धोंडो केशव कर्वे  हिन्दी देवनागरी में पढ़ें।

dhondo keshav karve
Dhondo-Keshav-Karve.jpg
poora nam daau. dhondo keshav karve
any nam maharshi karve
janm 18 apral, 1858
janm bhoomi ratnagiri zila, maharashtr
mrityu 9 navnbar, 1962
abhibhavak shri keshav pnt
pati/patni radhabaee aur anndibaee
nagarikata bharatiy
prasiddhi samaj sudharak, shiksha shastri
shiksha snatak (ganit)
vidyalay elaphinstan kaaulej, mumbee
puraskar-upadhi bharat ratn, padm bhooshan
vishesh yogadan mahilaon ke lie poona (maharashtr) men 'mahila vidyalay' ki sthapana.
any janakari ganvon men shiksha ko sahaj sulabh banane aur usake prasar ke lie unhonne chnda ekatr kar lagabhag 50 se bhi adhik praimari vidyalayon ki sthapana ki thi.

daau. dhondo keshav karve (angrezi: Dhondo Keshav Karve, janm: 18 apral, 1858 maharashtr; mrityu: 9 navnbar, 1962) ko 'maharshi karve' ke nam ke sath bade hi samman aur adar ke sath yad kie jane vale adhunik bharat ke sabase bade samaj sudharak aur uddharak mane jate hain. apana poora jivan vibhinn badhaon aur sngharshon men bhi samaj seva karate hue samapt kar dene vale maharshi karve ne apane kathan ('jahan chah, vahan rah') ko sarvatha saty siddh kiya.

janm

maharshi karve ka janm 18 apral, 1858 ko maharashtr ke ratnagiri zile ke 'murood' namak ganv men hua tha. unake pita ka nam shri keshav pnt tha. yadyapi maharshi karve ke mata-pita bahut hi svabhimani aur uchch vicharon vale dnpatti the, kintu unaki arthik sthiti achchhi nahin thi. ve apane putr ko achchhi shiksha aur snskaron se yukt banana chahate the, kintu apani vipannata ke karan adhik kuchh na kar sake.

shiksha

kisi prakar maharshi karve ki prarambhik shiksha ganv men hi ek praimari skool men huee. tatpashchath kuchh samay tak unhen ghar par rah kar hi padhana pada. shiksha ke lie unhen bachapan men kitane sngharshon se guzarana pada, isaka gyan isi bat se ho jata hai ki midil ki pariksha uttirn karane ke lie unhen apani niyamit padhaee chhod kar ganv se milon door kolhapur jakar svatntr pariksharthi ke roop men pariksha deni padi. san 1881 men ne unhonne mumbee ke 'raaubart mani skool' se haee skool ki pariksha uttirn ki. bad men mumbee ke 'elaphinstan kaaulej' se sanh 1884 men ganit vishay men vishesh yogyata ke sath snatak ki pariksha uttirn ki. apani parivarik arthik sthiti ko dekhate hue age ki padhaee na karate hue, apani yogyata ke adhar par 'maratha skool' men adhyapan kary prarambh kar diya.

arnbhik jivan

maharshi karve ka prarambhik jivan kaise kashton men bita isaka shabdon men varnan kathin hai. jab ve matr 15 varsh ke the, tabhi unaka vivah bhi kar diya gaya tha. ek or kam umr men vivah aur doosari or shiksha prapti ke lie sngharsh. itana sab hone par bhi maharshi karve men chhoti ayu se hi samaj sudhar ke prati ruchi dikhayi dene lagi thi. unake ganv ke hi kuchh vidvanh aur samaj ke prati jagaruk kuchh logon jaise rav sahab mandalik aur soman guruji ne unake man men samaj seva ke prati bhavana aur uchch charitrik gunon ko utpann karane men mahattvapoorn bhoomika nibhayi. unake vahi gun din pratidin nikharate chale gaye. atynt vipannata men jivan vyatit karate hue jab ve kisi ati nirdhan manushy ko dekhate jo bhi us samay unake pas hota use de dete the. sanh 1891 men jab ve deshabhakt aur samaj sevi gopalakrishn gokhale, dada bhaee nauroji aur mahadev govind ranade jaise mahapurushon ke pad chihnon par chalate hue samaj seva ke kshetr men kuchh sarthak karane ki yojana bana rahe the, unhin dinon unaki patni 'radhabaee' ka nidhan ho gaya. yadyapi ve apani patni ke adhik sampark men nahin rahe the, tathapi yah unake lie bada aghat tha. sanh 1891 ke antim mah men ve rashtravadi netaon dvara snchalit poona ke 'phargyusan kaaulej' men ganit ke pradhyapak ke pad par niyukt hue. apani mehanat aur pratibha se vah 'dekkan shiksha samiti' ke ajivan sadasy bane.

karyakshetr

phargyusan kaaulej men adhyapan karate samay unhonne samaj sudhar ke kshetr men padarpan kiya. sanh 1893 men unhonne apane mitr ki vidhava bahin 'gopoobaee' se vivah kiya. vivah ke bad gopoobaee ka naya nam 'anndibaee' pada. unake is kary ke parinam svaroop poore maharashtr men visheshakar unaki jati biradari men bada rosh aur virodh utpann ho gaya. isi virodh ne maharshi karve ko samaj dvara upekshit vidhavaon ke uddhar aur punarvas ke lie prerit kiya. vah in dinon mahatma gandhi dvara chalaee gayi nee shiksha niti aur maharashtr samaj sudhar samiti ke karyon men bhi vyast the. jab desh ke jane mane samaj seviyon aur vidvanon ko maharshi karve dvara vidhavaon ke uddhar ke lie kie jane vale prayatnon ka pata chala to unhonne mukt knth se unake karyon ki prashnsa ki aur sabhi snbhav sahayata dene ka ashvasan bhi diya.

ab maharshi karve sahayog aur samarthan prapt hote hi utsah ke sath am janata ko apane vicharon se sahamat karane aur is uddeshy ke lie dhan ekatr karane ke kam men lag gaye. unhonne kuchh sthanon par apane tatvadhan men vidhavaon ke punarvivah bhi sampann karaye. dhire dhire maharshi karve ke is vidhava uddhar ke karyon ko prashnsa, manyata aur dhan jan sabhi milane lage. sanh 1896 men unhonne poona ke hingale namak sthan par dan men mili ek bhoomi par ek kutiya men ek vidhava ashram aur anath balika ashram ki sthapana kar di. dhire dhire samaj ke dhani aur dayalu log maharshi karve ke karyon se prabhavit hokar tan man dhan tinon prakar se sahayog dene lage. sanh 1907 men maharshi karve ne mahilaon ke lie 'mahila vidyalay' ki sthapana ki. jab unhonne vidhava aur anath mahilaon ke is vidyalay ko saphal hote dekha to unhonne is kam ko age badhate hue 'mahila vishvavidyalay' ki yojana par bhi vichar karana prarambh kar diya. antat: maharshi karve ke athak prayason aur maharashtr ke kuchh danavir dhaniyon dvara dan men di gayi vipul dhanarashi ke sahayog se sanh 1916 men 'mahila vishvavidyalay' ki ninv rakhi gayi. maharshi karve ke marg darshan men yah vishvavidyalay vidhvaon ko samaj men punarsthapit karane aur atmanirbhar banane ka anootha snsthan ban gaya. jaise jaise is vishvavidyalay ka vistar hota gaya, vaise vaise isaki avashyakataon ko poora karane ke lie maharshi karve ke prayas bhi badhane lage.

videsh yatra

san 1931- 32 men mahila vishvavidyalay ke snsthapak aur kulapati ke roop men unhonne inglaind, japan, amerika, aphrika sahit lagabhag 35- 40 deshon ki yatraen ki. is yatra kal men jahan unhonne videshon men mahila vishvavidyalayon ki kary pranali ka adhyayan kiya, vahin vah vishv ke prasiddh vidvanon se bhi mile. apani is yatra men unhen apane karyon ke lie dhan ki bhi prapti huee.

yogadan

maharshi karve ka kary keval mahila vishvavidyalay ya mahilaon ke punarotthan tak hi simit nahin raha, varanh unhonne 'indiyan soshal kaaunphrens' ke adhyaksh ke roop men samaj men vyapt buraiyon ko samapt karane men bhi mahattvapoorn yogadan diya. ek mahanh sudharak hone ke sath sath vah ek achchhe shiksha shastri bhi the. bachapan men garibi ki halat men shiksha na milane ka kasht kya hota hai, vah bhali bhanti janate the. ganvon men shiksha ko sahaj sulabh banane aur usake prasar ke lie unhonne chnda ekatr kar lagabhag 50 se bhi adhik praimari vidyalayon ki sthapana ki thi.

samman

daau. dhondo keshav karve ke samman men jari dak tikat

san 1942 men unake dvara sthapit vishvavidyalay ki rajat jaynti manayi gayi. sarvapalli radhakrishnan jaise mahanh vidvanh aur shikshavid ne is samaroh ki adhyakshata ki. isi varsh maharshi karve ko banaras vishvavidyalay dvara daauktaret ki manad upadhi se sammanit kiya gaya. sanh 1951 men unake vishvavidyalay ko 'rashtriy vishvavidyalay' ka darza prapt hua. isi varsh poona vishvavidyalay ne maharshi karve ko di.lit. ki upadhi pradan ki. maharshi karve ke mahanh samaj sudhar ke karyon ke samman svaroop sanh 1955 men bharat sarakar dvara unhen 'padm bhooshan' se vibhooshit kiya gaya. isi varsh 'shrimati natthibaee bharatiy mahila vishvavidyalay' dvara unhen di.lit. ki upadhi pradan ki gayi.

bharat ratn

san 1958 men jab maharshi karve ne apane jivan ke sau varsh poore kie, desh bhar men unaki janm shatabdi manayi gayi. is avasar ko avismaraniy banate hue bharat sarakar dvara isi varsh unhen 'bharat ratn' se sammanit kiya gaya. bharat sarakar dvara unake samman aur smriti men ek dak tikat bhi zari kiya gaya.

nidhan

unhonne 105 varsh ke dirgh ayu prapt ki aur ant tak vah kisi n kisi roop men manav seva ke karyon men lage rahe. 9 navnbar sanh 1962 ko is mahanh atma ne is lok se vida li.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah