अरुण ऋषि  हिन्दी देवनागरी में पढ़ें।

arun nam ke kee vyaktiyon ka ullekh bharatiy vanamay men milate hain. srishti ki utpatti ke samay brahm ke mans se utpann rishi ka nam arun tha. pncham manu ke putron men se ek ki yahi sngya thi. danu aur kashyap ke ek putr ka bhi arun nam milata hai. haryashv ko drishadvati se jat putr ka bhi yahi nam tha jisake any namantar nibndhan tatha tribndhan the. narakasur ke putr arun ne apane chhah bhaiyon ke sath krishn par akraman kiya aur sabandhav mara gaya. sharmasavarni manvntar ke saptarshiyon men se bhi ek ka nam arun tha.

poorvakash ki prat:kalin lalima athava balasoory ko bhi arun kaha jata hai. pauranik manyata ke anusar soory ke rath ka sarathi arun vinata aur kashyap ka putr tha. isake janm ki katha paryapt rochak hai. ullekh hai ki vinata aur usaki saut kadroo ek sath apannasatva huee. parntu kadroo ko pahale hi prasav ho gaya aur usake putr chalane phirane lage. yah dekh vinata ne apane do andon men se ek ko phod dala jisase kamar tak shariravala putr nikala. yahi arun tha jise, pair n hone ke karan, anaroo tatha vipad bhi kaha gaya. yah janane par ki sautiyadah ke karan meri yah dasha huee hai, arun ne apani man ko shap diya ki panch sau varsh tak saut ki dasi banakar raho. parntu bad men usane u:shap bataya ki doosare ande ko yadi paripakv hone diya gaya to usase utpann putr tumhen dasata se mukt karega. doosare ande se janme garud ne arun ko le jakar poorv disha men rakha. apane yogabal se arun ne sntapt soory ke tej ko nigal liya. tabhi devataon ke anurodh par usane soory ka sarathy svikar kiya. snpati, jatayu tatha shyen isake putr the. nirnayasindhu tatha snskarakaustubh men arunakrit smriti ka ullekh hai. vipad hone ke karan soory ki moortiyon ke sath arun sada katibhag tak hi utkirn hota hai. sooryamndiron athava vishnumndiron ki chaukhat par ghodon ki ras pakade rath ka snchalan karati huee arunamoorti madhyakalin kala men bahudha kori gee hai.

viprachitti vnsh ke ek danav ka nam bhi arun tha. isane sahasron varsh tak gayatri jap karake brahm se yuddh men mrityu n hone ka var paya. indradi se yuddh ke samay akashavani dvara isake marane ka upay ka pata chala ki gayatri ka tyag karane par hi danav ki mrityu snbhav hai. pashchath‌ devataon dvara niyukt brihaspati ne isase gayatri jap chhudavaya. isase kruddh gayatri ne lakhon bhaunre utpann kie jinhonne sena sahit arun ko mar dala.[1]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. hindi vishvakosh, khand 1 |prakashak: nagari pracharini sabha, varanasi |snkalan: bharat diskavari pustakalay |prishth snkhya: 236 |

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah