अम्बरीष  हिन्दी देवनागरी में पढ़ें।

ambarish ikshvakuvnshiy paramavir raja the. yah bhagirath ke prapautr, vaivasvat manu ke pautr aur nabhag ke putr the. raja anbarish ki katha ramayan, mahabharat aur puranon men vistar se varnit hai. unhonne das hazar rajaon ko parajit karake khyati arjit ki thi. ve vishnu bhakt the aur apana adhikansh samay dharmik anushthanon men lagate the.

kathaain

pratham katha

ek bar raja ne vrat rakha tha. vrat ke paran se kuchh hi pahale durvasa rishi unake yahan pahunche. raja ne rishi ko amntrit kiya. amntran svikar karake rishi nityakarm ke lie nadi tat par chale ge aur bahut der tak nahin laute. jab vrat paran ka samay bitane laga to vidvanon ke paramarsh par raja ne jal grahan kar liya. lautane par jab durvasa ne dekha ki anbarish ne unaki pratiksha kie bina hi jal grahan kar liya hai to ve kupit ho uthe. unhonne apani jata ka ek bal todakar bhoomi par pataka, jo kritya banakar talavar hath men lie raja par jhapati. usi samay vishnu ka sudarshan chakr prakat hua aur kritya ko nasht karake durvasa ke pichhe lag gaya. rishi apane pranon ki raksha ke lie brahma, shiv aur ant men vishnu ke pas ge, par kisi ne bhi unhen sharan nahin di. ant men vishnu ke paramarsh par rishi ko anbarish ki sharan men jana pada aur is prakar unhen mukti mili. kuchh vidvanon ka mat hai ki is katha ka mukhy uddeshy vishnu ki mahatta ko shreshth siddh karana hai.

dvitiy katha

anbarish ki sundari namak ek sarvagun sampann kanya thi. ek bar narad aur parvat donon us par mohit ho ge. ve sahayata ke lie vishnu ke pas ge aur donon ne unase ek-doosare ko vanaramukh bana dene ki prarthana ki. vishnu ne donon ki bat manakar donon ka mukh vanar ka bana diya. sundari donon ke mukh dekhakar bhayabhit ho gee, kintu bad men usane dekha ki donon ke bich men vishnu virajaman hain. at: usane varamala unhin ke gale men dal di.

tritiy katha

ek any katha ke anusar ek bar anbarish ke ygy-pashu ko indr ne chura liya. is par brahmanon ne ray di ki is dosh ka nivaran manav bali se hi ho sakata hai. tab raja ne rishi richik ko bahut-sa dhan dekar unake putr shun:shep ko ygy-pashu ke roop men kharid liya. ant men vishvamitr ki sahayata se shun:shep ke pranon ki raksha huee.


anbarish ikshvaku se 28vin pidhi men hua ayodhya ka sooryavnshi raja. vah prashushrak ka putr tha. puranon men use paramavaishnav kaha gaya hai. isi ke karan vishnu ke chakr ne durvasa ka pichha kiya tha. mahabharat, bhagavat aur harivnsh men anbarish ko nabhag ka putr mana gaya hai. ramayan ki parnpara usake viparit hai. us katha ke anusar jab anbarish ygy kar rahe the tab indr ne balipashu chura liya. purohit ne tab bataya ki ab us pranasht ygy ka prayashchitt keval manushyabali se kiya ja sakata hai. phir raja ne rishi rishik ko bahut dhan dekar bali ke lie usake kanishth putr shun:shesh ko kharid liya. rigved men us balak ki vinati par vishvamitr dvara usake bndhanamoksh ki katha sooktabaddh hai. anbarish ki kanya sundari lakshmi ka avatar thi jise dekhakar parvat aur devarshi narad donon asakt ho ge. donon ne vishnu se ek-doosare ka mukh bndar ka sa bana dene ki prarthana ki. vishnu ne yahi kiya. sundari inhen dekhakar bhayabhit ho gee aur usane vishnu ke gale men varamala dal di. rishiyon ne anbarish ko andhakaravritt hone ka shap diya kintu vishnu ke sudarshan chakr ne andhakar ka vinash kar diya. ling puran (2.5.6) tatha valmiki ramayan (balakand) ke anusar anbarish aur harishchndr ek hi vyakti ke nam the.[1]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

bharatiy charit kosh |lekhak: liladhar sharma 'parvatiy' |prakashak: shiksha bharati, madarasa rod, kashmiri get, dilli |prishth snkhya: 02 |

  1. hindi vishvakosh, khand 1 |prakashak: nagari pracharini sabha, varanasi |snkalan: bharat diskavari pustakalay |

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah