सरदार पटेल  हिन्दी देवनागरी में पढ़ें।

(सरदार बल्लभ भाई पटेल se punarnirdeshit)
saradar patel
Sardar-Vallabh-Bhai-Patel.jpg
poora nam saradar vallabh bhaee patel
any nam saradar patel
janm 31 aktoobar, 1875
janm bhoomi nadiyad, gujarat
mrityu 15 disnbar, 1950 (umr- 75)
mrityu sthan mumbee, maharashtr
mrityu karan dil ka daura
abhibhavak jhaverabhaee patel, ladabaee
pati/patni jhaveraba[1]
sntan putr- dahayabhaee patel, putri- maniben patel
nagarikata bharatiy
prasiddhi bharat ke lauhapurush
parti bharatiy rashtriy kangres
pad up pradhanamntri, grih mntri, soochana mntri aur rajy mntri
kary kal 15 agast, 1947 se 15 disnbar, 1950
shiksha vaqalat
bhasha hindi
jel yatra (1930), janavari 1932, aktoobar 1940
puraskar-upadhi bharat ratn
vishesh yogadan deshi riyasaton ka vilay svatntr bharat ki pahali upalabdhi thi aur nirvivad roop se saradar patel ka isamen vishesh yogadan tha. nitigat dridhata ke lie gandhiji ne unhen 'saradar' aur 'lauh purush' ki upadhi di thi.
snbndhit lekh rashtriy ekata divas, vitthaladas jhaverabhaee patel
andolan namak satyagrah
upadhiyan 'lauhapurush', 'bharat ka bismark'
any janakari vastav men saradar patel adhunik bharat ke shilpi the. unake kathor vyaktitv men vismark[2] jaisi sngathan kushalata, kautily jaisi rajaniti satta tatha rashtriy ekata ke prati abraham linkan jaisi atoot nishtha thi.

saradar vallabhabhaee patel (angrezi: Sardar Vallabhbhai Patel; janm- 31 aktoobar, 1875, gujarat; mrityu- 15 disnbar, 1950, maharashtr) prasiddh svatntrata sngram senani tatha svatntr bharat ke pratham grihamntri the. ve 'saradar patel' ke upanam se prasiddh hain. saradar patel bharatiy bairistar aur prasiddh rajaneta the. bharat ke svadhinata sngram ke dauran 'bharatiy rashtriy kangres' ke netaon men se ve ek the. 1947 men bharat ki azadi ke bad pahale tin varsh ve up pradhanamntri, grihamntri, soochana mntri aur rajy mntri rahe the. svatntrata prapti ke bad qarib panch sau se bhi zyada desi riyasaton ka ekikaran ek sabase badi samasya thi. kushal kootaniti aur zaroorat padane par sainy hastakshep ke jarie saradar patel ne un adhikansh riyasaton ko tirnge ke tale lane men saphalata prapt ki. isi upalabdhi ke chalate unhen lauh purush ya bharat ka bismark ki upadhi se sammanit kiya gaya. unhen maranoparant varsh 1991 men bharat ka sarvochch nagarik samman 'bharat ratn' diya gaya. varsh 2014 men saradar vallabh bhaee patel ki jaynti (31 aktoobar) 'rashtriy ekata divas' ke roop men manaee jati hai.

jivan parichay

saradar vallabh bhaee patel ka janm 31 aktoobar, 1875 ee. men nadiyad, gujarat men hua tha. unaka janm leva pattidar jati ke ek samriddh zamindar parivar men hua tha. ve apane pita jhaverabhaee patel evn mata ladabaee ki chauthi sntan the. somabhaee, narasibhaee aur vitthaladas jhaverabhaee patel unake agraj the. paramparik hindoo mahaul men pale-badhe saradar patel ne karamasad men prathamik vidyalay aur petalad sthit uchch vidyalay men shiksha prapt ki, lekin unhonne adhikansh gyan svadhyay se hi arjit kiya. 16 varsh ki ayu men unaka vivah ho gaya. 22 sal ki umr men unhonne maitrik ki pariksha pas ki aur zila adhivakta ki pariksha men uttirn hue, jisase unhen vaqalat karane ki anumati mili. san 1900 men unhonne godhara men svatntr zila adhivakta karyalay ki sthapana ki aur do sal bad kheda zile ke borasad namak sthan par chale ge.

parivar

saradar patel ke pita jhaberabhaee ek dharmaparayan vyakti the. gujarat men san 1829 ee. men svami sahajanand dvara sthapit svami narayan pnth ke ve param bhakt the. 55 varsh ki avastha ke uparant unhonne apana jivan usi men arpit kar diya tha. vallabhabhaee ne svayn kaha hai- "main to sadharan kutumb ka tha. mere pita mandir men hi zindagi bitate the aur vahin unhonne poori ki." vallabhabhaee ki mata ladabaee apane pati ke saman ek dharmaparayan mahila thin. vallabhabhaee panch bhaee v ek bahan the. bhaiyon ke nam kramashah sobhabhaee, narasinhabhaee, vitthalabhaee, vallabhabhaee aur kashibhaee the. bahan dabiha sabase chhoti thi. inamen vitthalabhaee tatha vallabhabhaee ne rashtriy andolan men bhag lekar bharatiy itihas men mahattvapoorn sthan grahan kiya. mata-pita ke gun snyam, sahas, sahishnuta, desh-prem ka prabhav vallabhabhaee ke charitr par spasht tha.[3]

vyavasayik shuruat

ek vakil ke roop men saradar patel ne kamazor muqadame ko satikata se prastut karake aur pulis ke gavahon tatha angrez nyayadhishon ko chunauti dekar vishesh sthan arjit kiya. 1908 men patel ki patni ki mrityu ho gee. us samay unake ek putr aur ek putri thi. isake bad unhonne vidhur jivan vyatit kiya. vaqalat ke peshe men taraqqi karane ke lie kritasnkalp patel ne midl tenpal ke adhyayan ke lie agast, 1910 men lndan ki yatra ki. vahan unhonne manoyog se adhyayan kiya aur antim pariksha men uchch pratishtha ke sath uttirn hue.

saradar vallabh bhaee patel

agrani bairistar

faravari, 1913 men bharat lautakar saradar patel ahamadabad men bas ge aur tezi se unnati karate hue ahamadabad adhivakta bar men aparadh qanoon ke agrani bairistar ban ge. gambhir aur shalin patel apane uchch stariy taur-tariqon aur chust, angrezi pahanave ke lie jane jate the. vah ahamadabad ke faishanaparast gujarat klab men brij ke chainpiyan hone ke karan bhi vikhyat the. 1917 tak ve bharat ki rajanitik gatividhiyon ke prati udasin rahe.

satyagrah se judav

san 1917 men mohanadas karamachand gandhi se prabhavit hone ke bad saradar patel ne paya ki unake jivan ki disha badal gee hai. ve gandhiji ke satyagrah (anhisa ki niti) ke sath tab tak jude rahe, jab tak vah angrezon ke khilaf bharatiyon ke sngharsh men qaragar raha. lekin unhonne kabhi bhi khud ko gandhiji ke naitik vishvason v adarshon ke sath nahin joda. unaka manana tha ki unhen sarvabhaumik roop se lagoo karane ka gandhi ka agrah, bharat ke tatkalin rajanitik, arthik v samajik pariprekshy men aprasngik hai. phir bhi gandhiji ke anusaran aur samarthan ka snkalp karane ke bad patel ne apani shaili aur veshabhoosha men parivartan kar liya. unhonne gujarat klab chhod diya aur bharatiy kisanon ke saman safed vastr pahanane lage tatha bharatiy khan-pan ko poori tarah se apana liya.

baradoli satyagrah ka netritv

san 1917 se 1924 tak saradar patel ne ahamadanagar ke pahale bharatiy nigam ayukt ke roop men seva pradan ki aur 1924 se 1928 tak ve isake nirvachit nagarapalika adhyaksh bhi rahe. 1918 men unhonne apani pahali chhap chhodi, jab bhari varsha se fasal tabah hone ke bavazood bambee sarakar dvara poora salana lagan vasoolane ke faisale ke viruddh unhonne gujarat ke kaira zile men kisanon aur kashtakaron ke janandolan ki rooparekha banaee. 1928 men patel ne badhe hue karon ke khilaf baradoli ke bhoomipatiyon ke sngharsh ka saphalatapoorvak netritv kiya. baradoli satyagrah ke kushal netritv ke karan unhen 'saradar' ki upadhi mili aur usake bad desh bhar men rashtravadi neta ke roop men unaki pahachan ban gee. unhen vyavaharik, nirnayak aur yahan tak ki kathor bhi mana jata tha tatha angrez unhen ek khataranak shatru manate the.

rajanitik darshan

saradar patel aur gandhiji

saradar patel krantikari nahin the. 1928 se 1931 ke bich bharatiy rashtriy kangres ke uddeshyon par ho rahi mahattvapoorn bahas men patel ka vichar tha[4] ki bharatiy rashtriy kangres ka lakshy svadhinata nahin, balki british rashtrakul ke bhitar adhirajy ka darja prapt karane ka hona chahie. javaharalal neharoo ke viparit, jo svatntrata ke lie sngharsh men hinsa ki anadekhi karane ke paksh men the, patel naitik nahin, vyavaharik adhar par sashastr andolan ko nakarate the. patel ka manana tha ki yah viphal rahega aur isaka zabaradast daman hoga. mahatma gandhi ki bhanti patel bhi bhavishy men british rashtrakul men svatntr bharat ki bhagidari men labh dekhate the. basharte bharat ko ek barabari ke sadasy ke roop men shamil kiya jae. vah bharat men atmanirbharata aur atmavishvas qayam karane par zor dete the, lekin gandhiji ke viparit, vah hindoo-muslim ekata ko svatntrata ki poorv shart nahin manate the.

balapoorvak arthik aur samajik badalav lane ki avashyakata ke bare men saradar patel javaharalal neharoo se asahamat the. paramparik hindoo moolyon se upaje roodhivadi patel ne bharat ki samajik aur arthik snrachana men samajavadi vicharon ko apanane ki upayogita ka upahas kiya. vah mukt udyam men yaqin rakhate the. is prakar, unhen roodhivadi tatvon ka vishvas prapt hua tatha unase prapt dhan se hi bharatiy rashtriy kangres ki gatividhiyan snchalit hoti rahin.

jelayatra

bharatiy rashtriy kangres ke 1929 ke lahaur adhiveshan men saradar patel, mahatma gandhi ke bad adhyaksh pad ke doosare ummidavar the. gandhiji ne svadhinata ke prastav ko svikrit hone se rokane ke prayas men adhyaksh pad ki davedari chhod di aur patel par bhi nam vapas lene ke lie dabav dala. isaka pramukh karan musalamanon ke prati patel ki hathadharmita thi. antat: javaharalal neharoo adhyaksh bane. 1930 men namak satyagrah ke dauran patel ko tin mahine ki jel huee. march, 1931 men unhonne bharatiy rashtriy kangres ke karanchi adhiveshan ki adhyakshata ki. janavari, 1932 men unhen phir giraftar kar liya gaya. julaee, 1934 men vah riha hue aur 1937 ke chunavon men unhonne kangres parti ke sngathan ko vyavasthit kiya. 1937-1938 men ve kangres ke adhyaksh pad ke pramukh davedar the. ek bar phir gandhiji ke dabav men patel ko apana nam vapas lena pada aur javaharalal neharoo nirvachit hue. aktoobar, 1940 men kangres ke any netaon ke sath patel bhi giraftar hue aur agast, 1941 men riha hue.

gandhiji se matabhed

dvitiy vishv yuddh ke dauran, jab japani hamale ki ashnka huee, to saradar patel ne gandhiji ki ahinsa ki niti ko avyavaharik batakar kharij kar diya. satta ke hastantaran ke mudde par bhi unaka gandhiji se is bat par matabhed tha ki upamahadvip ka hindoo bharat tatha muslim pakistan ke roop men vibhajan aparihary hai. patel ne zor diya ki pakistan de dena bharat ke hit men hai. 1945-1946 men bharatiy rashtriy kangres ke adhyaksh pad ke lie saradar patel pramukh ummidavar the. lekin mahatma gandhi ne ek bar phir hastakshep karake javaharalal neharoo ko adhyaksh banava diya. kangres adhyaksh ke roop men neharoo ko british vaisaraauy ne antarim sarakar ke gathan ke lie amntrit kiya. is prakar, yadi ghatanakram samany rahata, to saradar patel bharat ke pahale pradhanamntri hote.

deshi riyasaton ke vilay men bhoomika

saradar patel ki pratima, ahamadabad, gujarat

svatntr bharat ke pahale tin varsh saradar patel up-pradhanamntri, grih mntri, soochana mntri aur rajy mntri rahe. is sabase bhi badhakar unaki khyati bharat ke rajavadon ko shantipoorn tariqe se bharatiy sngh men shamil karane tatha bharat ke rajanitik ekikaran ke karan hai. 5 julaee, 1947 ko saradar patel ne riyasaton ke prati niti ko spasht karate hue kaha ki- "riyasaton ko tin vishayon 'suraksha', 'videsh' tatha 'snchar vyavastha' ke adhar par bharatiy sngh men shamil kiya jaega." dhire-dhire bahut-si desi riyasaton ke shasak bhopal ke navab se alag ho gaye aur is tarah navasthapit riyasati vibhag ki yojana ko saphalata mili.

bharat ke tatkalin grihamntri saradar vallabh bhaee patel ne bharatiy sngh men un riyasaton ka vilay kiya, jo svayn men snprabhuta prapt thin. unaka alag jhnda aur alag shasak tha. saradar patel ne azadi ke thik poorv (snkraman kal men) hi pi.vi. menan ke sath milakar kee desi rajyon ko bharat men milane ke liye kary arambh kar diya tha. patel aur menan ne desi rajaon ko bahut samajhaya ki unhen svayattata dena sambhav nahin hoga. isake parinamasvaroop tin riyasaten- haidarabad, kashmir aur joonagadh ko chhodakar shesh sabhi rajavadon ne svechchha se bharat men vilay ka prastav svikar kar liya. 15 agast, 1947 tak haidarabad, kashmir aur joonagadh ko chhodakar shesh bharatiy riyasaten 'bharat sngh' men sammilit ho chuki thin, jo bharatiy itihas ki ek badi upalabdhi thi. joonagadh ke navab ke viruddh jab bahut virodh hua to vah bhagakar pakistan chala gaya aur is prakar joonagadh bhi bharat men mila liya gaya. jab haidarabad ke nizam ne bharat men vilay ka prastav asvikar kar diya to saradar patel ne vahan sena bhejakar nizam ka atmasamarpan kara liya.

rajanitik yogadan

bharatiy rashtriy andolan ko vaicharik evn kriyatmak roop men ek nee disha dene ke karan saradar patel ne rajanitik itihas men ek gauravapoorn sthan prapt kiya. vastav men ve adhunik bharat ke shilpi the. unake kathor vyaktitv men vismark[5] jaisi sngathan kushalata, kautily jaisi rajaniti satta tatha rashtriy ekata ke prati abraham linkan jaisi atoot nishtha thi. jis adamy utsah asim shakti se unhonne navajat ganarajy ki prarambhik kathinaiyon ka samadhan kiya, usake karan vishv ke rajanitik manachitr men unhonne amit sthan bana liya. bharat ke rajanitik itihas men saradar patel ke yogadan ko kabhi bhulaya nahin ja sakata. saradar patel ke aitihasik karyon aur kiye gaye rajanitik yogadan nimnavat hain-

sabha ko snbodhit karate hue saradar patel
  • deshi rajyon ke ekikaran ki samasya ko saradar patel ne bina khoon-kharabe ke badi khoobi se hal kiya. deshi rajyon men rajakot, joonagadh, vahalapur, badauda, kashmir, haidarabad ko bharatiy mahasngh men sammilit karane men saradar patel ko kee pechidagiyon ka samana karana pada. jab chin ke pradhanamntri chaoo en laee ne javaharalal neharoo ko patr likha ki ve tibbat ko chin ka ang man len to patel ne neharoo se agrah kiya ki ve tibbat par chin ka prabhutv qatee n svikaren anyatha chin bharat ke lie khataranak siddh hoga. javaharalal neharoo nahin mane, bas isi bhool ke karan hamen chin se pitana pada aur chin ne hamari sima ki 40 hazar varg gaj bhoomi par kabja kar liya.
  • saradar patel ke aitihasik karyon men somanath mndir ka punarniman, gandhi smarak nidhi ki sthapana, kamala neharoo aspatal ki rooparekha adi kary sadaiv smaran kie jate rahenge. unake man men goa ko bhi bharat men vilay karane ki ichchha kitani balavati thi, isake lie nimnalikhit udaharan hi kafi hai-[6]

jab ek bar saradar patel bharatiy yuddhapot dvara bambee se bahar yatra par the to goa ke nikat pahunchane par unhonne kamanding aphasaron se poochha ki- "is yuddhapot par tumhare kitane sainik hain." jab kaptan ne unaki snkhya bataee, to patel ne phir poochha- "kya vah goa par adhikar karane ke lie paryapt hain." sakaratmak uttar milane par patel bole- "achchha chalo jab tak ham yahan hain, goa par adhikar kar lo." kinkartavyavimoodh kaptan ne unase likhit adesh dene ki vinati ki, tab tak saradar patel chaunke, phir kuchh sochakar bole- "thik hai chalo hamen vapas lautana hoga."[6]

  • lakshadvip samooh ko bharat ke sath milane men bhi patel ki mahattvapoorn bhoomika thi. is kshetr ke log desh ki mukhyadhara se kate hue the aur unhen bharat ki azadi ki janakari 15 agast, 1947 ke kee dinon bad mili. halanki yah kshetr pakistan ke najadik nahin tha, lekin patel ko lagata tha ki is par pakistan dava kar sakata hai. isalie aisi kisi bhi sthiti ko talane ke lie patel ne lakshadvip men rashtriy dhvaj phaharane ke lie bharatiy nausena ka ek jahaz bheja. isake kuchh ghnte bad hi pakistani nausena ke jahaj lakshadvip ke pas mndarate dekhe ge, lekin vahan bharat ka jhnda laharate dekh unhen vapas karachi lautana pada.[6]

neharooji, gandhiji aur saradar patel

mahatma gandhi, saradar vallabh bhaee patel aur javaharalal neharoo

saradar patel bharatiy svatntrata sngram men kee bar jel ke andar-bahar hue, halanki jis chij ke lie itihasakar hamesha saradar vallabh bhaee patel ke bare men janane ke lie ichchhuk rahate hain, vah thi unaki aur javaharalal neharoo ki pratisparddha. sab janate hain ki 1929 ke lahaur adhiveshan men saradar patel hi gandhi ji ke bad doosare sabase prabal davedar the, kintu muslimon ke prati saradar patel ki hathadharmita ki vajah se gandhiji ne unase unaka nam vapas dilava diya. 1945-1946 men bharatiy rashtriy kangres ke adhyaksh pad ke lie bhi patel ek pramukh ummidavar the, lekin is bar bhi gandhiji ke neharoo prem ne unhen adhyaksh nahin banane diya. kee itihasakar yahan tak manate hain ki yadi saradar patel ko pradhanamntri banane diya gaya hota to chin aur pakistan ke yuddh men bharat ko poorn vijay milati, parntu gandhiji ke jagajahir neharoo prem ne unhen pradhanamntri banane se rok diya.[7]

gandhiji ke prati shraddha

mahatma gandhi ke prati saradar patel ki atoot shraddha thi. gandhiji ki hatya se kuchh kshan pahale niji roop se unase bat karane vale patel antim vyakti the. unhonne suraksha men chook ko grih mntri hone ke nate apani galati mana. unaki hatya ke sadame se ve ubar nahin paye. gandhiji ki mrityu ke do mahine ke bhitar hi patel ko dil ka daura pada tha.

neharooji se snbndh

javaharalal neharoo kashmiri brahman the, jabaki saradar patel gujarat ke krishak samuday se talluk rakhate the. donon hi gandhiji ke nikat the. neharoo samajavadi vicharon se prerit the. patel bijanes ke prati naram rukh rakhane vale khanti hindoo the. neharoo se unake sambndh madhur the, lekin kee masalon par donon ke madhy matabhed bhi the. kashmir ke masale par donon ke vichar bhinn the. kashmir masale par snyukt rashtr ko madhyasth banane ke saval par patel ne neharoo ka kada virodh kiya tha. kashmir samasya ko saradard manate hue ve bharat aur pakistan ke bich dvipakshiy adhar par mamale ko nipatana chahate the. is masale par videshi hastakshep ke ve khilaf the. bharat ke pratham pradhanamntri ke chunav ke pachchis varsh bad chakravarti rajagopalachari ne likha tha- "nissndeh behatar hota, yadi neharoo ko videsh mntri tatha saradar patel ko pradhanamntri banaya jata. yadi patel kuchh din aur jivit rahate to ve pradhanamntri ke pad par avashy pahunchate, jisake lie snbhavat: ve yogy patr the. tab bharat men kashmir, tibbat, chin aur anyany vivadon ki koee samasya nahin rahati." inhen bhi dekhen: saradar patel ke prerak prasng

sngh se nata

gandhiji ki hatya men hindoo charamapnthiyon ka nam ane par saradar patel ne rashtriy svaynsevak sngh ko pratibndhit kar diya tha aur sarasnghachalak em.es. golavarakar ko jel men dal diya gaya. riha hone ke bad golavarakar ne unako patr likhe. 11 sitambar, 1948 ko patel ne javab dete hue sngh ke prati apana najariya spasht karate hue likha ki- "sngh ke bhashan men jahar hota hai... usi vish ka natija hai ki desh ko gandhiji ke amooly jivan ka balidan sahana pad raha hai."

bharat ke lauh purush

saradar patel ko bharat ka lauh purush kaha jata hai. grihamntri banane ke bad bharatiy riyasaton ke vilay ki zimmedari unako hi saunpi gee thi. unhonne apane dayitvon ka nirvahan karate hue chhah sau chhoti badi riyasaton ka bharat men vilay karaya. deshi riyasaton ka vilay svatntr bharat ki pahali upalabdhi thi aur nirvivad roop se patel ka isamen vishesh yogadan tha. nitigat dridhata ke lie 'rashtrapita' ne unhen 'saradar' aur 'lauh purush' ki upadhi di thi. bismark ne jis tarah jarmani ke ekikaran men mahattvapoorn bhoomika nibhaee thi, usi tarah vallabh bhaee patel ne bhi azad bharat ko ek vishal rashtr banane men ullekhaniy yogadan diya. bismark ko jahan "jarmani ka ayaran chansalar" kaha jata hai, vahin patel "bharat ke lauh purush" kahalate hain.[7]

kashmir evn haidarabad

saradar patel aur pndit javaharalal neharoo

saradar patel ko bharat ke grih mntri ke roop men apane karyakal ke dauran kashmir ke snvedanashil mamale ko sulajhane men kee gnbhir mushkilon ka samana karana pada tha. unaka manana tha ki kashmir mamale ko snyukt rashtr men nahin le jana chahie tha. vastav men sayukt rashtr men le jane se pahale hi is mamale ko bharat ke hit men sulajhaya ja sakata tha. haidarabad riyasat ke snbndh men saradar patel samajhaute ke lie bhi taiyar nahin the. bad men laaurd mauntabetan ke agrah par hi vah 20 navnbar, 1947 ko nizam dvara bahm mamale bharat raksha evn snchar mntralay, bharat sarakar ko saunpe jane ki bat par sahamat hue. haidarabad ke bharat men vilay ke prastav ko nizam dvara asvikar kar die jane par atntah vahan sainik abhiyan ka netritv karane ke lie saradar patel ne janaral je. en. chaudhari ko niyukt karate hue shighratishighr karyavaee poori karane ka nirdesh diya. sainik haidarabad pahunch ge aur saptah bhar men hi haidarabad ka bharat men vidhivath vilay kar liya gaya. ek bar saradar patel ne svayn shri ech. vi. kamat ko bataya tha ki- "yadi javaharalal neharoo aur gopalasvami ayngar kashmir mudde par hastakshep n karate aur use grih mntralay se alag n karate to main haidarabad ki tarah hi is mudde ko bhi asani se desh-hit men sulajha leta."
haidarabad ke mamale men bhi javaharalal neharoo sainik karyavahi ke paksh men nahi the. unhonne saradar patel ko yah paramarsh diya- "is prakar se masale ko sulajhane men poora khatara aur anishchitata hai." ve chahate the ki haidarabad men ki jane vali sainik kararavaee ko sthagit kar diya jae. isase rashtriy evn antararashtriy jatilataen utpann ho sakati hain. prakhyat kangresi neta pro.en. ji. rnga ki bhi ray thi ki vilnb se ki gee karyavahi ke lie neharoo, maulana aur mauntabetan jimmedar hain. rnga likhate hain ki haidarabad ke mamale men saradar patel svayn anubhav karate the ki unhonne yadi javaharalal neharoo ki salahen man li hotin to haidarabad mamala ulajh jata; kamobesh vaisi hi salahen maulana ajad evn laaurd mauntabetan ki bhi thin. saradar patel haidarabad ke bharat men shighr vilay ke paksh men the, lekin javaharalal neharoo isase sahamat nahin the. laaurd mauntabetan ki kootaniti bhi aisi thi ki saradar patel ke vichar aur prayason ko sakar roop dene men vilnb ho gaya.


saradar patel ke rajanitik virodhiyon ne unhen muslim varg ke virodhi ke roop men varnit kiya; lekin vastav men saradar patel hindoo-muslim ekata ke lie sngharsharat rahe. is dharana ki pushti unake vicharon evn karyon se hoti hai. yahan tak ki gandhiji ne bhi spasht kiya tha ki- "saradar patel ko muslim-virodhi batana saty ko jhuthalana hai. yah bahut badi vidnbana hai." vastut: svatntrata-prapti ke tatkal bad 'aligadh musalim vishvavidyalay' men die ge unake vyakhyan men hindoo-muslim prashn par unake vicharon ki pushti hoti hai.[8]

samman aur puraskar

  • san 1991 men saradar patel ko maranoparant 'bharat ratn' se sammanit kiya gaya.
  • ahamadabad ke havaee adde ka namakaran 'saradar vallabhabhaee patel antarashtriy havaee adda' rakha gaya hai.
  • gujarat ke vallabh vidyanagar men 'saradar patel vishvavidyalay' hai.

staichyoo aauf yooniti

31 aktoobar, 2013 ko saradar vallabh bhaee patel ki 137vin jaynti ke avasar par gujarat ke poorv mukhyamntri narendr modi[9] ne gujarat ke narmada zile men saradar patel ke smarak ka shilanyas kiya. isaka nam 'ekata ki moorti' (staichyoo aauf yooniti) rakha gaya hai. yah moorti 'staichyoo aauf libarti' (93 mitar) se dugani oonchaee vali banaee jaegi. is pratima ko ek chhote chattani dvip par sthapit kiya jaega, jo kevadiya men saradar sarovar bandh ke samane narmada nadi ke madhy men hai. saradar vallabh bhaee patel ki yah pratima duniya ki sabase oonchi pratima hogi. yah 5 varsh men taiyar honi hai.

nidhan

saradar patel ji ka nidhan 15 disnbar, 1950 ko munbee, maharashtr men hua tha.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. Sardar Patel Trust
  2. ek jarman rajaneta
  3. saradar vallabhabhaee patel vyakti evn vichar (hindi) (pi.ech.pi) bharatiy sahity sngrah. abhigaman tithi: 7 disambar, 2012.
  4. gandhiji aur motilal neharoo ke saman, lekin javaharalal neharoo aur subhashachandr bos ke viparit
  5. ek jarman rajaneta
  6. 6.0 6.1 6.2 saradar vallabh bhaee patel (hindi) vebaduniya hindi. abhigaman tithi: 7 disambar, 2012.
  7. 7.0 7.1 lauh purush saradar vallabh bhaee patel (hindi) jagaran jnkshan. abhigaman tithi: 7 disambar, 2012.
  8. kashmir evn haidarabad ( saradar patel) (hindi) bharatiy sahity sngrah. abhigaman tithi: 2 janavari, 2015.
  9. bharat ke vartaman pradhanamntri

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah