गोवर्धन  हिन्दी देवनागरी में पढ़ें।

govardhan
danaghati, govardhan
vivaran 'govardhan' mathura ke sarvadhik prasiddh tirth sthanon men se ek hai. yahan giriraj parvat hai, jisaki parikrama ke lie samooche vishv se krishnabhakt, vaishnavajan aur vallabh snpraday ke log ate hain. yah poori parikrama lagabhag 21 kilomitar ki hai.
rajy uttar pradesh
zila mathura
bhaugolik sthiti mathura se lagabhag 21 ki.mi. ki doori par sthit.
prasiddhi hindoo dharmik sthal, krishn lila sthal
kab jaen kabhi bhi
bas adda govardhan
yatayat bas, kar, aauto adi.
kya dekhen 'kusum sarovar', 'chakaleshvar mahadev', 'jatipura', 'danaghati', 'poonchhari ka lautha', 'manasi gnga', 'radhakund', 'haridev ji mandir', 'uddhav kund'.
kahan thaharen hotal, dharmashalaen adi.
snbndhit lekh shrikrishn, balaram, radha, mathura, vrindavan, gokul, mahavan, nandaganv, barasana
any janakari yahan 'gorochan', 'dharmarochan', 'papamochan' aur 'rinamochan'- ye char kund hain. bharatapur naresh ki banavaee huee chhatariyan tatha any sundar imaraten bhi hain. mathura se dig ko jane vali sadak govardhan par karake jahan par nikalati hai, vah sthan 'danaghati' kahalata hai. yahan bhagavan dan liya karate the.
adyatan‎

govardhan mathura nagar, uttar pradesh ke pashchim men lagabhag 21 ki.mi. ki doori par sthit hai. yahin par 'giriraj parvat' hai, jo 4 ya 5 mil tak phaila hua hai. is parvat par anek pavitr sthal hain. pulasty rishi ke shap ke karan yah parvat ek mutthi pratidin kam hota ja raha hai. kahate hain ki isi parvat ko bhagavan krishn ne apani chhoti anguli par utha liya tha. govardhan parvat ko giriraj parvat bhi kaha jata hai. 'garg snhita' men govardhan parvat ki vndana karate hue ise vrindavan men virajaman aur vrindavan ki god men nivas karane vala "golok ka mukutamani" kaha gaya hai.

pauranik manyataen

pauranik manyata anusar shri girirajaji ko pulasty rishi draunachal parvat se braj men lae the. doosari manyata yah bhi hai ki jab ram setubndh ka kary chal raha tha to hanuman is parvat ko uttarakhnd se la rahe the, lekin tabhi devavani huee ki setubndh ka kary poorn ho gaya hai to yah sunakar hanumanaji is parvat ko braj men sthapit kar dakshin ki or pun: laut ge.

pauranik ullekhon ke anusar bhagavan shrikrishn ke kal men yah atyant hara-bhara ramanik parvat tha. isamen anek gufa athava kndaraen thin aur unase shital jal ke anek jharane jhara karate the. us kal ke brajavasi usake nikat apani gayen charaya karate the, atah ve ukt parvat ko badi shraddha ki drishti se dekhate the. bhagavan shrikrishn ne indr ki paramparagat pooja band kar govardhan ki pooja braj men prachalit ki thi, jo usaki upayogita ke liye unaki shraddhanjali thi.

krishn ki govardhan lila

bhagavan shrikrishn ke kal men indr ke prakop se ek bar braj men bhaynkar varsha huee. us samay sampoorn braj ke jalamagn ho jane ki ashnka utpann ho gee. bhagavan shrikrishn ne us samay govardhan ke dvara samast brajavasiyon ki raksha ki thi. bhakton ka vishvas hai ki shrikrishn ne us samay govardhan ko chhatari ke saman dharan kar usake niche samast brajavasiyon ko ekatr kar liya tha, us alaukik ghatana ka ullekh atyant prachin kal se hi puranadi dharmik granthon men aur kalakritiyon men hota raha hai. braj ke bhakt kaviyon ne usaka bada ullasapoorn kathan kiya hai. ajakal ke vaigyanik yug men us alaukik ghatana ko usi roop men manana snbhav nahin hai. usaka buddhigamy abhipray yah gyat hota hai ki shrikrishn ke adesh anusar us samay brajavasiyon ne govardhan ki kndaraon men ashray lekar varsha se apani jivan raksha ki thi.

parikrama

govardhan ke mahattv ki sarvadhik mahattvapoorn ghatana yah hai ki yah bhagavan krishn ke kal ka ek matr sthir rahane vala chihn hai. us kal ka doosara chihn yamuna nadi bhi hai, kintu usaka pravah lagatar parivartit hone se use sthaee chihn nahin kaha ja sakata hai. is parvat ki parikrama ke lie samooche vishv se krishnabhakt, vaishnavajan aur 'vallabh snpraday' ke log ate hain. yah poori parikrama sat kos arthath lagabhag 21 kilomitar ki hai. yahan log dandauti parikrama karate hain. dandauti parikrama is prakar ki jati hai ki age hath phailakar zamin par let jate hain aur jahan tak hath phailate hain, vahan tak lakir khinchakar phir usake age letate hain.

manasi gnga, govardhan

isi prakar letate-letate ya sashtang dandavat karate-karate parikrama karate hain, jo ek saptah se lekar do saptah men poori ho pati hai. yahan 'gorochan', 'dharmarochan', 'papamochan' aur 'rinamochan'- ye char kund hain tatha bharatapur naresh ki banavaee huee chhatariyan tatha any sundar imaraten hain. mathura se dig ko jane vali sadak govardhan par karake jahan par nikalati hai, vah sthan 'danaghati' kahalata hai. yahan bhagavan dan liya karate the. yahan 'danarayaji ka mndir' hai. isi govardhan ke pas 20 kos ke bich men sarasvat kalp men vrindavan tha tatha isi ke asapas yamuna bahati thi.

darshaniy sthal

giriraj ji chhappan bhog, govardhan, mathura

marg men padane vale pramukh sthal anyaur, jatipura, mukharavind mndir, radhakund, kusum sarovar, manasi gnga, govind kund, poonchhari ka lautha, danaghati ityadi hain. radhakund se tin mil par govardhan parvat hai. pahale yah giriraj sat kos men phaile hue the, par ab dharati men sama ge hain. yahin kusum sarovar hai, jo bahut sundar bana hua hai. yahan mndir men vajranabh ke padharae haridev ji ki moorti sthapit thi, par aurngajeb ke kal men vah yahan se chale ge. pichhe se unake sthan par doosari moorti pratishthit ki gee. yah mndir bahut sundar hai. yahan shri vajranabh ke hi padharae hue ekachakreshvar mahadev ka mndir hai. giriraj ke oopar aur asapas govardhan gram basa hai tatha ek manasa devi ka mndir hai. manasi gnga par giriraj ka mukharavind hai, jahan unaka poojan hota hai tatha ashadhi poornima tatha kartik ki amavasya ko mela lagata hai.

govardhan men surabhi gay, airavat hathi tatha ek shila par bhagavan ka charanachihn hai. manasi gnga par, jise bhagavan ne apane man se utpann kiya tha, divali ke din jo dipamalika hoti hai, usamen manon ghi kharch kiya jata hai, shobha darshaniy hoti hai. parikrama ki shuruat vaishnavajan jatipura se aur samanyajan manasi gnga se karate hain aur pun: vahin pahunch jate hain. poonchhari ka lautha men darshan karana avashyak mana gaya hai, kyonki yahan ane se is bat ki pushti mani jati hai ki ap yahan parikrama karane ae hain. parikrama men padane vale pratyek sthan se krishn ki kathaen judi hain. mukharavind mndir vah sthan hai, jahan par shrinathaji ka prakaty hua tha. manasi gnga ke bare men manyata hai ki bhagavan krishn ne apani bansuri se khodakar is gnga ka prakaty kiya tha. manasi gnga ke prakaty ke bare men anek kathaen hain. yah bhi mana jata hai ki is gnga ko krishn ne apane man se prakat kiya tha. giriraj parvat ke oopar govindaji ka mndir hai. kahate hain ki bhagavan krishn yahan shayan karate hain. ukt mndir men unaka shayanakaksh hai. yahin mndir men sthit gufa hai, jisake bare men kaha jata hai ki yah rajasthan sthit shrinath dvara tak jati hai.

mahattv

govardhan ki parikrama ka pauranik mahattv hai. pratyek mah ke shukl paksh ki ekadashi se poornima tak lakhon bhakt yahan ki saptakosi parikrama karate hain. prativarsh 'guru poornima' par yahan ki parikrama lagane ka vishesh mahattv hai. shrigiriraj parvat ki talahati samast 'gaudiy sampraday', 'ashtachhap kavi' evn anek vaishnav rasik snton ki sadhana-sthali rahi hai.



panne ki pragati avastha
adhar
prarambhik
madhyamik
poornata
shodh

vithika govardhan

tika tippani aur sndarbh

snbndhit lekh


varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah