क्रीं-कुण्ड, वाराणसी  हिन्दी देवनागरी में पढ़ें।

krin-kund uttar pradesh rajy ke varanasi nagar men sthit hai. kashi men yah aghor sadhana ka kendr bhi mana jata hai. yah shivala muhalle men sthit hai tatha isaka mukhy dvar ravindrapuri kaloni marg ki taraph hai. yah tapobhoomi adhorapith kinaram baba sthal ke nam se prasiddh hai. anek prachin granthon men bhi isaki visheshataon ka ullekh milata hai. krin kund kedar khand men sthit hai jise dharmik drishti se kafi pavitr kshetr mana jata hai. is khand ke dakshini bhag men vishal bel-van hone ke karan ‘belavariya ke nam se bhi ise jana jata tha. badhati janasnkhya ke karan bel ke van katate gaye aur unaki jagah oonchi-oonchi attalikaen le li hain. yahan man hingalaj ke nam par ramanik tal sthit tha, jisaka nam tha ‘higba tal’. isake madhy men man hingalaj ke bich mntr par adharit krin kund hai. ye sabhi nam prachin bhoo-abhilekhon men aj bhi upalabdh hai. isi ke madhy sthit hai aghorapith baba kinaram sthal, jisake dakshin-pashchimi kon par sthit hai mata renuka ka mndir. renuka rishi yamadagni ki dharmapatni thin.

aghor sadhana ka kendr

is aghor tapasthali ke mukhy dvar par sthit donon khambhon par ek ke oopar ek sthit tin mund abhed ke pratik hain. jo yah darshate hain ki brahma, vishnu tatha mahesh men bhed nahin hai. ye tinon ek hi hain aur kary ke anusar tin svaroop men darshaye jate hain. krin kund bhagavan sadashiv ka kalyanakari svaroop hai. janamanas men yah avadharana prachalit hai ki kisi bhi prakar ki vipatti v apada se hatotsahit vyakti ravivar v mngalavar ko panch din krin kund men snan kare ya munh-hath dhone ke bad achaman kare, to usake kasht ka nivaran ho jayega. is lok avadharana ke chalate yahan ke prati ravivar v mngalavar ko shraddhaluon ki kafi bhid hoti hai. jo vyakti pahali bar snan karate hain, ve apana vastr jise pahanakar aye hote hain, snan karane ke bad vahin chhod dete hain aur doosara vastr pahanakar vapas jate hain. ve baradari men baithe vyakti ko thoda sa chaval-dal arpit kar vibhooti grahan karate hain. usake bad ve baba kinaram ki samadhi ki tin bar parikrama karate hain. shraddhaluon dvara chhode gaye vastr ko bad men garibon ko de diya jata hai.

baba kinaram sthal

kinaram sthal par jalane vali ‘dhuni’ ki vibhooti hi yahan ka prasad hai. janashrutiyon ke anusar yah dhuni kabhi bujhati nahin hai. is kaksh ke andar guru ka asan hai. isake dakshin or vishal v bhavy samadhi se laga gyarah pithadhishon ki samadhi shrrinkhala ekadash roodr ka pratik hai. is vishal samadhi ke andar gupha men man hingalaj yantravat sthit hain, jinake bagal men aghorachary baba kinaram ka parthiv sharir sthapit hai. isake oopar sthit panchava mukh jo shiv shakti ka pratik hai. yahan tak pahunchane ka ek matr avalamb hai ‘guru’. vahan jane vale snkare marg ke ek or adi guru ‘dattatrey’ svaroopi baba kalooram ki samadhi aur doosari or bisavin sadi ke unhin ke svaroop baba rajeshvar ram ki shvet moorti hai. baba kinaram ki char vaishnavi v char aghori kriti ki gaddi sthapit ki thi, jisamen yah sthal sarvashreshth hai. adhor gaddi men any tin ramagadh (chandauli), devan (gajipur), hariharapur (chandavak) tatha nayakadih (gazipur) men sthapit hai. aghor ka arth hai anaghor arthath jo ghor n ho, kathin ya jatil n ho. arthath aghor vah hai, jo atyant saral, sugamy, madhur v supachy hai. sabhi ke liye sahaj yog hai. yah kisi dharm, parampara, sampraday ya panth tak hi simit nahin hai. vastav men yah ek sthiti, avastha v manasik star hai. darasal aghor pnth sabhi ke andar se gujarane vala saral pnth hai. yah n keval hindoo men nihit hai aur n hi musalaman, eesaee, yahoodi adi matavalambiyon men. ise koee bhi sima rekha bandh nahin sakati hai. yah n keval shaiv men aur n hi ise shakt, vaishnavi ya aghori sima men hi abaddh kiya ja sakata hai. yah shashvat saty ka parichayak hai. aghor sadhana men mans v madira ka sevan tatha shav sadhana koee avashyak nahin hai. yah sadhana ki disha men ek padav hai, lekin bahut se sadhak isi ko antim charan manakar sirph mans v madira ke chakkar men hi pad jate hain.
baba kinaram ne mugalakal men samaj men vyapt anek bhrantiyon ko apani sadhana ke bal par door karane ki koshish ki aur usamen unhen kafi saphalata bhi mili. unase sambandhit anek lok kathaen samaj men prachalit hain. janata par unaka vyapak asar tha, yahi karan hai ki aj bhi log shraddha se unaki yad karate hain aur krin kund men snan kar apane duahkhon se nijat pane hetu prarthana karate hain. baba kinaram ne aghor sadhana paddhati ko ek naya ayam pradan kiya bad men adhunik yug men bhagavan ram ne is sadhana paddhati ko sidhe samaj sudhar se jod diya aur sarveshvari samooh ki sthapana kar usako ek naya svaroop pradan kiya. sthan ya samagri ka koee vishesh mahatv nahin hai agar mahatv hai, to chetana v vivek ka. kurbani ki pratha par bhi ab pratibandh laga diya gaya hai.
krin kund men ek purana imali ka ka ped hai, jis par darjanon bade-bade chamagadad hain. basant ritu men patajhad ke samay inaki snkhya aur badh jati hai. parisar men sthit kuchh any pedon par bhi ye chamagadad rahate hain, jinaka vajan do se tin kilo se bhi adhik hoga. yah ashchary ki bat hai ki as-pas ke kshetr men anek ped hain lekin vahan itane bade-bade chamagadad nahin rahate hain, jabaki krin kund men sthit vrikshon par ve rahate hain. baba kinaram pith ke 11 ven pithadhishvar baba siddharth gautam hain.[1]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. kund v talab (hindi) kashi katha. abhigaman tithi: 11 janavari, 2014.

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah