जौनपुर  हिन्दी देवनागरी में पढ़ें।

kendriy toran dvar, atala masjid, jaunapur

jaunapur shahar, dakshini-poorvi uttar pradesh rajy, uttar-madhy bharat, varanasi (bhootapoorv banaras) ke pashchimottar men sthit hai. jaunapur shahar gomati nadi ke donon taraf phaila hua hai. jaunapur ka shahi qila aur atala masjid aj bhi yahan ki shobha men char-chand laga rahe hain. bharatiy itihas ke madhyakalin bharat men jaunapur apani kala evn sthapaty ke lie door-door tak prasiddh tha. aj bhi itr ka vyavasay yahan bade paimane par hota hai.

itihas

yah nagar gomati nadi ke kinare basa hua hai. prachin kinvadnti ke anusar jamadagni rishi ke nam par is nagar ka namakaran hua tha. jamadagni ka ek mndir yahan aj bhi sthit hai. yah bhi kaha jata hai ki is nagar ki ninv 14vin shati men 'joona khan' ne dali thi, jo bad men muhammad tugalaq ke nam se prasiddh hua aur dilli ka sultan hua. jaunapur ka prachin nam 'yavanapur' bhi bataya jata hai. 1397 ee. men jaunapur ke soobedar khvaja jahan ne dilli ke sultan muhammad tugalaq ki adhinata ko thukarakar apani svadhinata ki ghoshana kar di aur sharki[1] namak ek ne rajavnsh ki sthapana ki. is vnsh ka yahan pray: 80 varshon tak rajy raha.

sthapaty

is dauran sharki sultanon ne jaunapur men kee sundar bhavan, ek qila, maqabara tatha masjiden banavaeen. sarvaprasiddh 'atala masjid' 1408 ee. men bani thi. kaha jata hai ki is masjid ke sthan par pahale 'atala' (ya atala) devi ka mndir tha, jisako dhvast karake usaki samagri se yah masjid banaee gee. atala devi ka mndir prachin kal men kerarakot namak durg ke andar sthit tha. jama masjid ko ibrahimashah ne 1438 ee. men banavana prarnbh kiya tha aur ise 1442 ee. men isaki begam rajibivi ne poora karavaya tha. jama masjid ek oonche chabootare par bani hai, jis tak pahunchane ke lie 27 sidhiyan hain. dakshini phatak se pravesh karane par 8vin shati ka ek snskrit lekh dikhalaee padata hai, jo ulata laga hua hai. isase is sthan par prachin hindoo mndir ka vidyaman hona siddh hota hai. doosara lekh tugara aksharon men ankit hai. masjid ke poorvi phatak ko sikandar lodi ne nasht kar diya tha.

1417 ee. men prachin vijayachndr mndir ke sthan par khalis mookhkhlis masjid (ya char ungali masjid) ko sultan ibrahim ke amir khalis khan ne banavaya tha. isake daravajon par koee sajavat nahin hai. mukhy daravaze ke pichhe ek vargakar sthan chapati chhat se dhaka hua hai. yah chhat 114 khnbhon par tiki huee hai aur ye khnbhe das pnktiyon men vinyast hain. mukhy dvar ke baee or ek chhota kale rng ka patthar hai, jo janashruti ke anusar kisi bhi manushy ke napane se sada char angul hi rahata hai. nagar ke dakshini-poorvi kon par chnchakapur ya jhnjhiri masjid thi, jisaka keval ek stnbh hi avashisht hai. nagar ke uttar-pashchim ki or begamagnj gram men muhammadashah ki patni rajibivi ki masjid 'lal daravaza' nam se prasiddh hai.[2] isaki banavat jaunapur ki any masjidon ke saman hi hai, kintu isaki bhittiyan apekshakrit patali hain aur kendriy gunbad ke donon or do tale vale chhote koshth striyon ke lie bane hue hain. is masjid ke pas inhonne ek khanakah, ek madarasa aur ek mahal bhi banavaya tha aur sab imaraton ko parakote se gher kar lal rng ke patthar ka phatak lagavaya tha.

hindoo shaili ka prabhav

jaunapur ki sabhi masjidon ka naksha pray: ek-sa hai. inake bich ke khule angan ke chaturdik jo kothariyan bani hain, ve shuddh hindoo shaili men nirmit hain. yahi bat bhitar ki vithiyon ke lie bhi kahi ja sakati hai. hindoo prabhav chhote chaukor stnbhon aur un par aghrit anuprasth siradalon aur sapat pattharon se pati chhaton men poorn roop se parilakshit hota hai, kintu masjidon ke mukhy daravaze poori tarah se maharabadar hain, jo vishisht muslim shaili men hain. aisa jan padata hai ki in masjidon ko banane men prachin hindoo mndiron ki samagri kam men laee gee thi aur shilpi tatha nirmata bhi mukhyat: hindoo hi the. isilie hindoo tatha muslim shailiyon ka mel poornaroopen ekakar nahin ho saka hai.

jaunapur men gomati nadi ke pul ka nirman kary mugal badashah akabar ne 1564 ee. men prarnbh karavaya tha. yah 1569 ee. men banakar taiyar hua tha. yah akabar ke soobedar munim khan ke nirikshan men banaya gaya tha. jaunapur ke sharki sultanon ke samay ke tatha any smarakon ko lodi vnsh ke moorkh tatha dharmandh sultan sikandar lodi ne 1495 ee. men bahut hani pahunchaee. inhen nasht-bhrasht kar usane apane darabariyon ke rahane ke lie nivas sthan banavae the. jaunapur se eeshvaravarman (satavin shati ee.), jo maukhari vnsh ka raja tha, ka ek tithihin abhilekh prapt hua tha, jo khndit avastha men hai. isamen dharanagari tatha andhr desh ka ullekh hai, kintu isaka thik-thik arth anishchit hai. is abhilekh se maukhariyon ke rajy ka vistar jaunapur ke pradesh tak soochit hota hai. maukhari naresh kannauj ke maharaj harsh ke samakalin the.

krishi aur khanij

mahattvapoorn sadak aur rel jnkshan yukt jaunapur ek krishi bazar hai aur yahan ke adhe se adhik kshetr men bagavani ki jati hai. shahar ke asapas ke lagabhag samooche jalodh maidan men kheti ki jati hai aur isake adhikansh hisse ki sinchaee ki jati hai. fasalon men dhan, makka, jau aur ganna shamil hai. badh aur sookhe se is kshetr ko bahut nuqasan pahuncha tha.

shikshan snsthan

jaunapur shahar men dinadayal upadhyay gorakhapur vishvavidyalay se sambaddh kee mahavidyalay hain.

janasnkhya

2001 ki janaganana ke anusar jaunapur shahar ki janasnkhya 1,59,996 hai. aur jaunapur zile ki kul janasnkhya 39,11,305


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. (=poorvi)
  2. rajibivi ka dehant itava men 1477 ee. men hua tha.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah