नरी सेमरी  हिन्दी देवनागरी में पढ़ें।

nari semari
nari semari mata
vivaran 'nari semari' mathura, uttar pradesh sthit prasiddh dharmik sthal hai. mata ke navaratr ke nau dinon men yahan bhari mela ayojit hota hai.
rajy uttar pradesh
sthan chhata, mathura
snbndhit lekh braj, braj ka krishn kal, navaratr, gupt navaratr, mathura, uttar pradesh paryatan
any janakari 'vrindavanalilamrit' ke anusar 'hari' shabd ke apabhrnsh ke roop men is ganv ka nam 'nari' hua hai.

nari semari chhata, mathura se char mil dakshin-poorv men 'semari ganv' men sthit hai. isaka shuddh evn poorv nam 'kinnari shyamari' hai. semari ke pas hi dakshin disha men ek mil door nari ganv hai. semari ganv men 'yootheshvari shyamala sakhi' ka nivas tha.

namakaran

nari semari ke nam se judi ek katha kahi jati hai, jo nimn prakar hai-

kisi samay manini shri radhika ka man bhng nahin ho raha tha. lalita, vishakha adi sakhiyon ne bhi bahut cheshtaen kin, kintu man aur bhi adhik badhata gaya. ant men sakhiyon ke paramarsh se shrikrishn 'shyamari' sakhi banakar vina bajate hue yahan aye. radhika shyamari sakhi ka adbhut roop tatha vina ki svar lahariyon par utarav aur chadhav ke sath moorchhana adi ragon se alnkrit sngit ko sunakar thagi-si rah geen. unhonne poochha- "sakhi! tumhara nam kya hai? aur tumhara nivas-sthan kahan hai?"

sakhi bane hue krishn ne uttar diya- "mera nam shyamari hai. main svarg ki kinnari hoon." radhika shyamari kinnari ka vina vady evn sulalit sngit sunakar atyant vihval ho geen aur apane gale se ratnon ka har shyamari kinnari ke gale men arpan karane ke lie prastut huee, kintu shyamari kinnari ne hath jodakar unake shri charanon men nivaden kiya ki ap kripa kar apana man roopi ratn mujhe pradan karen. itana sunate hi radhika ji samajh geen ki ye mere priyatam hi mujhase man ratn mang rahe hain. phir to prasann hokar unase milin. sakhiyan bhi unaka paraspar milan karakar atyant prasann hueen. is madhur lila ke karan hi is sthan ka nam 'kinnari' se 'nari' tatha 'shyamari' se 'semari' ho gaya hai.

  • 'vrindavanalilamrit' ke anusar 'hari' shabd ke apabhrnsh ke roop men is ganv ka nam 'nari' hua hai.

any prasng

jis samay krishn-balaram braj chhodakar mathura ke lie prasthan karane lage, akroor ne un donon ko rath par chadhakar badi shighrata se mathura ki or rath ko hank diya. gopiyan khadi ho geen aur ekatak se rath ki or dekhane lagin. kintu dhire-dhire rath ankhon se ojhal ho gaya. dhire-dhire udati huee dhool bhi shant ho gee. tab ve "ha hari! ha hari!" kahati hueen pachhad khakar dharati par gir padin. is lila ki smriti ki raksha ke lie maharaj vajranabh ne vahan jo ganv basaya, vah ganv braj men hari nam se prasiddh hua. dhire-dhire hari shabd ka hi apabhrnsh hi nari ho gaya. nari ganv men kishori kund, snkarshan kund aur shri baladev ji ka darshan hai.[1]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. narisemari (hindi) (pi.ech.pi) brajadiskavari. abhigaman tithi: 30 sitnbar, 2011.

snbndhit lekh


suvyavasthit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah