वृन्दावन  हिन्दी देवनागरी में पढ़ें।

vrindavan
keshi ghat vrindavan
vivaran mathura men sthit vrindavan ko bhagavan shrikrishn ki balalilaon ka sthan mana jata hai. vrindavan ko 'braj ka hriday' kahate hain.
rajy uttar pradesh
zila mathura
marg sthiti mathura se 12 kilomitar ki doori par uttar-pashchim men yamuna tat par sthit hai.
relave steshan mathura jnkshan
bas adda naya bas adda, mathura
yatayat bas, kar, aauto adi
kya dekhen govind dev mandir, madan mohan mandir, rngaji mandir, banke bihari mandir, rathayatra, iskaaun mandir
e.ti.em lagabhag sabhi
savadhani bndaron se savadhan rahen.
snbndhit lekh nidhivan, sevakunj, chir ghat, keshi ghat, imalitala ghat, rasalila
any janakari braj ke kendr men sthit vrindavan men sainkadon mandir hain, jinamen se anek aitihasik dharohar bhi hai. yahan sainkadon ashram aur kee gaushalaain hain. chaitany, vaishnav aur hinduon ke dharmik kriya-kalapon ke lie vrindavan vishvabhar men prasiddh hai.

vrindavan (angrezi: Vrindavan) mathura se 12 kilomitar ki doori par uttar-pashchim men yamuna tat par sthit hai. yah krishn ki lilasthali hai. harivnsh puran, shrimadbhagavat, vishnu puran adi men vrindavan ki mahima ka varnan kiya gaya hai. kalidas ne isaka ullekh raghuvnsh men indumati-svaynvar ke prasng men shoorasenadhipati sushen ka parichay dete hue kiya hai.[1] isase kalidas ke samay men vrindavan ke manohari udyanon ki sthiti ka gyan hota hai. shrimadbhagavat ke anusar gokul se kns ke atyachar se bachane ke lie nnd ji kutunbiyon aur sajatiyon ke sath vrindavan nivas ke lie aye the.[2] vishnu puran men isi prasng ka ullekh hai.[3] vishnupuran men anyatr vrindavan men krishn ki lilaon ka varnan bhi hai.[4] adi.

prachin vrindavan

kahate hai ki vartaman vrindavan asali ya prachin vrindavan nahin hai. shrimadbhagavat[5] ke varnan tatha any ullekhon se jan padata hai ki prachin vrindavan govardhan ke nikat tha. govardhan-dharan ki prasiddh katha ki sthali vrindavan parasauli (param rasasthali) ke nikat tha. ashtachhap kavi sooradas isi gram men dirghakal tak rahe the. sooradas ji ne vrindavan raj ki mahima ke vashibhoot hokar gaya hai-

ham na bhee vrindavan renu, ham na bhee vrindavan renu.

tin charanan dolat nnd nandan nit prati charavat dhenu.
ham te dhany param ye drum van bal bachchh aru dhenu.

soor sakal khelat hns bolat sng madhy pivat dhenu॥ -sooradas

vrindavan: braj ka hriday

vrindavan ka nam ate hi man pulakit ho uthata hai. yogeshvar shrikrishn ki manabhavan moorti ankhon ke samane a jati hai. unaki divy alaukik lilaon ki kalpana se hi man bhakti aur shraddha se natamastak ho jata hai. vrindavan ko braj ka hriday kahate hai jahan radha-krishn ne apani divy lilaen ki hain. is pavan bhoomi ko prithvi ka ati uttam tatha param gupt bhag kaha gaya hai. padm puran men ise bhagavan ka sakshath‌ sharir, poorn brahm se sampark ka sthan tatha sukh ka ashray bataya gaya hai. isi karan se yah anadi kal se bhakton ki shraddha ka kendr bana hua hai. chaitany mahaprabhu, svami haridas, hitaharivnsh, mahaprabhu vallabhachary adi anek gosvami bhakton ne isake vaibhav ko sajane aur snsar ko anashvar sampati ke roop men prastut karane men jivan lagaya hai. yahan anandaprad yugalakishor shrikrishn evn radha ki adbhut nity vihar lila hoti rahati hai.

namakaran

  • is pavan sthali ka vrindavan namakaran kaise hua? is snbndh men anek mat hain. 'vrinda' tulasi ko kahate hain. yahan tulasi ke paudhe adhik the. isalie ise vrindavan kaha gaya.
  • vrindavan ki adhishthatri devi 'vrinda' hain. kahate hain ki vrinda devi ka mandir sevakunj vale sthan par tha. yahan aj bhi chhote-chhote saghan kunj hain. shri vrinda devi ke dvara parisevit param ramaniy vividh prakar ke sevakunjon aur kelikunjon dvara parivyapt is ramaniy van ka nam vrindavan hai. yahan vrinda devi ka sada-sarvada adhishthan hai. vrinda devi shrivrindavan ki rakshayitri, palayitri, vanadevi hain. vrindavan ke vriksh, lata, pashu-pakshi sabhi inake adeshavarti aur adhin hain. shri vrinda devi ki adhinata men aganit gopiyan nity-nirantar kunjaseva men snlagn rahati hain. isalie ye hi kunj seva ki adhishthatri devi hain. paurnamasi yogamaya parakhya mahashakti hain. goshth aur van men lila ki sarvangikata ka sampadan karana yogamaya ka kary hai. yogamaya samashtibhoota svaroop shakti hain. inhin yogamaya ki lilavatar hain- bhagavati paurnamasiji. doosari or radhakrishn ke nikunj-vilas aur ras-vilas adi ka sampadan karane vali vrinda devi hain. vrinda devi ke pita ka nam chandrabhanu, mata ka nam phullara gopi tatha pati ka nam mahipal hai. ye sadaiv vrindavan men nivas karati hain. ye vrinda, vrindarika, maina, murali adi dooti sakhiyon men sarvapradhan hain. ye hi vrindavan ki vanadevi tatha shrikrishn ki lilakhya mahashakti ki vishesh moortisvaroopa hain. inhin vrinda ne apane parisevit aur paripalit vrindavan ke samrajy ko mahabhav svaroop vrishabhanu nandini radhika ke charanakamalon men samarpan kar rakha hai. isilie radhika ji hi vrindavaneshvari hain.
keshi ghat, vrindavan
  • brahmavaivart puran ke anusar vrinda raja kedar ki putri thi. usane is vanasthali men ghor tap kiya tha. at: is van ka nam vrindavan hua. kalantar men yah van dhire-dhire basti ke roop men vikasit hokar abad hua.
  • brahm vaivart puran men raja kushadhvaj ki putri jis tulasi ka shnkhachood se vivah adi ka varnan hai, tatha prithvi lok men haripriya vrinda ya tulasi jo vriksh roop men dekhi jati hain- ye sabhi sarvashaktimayi radhika ki kayavyooha svaroopa, sada-sarvada vrindavan men nivas kar aur sadaiv vrindavan ke nikunjon men yugal ki seva karane vali vrinda devi ki ansh, prakash ya kala svaroopa hain. inhin vrinda devi ke nam se yah vrindavan prasiddh hai. isi puran men kaha gaya hai ki shriradha ke solah namon men se ek nam vrinda bhi hai. vrinda arthat radha apane priy krishn se milane ki akanksha lie is van men nivas karati hain aur is sthan ke kan-kan ko pavan tatha rasamay karati hain.
  • dharmik granth shrimadbhagavat mahapuran men vrindavan ki mahima adhik hai. yahan par us parabrahm paramatma ne manav roop avatar dharan kar anek prakar ki lilaen ki. yah vrindavan braj men ata hai. vraj-arthat- v se brahm aur shesh rah gaya raj yani yahan brahm hi raj ke roop men vyapt hain. isilie is bhoomi ko vraj kaha jata hain. usi vraj men yah vrindavan bhi ata hain. visheshakar yah vrindavan bhagavanh shrikrishn ki lila kshetr hai. kisi snt ne kaha hai ki-
vrindavan so van nahin, nandaganv so ganv.
bnshivat so bat nahin, krishn nam so nam.

arthat vrindavan ke barabar snsar men koee pavitr van nahin hai aur nandaganv ke barabar koee ganv, bnshivat ke barabar koee vat vriksh nahin hai, krishn nam ke barabar koee doosara nam shreshth nahin hai.

  • is vrindavan men bhagavan shrikrishn ki chinmay roop premaroopa radha ji sakshat virajaman hain. radha sakshat bhakti roopa hain. isalie is vrindavan men vas karane tatha bhajan kirtan evn dan ityadi karane se sau guna phal prapt hota hai. shiromani shrimadbhagavat men yatr-tatr sarvatr hi shrivrindavan ki prachur mahima ka varnan prapt hota hai.
  • nandababa ke evn jyeshth bhrata shri upanand ji kah rahe hain- upadravon se bhare hue is gokul, mahavan men n rahakar, turant sab prakar se suramy, trinon se achchhadit, nana prakar ki vriksh-vallariyon tatha pavitr parvat se sushobhit, go adi pashuon ke lie sab prakar se surakshit is param ramaniy vrindavan men ham gop, gopiyon ke lie nivas karana kartavy hai.[6]
nidhivan, vrindavan
  • chaturmukh brahma shrikrishn ki adbhut lila-madhuri ka darshan kar bade vismit hue aur hath jodakar prarthana karane lage. brahmaji kah rahe hain- 'aho! aj tak bhi shrutiyan jinake charanakamalon ki dhooli ko anveshan karake bhi nahin pa saki hain, ve bhagavan mukund jinake pran evn jivan sarvasv hain, is vrindavan men un brajavasiyon men se kisi ki charanadhooli men abhishikt hone yogy trin, gulm ya kisi bhi yoni men janm hona mere lie mahasaubhagy ki bat hogi. yadi is vrindavan men kisi yoni men janm lene ki sambhavana n ho, to nand gokul ke prant bhag men bhi kisi shila ke roop men janm grahan karoon, jisase vahan ki maila saf karane vali jamadaraniyan bhi apane pairon ko saf karane ke lie un pattharon par pair ragaden, jisase unaki charanadhooli ko sparsh karane ka bhi saubhagy prapt ho.'[7]
  • prematurabhakt uddhav ji to yahan tak kahate hain ki jinhonne dustyajy pati-putr adi sage-sambandhiyon, aryadharm aur lokalajja adi sab kuchh ka parityag kar shrutiyon ke anveshaniy svayn-bhagavan brajendranandan shrikrishn ko bhi apane prem se vashibhoot kar rakha hai- main un gop-gopiyon ki charan-gopiyon ki charan-dhooli se abhishikt hone ke lie is vrindavan men gulm, lata adi kisi bhi roop men janm prapt karane par apana ahobhagy samajhoonga. [8]
  • rngabhoomi men upasthit mathur ramaniyan vrindavan ki bhoori-bhoori prashnsa karati huee kah rahi hain-aha! in tinon lokon men shrivrindavan aur vrindavan men rahane vali gop-ramaniyan hi dhany hain, jahan param puran purush shrikrishn yogamaya ke dvara nigoodh roop men manushyochit lilaen kar rahe hain. vichitr vanamala se vibhooshit hokar baladev aur sakhaon ke sath madhur murali ko bajate hue gocharan karate hain tatha vividh prakar ke krida-vilas men magn rahate hain.[9]
  • krishn prem men unmatt ek gopi doosari gopi ko sambodhit karati huee kah rahi hai- ari sakhi! yah vrindavan, vaikunth lok se bhi adhik roop men prithvi ki kirtika vistar kar raha hai, kyonki yah yashoda nandan shrikrishn ke charanakamalon ke chihnon ko apane ank men dharan kar atyant sushobhit ho raha hai. sakhi! jab rasikendr shrikrishn apani vishv-mohini murali ki tan chhed dete hain, us samay vnshidhvani ko megha garjan samajhakar mayoor apane pnkhon ko phailakar unmatt ki bhanti nrity karane lagate hain. ise dekhakar parvat ke shikharon par vicharan karane vale pashu-pakshi sampoorn roop se nistabdh hokar apane kanon se murali dhvani tatha netron se mayooron ke nrity ka rasasvadan karane lagate hain.[10]
  • svayn shukadev gosvami ji param pulakit hokar vrindavan ki pun:pun: prashnsa karate hain- apane sir par mayoor pichchh, kanon men pile kaner ke sugandhit pushp, shyam angon par svarnim pitambar, gale men pncharngi pushpon ki charanalambit vanamala dharanakar apani adhar-sudha ke dvara venu ko prapooritakar usake madhur nad se char-achar sabako mugdh kar rahe hain tatha gvalabal jinaki kirti ka gan kar rahe hain, aise bhuvanamohan natavar vesh dharanakar shrikrishn apane shricharan chihnon ke dvara sushobhit karate hue param ramaniy vrindavan men pravesh kar rahe hain.[11] isalie akhil chidanand rason se aplavit madhur vrindavan ko chhodakar shrikrishn kadapi anyatr gaman nahin karate hain.[12]
  • ek rasik aur bhakt kavi ne vrindavan ke sambandh men shruti puranon ka sar gagar men sagar ki bhanti snkalan kar thik hi kaha hai-
braj samudr mathura kamal vrindavan makarand.
braj vanita sab pushp hain madhukar gokulachand.

darshaniy sthal

vartaman vrindavan men prachinatam mndir govind dev ji ka mndir, raja manasinh ka banavaya hua hai. yah mugal samrat akabar ke shasanakal men bana tha. moolat: yah mndir sat mnjilon ka tha. oopar ke do khnd aurngazeb ne tudava die the. kaha jata hai ki is mndir ke sarvochch shikhar par jalane vale dip mathura se dikhaee padate the. yahan ka vishalatam mndir rngaji ke nam se prasiddh hai. yah dakshinaty shaili men bana hua hai. isake gopur bade vishal evn bhavy hain. yah mndir dakshin bharat ke shrirngam ke mndir ki anukriti jan padata hai. vrindavan ke any darshaniy sthal hain- nidhivan, kaliyadah, sevakunj adi. yahan sthit banke bihari ji ka mndir sabase prachin hai. isake alava yahan shri krishn balaram iskan mandir v shri krishn pranami mandir aur nidhivan bhi darshaniy sthan hai.

prakritik saundaryata

vrindavan ki prakritik saundaryata dekhane yogy hai. yamuna nadi ne isako tin or se ghere rakha hai. yahan ke saghan kunjon men bhanti-bhanti ke pushpon se shobhit lata tatha oonche-oonche ghane vriksh man men ullas bharate hain. basnt ritu ke agaman par yahan ki chhata aur savan-bhadon ki hariyali ankhon ko jo shitalata pradan karati hai vah radha-krishn ke pratibimbon ke darshanon ka hi pratiphal hai. vrindavan ka kan-kan rasamay hai. yahan prem-bhakti ka hi samrajy hai. ise golok dham se adhik badhakar mana gaya hai. yahi karan hai ki hazaron dharm-parayanajan yahan apane-apane kamon se avakash prapt kar apane shesh jivan ko bitane ke lie yahan apane nivas sthan banakar rahate hain. ve nity prati rasalila, sadhu-sngaton, harinam snkirtan, bhagavat adi granthon ke hone vale pathon men sammilit hokar dharm-labh prapt karate hain. braj ke kendr men sthit vrindavan men sainkadon mandir hain. jinamen se anek aitihasik dharohar bhi hai. yahan sainkadon ashram aur kee gaushalaain hain. gaudiy vaishnav, vaishnav aur hinduon ke dharmik kriya-kalapon ke lie vrindavan vishvabhar men prasiddh hai. desh se paryatak aur tirth yatri yahan ate hain. sooradas, svami haridas, chaitany mahaprabhu ke nam vrindavan se hamesha ke lie jude hue hain.

pramukh mndir

nam snkshipt vivaran chitr manachitr link
banke bihari mandir banke bihari mndir mathura zile ke vrindavan dham men raman reti par sthit hai. yah bharat ke prachin aur prasiddh mndiron men se ek hai. banke bihari krishn ka hi ek roop hai jo isamen pradarshit kiya gaya hai. kaha jata hai ki is mandir ka nirman svami shri haridas ji ke vnshajon ke samoohik prayas se snvat 1921 ke lagabhag kiya gaya .... aur padhen banke bihari mandir googal manachitr
rng nath ji mandir shri sampraday ke snsthapak ramanujachary ke vishnu-svaroop bhagavan rnganath ya rngaji ke nam se rngaji ka mandir seth lakhamichand ke bhaee seth govindadas aur radhakrishn das dvara nirman karaya gaya tha. unake mahanh guru snskrit ke achary svami rngachary dvara diye gaye madras ke rng nath mandir ki shaili ke manachitr ke adhar par yah bana tha. isaki bahari divar ki lambaee 773 phit aur chaudaee 440 phit hai .... aur padhen rng nath ji mandir googal manachitr
govind dev mandir govind dev ji ka mndir vrindavan men sthit vaishnav snpraday ka mndir hai. mndir ka nirman ee. 1590 men hua tatha ise banane men 5 se 10 varsh lage. mndir ki bhavyata ka anuman is uddharan se lagaya ja sakata hai ki ek bar aurngazeb ne sham ko tahalate hue, dakshin-poorv men door se dikhane vali roshani ke bare men jab poochha to pata chala ki yah chamak vrindavan ke vaibhavashali mndiron ki hai .... aur padhen govind dev mandir googal manachitr
iskaaun mandir vrindavan ke adhunik mandiron men yah ek bhavy mandir hai. ise angrezon ka mandir bhi kahate hain. kesariya vastron men hare rama–hare krishna ki dhun men tamam videshi mahila–purush yahan dekhe jate hain. mandir men radha krishn ki bhavy pratimayen hain aur atyadhunik sabhi suvidhayen hain .... aur padhen iskaaun mandir vrindavan googal manachitr
madan mohan mandir shrikrishn bhagavan ke anek namon men se ek priy nam madanamohan bhi hai. isi nam se ek mndir mathura zile ke vrindavan dham men vidyaman hai. vishal kayik nag ke phan par bhagavan charanaghat kar rahe hain. puratanata men yah mndir govind dev ji ke mndir ke bad ata hai .... aur padhen madan mohan mandir vrindavan googal manachitr

chaitany mahaprabhu ka pravas

prachin vrindavan musalamanon ke shasan kal men unake nirntar akramanon ke karan nasht ho gaya tha aur krishnalila ki sthali ka koee abhigyan shesh nahin raha tha. 15vin shati men chaitany mahaprabhu ne apani brajayatra ke samay vrindavan tatha krishn katha se snbndhit any sthanon ko apane antarhgyan dvara pahachana tha. rasasthali, vnshivat se yukt vrindavan saghan vanon men lupt ho gaya tha. kuchh varshon ke pashchath shandily evn bhaguri rishi adi ki sahayata se shri vajranabh maharaj ne kahin mandir, kahin sarovar, kahin kund adi ki sthapana kar lila-sthaliyon ka prakash kiya. kintu lagabhag sadhe char hazar varshon ke bad ye sari lila-sthaliyan pun: lupt ho geen, mahaprabhu chaitany ne tatha shri roop-sanatan adi apane parikaron ke dvara lupt shrivrindavan aur brajamndal ki lila-sthaliyon ko pun: prakashit kiya. shri chaitany mahaprabhu ke pashchath unhin ki vishesh agya se shri lokanath aur shri bhoogarbh gosvami, shri sanatan gosvami, shri roop gosvami, shri gopalabhatt gosvami, shri raghunath bhatt gosvami, raghunathadas gosvami, shri jiv gosvami adi gaudiy vaishnavacharyon ne vibhinn shastron ki sahayata se, apane athak parishram dvara braj ki lila-sthaliyon ko prakashit kiya hai. unake is mahanh kary ke lie sara vishv, visheshat: vaishnav jagat unaka chirrini rahega.

yamuna ke ghat

vrindavan men yamuna ke tat par anek ghat hain. unamen se prasiddh-prasiddh ghaton ka ullekh kiya ja raha hai-

vrindavan
yamuna nadi par se vrindavan ka drishy

shrivarahaghat

vrindavan ke dakshin-pashchim disha men prachin yamunaji ke tat par shrivarahaghat avasthit hai. tat ke oopar bhi shrivarahadev virajaman hain. pas hi gautam muni ka ashram hai.

kaliyadaman ghat

rath yatra, vrindavan

isaka namantar kaliya dah hai. yah varahaghat se lagabhag adhe mil uttar men prachin yamuna ke tat par avasthit hai. kaliy ko daman kar tat bhoomi men pahunch ne par shrikrishn ko brajaraj nand aur brajeshvari yashoda ne apane asunon se tar-batar kar diya tatha unake sare angon men is prakar dekhane lage ki 'mere lala ko kahin koee chot to nahin pahunchi hai. maharaj nand ne krishn ki mngal kamana se brahmanon ko anekanek gayon ka yahin par dan kiya tha.

sooryaghat

isaka namantar adityaghat bhi hai. gopalaghat ke uttar men yah ghat avasthit hai. ghat ke oopar vale tile ko adity tila kahate hain. isi tile ke oopar sanatan gosvami ke pranadevata madan mohan ji ka mandir hai. yahin par praskandan tirth bhi hai.

yugalaghat

soory ghat ke uttar men yugalaghat avasthit hai. is ghat ke oopar shri yugalabihari ka prachin mandir shikharavihin avastha men pada hua hai. keshi ghat ke nikat ek aur bhi jugal kishor ka mandir hai. vah bhi isi prakar shikharavihin avastha men pada hua hai.

shribiharaghat

yugalaghat ke uttar men shribiharaghat avasthit hai. is ghat par shriradhakrishn yugal snan, jal vihar adi kridaen karate the.

shriandheraghat

yugalaghat ke uttar men yah ghat avasthit hai. is ghat ke upavan men krishn aur gopiyan ankh mudauval ki lila karate the. arthath gopiyon ke apane kar pallavon se apane netron ko dhak lene par shrikrishn as-pas kahin chhip jate aur gopiyan unhen dhoondhati thin. kabhi shrikishori ji isi prakar chhip jatin aur sabhi unako dhoondhate the.

imalitala ghat

andheraghat ke uttar men imalitala ghat avasthit hai. yahin par shrikrishn ke samasamayik imali vriksh ke niche mahaprabhu shrichaitany dev apane vrindavan vas kal men premavisht hokar harinam karate the. isalie isako gaurangaghat bhi kahate hain.

shrringaraghat

imalitala ghat se kuchh poorv disha men yamuna tat par shrringaraghat avasthit hai. yahin baithakar shrikrishn ne manini shriradhika ka shrringar kiya tha. vrindavan bhraman ke samay shrinityanand prabhu ne is ghat men snan kiya tha tatha kuchh dinon tak isi ghat ke oopar shrringaravat par nivas kiya tha.

rigovindaghat

shrringaraghat ke pas hi uttar men yah ghat avasthit hai. shrirasamandal se antardhan hone par shrikrishn pun: yahin par gopiyon ke samane avirbhoot huye the.

chir ghat

chir ghat, vrindavan

kautuki shrikrishn snan karati hueen gopikumariyon ke vastron ko lekar yahin kadamb vriksh ke oopar chadh gaye the. chir ka tatpary vastr se hai. pas hi krishn ne keshi daity ka vadh karane ke pashchath yahin par baithakar vishram kiya tha. isalie is ghataka doosara nam chain ya chayanaghat bhi hai. isake nikat hi jhadoomandal darshaniy hai.

shribhramaraghat

chiraghat ke uttar men yah ghat sthit hai. jab kishor-kishori yahan krida vilas karate the, us samay donon ke ang saurabh se bhnvare unmatt hokar gunjar karane lagate the. bhramaron ke karan is ghat ka nam bhramaraghat hai.

keshighat

shrivrindavan ke uttar-pashchim disha men tatha bhramaraghat ke uttar men yah prasiddh ghat virajaman hai.

dhirasamir ghat

chir ghat vrindavan ki uttar-disha men keshighat se poorv disha men pas hi dhirasamir ghat hai. shriradhakrishn yugal ka vihar dekhakar unaki seva ke lie samir bhi sushital hokar dhire-dhire pravahit hone laga tha.

radhabag ghat

vrindavan ke poorv men yah ghat avasthit hai.

shripanighat

isi ghat se gopiyon ne yamuna ko paidal parakar maharshi durvasa ko susvadu ann bhojan karaya tha.

adibadri ghat

panighat se kuchh dakshin men yah ghat avasthit hai. yahan shrikrishn ne gopiyon ko adibadri narayan ka darshan karaya tha.

shrirajaghat

adi-badrighat ke dakshin men tatha vrindavan ki dakshin-poorv disha men prachin yamuna ke tat par rajaghat hai. yahan krishn navik banakar sakhiyon ke sath shri radhika ko yamuna par karate the. yamuna ke bich men kautuki krishn nana prakar ke bahane banakar jab vilamb karane lagate, us samay gopiyan maharaja kns ka bhay dikhalakar unhen shighr yamuna par karane ke lie kahati thin. isalie isaka nam rajaghat prasiddh hai. in ghaton ke atirikt vrindavan-katha namak pustak men aur bhi 14 ghaton ka ullekh hai-

  1. mahanataji ghat
  2. namaovala ghat
  3. praskandan ghat
  4. kadiya ghat
  5. dhoosar ghat
  6. naya ghat
  7. shriji ghat
  8. vihari ji ghat
  9. dharoyar ghat
  10. nagari ghat
  11. bhim ghat
  12. himmat bahadur ghat
  13. chir ya chain ghat
  14. hanuman ghat.

vrindavan ke purane mohallon ke nam

(1) gyanagudadi (2) gopishvar (3) bnshivat (4) gopinathabag (5) gopinath bazar (6) brahmakund (7) radhanivas
(8) keshighat (9) radharamanaghera (10) nidhuvan (11) patharapura (12) nagaragopinath (13) gopinathaghera (14) nagaragopal
(15) chiraghat (16) mandi daravaza (17) nagaragovind ji (18) takashal gali (19) ramajidvar (20) kanthivala bazar (21) sevakunj
(22) kunjagali (23) vyasaghera (24) shrringaravat (25) rasamandal (26) kishorapura (27) dhobivali gali (28) rngi lal gali
(29) sukhanakhata gali (30) purana shahar (31) larivali gali (32) gavadhoop gali (33) govardhan daravaza (34) ahirapada (35) dumaeet pada
(36) varoyar mohalla (37) madanamohan ji ka ghera (38) bihari pura (39) purohitavali gali (40) manipada (41) gautamapada (42) athakhamba
(43) govindabag (44) loeebazar (45) retiyabazar (46) banakhandi mahadev (47) chhipi gali (48) rayagali (49) bundelabag
(50) mathura daravaza (51) savaee jayasinh ghera (52) dhirasamir (53) tattiya sthan (54) gahavaravan (55) govind kund (56) radhabag

chitr vithika

panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 'snbhavy bhartaramamunyuvannmridupravalottarapushpashayye, vrindavane chaitrarathadanoonn nirvishayatan sndari yauvanashri' raghuvnsh 6,50
  2. vann vrindavann nam pashavyn navakanann gopagopigavan sevy punyadritrinaviroodhamh.
    tattatradyaiv yasyam: shakatanyudktamachiramh , godhananyagrato yantu bhavatan yadi rochate.
    vrindavan sampravishy sarvakalasukhavahamh, tatr chaku: vrajavasn shakatairardhachandravath.
    vrindavan govardhann yamunapulinani ch, vikshyasiduttamapriti ramamadhavayornrip' shrimadbhagavat, 10,11,28-29-35-36 .
  3. 'vrindavan bhagavata krishnenaklishtakarmana shubhen manasadhyatn gavan sidvimabhipsata. 'vishnupuran 5,6,28
  4. 'yatha ekada tu vina ramn krishno vrindavan yayu:' de. vishnupuran 5,13,24
  5. shrimadbhagavat 10,36
  6. vann vrindavann nam pashavyn navakananamh. gopagopigavan sevyn punyadritrinaviroodhamh ॥ (shrimadbhabhagavat 10/11/28
  7. tadh bhooribhagyamih janm kimapyatavyan yadh gokuleapi katamadghrirajoabhishekamh.
    chajjivitn tu nikhiln bhagavanh mukund-stvadyapi yatpadaraj: shrutimrigyamev ॥(shrimadbhabhagavat 10/14/34)
  8. asamaho charanarenujushamahn syan vrindavane kimapi gulmalataushadhinamh.
    ya dustyajn svajanamaryapathn ch hitva bhejurmukundapadavin shrutibhirvimrigyamh ॥ (shrimadbhabhagavat 10/47/61)
  9. punya bat brajabhuvo yadayn nriling- goodh: puranapurusho vanachitramaly:.
    ga: palayanh sahabal: kvanaynshchavenun vikridayanchati giritraramarchitadghri: ॥ (shrimadbhabhagavat 10/44/13)
  10. vrindavann sakhi bhuvo vitanoti kirti yaddevakisutapadambujalabdhalakshmi.
    govindavenumanumattamayooranrityn prekshyadrisanvaparatanyasamastasatvamh ॥ (shrimadbhabhagavat 10/21/10)
  11. barhapidn natavarapu: karnayo: karnikarn bibhradh vas: kanakakapishn vaijayantin ch malamh.
    randhranh venoradharasudhaya poorayanh gopavrindairvrindaranyn svapadaramann pravishadh gitakirti: ॥(shrimadbhabhagavat 10/21/5)
  12. vrindavann parityajy padamekn n gachchhati' (brahmayamal

snbndhit lekh


varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah