ब्रह्माण्ड घाट महावन  हिन्दी देवनागरी में पढ़ें।

brahmand ghat mahavan
brahmand ghat, mahavan
vivaran brahmand ghat braj ke pramukh ghaton men se ek hai. yah vahi sthan hai, jahan bhagavan shri krishn ne mata yashoda ko aganit brahmand, aganit brahma, vishnu, mahesh tatha charachar jagath sab kuchh mukh men dikhaya tha.
rajy uttar pradesh
zila mathura
prasiddhi hindoo dharmik sthal
kab jaen kabhi bhi
yatayat bas, aauto, kar adi
snbndhit lekh vishram ghat mathura, vrindavan, gokul, mahavan, nandaganv, barasana, govardhan, kamyavan
any janakari brahmand ghat se sate hue poorv ki or yamuna ji ka chintaharan ghat hai. yahan chintaharan mahadev ka darshan hai. brajavasi inaka poojan karate hain.
adyatan‎

brahmand ghat janmasthali nandabhavan se pray: ek mil poorv men virajaman hai. yahan par balakrishn ne gop-balakon ke sath khelate samay 'mritika bhakshan lila' ki thi. yashoda maiya ne jab balaram se is vishay men poochha to balaram ne bhi kanhaiya ke mitti khane ki bat ka samarthan kiya.

balakrishn dvara brahmand darshan

maiya ne ghatanasthal par pahunch kar krishn se poochha- "kya tumane mitti khaee?"

kanhaiya ne uttar diya- "nahin maiya! mainne mitti nahin khaeen."

yashoda maiya ne kaha-"kanhaiya! achchha too mukh kholakar dikha."

kanhaiya ne mukh khol kar kaha- "dekh le maiya."

jab maiya yashoda ne balakrishn ke mukh men dekha to stabdh rah geen. aganit brahmand, aganit brahma, vishnu, mahesh tatha charachar jagath sab kuchh kanhaiya ke mukh men dikhaee pada. bhayabhit hokar unhonne ankhen band kar lin tatha sochane lagin- "main yah kya dekh rahi hoon? kya yah mera bhram hai ya kisi ki maya hai?" ankhen kholane par dekha kanhaiya unaki god men baitha hua hai. yashoda ji ne ghar lautakar brahmanon ko bulaya. is daivi prakop ki shanti ke lie svasti vachan karaya aur brahmanon ko godan tatha dakshina di. shrikrishn ke mukh men bhagavatta ke lakshan svaroop akhil sacharachar vishv brahmand ko dekhakar bhi yashoda maiya ne krishn ko svayn bhagavan ke roop men grahan nahin kiya. unaka vatsaly prem shithil nahin hua, balki aur bhi samriddh ho gaya.

brahmand ghat, mahavan

doosari or krishn ka chaturbhuj roop darshan kar devaki aur vasudev ka vatsaly prem aur vishvaroop darshan kar arjun ka sakhy-bhav shithil ho gaya. ye log hath jodakar krishn ki stuti karane lage. is prakar braj men kabhi-kabhi krishn ki bhagavattaroop aishvary ka prakash hone par bhi brajavasiyon ka prem shithil nahin hota. ve kabhi bhi shrikrishn ko bhagavan ke roop men grahan nahin karate. unaka krishn ke prati madhur bhav kabhi shithil nahin hota.

chintaharanaghat

brahmand ghat se sate hue poorv ki or yamuna ji ka chintaharan ghat hai. yahan chintaharan mahadev ka darshan hai. brajavasi inaka poojan karate hain, kanhaiya ke mukh men brahmand darshan ke pashchath man yashoda ne atyant chintit hokar chintaharan mahadev se krishn ke kalyan ki prarthana ki thi.


panne ki pragati avastha
adhar
prarambhik
madhyamik
poornata
shodh

brahmand ghat vithika

tika tippani aur sndarbh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah