ई. श्रीधरन  हिन्दी देवनागरी में पढ़ें।

ee. shridharan
ee. shridharan
poora nam ee. shridharan
janm 12 joon, 1932
janm bhoomi palakkad, keral
pati/patni radha shridharan
sntan putr- ramesh, achyut menan, em. krishnadas; putri- shanti menan
karm bhoomi bharat
puraskar-upadhi 'padm shri' (2001), 'padm vibhooshan' (2008)
prasiddhi sivil injiniyar ('konkan relave' aur 'dilli metro' ka shrey inhen prapt hai.)
nagarikata bharatiy
any janakari dilli metro, kochchi metro, lakhanoo metro ko ee. shridharan ne apani sevaen di hain. lakhanoo metro rel ke ve mukhy salahakar hain. unhonne jayapur metro ko bhi apani bahumooly salah di aur desh men banane vali doosari metro rel pariyojanaon ke sath bhi ve jude hue hain.

ee. shridharan (angrezi: E. Sreedharan, janm- 12 joon, 1932, palakkad, keral) bharat ke prasiddh sivil injiniyar hain. konkan relave aur dilli men metro rel ka shrey inhin ko jata hai. ve 1995 se 2012 tak dilli metro ke nideshak rahe. unhen "bharat ke metro main" ke roop men bhi jana jata hai. bharat sarakar ne unhen 2001 men 'padm shri' tatha 2008 men 'padm vibhooshan' se sammanit kiya hai.

parichay

ee shridharan ka janm 12 joon, 1932 ko keral ke palakkad men pattambi namak sthan par hua tha. unake parivar ka sambandh palakkad ke ‘karukaputhur’ se hai. shridharan ki patni radha shridharan hain. is yugal ke char bachche hain, putr- ramesh, achyut menan, sabase chhota beta em. krishnadas aur putri shanti menan. ee shridharan ne bahut kam samay ke bhitar dilli metro ke nirman ka kary kisi sapane ki tarah behad kushalata aur shreshthata ke sath poora kar dikhaya. desh ke any kee shaharon men bhi metro seva shuroo karane ki taiyari hai, jisamen shridharan ki medha, yojana aur karyapranali hi mukhy nirdharak karak honge. keralavasi shridharan ki karyashaili ki sabase badi khasiyat hai ek nishchit yojana ke tahat nirdharit samay sima ke bhitar kam ko poora kar dikhana. samay ke bilakul pabnd shridharan ki isi karyashaili ne bharat men sarvajanik parivahan ko chehara hi badal diya.

1963 men rameshvaram aur tamilanadu ko apas men jodane vala pamban pul toot gaya tha. relave ne usake punanirman ke lie chhah mahine ka lakshy tay kiya, lekin us kshetr ke injarch ne yah avadhi tin mahine kar di aur jimmedari shridharan ko saunpi gee. shridharan ne matr 45 dinon ke bhitar kam karake dikha diya. bharat ki pahali sarvadhik adhunik relave seva 'konkan relave' ke pichhe ee shridharan ka prakhar mastishk, yojana aur karyapranali rahi hai. bharat ki pahali metro seva kolakata metro ki yojana bhi unhin ki den hai. adhunikata ke pahiyon par bharat ko chalane ke lie sabaki ummiden shridharan par tiki hain. isalie sarakar ne utkrisht karyon ko dekhate hue padm shri aur padm bhooshan sammanon se sammanit kiya. taim patrika ne to unhen 2003 men eshiya ka hiro bana diya. 2011 men ee shridharan ke uttaradhikari ke roop men mngoo sinh ki niyukti ki gee.[1]

shiksha

ee shridharan ki prarnbhik shiksha palakkad ke ‘besal ivainjelikal mishan hayar sekendari skool’ se huee, jisake bad unhonne palaghat ke viktoriya kaaulej men dakhila liya. usake pashchat unhonne andhr pradesh ke kakinada sthit ‘gavarnament injiniyaring kaaulej’ men dakhila liya, jahan se unhonne ‘sivil injiniyaring’ men digri prapt ki.

vyakhyata

thode samay ke lie ee shridharan ne sarakari paaulitekanik, kojhikod men sivil injiniyaring men ek pradhyapak ke roop men kam kiya aur ek varsh men ek shikshu ke roop men baaumbe port trast men kam kiya. vah bad men bharatiy injiniyaring seva (aeeeees) men shamil hue. 1953 men yoopiesasi dvara ayojit injiniyaring seva pariksha men samashodhan ke bad unaka pahala kam dakshini relave men disnbar, 1954 men probeshariri sahayak abhiynta ke roop men tha.

metro ki ninv

dakshin relave men apani seva dene ke bad ee shridharan ne desh ki pahali metro ki saphalata men aham bhoomika nibhaee. 1970 men shridharan ne bharat ki pahali metro rel ‘kolakata metro’ ki yojana, dijaeen aur karyanvan ki jimmedari uthaee. shridharan ne nahi sirph is pariyojana ko poora kiya balki isake dvara bharat men adhunik inphrastrakchar injiniyaring ki adharashila bhi rakhi. 1975 men unhen kolakata metro rel pariyojana se hata liya gaya.

pahala jahaz

shridharan ne aktoobar 1979 men kochin shipayard jvain kiya. is samay yah anutpadakata ke daur se gujar rahi thi. shipayard ka pahala jahaz ‘em.vi. rani padmini’ apane lakshy se bahut pichhe tha, par unhonne apane anubhav, karyakushalata aur anushasan se shipayard ka kayakalp kar diya. unhonne ye sunishchit kiya ki unake netritv men yahan ka pahala jahaz banakar nikale. san 1981 men unake netritv men hi kochin shipayard ka pahala jahaz ‘em.vi. rani padmini’ banakar bahar nikala.

konkan relave

julaee 1987 men unhen padonnat kar pashchimi relave men janaral mainnejar bana diya gaya aur julaee 1989 men ve relave bord ka sadasy bana die ge. joon 1990 men unako sevanivritt hona tha, par sarakar ne unako bata diya tha ki desh ko unaki sevaon ki aur avashyakata hai. is prakar san 1990 men unhen kaauntraikt par lekar konkan relave ka chiph mainejing dayarektar bana diya gaya. unake netritv men knpani ne apana kary sat varshon men poora kiya. konkan relave pariyojana kee mamalon men anokhi rahi. yah desh ki pahali badi pariyojana thi, jise byult-aauparet-transaphar paddhati par karyanvit kiya gaya tha. is sngathan ka svaroop bhi relave ki kisi aur pariyojana se bhinn tha. lagabhag 82 kilomitar ke ek strech men isamen 93 tanal khode ge the. pariyojana ki kul lambaee 760 kilomitar thi, jisamen 150 pulon ka nirman kiya gaya tha. kee logon ke lie yah ashchary ki bat thi ki ek sarvajanik kshetr ki pariyojana bina bilnbh aur bajat badhaye lagabhag apane niyat samay par poori ho gayi thi.

dilli metro, kochchi metro, lakhanoo metro ko unhonne apani seva di hai. lakhanoo metro rel ke ve mukhy salahakar hain. unhonne jayapur metro ko bhi apani bahumooly salah di aur desh men banane vale doosare metro rel pariyojanaon ke sath bhi ve jude hue hain. vishakhapattanam aur vijayavada ki metro pariyojanaen bhi inake dekharekh men hi huee hain. ye kahana galat nahin hoga ki desh men kahin bhi metro bane, usamen metro ee shridharan ka sahayog zaroor hoga.

samman aur puraskar

  • relave mntri ka puraskar, 1963
  • bharat sarakar dvara padm shri, 2001
  • ‘d taims aauf indiya’ dvara ‘main aauf d iyar’, 2002
  • shri om prakash bhasin avard phaaur propheshanal eksilens in injiniyaring, 2002
  • si.aee.aee. jyurars avard phaaur lidaraship in inphrastrakchar devalapament, 2002-2003
  • taim patrika dvara ‘one aauf esiaj hiroj’, 2003
  • al indiya mainejament esosieshan avard phaaur pablik eksilens, 2003
  • aee.aee.ti dilli dvara ‘daauktar aauf sains’
  • bharat shiromani avard, 2005
  • nait aauf d lijan aauf haaunar, 2005
  • si.en.en-aee.bi.en. dvara ‘indiyan aauf d iyar 2007’, 2008
  • bharat sarakar dvara padm vibhooshan, 2008
  • rajasthan teknikal yoonivarsiti kota dvara ‘di lit.’ ki upadhi, 2009
  • aee.aee.ti rooraki dvara ‘daauktar aauf philosophi’, 2009
  • shri chitr thiroonal neshanal avard, 2012
  • es.ar jindal praij, 2012
  • ti.ke.em. 60 plas avard phaaur laiphataim achivament, 2013
  • mahamaya teknikal yoonivarsiti dvara ‘daauktar aauf sains’, 2013
  • rotari intaraneshanal dvara ‘phaaur d sake aauf haaunar’ puraskar, 2013
  • griphls dvara ‘laiphataim achivament gavarnens avard’, 2013[1]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 ee. shridharan jivani (hindi) jivani.org. abhigaman tithi: 16 agast, 2018.

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah