नानाजी देशमुख  हिन्दी देवनागरी में पढ़ें।

nanaji deshamukh
nanaji deshamukh
poora nam chndikadas amritarav deshamukh
janm 11 aktoobar, 1916 ee.
janm bhoomi maharashtr
mrityu 27 faravari, 2010
mrityu sthan chitrakoot, uttar pradesh
abhibhavak amritarav deshamukh, rajabaee
nagarikata bharatiy
pad rashtradharm prakashan ke prabandhak
puraskar-upadhi padmavibhooshan, bharat ratn
vishesh yogadan bharatiy janasngh ke snsthapak
samajik sngathanon ki sthapana nanaji 'dinadayal shodh snsthan', 'gramoday vishvavidyalay' aur 'bal jagat' jaise samajik sngathanon ki sthapana ki.
any janakari nanaji deshamukh shiksha, svasthy aur gramin logon ke bich svavalnban ke lie kie ge karyon ke lie sadaiv yad kie jate hain.
adyatan‎

chndikadas amritarav deshamukh (angrezi: Chandikadas Amritrao Deshmukh, janm- 11 aktoobar, 1916 ee., maharashtr; mrityu- 27 faravari, 2010, chitrakoot, uttar pradesh) 'rashtriy svaynsevak sngh' ke mazaboot stnbh aur prakhyat samajasevak the. desh ke doosare sarvochch nagarik samman padmavibhooshan se navaje ge nanaji deshamukh shiksha, svasthy aur gramin logon ke bich svavalnban ke lie kie ge karyon ke lie sadaiv yad kie jate hain. bharatiy janasngh ke snsthapak rahe nanaji ne 60 sal ki ayu ke bad rajaniti se sannyas le liya tha. apana shesh jivan unhonne chitrakoot ke ganvon ka kalyan karane men bitaya aur unake vikas ki ek nee gatha likhi. nanaji deshamukh ko maranoparant desh ka sarvochch puraskar bharat ratn diya gaya.

parichay

nanaji deshamukh ka janm maharashtr rajy ke parabhani zile men ek chhote se ganv 'kadoli' men 11 aktoobar, 1916 ee. ko hua tha. inake pita ka nam shri amritarav deshamukh tatha mata ka nam shrimati rajabaee amritarav deshamukh tha. nanaji ka jivan sadaiv anekon ghatanaon se paripoorn raha. unaka adhikatar samay sngharshon men hi vyatit hua tha. apani alp ayu men hi unhonne apane mata-pita ko kho diya. ye unake mama ji hi the, jinhonne unhen pala-posa aur bada kiya.

shiksha

nanaji ka bachapan kafi had tak abhavon men bita tha. apani skool ki shiksha ke dauran bhi unake pas kitaben adi kharidane ke lie paise nahin hote the, lekin unake andar gyan tatha shiksha prapt karane ki atoot abhilasha vidyaman thi, jise ve har hal men pana chahate the. ve mandiron men bhi rahe aur apani padhaee jari rakhane ke lie sabzi bechakar paise kamae. 'birala instityoot', pilani se nanaji ne uchch shiksha prapt ki thi. bad ke dinon men tis ke dashak men ve 'ar.es.es.' men shamil ho ge.

rajanitik gatividhiyan

yadyapi nanaji ka janm maharashtr men hua tha, lekin unaka karyakshetr rajasthan aur uttar pradesh men hi raha. unaki shraddha dekhakar ar.es.es. ke sngh snchalak guru ji ne unhen pracharak ke roop men gorakhapur bhej diya, jahan ve uttar pradesh ke pracharak niyukt kar diye gaye. nanaji lokamany tilak ke vicharon se bahut prabhavit the. sngh snsthapak daauktar hedagevar ne hi unhen sngh se joda. 1940 men maharashtr ke saikadon yuvak pracharak bane. inamen nanaji bhi the. unaki tivr buddhi tatha vilakshan sngathan kaushal ne 1950 se 1977 tak bharatiy rajaniti par amit chhap chhodi. unhonne vibhinn vichar aur svabhav vale netaon ko ek sath lakar kangres ka sada satta men bane rahane ka zoradar virodh kiya tha. sngh ke pracharak ke roop men unhen uttar pradesh men pahale agara aur phir gorakhapur bheja gaya. un dinon sngh ki arthik sthiti bahut kharab thi. nanaji ek dharmashala men rahate the. vahan har tisare din kamara badalana padata tha. antatah kangres ke ek neta ne unhen is shart par sthayi kamara dilavaya ki ve usaka khana bana diya karenge. nanaji ke parishram se tin sal men gorakhapur ke as-pas 250 shakhaen khul gayin. vidyalayon ki padhaee tatha snskarahin vatavaran dekhakar unhonne gorakhapur men 1950 men pahala 'sarasvati shishu mandir' sthapit kiya. aj to aise vidyalayon ki snkhya desh men 50,000 se bhi adhik hai.[1]

prabandhak ka pad

1947 men raksha bandhan ke shubh avasar par lakhanoo men ‘rashtradharm prakashan’ ki sthapana huee, to isake prabandhak nanaji hi banaye ge. vahan se masik 'rashtradharm', 'saptahik panchajany' tatha 'dainik svadesh' akhabar nikale gaye. 1948 men gandhi ji ki hatya ke bad sngh par pratibandh lag gaya. isase prakashan snkat men pad gaya. aise men nanaji ne chhadm namon se kee patr nikale. 1952 men janasngh ki sthapana hone par uttar pradesh men usaka kary nanaji ko saunpa gaya. 1957 tak pradesh ke sabhi zilon men janasngh ka kam pahunch gaya. 1967 men uttar pradesh men chaudhari charanasinh ke netritv men pahali snvid sarakar bani. isamen nanaji ki mahattvapoorn bhoomika thi. vinoba bhave ke bhoodan ygy tatha 1974 men indira gandhi ke shasan ke viruddh lokanayak jayaprakash narayan ke netritv men hue andolan men nanaji khoob sakriy rahe. patana men jab pulis ne jayaprakash adi par lathiyan barasayin, to nanaji ne unhen apani banh par jhel liya. isase unaki banh toot gayi; par jayaprakash ji bach gaye.

mahamantri

1975 men kee vipakshi netaon ko jel huee, kintu nanaji hath nahin aye. apatakal ke viruddh bani ‘lok sngharsh samiti’ ke ve mantri the. us samay hue deshavyapi satyagrah men ek lakh se bhi adhik logon ne giraftari di. yadyapi bad men nanaji bhi pakade gaye. 1977 ke chunav men indira gandhi har gayin aur dilli men moraraji desaee ke netritv men janata parti ki sarakar bani. nanaji ne satta ki bajay sngathan ko mahatv dete hue apane badale brajalal varma ko mantri banavaya. is par unhen janata parti ka mahamantri banaya gaya. us samay nanaji satta ya dal men bade se bada pad le sakate the; lekin unhonne sakriy rajaniti chhodakar ‘dinadayal shodh snsthan’ ke madhyam se pahale gonda aur phir chitrakoot men gram vikas ka kary prarambh kiya.[1]

rajaniti se sannyas

nanaji deshamukh ne 60 sal ki umr poori hote hi rajaniti chhod di thi, kyonki unaka manana tha ki 60 sal ki umr ke bad vyakti ko rajaniti chhod deni chahie. vah rajaniti men atal bihari vajapeyi, lalakrishn adavani jaise bhajapa ke netaon se varishth the aur bhajapa ke gathan ke kafi pahale rajaniti ko alavida kah chuke the. nanaji ne apane jivanakal men 'dinadayal shodh snsthan', 'gramoday vishvavidyalay' aur 'bal jagat' jaise samajik sngathanon ki sthapana ki. unhonne uttar pradesh ke gonda zile men bhi ullekhaniy samajik kary kiya tha. unhen 1999 men 'padm vibhooshan' se sammanit kiya gaya aur isi sal rajyasabha ke lie namankit kiya gaya. ve balaramapur se lokasabha ke liye bhi chune gaye the. chitrakoot sthit 'dinadayal shodh snsthan' men padhare poorv rashtrapati e.pi.je. abdul kalam ne nanaji deshamukh dvara kamazor varg ke utthan men uthae ge qadamon ki sarahana ki thi aur is kshetr men unaki upalabdhiyon ko anukaraniy bataya tha.[2]

vivad ka ghera

halanki rajaniti se alag hone ke bad bhi nanaji nirvivad nahin rahe. nanaji us vakt vivad ke ghere men a ge, jab 1984 men unhonne kaha tha ki 'ab samay a gaya hai ki sngh rajiv gandhi ke sath khada rahe.' isake bad jab kendr men atal bihari vajapeyi ki sarakar bani, tab bhi kee mauke aise aye, jab ve kendr sarakar ke khilaf khade najar aye. nadi jodane ke rajag sarakar ke mahatvakankshi pariyojana ko nanaji ke hastakshep ke karan hi thnde baste men dalana pada tha.

nidhan evn deh dan

apane rajyasabha ke sansad kal men mili sansad nidhi ka upayog unhonne in prakalpon ke lie hi kiya. karmayogi nanaji ne 27 faravari, 2010 ko apani karmabhoomi chitrakoot men antim sans li. unhonne deh dan ka snkalp patr bahut pahale hi bhar diya tha. atah dehant ke bad unaka sharir ayurvigyan snsthan ko dan de diya.

'dadhichi deh dan samiti' ke adhyaksh alok kumar ke anusar- 'nanaji ne sanh 1997 men ichchha jataee thi ki unaki mrityu ke pashchath unaki deh ka upayog chikitsa shodh kary ke lie kiya jae. unaki ichchha par vichar karate 11 aktoobar, 1997 ko dehadan ki ek vasiyat taiyar ki gee, jis par unhonne sakshi ke roop men shrimati kumud sinh tatha hemnt pande ki upasthiti men hastakshar kie the. donon ko nanaji apana putr v putri manate the. alok kumar ne bataya ki unake har ang ka deshahit men upayog ho, yahi unaki antim ichchha thi. kumar ne kaha ki hamane yah nishchit kiya tha ki mrityu ke pashchath nanaji ki deh ko dilli sthit 'akhil bharatiy ayurvigyan snsthan' men shodh kary ke lie diya jaega. unhonne bhavavihval hokar bataya ki nanaji pravas par rahate the. aise men mrityu hone par unaki parthiv deh dilli lane men koee vyavadhan n ho, is hetu nanaji ne dadhichi dehadan samiti ko 11,000 rupe die, unaka kahana tha ki main hamesha pravas par rahata hoon, isalie meri mrityu kahin bhi ho sakati hai. yah rupe meri deh ko kahin se bhi dilli pahunchane ki vyavastha ke lie hain. nanaji ki ichchha ke anusar unaki deh ko 'akhil bharatiy ayurvigyan snsthan' men shodh kary ke lie de diya gaya, jahan chikitsak unaki deh par shodh kar sakate the.[3]

prerana srot

dilli ki 'dadhichi dehadan samiti' ko apane dehadan sambandhi shapath patr par hastakshar karate hue nanaji ne kaha tha- "mainne jivan bhar sngh shakha men prarthana men bola hai 'pattavesh kayo namaste namaste.' atah mrityu ke bad bhi yah sharir samaj ke lie upayog men ana uchit hai. is prakar unhonne mrityu ke uparant apana deh chikitsa shastr padhane vale yuvakon ke adhyayan ke lie samarpit kar diya. asnkhy log nana ji ke jivan se prerana lete rahe hain aur bhavishy men bhi lete rahenge.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 adhunik chanaky:nanaji deshamukh (hindi). . abhigaman tithi: 04 march, 2012.
  2. nanaji deshamukh (hindi) (ech.ti.em.el.). . abhigaman tithi: 04 march, 2012.
  3. sisodiya, tarun. sarvasv dani nanaji deshamukh ka mahaprayan (hindi) (ech.ti.em.el.). . abhigaman tithi: 04 march, 2012.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah