लोमश ऋषि  हिन्दी देवनागरी में पढ़ें।

lomash rishi param tapasvi tatha vidvan the. inhen puranon men amar mana gaya hai. hindoo mahakavy mahabharat ke anusar ye pandavon ke jyeshth bhrata yudhishthir ke sath tirthayatra par gaye the aur unhen sab tirthon ka vrittant inhonne batalaya tha. lomash rishi bade-bade romon ya roon vale the. inhonne bhagavan shiv se yah varadan paya tha ki ek kalp ke bad mera ek rom gire aur is prakar jab mere sharir ke sare ke sare rom gir jaain, tab meri mrityu ho.

pravachan tatha shap

jab lomash rishi pravachan karate the to sabhi shrota tanmay hokar unaka pravachan sunate aur labhanvit hote. ek din vah pravachan kar rahe the. shrotaon men chapal svabhav ka ek vyakti baitha tha, jo bar-bar rishi se prashn poochh kar pravachan men badha dal raha tha. kabhi poochhata, 'kya apane bhagavan ke darshan kie hain', to kabhi poochhata, 'ham unake darshan kaise kar sakate hain?' isase rishi ki ekagrata bhng ho rahi thi. bar-bar vyavadhan padane se akhirakar lomash rishi ka dhairy javab de gaya. unhonne us vyakti ko shap diya ki- "kauve ki tarah kanv-kanv kar raha hai, shayad pahale janm men kauva tha aur agale janm men bhi kauva hi hoga."

pashchatap

lomash rishi ne krodh men us vyakti ko shap to de diya, lekin bad men unhen apani bhool ka ahasas hua aur ve bahut du:khi hue. unhonne dekha ki mere dvara itana bhaynkar shap dene ke bad bhi vah vyakti shant baitha pravachan sun raha hai. unako is bat ka ashchary hua to unhonne poochh hi liya- "mere shap se tumhen chinta nahin huee? kauve ki yoni to nimn mani gee hai. is tarah ka shap sunakar bhi tum vichalit nahin hue. akhir bat kya hai, isaka rahasy kya hai?" us vyakti ne hath jod kar kaha- "isamen ashchary aur rahasy jaisi koee bat nahin hai. jo hota hai prabhu ki ichchha se hi hota hai, phir main kyon chinta karoon? yadi main kauva bana to usamen bhi mera bhala hi hoga. ap jaise rishi evn param tapasvi ne kuchh sochakar hi yah shap diya hoga."

lomash rishi us vyakti ka yah shraddha bhav dekh kar chakit rah ge. unhonne kaha- "ab main tumhen var deta hoon ki tum kauve ke roop men jahan rahoge, us kshetr men door-door tak kaliyug ka prabhav nahin padega. tum bhakt pakshi ke roop men amarata prapt karoge." puranon ke anusar us vyakti ne agale janm men kakabhushundi namak ek brahman ke roop men janm liya, jisane garud ko ramakatha sunaee thi.

raja dasharath v rishi lomash

ek bar chakravarti raja dasharath apane lie ek naye kile ki ninv khudava rahe the. us samay lomash rishi vahan a gai. unhonne kam kar rahe adamiyon se poochha- "yah kya ho raha hai?" adamiyon ne uttar diya- "chakravarti maharaj dasharath ke kile ki ninv khodi ja rahi hai." lomash rishi ne kaha- "jao raja dasharath se kaho ki lomash rishi ne unhen bulaya hai." maharaja dasharath ne jyon hi yah suna to shighr hi rishi ke pas daude chale aai. unake samip jakar dandavat kiya aur hath jodakar bole- "rishivar ! is das ke lie kya agya hai?" rishi lomash ne maharaj dasharath ki or badi hi karuna bhari drishti se dekha aur bole- "rajan ! mujhe ek bat poochhani hai aur vah yah ki- "apako is mrityulok men kitane dinon tak rahana hai?" raja dasharath ne bade hi vinit bhav se uttar diya- "rishi shreshth ! yah to mujhe maloom nahin." lomash rishi ne kaha- "rajan ! itana to ap janate hi honge ki ek n ek din apako yah jagat chhodakar jana hai. adhik se adhik hajar varsh rah jaainge, bas isase adhik to nahin n? kintu mere vishay men sun lo.[1]

jab bhagavan shnkar ko mainne tapasya kar prasann kar liya aur ashutosh bhagavan ne mujhase var mangane ko kaha to mainne kaha- "devadhidev ! yadi ap mujhase prasann hain to mera yah nar tan ajar-amar kar dijiai, kyonki mujhe mrityu se bada bhay lagata hai. bhagavan shnkar ne turant kaha- "lomash ! yah nahin ho sakata. is mrityulok ki sari chijen nashvar hain aur der-saber sabhi vinash ko prapt hongi. yah atoot eeshvariy vidhan hai, isako koee nahin badal sakata. atah tumhare is bhautik sharir ko main bhi ajar-amar nahin kar sakata. han, ayu chahe kitani mang lo. sima bandh lo, kyonki sare bhautik tatv simit hain. yah tumhara sharir bhi inhin bhautik tatvon ka bana hai. isalie yah asim nahin ho sakata." rajan ! devadhidev ki lachari janakar mainne kaha- "achchha! to main yah mangata hoon ki ek kalp ke bad mera ek rom gire aur is prakar jab mere sharir ke sare ke sare rom gir jaain, tab meri mrityu ho. bhagavan shnkar 'evamastu' kahakar turant anrtdhyan ho gai." lomash rishi ne age kaha ki- "jab koee mujhase kutiya banakar rahane ke lie kahata hai to mere samane mrityu nachane lagati hai aur main kah deta hoon ki jab is desh men rahana hi nahin hai to kutiya kyon banaoon? abhi mere to ek pair ke ghutane tak rom jhade hain. is hisab se to abhi mujhe bahut varsh tak is mrityulok men rahana hai.

upadesh

dasharath mrityu ke bhay se kanpane lage aur lomash rishi ke charanon men gir gai aur kahane lage- "bhagavan ! main samajh gaya. apane bahubal se sare snsar par vijay prapt kar mainne yah vichar kiya tha ki ab is kile ka nirman kar poorn surakshit roop se anand ka jivan bitaoonga. kintu mujhe ab gyan hua hai ki main kal se surakshit nahin rah sakata. mujhe saty ka upadesh dijiai. lomash rishi ne kaha- "rajan ! snsar men jitana yash prapt karana tha, apane kiya. parantu abhi tak apane apane lie kuchh nahin kiya. pata nahin kab sharir chhoot jaai. ap sadguroo upadesh lekar apana kary karen, jisase atma ko paramatma ki prapti ho jaai aur vah sada ke lie mrityu bhay se nirbhay ho jaai. yahi is deh dhare ka sar hai. mainne apana kam kar liya hai. kintu kya karoon, ab varadan ke karan mujhe apani ichchha ke viruddh yahan rahana pad raha hai." raja dasharath lomash rishi ka ashay samajh gai aur kile ke nirman ke irade ko chhod diya.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. mrityu nishchit hai (hindi). . abhigaman tithi: 19 aktoobar, 2013.

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah