देवकी  हिन्दी देवनागरी में पढ़ें।

parichay

krishn-balaram, devaki-vasudev se milate hue, dvara- raja ravi varma

ahuk ne apani bahin ahuki ka byah avnti desh men kiya tha. ahuk ki ek putri bhi thi, jisane do putr utpann kiye. unake nam hain- devak aur ugrasen. ve donon devakumaron ke saman tejasvi hain. devak ke char putr hue, jo devataon ke saman sundar aur vir hain. unake nam hain- devavan, upadev, sudev aur devarakshak. unake sat bahinen thin, jinaka byah devak ne vasudev ke sath kar diya. un saton ke nam is prakar hain- devaki, shrutadeva, yashoda, shrutishrava, shrideva, upadeva aur suroopa. ugrasen ke nau putr hue; unamen kns sabase bada tha. shesh ke nam is prakar hain- nyagrodh, sunama, knk, shnku, subhoo, rashtrapal, baddhamushti aur sumushtik. unake panch bahinen thin- knsa, knsavati, surabhi, rashtrapali aur knka. ye sab-ki-sab badi sundari thin. is prakar santanon sahit ugrasen tak kukur-vnsh ka varnan kiya gaya.

chhandogy upanishad men ullekh

devaki- krishn ki mata ka nam devaki tatha pita ka nam vasudev hai. devaki kns ki bahan thi. kns ne pati sahit usako karavas men band kar rakha tha, kyonki usako jyotishiyon ne bataya tha ki devaki ka koee putr hi usaka vadh karega. kns ne devaki ke sabhi putron ka vadh kiya, kintu jab krishn utpann hue to vasudev raton-rat unhen gokul gram men nand-yashoda ke yahan chhod aye. devaki ke bare men isase adhik kuchh vishesh vaktavy gyat nahin hota hai. chhandogy upanishad men bhi devakiputr krishn(ghor aginras ke shishy) ka ullekh hai.

any ullekh

mathura ke raja ugrasen ke chhote bhaee devak ki putri, vasudev ki patni tatha krishn ki vastavik mata ka nam devaki tha. isake atirikt shaivy ki kanya, yudhishthir ki patni, udgith rishi ki patni ka bhi devaki ke nam se ullekh milata hai. yadyapi devaki krishn ki vastavik mata hain, tathapi krishn-bhakt kavi yashoda ki tulana men usake vyaktitv men matritv ka ubhar nahin de sake. devaki ko krishn-janm ke poorv hi unake atiprakrit vyaktitv ka gyan tha phir bhi janm ke samay unake atiprakrit chihnon ko dekhakar vah chintit ho jati hain[1]. is avasar par unake matritv ka abhas matr milata hai. vah vasudev se kisi bhi prakar krishn ki raksha ki prarthana karati hain [2]. krishn-katha men devaki ki doosari jhalak mathura men usake krishn se punarmilan ke avasar par hoti hai [3]. krishn ke alaukik vyaktitv ke parichay evn balaram ke svayn ko sheshanag ka avatar kahane par vah apana vilap tyagakar maun ho jati hain. isalie katha ke uttarardh men devaki ka matritv dab sa gaya hai ant men devaki ka vatsaly bhakti men badal jata hai. vah krishn se svayn ko gokul men sharan dene ki prarthana karati hain [4].

krishn-katha devi bhagavat ke anusar

krishn-katha men ankit sabhi patr kisi n kisi karanavash shapagrast hokar janme the. kashyap ne varun se kamadhenu mangi thi phir lautayi nahin, at: varun ke shap se ve gvale hue. devi bhagavat men diti aur aditi ko daksh kanya mana gaya hai. aditi ka putr indr tha jisane man ki prerana se diti ke garbh ke 49 bhag kar die the jo maroot hue. aditi se rusht hokar diti ne shap diya tha-'jis prakar gupt roop se toone mera garbh nasht karane ka prayatn karavaya hai usi prakar prithvi par janm lekar too bar-bar mritavatsa hogi. phalat: usane devaki ke roop men janm liya. -(devi bhagavat)

kns se devaki ko bachate huye vasudev

devaki katha

devaki ugrasen ke chhote bhaee devak ki sabase chhoti kanya thi. kns apani chhoti chacheri bahan devaki se atyant sneh karata tha. jab usaka vivah vasudev se hua to kns svayn rath hankakar apani us bahan ko pahnchane chala. raste men akashavani huee- 'moorkh! too jise itane prem se pahunchane ja raha hai, usi ke athaven garbh se utpann putr tera vadh karega.' akashavani sunate hi kns ka sara prem samapt ho gaya. vah rath se kood pada aur devaki ke kesh pakad kar talavar se usaka vadh karane ke liye taiyar ho gaya.

vasudev ka vachan

'mahabhag! ap kya karane ja rahe hain? vishv men koee amar hokar nahin aya hai. apako stri vadh jaisa jaghany pap nahin karana chahiye. yah apaki chhoti bahan hai aur apake liye putri ke saman hai. ap kripa karake ise chhod den. apako isake putr se bhay hai. main pratigya karata hoon ki isase jo bhi putr hoga, use main apako lakar de doonga.' vasudev ne kaha. kns ne vasudev ke vachanon par vishvas karake devaki ko chhod diya. kns svabhav se hi atyachari tha. isaliye usane apane pita ugrasen ko bandi banakar karagar men dal diya. shasak hote hi usane apane asur sevakon ko svatantrata de di. ygy band ho gaye. dharmakrity aparadh mane jane lage. gau aur brahmanon ki hinsa hone lagi.

narad ki salah

samay pakar devaki ji ko pratham putr hua. vasudev ji apane vachan ke anusar use lekar kns ke samip pahunche. kns ne unaka adar kiya aur kaha-'isase mujhe koee bhay nahin hai. ap ise lekar laut jayen.' vahan devarshi narad bhi the. unhonne kaha- apane yah kya kiya? vishnu kapati hai. apake vadh ke liye unhain avatar lena hai. pata nahin ve kis garbh men ayen. pahala garbh bhi athavan ho sakata hai aur athavan garbh bhi pahala ho sakata hai.' devarshi ki bat sunakar kns ne bachche ka pair pakadakar use shilakhand par patak diya. devaki chitkar kar uthi. kns ne navadampati ko tatkal hathakadi-bedi men jakadakar karagar men dal diya aur kathor pahara baitha diya. isi prakar devaki ke chh: putron ko kns ne kramash: maut ke ghat utar diya. sataven garbh men anant bhagavan shesh padhare. bhagavan ke adesh se yogamaya ne is garbh ko akarshit karake vasudev ki doosari patni rohini ke garbh men pahuncha diya. yah prachar ho gaya ki devaki ka garbh stravit ho gaya.

krishn janm

devaki ke athaven garbh ka samay aya. unaka sharir oj se poorn ho gaya. kns ko nishchit ho gaya ki ab ki zaroor mujhe marane vala vishnu aya hai. paharedaron ki snkhya badha di gayi. bhadrapad ki andheri rat ki ashtami tithi thi. shnkh, chakr, gada, padm, vanamala dharan kiye bhagavan devaki-vasudev ke samaksh prakat hue. bhagavan ka darshan karake mata devaki dhany ho gayin. pun: bhagavan nanhen shishu ke roop men devaki ki god men a gaye. paharedar so gaye. vasudev-devaki ki hathakadi-bedi apane-ap khul gayi. bhagavan ke adesh se vasudev ji unhen gokul men yashoda ki god men dal aye aur vahan se unaki tatkal paida huee kanya le aye. kanya ke rone ki avaz sunakar paharedaron ne kns ko soochana pahunchayi aur vah bandigrih men daudata hua aya. devaki se kanya ko chhinakar kns ne jaise hi use shila par patakana chaha, vah usake hath se chhootakar akash men chali gayi aur kns ke shatru ke kahin aur prakat hone ki bhavishyavani karake antardhan ho gayi. ek-ek karake kns ke dvara bheje gaye sabhi daity gokul men shrikrishn balaram ke hathon yamalok sidhare aur ant men mathura ki rngashala men kns ki mrityu ke sath usake atyacharon ka ant hua. vasudev-devaki ke jayaghosh ke svaron ne mata devaki ko chaunka diya aur jab mata ne ankh kholakar dekha to ram-shyam unake charanon men pade the. vasudev-devaki ke du:khon ka ant hua.


tika tippani aur sndarbh

  1. soorasagar, p0 (622-625
  2. soorasagar0p0 627
  3. soorasagar, p0 3708
  4. soorasagar p0 3740

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah