bharatakosh ke snsthapak/snpadak ke fesabuk laiv ke lie yahan klik karen.

दाऊजी मन्दिर मथुरा  हिन्दी देवनागरी में पढ़ें।

daooji mandir mathura
daooji ka mandir, baladev
vivaran bhagavan shrikrishn ke bade bhaee balaram ka yah prasiddh mandir mathura men sthit hai, jisaki pauranik manyata hai. mandir men 'daooji', 'madanamohan' tatha ashtabhuj 'gopal' ke shrivigrah virajaman hain.
sthan baladev, mathura
rajy uttar pradesh
nirmanakarta gosvami gokulanath
kya dekhen baladev hurnga
vishesh manyata hai ki kalyan dev namak brahman ko balaram ji ne darshan dekar bhoomi se moorti nikalane ka adesh diya tha.
snbndhit lekh balaram, shrikrishn, kns, jarasandh, revati, vallabh sampraday, balabhadr kund ,braj
any janakari mandir ke char mukhy daravaze hain, jo kramash: 'sinhachaur', 'janani dyodhi', 'goshala dvar' ya 'badavale daravaze' ke nam se jane jate hain. mandir ke pichhe ki or hi ek vishal kund bhi hai, jisaka 'balabhadr kund' ke nam se puran adi men varnan hai.
adyatan‎

daooji mandir bhagavan shrikrishn ke bade bhaee balaram se sambandhit hai. mathura men yah 'vallabh sampraday' ka sabase prachin mandir mana jata hai. yamuna nadi ke tat par sthit is mandir ko 'gopal lalaji ka mandir' bhi kahate hain. mandir men daooji, madan mohan ji tatha ashtabhuj gopal ke shri vigrah virajaman hain. daooji ya balaram ka mukhy 'baladev mandir' mathura ke hi baladev men hai. mandir ke charon or sarp ki kundali ki bhanti parikrama marg men ek poorn pallavit bazar hai. mandir ke pichhe ek vishal kund bhi hai, jo 'balabhadr kund' ke nam se puran varnit hai. aj kal ise 'kshirasagar' ke nam se pukara jata hai.

sthiti

yah prasiddh mandir mathura janapad men brajamndal ke poorvi chhor par sthit hai. mathura se 21 kilomitar ki doori par eta-mathura marg ke madhy men yah sthit hai. marg ke bich men gokul evn mahavan, jo ki puranon men varnit 'vrihadvan' ke nam se vikhyat hai, padate hain. yah sthan puranokt 'vidrumavan' ke nam se nirdisht hai. isi vidrumavan men balaram ki atyant manohari vishal pratima tatha unaki sahadharmini raja kaku ki putri jyotishmati revati ka vigrah hai. yah ek vishalakay devalay hai, jo ki ek durg ki bhanti sudridh prachiron se aveshthit hai. mandir ke charon or sarp ki kundali ki bhanti parikrama marg men ek poorn pallavit bazar sthapit hai. mandir ke char mukhy daravaze hain, jo kramash: 'sinhachaur', 'janani dyodhi', 'goshala dvar' ya 'badavale daravaze' ke nam se jane jate hain. mandir ke pichhe ki or hi ek vishal kund bhi hai, jisaka 'balabhadr kund' ke nam se puran adi men varnan hai.[1]

daooji ki moorti

mandir men moorti poorvabhimukh do phut oonche sngamaramar ke sinhasan par sthapit hai. pauranik akhyan ke anusar bhagavan shrikrishn ke pautr vajranabh ne apane poorvajon ki puny smriti men tatha unake upasana kram ko snsthapit karane hetu char dev vigrah tatha char deviyon ki moortiyan nirman karava kar sthapit ki thin. jinamen se baladevaji ka yahi vigrah hai, jo ki 'dvapar yug' ke bad kalakshep se bhoomisth ho gaya tha. puratatvavettaon ka mat hai yah moorti poorv kushan kalin hai, jisaka nirmanakal do sahasr ya isase adhik hona chahiye. brajamandal ke prachin dev sthanon men yadi baladevaji vigrah ko prachinatam kaha jay to koee atishyokti nahin hogi. braj ke atirikt shayad kahin itana vishal vaishnav shrivigrah darshan ko mile. yah moorti qarib 8 phut oonchi evn sadhe tin phut chaudi shyam-varn ki hai. pichhe sheshanag sat phanon se yukt mukhy moorti ki chhaya karate hain. moorti nrity mudra men sthapit hai, dahina hath sir se oopar varad mudra men hai evn banye hath men chashak hai. vishal netr, bhujaen-bhujaon men abhooshan, kalaee men kndoola utkirnit hain. mukat men barik naqqashi ka abhas hota hai. pairon men bhi abhooshan pratit hote hain tatha kati pradesh men dhoti pahane hue hain.

moorti ke kan men ek kundal hai tatha kanth men vaijaynti mala utkirn hai. moorti ke sir ke oopar se lekar charanon tak sheshanag sthit hai. shesh ke tin valay hain, jo ki moorti men spasht dikhaee dete hain aur yogashastr ki kundalini shakti ke pratik roop hain, kyonki pauranik manyata ke anusar baladev shakti ke pratik yog evn shilakhand men spasht dikhaee dete hain, jo ki subal, tosh evn shridama sakhaon ki hain. baladev ji ke samane dakshin bhag men do phut oonche sinhasan par revati ki moorti sthapit hai, jo ki baladev ke charanonmukh hai aur revati ke poorn seva-bhav ki pratik hai. yah moorti qarib panch phut oonchi hai. dahina hath varad mudra men tatha vam hast kati pradesh ke pas sthit hai. is moorti men hi sarpavalay ka ankan spasht hai. donon bhujaon men, kanth men, charanon men abhooshanon ka utkirnan hai.[1] vaidik dharm ke prachar evn archana ka arambh chartuvyooh upasana se hota hai, jisamen snkarshan pradhan hain. aitihasik drishtikon se dekha jay to brajamandal ke prachinatam devata baladev hi hain. sambhavat: brajamandal men baladev ji se prachin koee dev vigrah nahin hai. aitihasik pramanon men chittaud ke shilalekhon men jo ki eesa se panchavin shatabdi poorv ke hain, baladevopasana evn unake mandir ko ingit kiya gaya hai. arpatak, bhoraganv nanaghatika ke shilalekh, jo ki eesa ke pratham dvitiy shatabdi ke hain, junasuthi ki baladev moorti shung kalin hai tatha yoonan ke shasak agathoklij ki chandi ki mudra par haladhari balaram ki moorti ka ankan sabhi baladev ki pooja upasana evn janamanyataon ke pratik hain.[1]

moorti prakaty

daooji mandir mathura

daooji mandir men baladev moorti ke prakaty ka bhi rochak itihas hai. madhy kal ka samay tha. mugal samrajy ka pratishtha soory madhyanh men tha. badashah akabar apane bhari shram, buddhichatury evn yuddh kaushal se ek aisi saltanat ki prachir ke nirman men lin tha, jo ki usake kalpana lok ki manyata ke anusar kabhi bhi n dhahe aur pidhi-dar-pidhi mugaliya khanadan hindustan ki sarazamin par nishkntak apani saltanat ko qayam rakhakar gaddi evn taj ka upabhog karate rahen. ek or yah mugalon ki sthapana ka samay tha, doosari or madhyayugin dharmachary evn santon ke avataran tatha abhyuday ka svarn yug. brajamandal men tatkalin dharmacharyon men mahaprabhu vallabhachary, nimbarkachary evn chaitany sampraday ki manyataen atyant lokapriy thin. kisi samay govardhan ki talahati men ek bahut prachin tirthasthal 'sooryakund' evn usaka tatavarti gram 'bharana-khurd'[2] tha. isi sooryakund ke ghat par param satvik brahman vnshavatnsh gosvami kalyan devachary tapasya karate the. unaka janm bhi isi gram men ibhayaram ke ghar men hua tha.

kalyan dev ka svapn

ek din kalyan devaji ko aisi anubhooti huee ki unaka antarman tirthatan ka adesh de raha hai. at: kalyan-devaji ne jagadish yatra ka nishchay kar ghar se prasthan kar diya. girraj parikrama kar manasi gnga men snan kiya aur phir mathura pahunche. yamuna nadi men snan, darshan kar age badhe aur vidrumavan aye, jahan aj ka vartaman baladev nagar hai. yahan ratri ko vishram kiya. saghan vat vrikshon ki chhaya tatha sarovar ka kinara, ye donon sthitiyan unako bha geen. phalat: unhonne kuchh din yahin tap karane ka nishchay kiya. ek din apane anhik karm se nivrit huye hi the ki divy hal-moosaladhari bhagavan balaram unake sammukh prakat huye tatha bole ki- "main tumhari tapasya se prasann hoon, var mango." kalyan devaji ne karabaddh pranam kar nivedan kiya ki- "prabhu apake nity darshan ke atirikt mujhe kuchh bhi abhisht nahin hai. at: ap nity mere ghar virajen." baladevaji ne tathastu kahakar svikriti di aur antardhan ho gaye. sath hi yah bhi adesh kiya ki- "jis prayojan hetu jagadish yatra kar rahe ho, ve sabhi phal tumhen yahin milenge, is hetu isi vat vriksh ke niche meri evn revati ki pratimaen bhoomisth hain, unaka prakaty karo'. ab kalyan devaji ki vyagrata badh gee aur ve bhoomi khodane ke kary men lag gaye, jis sthan ka adesh balaram ne kiya tha.[1]

moorti sthapana

idhar ek aur vichitr akhyan upasthit hua ki jis din kalyan devaji ko sakshatkar hua, usi poorv ratri ko gokul men ballabhachary mahaprabhu ke pautr gosvami gokulanath ko svapn hua ki 'jo shyama gau ke bare men ap chintit hain, vah nity doodh meri pratima ke oopar stravit kar deti hai. gvala nirdosh hain. meri pratimaen vidrumavan men vat vriksh ke niche bhoomisth hain. use prakaty karao.' yah shyama gau sady: prasoota hone ke bavajood doodh nahin deti thi. maharaj ko doodh ke bare men gvala ke oopar sandeh hota tha. prabhu ki agya se gosvami ne uparyukt sthal par jane ka nirnay kiya. vahan jakar dekha ki kalyan devaji moortiyugal ko bhoomi se khodakar nikal chuke hain. vahan pahunch namaskar abhivadan ke uparant donon ne apane-apane vrittant sunaye. atyant harsh vihval dharmachary hriday ko vigrahon ke sthapan ke nirnay ki chinta huee aur nishchay kiya ki is ghor jngal se moortidvay ko hatakar kyon n gokul men pratishthit kiya jay. etadarth anek prayatn kie, kintu moorti apane sthan se tas se mas n huee aur itana shram vyarth gaya. har manakar yahi nishchay kiya gaya ki donon moortiyon ko apane prakaty ke sthan par hi pratishthit kar diya jay. at: jahan kalyan dev tapasya karate the, usi parnakuti men sarvapratham sthapana huee, jisake dvara kalyan dev ko nity ghar men nivas karane ka diya gaya varadan saphal hua.

khir ka bhog

ek din snyogat: margashirsh mas ki poornamasi thi. shodasopachar kram se vedachar ke anuroop donon moortiyon ki archana ho gee tatha sarvapratham thakuraji ko khir ka bhog rakha gaya, at: us din se lekar aj tak pratidin khir bhog men avashy ati hai. gosvami gokulanath ne ek navin mndir ke nirman ka bhar vahan karane ka snkalp liya tatha pooja-archana ka bhar kalyan dev ne liya. us din se adyavadhi kalyan vnshaj hi thakur ji ki pooja-archana karate a rahe hain. bad ke samay men margashirsh poornima samvat 1638 vikram tha. ek varsh ke bhitar pun: donon moortiyon ko parnakuti se hatakar gosvami maharaj ke nav-nirmit devalay men, jo ki sampoorn suvidhaon se yukt tha, margashirsh poornima snvat 1639 ko pratishthit kar diya gaya. kahate hain ki bhagavan balaram ki janm-sthali evn nity krida sthali yah sthan hai. pauranik akhyan ke anusar yah sthan nand baba ke adhikar kshetr men tha. yahan baba ki gay ke nivas ke liye bade-bade khirak nirmit the. magadharaj jarasndh ke rajy ki pashchimi sima yahan lagati thin, at: yah kshetr kns ke atnk se pray: surakshit tha. isi nimitt nand baba ne baladev ki mata rohini ko baladev ke prasav ke nimitt isi vidrumavan men rakha tha aur yahin baladev ka janm hua tha, jisake pratik roop ridha[3] donon gram aj tak maujood hain.

dhire-dhire samay bit gaya baladevaji ki khyati evn vaibhav nirantar badhata gaya aur samay a gaya dharmadveshi shnhashah aurngajeb ka. jisaka matr snkalp samast hindoo devi-devataon ki moorti bhnjan evn dev sthan ko nasht-bhrasht karana tha. mathura ke keshavadev mandir evn mahavan ke prachinatam dev sthanon ko nasht-bhrasht karata age badha to usane baladev ji ki khyati suni v nishchay kiya ki kyon n is moorti ko tod diya jay. phalat: moorti bhnjani sena ko lekar age badha. kahate hain ki sena nirantar chalati rahi, jahan bhi pahunchate baladev ki doori poochhane par do kos hi bataee jati jisase usane samajha ki nishchay hi baladev koee chamatkari dev vigrah hai, kintu adhamonmarddh sena lekar badhata hi chala gaya jisake parinam-svaroop kahate hain ki bhauron aur tatiyon (berra) ka ek bhari jhund usaki sena par toot pada, jisase saikadon sainik evn ghode unake desh ke ahat hokar kal kavalit ho gaye. aurngajeb ke antar ne svikar kiya devalay ka prabhav aur shahi faraman jari kiya jisake dvara mndir ko 5 ganv ki mafi evn ek vishal nakkarakhana nirmit karakar prabhu ko bhent kiya evn nakkarakhana ki vyavastha hetu dhan prativarsh rajakosh se dene ka adesh prasarit kiya. vahin nakkarakhana aj bhi maujood hai aur yavan shasak ki parajay ka mook sakshi hai.

holi, daooji mandir, baladev
Holi, Dauji Temple, Baldev

isi faraman-name ka navinikaran usake pautr shah alam ne sanh 1196 fasali ki kharif men do ganv aur badhakar yani 7 ganv kar diya. jinamen khadera, chhavaroo, noorapur, aratauni, ridha adi jisako tatkalin kshetriy prashasak (vazir) nazaph khan bahadur ke hastakshar se shahi muhar dvara prasarit kiya gaya tatha svayn shah alam ne ek prithakh se adesh chaitr sudi 3 snvat 1840 ko apani muhar evn hastakshar se jari kiya. shah alam ke bad is kshetr par sindhiya rajavnsh ka adhikar hua. unhonne sampoorn jagir ko yathasthan rakha evn prithakh se bhogarag makhan mishri evn mndir ke rakh-rakhav ke liye rajakosh se dhan dene ki svikriti dinank bhadrapad-vadi chauth snvat 1845 ko gosvami kalyan devaji ke pautr gosvami hnsarajaji, jagannathaji ko di. yah sari jamindari aj bhi mndir shridaoo ji maharaj evn unake malik kalyan vnshaj, jo ki mndir ke panda purohit kahalate hain, unake adhikar men hai. mugal kal men ek vishisht manyata yah thi ki sampoorn mahavan tahasil ke samast ganvon men se shri daooji maharaj ke nam se prithakh dev sthan khate ki mal gujari shasan dvara vasool kar mndir ko bhent ki jati thi, jo mugalakal se aj tak shahi grant ke nam se jani jati hai, sarakari khazane se aj tak bhi mndir ko prativarsh bhent ki jati hai.

british shasan

isake bad phirngi ka zamana aya. mandir sadaiv se desh-bhakton ke jamavade ka kendr raha, unaki sahayata evn sharan-sthal ka ek many-srot bhi. jab british shasan ko pata chala to unhonne mandir ke malikan pandon ko agah kiya ki ve kisi bhi svatantrata premi ko apane yahan sharan n den, parantu atmiy sambandh evn desh ke svatantrata premi mandir ke malikon ne yah hidayat nahin mani, jisase chidh-kar angrez shasakon ne mandir ke liye jo jagiren bhoomi evn vyavasthaen poorv shahi parivaron se pradatt thi, unhen dinank 31 disambar sanh 1841 ko speshal kamishnar ke adesh se kurki kar jabt kar liya aur mandir ke oopar pahara bitha diya, jisase koee bhi svatantrata premi mandir men n a sake. parantu qile jaise prachiron se aveshthit mandir men kisi darshanarthi ko kaise rok lete? at: svatantrata sngrami darshanarthi ke roop men ate tatha mandir men nirbadh chalane vale sadavart evn bhojan vyavastha ka anand lete or apani kary-vidhi ka snchalan karake pun: abhisht sthan ko chale jate. at: prayatn karane ke bad bhi gadar premiyon ko shasan n rok paya.

manyataen

baladev ek aisa tirth hai jisaki manyataen hindoo dharmavalambi karate aye hain. dharmacharyon men vallabhachary ji ke vnsh ki to bat hi prithakh hai. nimbark, madhv, gaudiy, ramanuj, shnkar karshni, udasin adi samast dharmacharyon men baladev ji ki manyataen hain. sabhi niyamit roop se baladevaji ke dashanarth padharate rahe hain aur yah kram aj bhi jari hai.

daooji mandir ka hurnga, baladev
Huranga in Dauji Temple, Baldev

isake sath hi ek dhakka british raj men mndir ko tab laga, jab graus yahan ka kalektar niyukt hua. graus mahoday ka vichar tha ki baladev jaise prabhavashali sthan par ek charch ka nirman karaya jay, kyonki baladev us samay ek moordhany tirth sthal tha. at: usane mndir ki bina agya ke charch nirman prarambh kar diya. shahi jamane se hi mndir ki 256 ekad bhoomi men mndir ki agya ke bagair koee vyakti kisi prakar ka nirman nahin kara sakata tha. kyonki uparyukt bhoomi ke malik zamindar shri daooji hain, to unaki agya ke bina koee nirman kaise ho sakata tha? parantu unmadi graus mahoday ne bina koee paravah kiye nirman karana shuroo kar diya. mndir ke malikan ne usako balapoorvak dhvast kara diya, jisase chidh-kar graus ne panda varg evn any nivasiyon ko bhari atnkit kiya, to agara ke ek moordhany seth evn maharaj murasan ke vyaktigat prabhav ka prayog kar vayasaray se bhent kar graus ka sthanantaran bulandashahar karaya. jis sthan par charch ka nirman karane ki graus ki hath thi. usi sthan par aj vahan besik praimari pathashala hai, jo pashchimi skool ke nam se jani jati hai. graus ki parajay ka mook sakshi hai.

mukhy akarshan

vaise baladev men mukhy akarshan shri daooji ka mndir hai. kintu isake atirikt kshirasagar talab jo ki qarib 80 gaz chauda 80 gaz lamba hai. jisake charon or pakke ghat bane hue hain jisamen hamesha jal poorit rahata hai. us jal men sadaiv jaise doodh par malaee hoti hai usi prakar kaee (shaival) chhayi rahati hai. dashanarthi is sarovar men snan achaman karate hain. isake pashchath darshan ko jate hain.

parvotsav-mandir

parvotsav-mandir moolat: balabhadr sampradayi hai. kintu poojarchan men zyadatar prasav pushti margiy hai. vaise varsh-bhar koee n koee utsav hota hi rahata hai, kintu mukhyat: varsh pratipada, chaitr poornima, baladevaji ka rasotsav, akshay tritiya, (charan darshan), gnga dashahara, devashayani ekadashi, samast shravan mas ke jhoolotsav, shrikrishn janmashtami, baladev shridaooji ka janmotsav (bhadrapad shukl 6) tatha radhashtami, dashahara, sharad poornima, dipamalika, govardhan pooja (annakoot), yam dvitiya tatha any samast kartik mas ke utsav margashirsh poornima (patotsav) tatha magh ki basnt pnchami se prarambh hokar chaitr krishn-pnchami tak ka 1-1/2 mah ka holi utsav pramukh hai. holi men visheshakar phalgun shukl 15 ko holi poojan sampoorn hurnga jo ki braj mndal ke holi utsav ka mukut mani hai, atyant suramy evn darshaniy hain. pnchami ko holi utsav ke bad 1 varsh ke liye is madan-parv ko vidayi di jati hai. vaise to baladev men pratimah poornima ko vishesh mela lagata hai phir bhi visheshakar chaitr poornima, sharad poornima, margashirsh poornima evn devachhat ko bhari bhid hoti hai. isake atirikt varsh-bhar hazaron darshanarthi pratidin ate hain. bhagavan vishnu ke avataron ki tithiyon ko vishesh snan bhog evn archana hoti hai tatha 2 bar snan shrringar evn vishesh bhog rag ki vyavastha hoti hai. yahan ka mukhy prasad makhan evn mishri hai tatha khir ka prasad, jo ki nity bhagavan arogate hain, prasiddh hai.

darshan ka kram

yahan darshan ka kram pray: garmi men akshay tritiya se hariyali tij tak prat: 6 baje se 12 baje tak dopahar 4 baje se 5 baje tak evn sayn 7 baje se 10 tak hote hain. hariyali tij se prat: 6 se 11 evn dopahar 3-4 baje tak evn ratri 6-1/2 se 9 tak hote hain. mandir men samay-samay par darshan, evn utsavon ke anuroop yahan ki samaj gayaki atyant prasiddh hai. yahan ki sanjhi kala jisaka kendr mandir hi hai atyant prasiddh hai. baladev patebazi ke akhadebandi (jisamen hathiyar chalana lathi bhanjana adi) ka bada shauq hai samast mathura janapad evn pas-padausi zilon men bhi yahan ka 'kali' ka pradarshan atyant utkrisht koti ka hai. baladev ke mitti ke bartan bahut prasiddh hain. yahan ka mukhy prasad makhan mishri tatha shri thakuraji ko bhang ka bhog lagane se yahan prasad roop men bhang pine ke shauqin logon ki bhi kami nahin. bhang taiyar karane ke bhi kitane hi siddh hast-ustad hain yahan ki samast paramparaon ka snchalan aj bhi mandir se hota hai. yadi samnti yug ka darshan karana ho to aj bhi baladev men pratyaksh ho sakata hai. aj bhi mandir ke ghnte evn nakkarakhane men bajane vali bamb ki avaz se nagar ke samast vyapar vyavahar chalate hain.

mahamana malaviy ji, pn. motilal neharoo, javaharalal neharoo, mohanadas karamachandagandhi (bapoo), mata kastooraba, daau. rajendr prasad, daau. radhakrishnaji, saradar ballabh bhaee patel, moraraji desaee, dinadayalaji upadhyay, jaise shreshth rajanitigy, bharatendu baboo harishchndr, niralaji, bharat ke mukhy nyayadhish jastis bangchoo ke. en. ji jaise mahapurush baladev darshanarth padharate rahe hain. jinake darshanarth padharane ke dastavez aj bhi surakshit hain.


baladev holi ke vibhinn drishy

holi, daooji mandir, baladev holi, daooji mandir, baladev holi, dvarikadhish mandir, mathura holi, daooji mandir, baladev holi, daooji mandir, baladev holi, daooji mandir, baladev holi, daooji mandir, baladev holi, daooji mandir, baladev holi, daooji mandir, baladev holi, daooji mandir, baladev holi, daooji mandir, baladev


panne ki pragati avastha
adhar
prarambhik
madhyamik
poornata
shodh

tika tippani aur sandarbh

  1. 1.0 1.1 1.2 1.3 shridaooji ka mandir, baladev (hindi). . abhigaman tithi: 05 mee, 2013.
  2. chhota bharana
  3. rohineyak gram ka apabhrnsh tatha abairani, bair rahit kshetr

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah