गोकुल  हिन्दी देवनागरी में पढ़ें।

gokul
navanit priya mandir, gokul
vivaran 'gokul' prasiddh hindoo dharmik sthal hai. bhagavan shrikrishn tatha balaram ne apani balyavastha ke kuchh varsh yahan vyatit kie the.
rajy uttar pradesh
zila mathura
bhaugolik sthiti mathura se 15 ki.mi. ki doori par yamuna ke par.
prasiddhi hindoo dharmik sthal
relave steshan mathura jnkshan, mathura chhavani
yatayat bas, kar, aauto, riksha
kya dekhen navanit priya mandir, kaliyadah
kahan thaharen hotal, dharmashalaen adi.
snbndhit lekh shrikrishn, balaram, nandababa, yashoda, rohini, kaliy nag, brahmand ghat adi.
any janakari vishvas kiya jata hai ki bhagavan krishn ne yahan gauen charayi thin. kaha jata hai ki shrikrishn ke palak pita nand ka yahan goshth tha. snprati vallabhachary, unake putr gosaeen vitthalanath ji evn gokulanathaji ko baithaken hai. mukhy mandir gokulanath ji ka hai.
adyatan‎

gokul bhagavan shrikrishn se juda braj ka prasiddh dharmik sthal hai. yah sthal mathura se 15 ki.mi. ki doori par yamuna ke par sthit hai. yah vaishnav tirth hai. yatharth mahavan aur gokul ek hi hai. nandababa apane parijanon ko lekar nandaganv se 'vrihadvan' ya 'mahavan' men bas gaye the. gau, gop, gopi adi ka samooh vas karane ke karan mahavan ko hi 'gokul' kaha gaya hai.

itihas

nandababa ke samay gokul nam ka koee prithakh roop men ganv ya nagar nahin tha. yatharth men yah gokul adhunik basti hai. yahan par nandababa ki gooon ka khidak tha. aj se lagabhag panch sau pachchis varsh pahale chaitany mahaprabhu ke braj agaman ke pashchath vallabhachary ne yamuna ke is manohar tat par shrimadbhagavat ka parayan kiya tha. inake putr shri vitthalachary aur unake putr shrigokulanath ji ki baithaken bhi yahan par hain. asal men shrivitthalanath ne aurngajeb ko chamatkar dikhala kar is sthan ka apane nam par patta liya tha. unhonne hi is gokul ko basaya. unake pashchath shrigokulanath ke putr, parivaron ke sahit is gokul men hi rahate the. shrivallabhakul ke gosvami gokul men hi rahate the. unhonne yahan par mathureshaji, vitthalanath ji, dvarikadhish ji, gokulachandrama ji, balakrishn ji tatha shrimadanamohan ji ke shrivigrahon ko pratishtha ki thi. bad men shrimathuresh ji kota, shrivitthalanath ji nathadvara, shridvarikadhish ji kankarauli, gokulachandrama ji kamavan, shribalakrishn ji soorat aur madanamohan ji kamavan padhar gaye.

shrivallabhakul ke gosvami gokul men rahane ke karan 'gokuliya gosvami' ke nam se prasiddh hue. vishvas kiya jata hai ki bhagavan krishn ne yahan gauen charayi thin. kaha jata hai, shrikrishn ke palak pita nand ka yahan goshth tha. snprati vallabhachary, unake putr gusanee bitthalanath ji evn gokulanathaji ki baithaken hain. mukhy mandir gokulanath ji ka hai. yahan vallabhakul ke chaubis mandir batalaye jate hain. mahalingeshvar tantr men shivashatanam stotr ke anusar mahadev gopishvar ka yah sthan hai- gokule gopinipoojyo gopishvar itirit:.

yamuna, gokul
Yamuna, Gokul

mahattv

gokul braj ka bahut mahattvapoorn sthal hai. yahin par rohini ne balaram ko janm diya tha. balaram devaki ke sataven garbh men the, jinhen yogamaya ne akarshit karake rohini ke garbh men dal diya tha. mathura men krishn ke janm ke bad kns ke sabhi sainikon ko nind a gayi aur vasudev ki bediyan khul gayi thin. tab vasudev krishn ko gokul men nandaray ke yahan chhod aye the. nandaray ji ke ghar lala ka janm hua hai, dhire-dhire yah bat gokul men phail gayi. sabhi gopagan, gopiyan, gokulavasi khushiyan manane lage. sabhi ghar, galiyan chauk adi sajaye jane lage aur badhaiyan gayi jane lagin. krishn aur balaram ka palan poshan yahin hua aur donon apani lilaon se sabhi ka man mohate rahe. ghutanon ke bal chalate hue donon bhaee ko dekhana gokulavasiyon ko sukh deta tha, vahin makhan churakar krishn braj ki gopikaon ke dukhon ko har lete the. gopiyan krishn ko chhachh aur makhan ka lalach dekar nachati thin to krishn bansuri ki dhun se sabhi ko mantr mugdh kar dete the. krishn ne gokul men rahate hue pootana, shakatasur, trinavart adi asuron ko moksh pradan kiya. gokul se age 2 kilomitar door mahavan hai. log ise 'purani gokul' kahate hain. yahan chaurasi khambhon ka mandir, nandeshvar mahadev, mathura nath, dvarika nath adi mandir hain.

darshaniy sthan

shrithakuranighat

yah gokul ka yah mukhy ghat hai. shrivallabhachary ji ko yahin par yamuna maharani ka darshan prapt hua tha. unhonne yahin par sarvapratham diksha dena arambh kiya. isalie 'vallabh snpraday' ke vaishnavon ke lie yah ghat bahut hi mahattvapoorn sthan hai.

govind ghat

shrivallabhacharyaji jab braj men aye, tab yamuna ke is ghat ka darshan kar bade akarshit hue. unhonne bade-boodhe brajavasiyon se suna ki pas hi nandababa ki khidak thi aur yah ghat jahan vah baithe hain, vah ghat govind ghat ke nam se vikhyat hain. shrivallabhacharyaji us sthan ka darshan kar itane prabhavit hue ki unhonne is ghat par shami vriksh ke niche 'shrimadbhagavat' ka saptah-parayan kiya. isake atirikt yahan nimn sthal bhi darshaniy hain-

gokul ghat
  • gokulanathaji ka bag,
  • bajanatila,
  • sinhapaudi,
  • yashodaghat,
  • shrivitthalanath ji ka mandir,
  • shrimadanamohan ji ka mandir,
  • shrimadhavaray ji ka mandir,
  • shrigokulanath ji ka mandir,
  • shri navanit priya ji ka mandir,
  • shridvarakanathaji ka mandir,
  • brahmachhokara vriksh,
  • shrigokulachandramaji ka mandir,
  • shrimathuranathaji ka mandir tatha
  • shrinandamaharaj ji ke chhakada rakhane adi sthan darshaniy hain. gokul ke samane yamuna ke usapar naurngabad ganv hai. usamen shrignga ji ka mandir tatha doosare darshaniy sthan hain.


panne ki pragati avastha
adhar
prarambhik
madhyamik
poornata
shodh

vithika

tika tippani aur sndarbh

snbndhit lekh


bahari kadiyan

braj diskavari

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah