सिकन्दर लोदी  हिन्दी देवनागरी में पढ़ें।

sikandar lodi
sikandar lodi
poora nam sultan sikandar shah
any nam nijam khan, sikandar lodi
mrityu tithi 21 navambar, 1517
pita/mata bahalol lodi
upadhi 17 julaee, 1489 ko 'sultan sikandar shah' ki upadhi se dilli ke sinhasan par baitha.
rajyabhishek 17 julaee, 1489
yuddh 1494 ee. men banaras ke samip hue ek yuddh men husainashah sharki ko parast kar bihar ko dilli men mila liya.
sudhar-parivartan anaj par se chungi hatana, vyaparik kar hata diye, jisase anaj, kapada evn avashyakata ki any vastuen sasti ho gayin, nirdhanon ke lie muft bhojan ki vyavastha ki
vnsh lodi
snbndhit lekh alam khan, eesa khan, mahamood begada, mevad, rana sanga
any janakari sikandar shah lodi svayn bhi shikshit aur vidvan tha. vidvanon ko snrakshan dene ke karan usaka darabar vidvanon ka kendr sthal ban gaya tha. pratyek ratri ko 70 vidvan usake palng ke niche baithakar vibhinn prakar ki charcha kiya karate the.

sikandar lodi bahalol lodi ka putr evn uttaradhikari tha. isaka mool nam 'nijam khan' tha aur yah 17 julaee, 1489 ko 'sultan sikandar shah' ki upadhi se dilli ke sinhasan par baitha. vah svarnakar hindoo man ki sntan tha. dharmik drishti se sikandar lodi asahishnu tha. vah vidya ka poshak v premi tha. gale ki bimari ke karan 21 navambar, 1517 ko usaki mrityu ho gee.

vijay abhiyan

sinhasan par baithane ke uparant sultan ne sarvapratham apane virodhiyon men chacha alam khan, eesa khan, ajam humayoon (sultan ka bhatija) tatha jalara ke saradar tatar khan ko parast kiya. sikandar lodi ne jaunapur ko apane adhin karane ke lie apane bade bhaee 'barabak shah' ke khilaf abhiyan kiya, jisamen use poorn saphalata mili. jaunapur ke bad sultan sikandar lodi ne 1494 ee. men banaras ke samip hue ek yuddh men husainashah sharki ko parast kar bihar ko dilli men mila liya. isake bad usane tirahut ke shasak ko apane adhin kiya. rajapoot rajyon men sikandar lodi ne dhaulapur, mandarel, utagiri, naravar evn nagaur ko jita, parantu gvaliyar par adhikar nahin kar saka. rajasthan ke shasakon par prabhavi niyntran rakhane ke lie tatha vyaparik shahar ki ninv dali.

shasan prabandh

sikandar shah lodi gujarat ke mahamood begada aur mevad ke rana sanga ka samakalin tha. usane dilli ko in donon se muqabale ke yogy banaya. usane un afagan saradaron ka dabane ki koshish bhi ki, jo jatiy svatntrata ke adi the aur sultan ko apane barabar samajhate the. sikandar ne jab saradaron ko apane samane khade hone ka hukm diya, taki unake oopar apani mahatta pradarshit kar sake. jab shahi faraman bheja jata tha to sab saradaron ko shahar se bahar akar adar ke sath usaka svagat karana padata tha. jinake pas jagiren thin, unhen niyamit roop se unaka lekha dena hota tha aur hisab men gadabad karane vale aur bhrashtachari zagiradaron ko kadi sajaen di jati thin. lekin sikandar lodi ko in saradaron ko qaboo men rakhane men adhik saphalata prapt nahin huee. apani mrityu ke samay bahalol lodi ne apane putron aur rishtedaron men rajy bant diya tha. yadyapi sikandar ek bade sngharsh ke bad use phir se ekatr karane men saphal hua tha, lekin sultan ke putron men rajy ke bntavare ka vichar afaganon ke dimag men bana rahata tha.

sudhar kary

sikandar shah ne bhoomi ke lie ek pramanik paimana ‘gaj-e-sikandari’ ka prachalan karavaya, jo 30 inch ka tha. usane anaj par se chungi hata di aur any vyaparik kar hata diye, jisase anaj, kapada evn avashyakata ki any vastuen sasti ho gayin. sikandar lodi ne khadyann par se jakat kar hata liya tatha bhoomi men gadhe hue khazane se koee hissa nahin liya. apane vyaktitv ki sundarata banaye rakhane ke lie vah dadhi nahin rakhata tha. sikandar lodi ne afagan saradaron se samanata ki niti ka parityag karake shreshthata ki niti ka anusaran kiya. sikandar lodi saltanat kal ka ek matr sultan hua, jisamen khums se koee hissa nahin liya. usane nirdhanon ke lie muft bhojan ki vyavastha karayi. usane antarik vyapar kar ko samapt kar diya tatha guptachar vibhag ka punargathan kiya.

asahishnu vyakti

dharmik drishti se sikandar lodi asahishnu tha. usane hindoo mndiron ko tod kar vahan par masjid ka nirman karavaya. ek itihasakar ke anusar, 'sikandar ne nagarakot ke jvalamukhi mndir ki moorti ko todakar usake tukadon ko kasaiyon ko mans tolane ke lie de diya tha.' sikandar lodi ne hinduon par jaziya kar punah laga diya. usane ek brahman ko isalie phansi de di, kyonki usaka kahana tha ki, hindoo aur muslim saman roop se pavitr hain. musalamanon ko ‘tajiya’ nikalane evn musalaman striyon ko piron evn santon ke majar par jane par sultan ne pratibndh lagaya. krodh men usane sharki shasakon dvara jaunapur men banavayi gayi ek masjid todane ka adesh diya, yadyapi ulemaon ki salah par adesh vapas le liya gaya.

mrityu

jivan ke antim samay men sultan sikandar shah ke gale men bimari hone se 21 navambar, 1517 ko usaki mrityu ho gee. adhunik itihasakar sikandar lodi ko lodi vnsh ka sabase saphal shasak manate hai. sikandar lodi kahata tha ki, “yadi mai apane ek gulam ko bhi palaki men baitha doon to, mere adesh par mere sabhi saradar use apane kandhon par uthakar le jayegen.” sikandar lodi pratham sultan tha, jisane agara ko apani rajadhani banaya. nishpaksh nyay ke lie miyan bhuan ko niyukt kiya. sultan shahanaee sunane ka shauqin tha.

vidvanon ka snrakshanadata

sikandar shah lodi vidya ka poshak tha. vah vidvanon aur darshanikon ko bade-bade anudan deta tha. isalie usake darabar men arab aur eeran sahit vibhinn jatiyon aur deshon ke susnskrit vidvan pahunchate the. sultan ke prayatnon se kee snskrit grnth farasi bhasha men anuvadit hue. usake adesh par snskrit ke ek ayurved grnth ka farasi men ‘pharahnge sikandari’ ke nam se anuvad hua. usaka upanam ‘gularukhi’ tha. isi upanam se vah kavitaen likha karata tha. usane sngit ke ek granth ‘lajjat-e-sikandarashahi’ ki rachana ki.

sikandar shah lodi svayn bhi shikshit aur vidvan tha. vidvanon ko snrakshan dene ke karan usaka darabar vidvanon ka kendr sthal ban gaya tha. pratyek ratri ko 70 vidvan usake palng ke niche baithakar vibhinn prakar ki charcha kiya karate the. usane masjidon ko sarakari snsthaon ka svaroop pradan karake unhen shiksha ka kendr banane ka prayatn kiya tha. muslim shiksha men sudhar karane ke lie usane tulamba ke vidvan shekh abdullah aur shekh ajijullah ko bulaya tha. usake shasanakal men hindoo bhi badi snkhya men farasi sikhane lage the aur unhen uchch padon par rakha gaya tha.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah