गोपीनाथ बोरदोलोई  हिन्दी देवनागरी में पढ़ें।

gopinath boradoloee
gopinath boradoloee
janm 10 joon, 1890 ee.
janm bhoomi roha, zila nauganv, asam
mrityu 5 agast, 1950 ee.
mrityu sthan guvahati, asam
abhibhavak buddheshvar boradoloee tatha praneshvari boradoloee
nagarikata bharatiy
prasiddhi rajanitigy
parti kangres
pad mukhyamntri
shiksha bi.e., em.e., qanoon ki digri
vidyalay kalakatta vishvavidyalay
bhasha hindi, angrezi
puraskar-upadhi 'bharat ratn' (1999 ee.)
vishesh yogadan 'kamaroop akadami' (gauhati), 'barua kaaulej', 'gauhati vishvavidyalay' aur 'asam medikal kaaulej' adi ki sthapana inhin ke prayason dvara huee thi.
any janakari gopinath boradoloee ke prayatnon se hi aj asam bharat ka abhinn ang hai. asam ke log unhen bade pyar se sher-e-asam ke nam se yad karate hain.

gopinath boradoloee (angrezi: Gopinath Bordoloi, janm- 10 joon, 1890; mrityu- 5 agast, 1950) bharat ke prasiddh svatntrata senani aur asam ke pratham mukhyamntri the. inhen 'adhunik asam ka nirmata' bhi kaha gaya hai. inhonne rashtriy andolan men bhi sakriy roop se bhag liya tha. 1941 ee. men 'vyaktigat satyagrah' men bhag lene ke karan inhen karavas jana pada tha. varsh 1942 ee. men 'bharat chhodo andolan' men bhagidari ke karan gopinath boradolaee ko pun: saza huee. gopinath ne asam ke vikas ke lie athak prayas kiye the. unhonne rajy ke audyogikaran par vishesh bal diya aur gauhati men kee vishvavidyalayon ki sthapana karavayi. asam ke lie unhonne jo upayogi kary kie, unake karan vahan ki janata ne unhen ‘lokapriy’ ki upadhi di thi. vastutah asam ke lie unhonne jo kuchh bhi kiya, use kabhi bhulaya nahin ja sakata.

janm evn shiksha

gopinath boradoloee pragativadi vicharon vale vyakti the tatha asam ka adhunikikaran karana chahate the. gopinath boradolaee ka janm 10 joon, 1890 ee. ko asam men nauganv zile ke 'roha' namak sthan par hua tha. inake pita ka nam buddheshvar boradoloee tatha mata ka nam praneshvari boradoloee tha. inake brahman poorvaj uttar pradesh se jakar asam men bas ge the. jab ye matr 12 sal ke hi the, tabhi inaki mata ka dehant ho gaya tha. gopinath ne 1907 men maitrik ki pariksha aur 1909 men intaramidiet ki pariksha guvahati ke 'kaautan kaaulej' se pratham shreni men uttirn ki thi. isake bad uchch shiksha ke lie ve kalakatta (vartaman kolakata) chale ge. kalakatta men bi.e. karane ke bad 1914 men unhonne em.e. pariksha uttirn ki. tin sal unhonne qanoon ki shiksha grahan karane ke bad guvahati lautane ka nishchay kiya.[1]

krantikari jivan men pravesh

guvahati lautane par gopinathaji 'sonaram haeeskool' ke pradhanadhyapak pad par kary karane lage. 1917 men unhonne vakalat shuroo ki. yah vah jamana tha, jab rashtrapita mahatma gandhi ne desh ki ajadi ke lie ahinsa aur 'asahayog andolan' prarambh kiya tha. anek netaon ne us samay gandhiji ke adesh ke anuroop sarakari naukariyan chhod di thin aur 'asahayog andolan' men kood pade the. gopinath boradoloee bhi bina kisi hichak se apani chalati huee vakalat ko chhodakar svatntrata andolan men kood pade. is samay unake sath asam ke any neta bhi svatntrata andolan men bhag lene lage. in netaon men pramukh the- navinachandr boradoloee, chandranath sharma, kuladhar chaliha, tarunaram phookan adi. vakalat chhodane ke bad ke bad sabase pahale gopinathaji ne dakshin kamaroop aur goalapada zile ka paidal daura kiya. is daure men tarunaram phookan unake sath the. unhonne janata ko sndesh diya ki- "ve videshi mal ka bahishkar karen, angrezon ke kam men asahayog karen aur videshi vastron ke sthan par khaddar dharan karen. videshi vastron ki holi ke sath-sath khaddar ke lie charakhe aur soot katen." isaka parinam yah hua ki gopinath boradoloee aur unake sathiyon ko giraphtar kar liya gaya aur unhen ek varsh kaid ki saja di gee. usake bad se unhane apane apako poori tarah desh ke 'svatantrata sngram' ke lie samarpit kar diya.[1] 

kangres sadasy

1926 men gopinath boradoloee ne sarvajanik jivan men pravesh kiya. unhonne kangres ke 41ven adhiveshan men bhag lene ke bad jahan apani lokapriyata men vriddhi ki, vahan ve samajik jivan se bhi adhik judate ge. 1932 men ve guvahati ke nagarapalika bord ke adhyaksh chune ge. us samay asam ki sthiti ek pichhade pradesh ki thi. n to usaka apana prithakh uchch nyayalay tha, n hi koee vishvavidyalay. gopinathaji ke prayatnon se yah donon baten sambhav ho sakin. 1939 men jab kangres ne pradesh vidhan sabhaon ke lie chunav men bhag lene ko nishchay kiya to gopinath boradoloee asam se kangres ke ummidavar ke roop men vijayi hue aur mukhyamntri bane. usake bad se ve poori tarah se asam ki janata ke lie samarpit ho ge. ve "sher-e-asam" hi nahin the, "bharat-ratn" bhi the.

vishvavidyalayon ki sthapana

1929 ee. men sarakari vidyalayon men rajanitik gatividhiyon par rok ke snbndh men sarakar ka adesh nikala, to gopinath boradoloee ne aise vidyalayon ke bahishkar ka andolan chalaya. parntu ve shiksha ke mahattv ko samajhate the. unake prayatn se gauhati men 'kamaroop akadami' aur 'barua kaaulej' ki sthapana huee. age chalakar jab unhonne prashasan ka dayitv snbhala to 'gauhati vishvavidyalay', 'asam medikal kaaulej' tatha anek takaniki snsthaon ki sthapana men sakriy sahayog diya.

jel yatra

1938 ee. men asam men jo pahala lokapriy mntrimndal bana, usake mukhyamntri gopinath boradoloee hi the. is bich unhonne asam men afim par pratibndh lagane ka aitihasik kam kiya. vishvayuddh arnbh hone par unhonne bhi istifa de diya aur jel ki saza bhogi. yuddh ki samapti ke bad ve dubara asam ke mukhyamntri bane. svatntrata ke bad ka yah samay navanirman ka kal tha.

asam nirmata

bharat ko svatantrata dene se poorv jis samay bharat ke vibhajan ki bat chal rahi thi, us samay asam men gopinath boradoloee ke hath men satta thi. british sarakar ki yojana se aisa pratit hota tha ki asam pradesh ko kuchh bhagon men bant kar poorvi pakistan (ab bngaladesh) men sammilit kar diya jaega. gopinath aur unake sathi yadi samay rahate sajag n hote to asam aj bngaladesh ko hissa hota. 'bharatiy svatantrata sngram' se sambandhit vyakti janate hai ki dvitiy vishvayuddh ke samay british sarakar ne bharat ki ichchha ke viparit use yuddh ka bhagidar bana diya tha. us samay gandhiji ne jab asahayog ko nara diya to gopinath boradoloee ke mantrimandal ne tyag patr de diya tha. vishvayuddh ki samapti ke bad 1946 men asam men kangres ki bhari bahumat se jit huee aur gopinath boradoloee mukhyamntri bane. yahan ek vishesh bat ullekhaniy hai ki us samay anek pradeshon ke mukhyamantriyon ko pradhanamantri kaha jata tha. isi karan british sarakar ke jitane pratinidhi mandal ae, ve sab alag-alag pradeshon ke pradhanamantriyon se bat karate the. prarambh men is batachit men gopinath boradoloee ko isalie nahin bulaya gaya, kyonki british sarakar ke pratinidhi unake bharat samarthak vicharon se bhali prakar parichit the. british sarakar ki ek badi chal yah thi ki bharat ke vibhinn bhagon ko alag-alag bantane ke lie unhonne 'gruping sistam' yojana banaee. unhonne yah yojana kangres ke pratinidhiyon ke samane rakhi.

unhin dinon 6 julaee aur 7 julaee ko mumbee men kangres ka adhiveshan hua. kangres ne yojana par vichar kiya aur duahkh ki bat yah hai ki kangresi neta british sarakar ki chal ko samajh nahin pae aur unhonne yojana ke lie svikriti de di. gopinath boradoloee is yojana ke sarvatha viruddh the. unaka kahana tha ki asam ke sambandh men jo bhi nirnay kiya jaega athava usaka jo bhi snvidhan banaya jaega, usaka poora adhikar keval asam ki vidhanasabha aur janata ko hoga. ve apane is nirnay par date rahe. unaki isi dooradarshita ke karan asam is shadayntr ka shikar hone se bach saka. gopinath boradoloee ne apane desh ke prati sachchi nishtha ke karan bharatiy star ke netaon men itana mahattvapoorn sthan prapt kar liya tha ki ve inaki bat manane ko taiyar hue. is prakar asam bharat ka abhinn ang bana raha. yahi karan hai ki bharat aur asam ke log unake is mahattvapoorn kary ko samajh sake. asam ke log aj bade pyar se gopinath boradoloee ko sher-e-asam ke nam se pukarate hain.[1]

nidhan

gopinath boradoloee ke netritv men asam pradesh men navanirman ki pakki adharashila rakhi gee thi, isalie unhen 'adhunik asam ka nirmata' bhi kaha jata hai. 5 agast, 1950 ee. men jab ve 60 varsh ke the, tab unaka dehant guvahati men ho gaya. gopinath boradoloee ke prayatnon se hi asam aj bharat ka abhinn ang hai. british sarakar ne us kshetr ko alag karane ki yojana banaee thi. us samay kangres 'bharatiy svatntrata sngram' ko netritv kar rahi thi. kangres se sambaddh vahi ek aise vyakti the, jinhonne ise bhaynkar shadayantr samajha aur kangres se is par jor dalane ko kaha. isake atirikt asam men sarakar banane tatha usaki unnati ke lie jo kary unhonne kie, antatah bharat sarakar ne unhin se prabhavit hokar inhen 1999 men maranoparant bharat ke sarvochch samman 'bharat ratn' se sammanit kiya.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 1.2 asam ke mahanh sapoot- gopinath boradolaee (hindi). . abhigaman tithi: 23 julaee, 2013.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah