the. chhoti-si truti ho jane par hi ve shap de dete the. maharshi durvasa mahadev shnkar ke ansh se avirbhoot hue the.

janm

brahma ke putr atri ne sau varsh tak rishyamook parvat par apani patni anusooya sahit tapasya ki. unaki tapasya se prasann hokar unaki ichchhanusar brahma, vishnu aur mahesh ne unhen ek-ek putr pradan kiya. brahma ke ansh se vidhu, vishnu ke ansh se datt tatha shiv ke ansh se durvasa ka janm hua.

pauranik kathaen

durvasa aur raja ambarish

durvasa ji kuchh bade hue to mata-pita se adesh lekar ve ann, jal ka tyag kar kathor tapasya karane lage. visheshat: yam-niyam, asan, pranayam, dhyan-dharana adi ashtang yog ka avalamban kar ve aisi siddh avastha men pahunche ki unako bahut si yog-siddhiyan prapt ho gee. ab ve siddh yogi ke roop men vikhyat ho ge. tatpashchath yamuna kinare ek sthal par unhonne ek ashram ka nirman kiya aur yahin par rahakar avashyakata ke anusar bich-bich men bhraman bhi kiya. durvasa ashram ke nikat hi yamuna ke doosare kinare par maharaj ambarish ka ek bahut hi sundar rajabhavan tha. ek bar raja nirjala ekadashi evn jagaran ke uparant dvadashi vrat palan men the. samast kriyaen sampann kar snt-vipr adi bhoj ke pashchath bhagavat prasad se paran karane ko the ki maharshi durvasa a ge. maharshi ko dekh raja ne prasad grahan karane ka nivedan kiya, par rishi yamuna snan kar ane ki bat kahakar chale ge. paran kal nikalane ja raha tha. dharmgy brahmanon ke paramarsh par shri charanamrit grahan kar raja ka paran karana hi tha ki rishi upasthit ho ge tatha krodhit hokar kahane lage ki tumane pahale paran kar mera apaman kiya hai. bhakt ambarish ko jalane ke lie maharshi ne apani jata nichod kritya rakshasi utpann ki, parantu prabhu bhakt ambarish adig khade rahe. bhagavan ne bhakt raksharth chakr sudarshan prakat kiya aur rakshasi bhasm huee. durvasa ji chaudah lokon men raksharth daudate phire. shiv ki charan men pahunche. shiv ne vishnu ke pas bheja. vishnu ji ne kaha apane bhakt ka aparadh kiya hai. at: yadi ap apana kalyan chahate hain, to bhakt ambarish ke nikat hi kshama prarthana karen.

jab se durvasa ji apane pran bachane ke lie idhar-udhar bhag rahe the, tab se maharaj ambarish ne bhojan nahin kiya tha. unhonne durvasa ji ke charan pakad lie aur bade़ prem se bhojan karaya. durvasa ji bhojan karake tript hue aur adar poorvak raja se bhojan karane ka agrah kiya. durvasa ne sntusht hokar maharaj ambarish ke gunon ki prashnsa ki aur ashram laut ae. maharaj ambarish ke snsarg se maharshi durvasa ka charitr badal gaya. braj mandal ke antargat pramukh barah vanon men se lohavan ke antargat yamuna ke kinare mathura men durvasa ka atyant prachin ashram hai. yah maharshi durvasa ki siddh tapasya sthali evn tinon yugon ka prasiddh ashram hai. bharat ke samast bhagon se log is ashram ka darshan karane aur tarah-tarah ki laukik kamanaon ki poorti karane ke lie ate hain.

durvasa aur duryodhan

durvasa ne jivan-bhar bhakton ki pariksha li. ek bar durvasa muni apane das hazar shishyon ke sath duryodhan ke yahan pahunche. duryodhan ne unhen atithy se prasann karake varadan manga ki ve apane shishyon sahit vanavasi yudhishthir ka atithy grahan karen. duryodhan ne unase yah kamana prakat ki ki ve unake pas tab jayen, jab draupadi bhojan kar chuki ho. duryodhan ko pata tha ki draupadi ke bhojan kar lene ke uparant bataloee men kuchh bhi shesh nahin hoga aur durvasa use shap de denge. durvasa aise hi avasar par shishyon sahit pandavon ke pas pahunche tatha unhen rasoee banane ka adesh dekar snan karane chale gaye. dharm snkat men padakar draupadi ne krishn ka smaran kiya. krishn ne usaki bataloee men lage hue sag ke ek patte ko kha liya tatha kaha- "is sag se snpoorn vishv ke atma, ygybhokta sarveshvar bhagavan shrihari tript tatha sntusht ho jaen." unake aisa karate hi durvasa ko apane shishyon sahit tripti ke dakar ane lage. ve log yah sochakar ki pandavagan apani banaee rasoee ko vyarth jata dekh rusht honge, door bhag gaye."

durvasa aur shrikrishn

ek bar durvasa yah kahakar ki ve atynt krodhi hain, kaun unaka atithy karega, nagar men chakkar laga rahe the. unake vastr phate hue the. shrikrishn ne unhen atithi-roop men amantrit kiya. unhonne anek prakar se krishn ke svabhav ki pariksha li. durvasa kabhi shaiya, abhooshit kumari ityadi samast vastuon ko bhasm kar dete, kabhi das hazar logon ke barabar khate, kabhi kuchh bhi n khate. ek din khir joothi karake unhonne krishn ko adesh diya ki ve apane aur rukmini ke angon par lep kar den. phir rukmini ko rath men jotakar chabuk marate hue bahar nikale. thodi door chalakar rukmini ladakhadakar gir gayin. durvasa krodh se pagal dakshin disha ki or chal diye. krishn ne unake pichhe-pichhe jakar unhen rokane ka prayas kiya to durvasa prasann ho gaye tatha krishn ko krodhavihin janakar unhonne kaha- "srishti ka jab tak aur jitana anurag ann men rahega, utana hi tumamen bhi rahega. tumhari jitani vastuen mainne todin ya jalayi hain, sabhi tumhen poorvavat mil jayengi."[1]

durvasa aur draupadi
  • ek bar draupadi nadi men snan kar rahi thi. kuchh door par durvasa bhi snan kar rahe the. durvasa ka adhovastr jal men bah gaya. ve bahar nahin nikal pa rahe the. draupadi ne apani sadi men se thoda-sa bhag phadakar unako diya. phalasvaroop unhonne draupadi ko var diya ki usaki lajja par kabhi anch nahin ayegi.[2]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. mahabharat, vanaparv, adhyay 262 se 263 tak, dan dharmaparv, adhyay 159
  2. shiv puran, 7 . 25-26 .-

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah