Makhanchor.jpg bharatakosh ki or se ap sabhi ko krishn janmashtami ki hardik shubhakamanaen Makhanchor.jpg

दिलीप कुमार  हिन्दी देवनागरी में पढ़ें।

dilip kumar
dilip kumar
poora nam mohammad yusoof khan
prasiddh nam dilip kumar
any nam trejadi king, dilip sahab
janm 11 disnbar, 1922
janm bhoomi peshavar (ab pakistan men)
abhibhavak lala gulam saravar (pita)
pati/patni sayara bano
karm bhoomi munbee
karm-kshetr film abhineta, film nirmata, rajanitigy
mukhy filmen dag (1954), azad, devadas (1955), naya daur, mugal-e-azam, lidar, ram aur shyam, shakti adi
puraskar-upadhi padm bhooshan, padm vibhooshan, dada sahab phalke puraskar, nishan-e-imtiyaj[1]
nagarikata bharatiy
any janakari shayad yah kam logon ko hi pata ho ki dilip kumar achchhe patakatha lekhak bhi hain. apani is pratibha ka pradarshan unhonne film 'lidar' men kiya tha.
adyatan‎

dilip kumar (angrezi: Dilip Kumar, janm- 11 disnbar, 1922) hindi sinema ke prasiddh abhineta aur rajy sabha ke poorv sadasy hai. dilip kumar ka vastavik nam 'mohammad yusuf khan' hai. dilip kumar ko apane daur ka behatarin abhineta mana jata hai, trasad bhoomikaon ke lie mashahoor hone ke karan unhe 'trejadi king' bhi kaha jata tha. dilip kumar ko bharatiy filmon men yadagar abhinay karane ke lie filmon ka sarvochch samman dada sahab phalke puraskar ke alava padm bhooshan, padm vibhooshan aur pakistan ka sarvochch nagarik samman 'nishan-e-imtiyaz' se sammanit kiya gaya hai.

jivan parichay

janm aur bachapan

dilip kumar ka janm 11 disambar, 1922 ko vartaman pakistan ke peshavar shahar men hua tha. unake bachapan ka nam 'mohammad yusoof khan tha. unake pita ka nam lala gulam saravar tha jo phal bechakar apane parivar ka kharch chalate the. vibhajan ke dauran unaka parivar munbee akar bas gaya. unaka shuruati jivan tngahali men hi gujara. pita ke vyapar men ghata hone ke karan vah pune ki ek kaintin men kam karane lage the. yahin devika rani ki pahali nazar un par padi aur unhonne dilip kumar ko abhineta bana diya. devika rani ne hi 'yusoof khan' ki jagah unaka naya nam 'dilip kumar' rakha. pachchis varsh ki umr men dilip kumar desh ke nnbar van abhineta ke roop men sthapit ho ge the.[2]

dilip kumar (yuvavastha men)

filmi kairiyar ki shuruat

dilip kumar ne film “jvar bhata” se apane filmi kairiyar ki shuruat ki. halanki yah film saphal nahin rahi. unaki pahali hit film “juganoo” thi. 1947 men riliz huee is film ne baaulivud men dilip kumar ko hit filmon ke star ki shreni men lakar khada kar diya. 1949 men film “andaz” men dilip kumar ne pahali bar rajakapoor ke sath kam kiya. yah film ek hit sabit huee. didar (1951) aur devadas (1955) jaisi filmon men gnbhir bhoomikaon ke lie mashahoor hone ke karan unhen trejadi king kaha jane laga. mugale-e-azam (1960) men unhonne mugal rajakumar jahangir ki bhoomika nibhaee. “ram aur shyam” men dilip kumar dvara nibhaya gaya dohari bhoomika (dabal rol) aj bhi logon ko gudagudane men saphal sabit hota hai. 1970, 1980 aur 1990 ke dashak men unhonne kam filmon men kam kiya. is samay ki unaki pramukh filmen thin: kranti (1981), vidhata (1982), duniya (1984), karma (1986), izzatadar (1990) aur saudagar (1991). 1998 men bani film “qila” unaki akhiri film thi.[2]

vyaktitv

dilip kumar apane ap men selphamedamain (svanirmit manushy) ki jiti-jagati misal hain. unaki 'niji zindagi' hamesha kautuhal ka vishay rahi, jisamen rojamarra ke sukh-duahkh, utar-chadhav, milana-bichhudana, ikarar-takarar sabhi shamil the. eeshvar-bhiroo dilip kumar ko sahity, sngit aur darshan ki abhiruchi ne gnbhir aur prabhavashali hasti bana diya.[3]

abhinay samrat

dilip kumar (film- mugale azam)

shahid, andaz, an, devadas, naya daur, madhumati, yahoodi, paigam, mugal-e-ajam, gnga-jamana, lidar tatha ram aur shyam jaisi filmon ke salone nayak dilip kumar svatntr bharat ke pahale do dashakon men lakhon yuva darshakon ke dilon ki dhadakan ban ge the. sabhy, susnst, kulin is abhineta ne rngin aur rngahin (shvet-shyam) sinema ke parde par apane apako kee roopon men prastut kiya. asaphal premi ke roop men unhonne vishesh khyati paee, lekin yah bhi siddh kiya ki hasy bhoomikaon men ve kisi se kam nahin hain. ve trejedi king bhi kahalae aur aaularaundar bhi. unaki ginati atisnvedanashil kalakaron men ki jati hai, lekin dil aur dimag ke samnjasy ke sath unhonne apane vyaktitv aur jivan ko dhala. pachchis varsh ki umr men dilip kumar desh ke nnbar van abhineta ke roop men sthapit ho ge the. vah azadi ka udayakal tha. shighr hi rajakapoor aur dev annd ke agaman se 'dilip-raj-dev' ki prasiddh trimoorti ka nirman hua. ye ne chehare am sine darshakon ko mohak lage. inase poorv ke adhikansh hiro praudh najar ate the.[3]

achchhe patakatha lekhak

is bat se koee inkar nahin kar sakata ki abhinay men sabase zyada nakal dilip kumar ke abhinay ki hi huee hai. shayad yah kam logon ko hi pata ho ki dilip kumar achchhe patakatha lekhak bhi hain. apani is pratibha ka pradarshan unhonne film 'lidar' men kiya tha. halanki lidar kamayab film nahin thi, lekin usaki kahani aisi thi, jisamen bhavishy ke snket chhipe the. usamen vot aur rajaniti ke sahi chehare ko dikhaya gaya tha. dilip kumar ne filmalay stoodiyo men ek ped ke niche baithakar lidar ki patakatha likhi thi. poori kahani vot ki rajaniti aur udyogapati-rajanitigyon ke snbndhon ki thi. yah tab ki bat hai, jab desh ko ajad hue dedh dashak hue the. vah pndit neharoo ka svapn-kal tha. rajaniti ka aj jo svaroop hai, vah usi samay se gnda hone laga tha. film men achary ji (motilal) vaise hi rajanitik kiradar the, jo janata ke prati samarpit the. eemanadari aur seva ki rajaniti karate the aur janata ko bhi usi raste par le jana chahate the. chunav men vot ko bechane ko apani jamir bechane ke barabar samajhate the, lekin doosari taraph kala karane vale udyogapati divan mahendranath (jaynt) the, jo achary ji ke vicharon ko khataranak manate the. unhen rupaye ki takat par bharosa tha aur ve voton ko kharidane ke himayati the.
amitabh bachchan, shaharukh khan aur dilip kumar
kahani men ek akhabar tha yng lidar, jisake snpadak the vijay khanna yani dilip kumar. yah film chhote bajat se shuroo huee thi aur blaik end vhait men banane ka phaisala kiya gaya tha. bad men vichar badalakar bajat ko bada kar diya gaya. phir bhi film jyada chal nahin paee. kafi nukasan uthana pada, lekin film ki charcha khoob huee. isi film se amajad khan ne bataur sahayak nirdeshak filmon men pravesh kiya tha. dilip kumar ne is film men abhinay ke kee rng dikhae. kaaumedi, traijidi, chulabuli, gnbhir, pyar karane vala adi. ashchary ki bat to yah hai ki film n chalane ke bavajood unhen is rol ke lie shreshth abhineta ka film phear avard mila tha. isamen shakil badayoonni ka ek gana tha, jisake bol the apani ajadi ko ham haragij mita sakate nahin... is git ko mohammad raphi ne pndit neharoo ke samaksh gaya tha. jis samay lidar banani shuroo huee, us samay bharat-chin yuddh chal raha tha. yuddh ko dhyan men rakhate hue hi shakil badayoonni se yah git likhane ke lie kaha gaya tha.[4]

vivah

dilip kumar ne 1966 men prasiddh abhinetri sayara bano se shadi ki thi. jis samay dilip kumar aur sayara bano ki shadi huee thi us samay sayara bano 22 sal aur dilip sahab 44 sal ke the. aj yah jodi baaulivud ki sabase prasiddh jodiyon men se ek hai. jab logon ne akhabaron men yah padha ki dilip kumar abhinetri sayara bano se shadi kar rahe hain, to ve chaunk ge. vaise, unaka chaunkana svabhavik hi tha, kyonki shadi se pahale tak dilip kumar ne sayara bano ke sath ek bhi film nahin ki thi. donon men n dosti thi aur n hi milana-julana tha. sabase badi bat yah hai ki donon ki umr men bahut bada farq tha. ek aur sach yah tha ki un dinon filmi patrikaen sayara bano ka nam bhi unake sahabhineta rajendr kumar se jod rahi thin.

dilip-sayara ki jodi

dilip kumar apani patni sayara bano ke sath

sayara bano un nasim bano ki beti hain, jinhonne soharab modi ki film pukar men malika noorajahan ka kiradar nibhakar apani khoobasoorati se sabako chakachaundh kar diya tha. is film ke bad nasim bano ke sath pari chehara ka visheshan jud gaya. sayara jab padhaee poori karake munbee lautin, to ammi ne sayara ko apane kadamon par chalaya. purane mitr subodh mukharji se kahakar jngali ki hiroin banava diya. ratonrat sayara star ban gee. jngali ki kamayabi ke kuchh dinon bad ek parti men sayara ne jab dilip kumar ko dekha, to man se kaha, ammi dilip sahab se milao n. nasim ne milaya, yoosuph sahab, yah hai meri beti sayara. sayara ne adab kiya. kanon men dhire se khush raho ke laphj ghul ge. is mulakat ke dauran darasal, sayara ne yah socha tha ki dilip kumar jngali ki kamayabi ki badhaee denge, lekin unhonne do laphj bolane ke bad koee tavajjo nahin di. alabatta nasim bano se bat zaroor karate rahe. sayara dilip kumar ki jabaradast phain thin. itani ki jab lndan men skooli padhaee kar rahi thin, to unhonne patr-patrikaon men se tasviren katakar divaron par chipaka lie the, lekin ve dilip kumar ke sath kabhi hiroin banengi, isaki unhen koee ummid nahin thi. vajah donon men umr ka antar. shadi ki bat to sayara ke dimag men ane ka saval hi nahin tha. han, unaki yah tamanna zaroor thi ki dilip sahab ke sath kam se kam ek film zaroor karoon.

dilip sahab se bat karane ke lie ek parti men sayara ne haindashek ke lie apana hath age badhaya, lekin tab tak dilip adab kah chuke the. majabooran sayara ko hath vapas lena pada. un dinon kuchh logon ka manana yah tha ki sayara ke rajendr kumar se rishte judane ki khabaron se unaki man nasim bano pareshan thin. rajendr kumar jubali kumar ke nam se kamayab hiro zaroor ho ge the, lekin ve shadishuda hi nahin, ek bete ke bap bhi the. kuchh logon ne is rishte ko sanpradayik rng dene ki bhi koshish ki. in sabase pareshan ho nasim bano ne apani beti ke hath pile karane ka phaisala kiya. jahir hai ki beti ke lie nasim bano koee kaddavar damad dhoondhatin-ek aisa vyakti, jisaka rutaba ho, ijjat ho aur jo unaki ladali ko vah sab de sake, jo ek oonche gharane ki dulhan ko milana chahie. is najarie se dilip kumar sahi pasnd the. ve kunvare the aur baaulivud ke sabase kaddavar artist mane jate the. agar koee kasar thi, to vah thi umr ki, kyonki sayara se ve kafi bade the. sayara ko 'sasta khoon mahnga pani' ki shooting se bulaya gaya. man ki pasnd par beti ne bhi han ki muhar turnt laga di.

dilip-sayara ki shadi karane ka sara shrey nasim bano ko hi jata hai.
poorv pradhanamntri shrimati indira gandhi evn baaulivud ke kalakaron ke sath dilip kumar
sayara se bat karane se pahale nasim ne dilip se rishte ki bat ki. unhonne kaha, pahale beti ki razamndi to le lijie. nasim bano ne kaha, shadi! sayara to apaki hiroin ban jati, to apane ko dhany manati. yahan to bat ho rahi hai dilip ki asali zindagi ki hiroin banane ki. pahale to sayara ko laga ki ammi majak kar rahi hain, lekin jab yakin ho gaya ki bat sachamuch shadi ki hai aur dilip ki mnjoori mil chuki hai, tab to jaise sayara ke pnkh lag ge. unhonne dilip ko phon kiya. rishte ke lie mubarakabad di aur shukriya sunakar shadi ki tarikh poochh baithin. javab mila, sas se poochhie. darasal, ek mulakat ke dauran nasim bano ne yah bataya tha ki unake man men char mahina pahale hi yah khayal aya tha ki sayara ke hath men hakikat men shadi ki mehndi lage, lekin unhonne pal bhar ke lie bhi yah nahin socha tha ki unaki tamanna itani jald poori ho jaegi. shadi dhoomadham se huee. dilip ghode par savar hokar baind baje ke sath apane bngale se nikal kar nasim bano ke bngale par pahunche. qazine nikah karaya. davaten huee sayara ke yahan aur dilip ke yahan bhi. is shadi ne sayara bano ko apane vakt ke sabase bade adakar ki bivi banane ka mauka diya. sach to yah hai ki bad ke dinon men sayara ko apane aidal star ke sath gopi, sagina, bairag, duniya jaisi suparahit filmon men kam karane ka avasar bhi mila.[5]

filmi soochi

dilip kumar ke abhinay ke vibhinn roop
madhubala aur dilip kumar (mugal e azam)
amitabh bachchan aur dilip kumar (film- shakti)
dilip kumar (film- naya daur)
ashok kumar aur dilip kumar (film- didar)
raj kapoor, nargis aur dilip kumar (film-andaz)
dilip kumar (film- gnga jamana)
dilip kumar (film- karma)
raj kumar aur dilip kumar (film- saudagar)
dilip kumar aur amarish puri (film- vidhata)
anil kapoor aur dilip kumar (film- mashal)
dilip kumar (film- devadas)
dilip kumar (film- ram aur shyam)
vahida rahaman aur dilip kumar (film- dil diya dard liya)
manoj kumar aur dilip kumar (film- adami)
dilip kumar ka filmi safar
varsh film ka nam charitr ka nam vishesh
1944 jvar bhata jagadish pahali film
1945 pratima
1947 milan ramesh
1947 juganoo sooraj
1948 shahid ram
1948 nadiya ke par
1948 mela mohan
1948 ghar ki izzat chnda
1948 anokha pyar ashok
1949 shabanam manoj
1949 andaz dilip
1950 jogan vijay
1950 babul ashok
1950 arazoo badal
1951 tarana motilal
1951 halachal kishor
1951 didar shamoo
1952 sngadil shnkar
1952 dag shnkar filmafeyar sarvashreshth abhineta puraskar
1952 an jay tilak
1953 shikast daau. ram sinh
1953 futapath noshoo
1954 amar amaranath
1955 udan khatola
1955 insaniyat mngal
1955 devadas devadas mukharji filmafeyar sarvashreshth abhineta puraskar
1955 azad filmafeyar sarvashreshth abhineta puraskar
1957 naya daur shnkar filmafeyar sarvashreshth abhineta puraskar
1957 musaphir
1958 yahoodi prins marks
1958 madhumati annd / devan namit filmafeyar sarvashreshth abhineta puraskar
1959 paigam ratan lal namit filmafeyar sarvashreshth abhineta puraskar
1960 kohinoor filmafeyar sarvashreshth abhineta puraskar
1960 mugal e azam prins salim
1961 gnga jamana gnga namit filmafeyar sarvashreshth abhineta puraskar
1964 lidar vijay khanna filmafeyar sarvashreshth abhineta puraskar
1966 dil diya dard liya shnkar / rajasahab namit filmafeyar sarvashreshth abhineta puraskar
1967 ram aur shyam ram aur shyam filmafeyar sarvashreshth abhineta puraskar
1968 sngharsh namit filmafeyar sarvashreshth abhineta puraskar
1968 adami rajesh / raja sahab namit filmafeyar sarvashreshth abhineta puraskar
1970 sagina mahato sagina
1970 gopi gopi namit filmafeyar sarvashreshth abhineta puraskar
1972 dastan anil / sunil
1972 anokha milan
1974 sagina namit filmafeyar sarvashreshth abhineta puraskar
1976 bairag namit filmafeyar sarvashreshth abhineta puraskar
1981 kranti snga / kranti
1982 vidhata shamasher sinh
1982 shakti ashvini kumar filmafeyar sarvashreshth abhineta puraskar
1983 mazadoor dinanath saksena
1984 duniya mohan kumar
1984 mashal vinod kumar namit filmafeyar sarvashreshth abhineta puraskar
1986 dharam adhikari
1986 karma vishvanath pratap sinh / rana
1989 qanoon apana apana kalaiktar jagath pratap sinh
1990 izzatadar brahmadatt
1990 ag ka dariya
1991 saudagar thakur vir sinh namit filmafeyar sarvashreshth abhineta puraskar
1998 qila jaganath / amaranath sinh

dilip kumar ke sah-abhineta

dilip kumar ke sath kam karana har kalakar ke lie ek sapana hota hai. ye sapana kam kalakaron ka hi poora ho paya hai kyonki dilip kumar ne behad kam filmen ki. sath hi kuchh kalakar unake samane ane se isalie bachate rahe kyonki ve dilip sahab ke samane kamazor nahin lagana chahate the. jin pramukh kalakaron ne unake sath kam kiya hai, ve is prakar hain :

dilip kumar ke sah-abhineta[6]
abhineta film
ajit naya daur, mugal-e-ajam
amitabh bachchan shakti
anil kapoor shakti, mashal, karma
ashok kumar didar, shakti
balaraj sahani halachal, sngharsh
dev annd insaniyat
govinda izzatadar
jaiki shraauph karma, saudagar
manoj kumar adami, kranti
nasiruddin shah karma
prithviraj kapoor mugal-e-azam
raj kapoor andaz
raj kumar paigam, saudagar
snjay datt vidhata, qanoon apana-apana
snjiv kumar sngharsh, vidhata
shammi kapoor vidhata
shashi kapoor kranti
shatrughn sinha kranti

raj kapoor aur devannd se dosti

dilip sahab ki devannd aur raj kapoor donon se dosti thi. lekin raj sahab ke sath unake bade nazadiki rishte the. donon hi pakistan ke peshavar shahar men ek hi mohalle, ek hi sadak ke rahane vale the. bilakul bhaiyon jaisa rishta tha unaka. dev sahab thoda alag kism ke shakhs the, lekin unake sath bhi sahab ne badi dosti nibhaee.
dilip kumar, raj kapoor aur devannd
ek bar dev apani film 'hare rama hare krishna' ki shooting ke silasile men mumataj ke sath kathamandoo ja rahe the, tab kisi parti ne musibat khadi kar di aur ailan kiya ki vo is film ki shooting nahin hone denge. vo log dev ko rokane eyaraport tak pahunch ge, tab dilip ji eyaraport tak ge aur dev ki hiphazat men vahan khade rahe. sayaro bano aur dilip sahab donon ne film indastri ke kee logon ko ikattha kiya aur dev ke lie eyaraport men jakar dat ge. tab jakar sahi salamat dev kathamandoo ravana ho sake.[7]

samman aur puraskar

dilip kumar, tatkalin rashtrapati pratibha patil se sammanit hote hue

aj zyadatar logon ko is bat par ashchary hota hai ki is mahanayak ne sirph 54 filmen kyon ki. lekin isaka uttar hai dilip kumar ne apani chhavi ka sadaiv dhyan rakha aur abhinay star ko kabhi girane nahin diya. isalie aj tak ve abhinay ke parasamani bane hue hain jabaki dhoom-dhadake ke sath kee supar star, mega star ae aur akar chale ge. dilip kumar ne abhinay ke madhyam se rashtr ki jo seva ki, usake lie bharat sarakar ne unhen 1991 men padm bhooshan, 2015 men padm vibhooshan se sammanit kiya gaya hai aur 1995 men film ka sarvochch rashtriy samman 'dada sahab phalake avaaurd' bhi pradan kiya. pakistan sarakar ne bhi unhen 1997 men 'nishan-e-imtiyaj' se navaja tha, jo pakistan ka sarvochch nagarik samman hai. 1997 men hi unhen bharatiy sinema ke bahumooly yogadan dene ke lie e.nati ramarav puraskar diya gaya, jabaki 1998 men samaj kalyan ke kshetr men yogadan ke lie ramanath goyanaka puraskar diya gaya.[3]dilip kumar ka nam sabase zyada puraskar pane vale bharatiy abhineta ke roop men "giniz varld rikaaurds" men darz hai.[8]

filmapheyar puraskar

1953 men film pheyar puraskaron ke shriganesh ke sath dilip kumar ko film 'dag' ke lie sarvashreshth abhineta ka puraskar‍ diya tha. apane jivanakal men dilip kumar kul ath bar film pheyar se sarvashreshth abhineta ka puraskar pa chuke hain aur yah ek kirtiman hai jise abhi tak toda nahin ja saka. antim bar unhen sanh 1982 men film 'shakti' ke lie yah puraskar diya gaya tha, jabaki filmapheyar ne hi unhen 1993 men raj kapoor ki smriti men laiphataim achivament avaaurd diya.[3]

javaharalal neharoo ke sath dilip kumar, devannd aur raj kapoor
  1. 1983 - filmafeyar sarvashreshth abhineta puraskar - shakti
  2. 1968 - filmafeyar sarvashreshth abhineta puraskar - ram aur shyam
  3. 1965 - filmafeyar sarvashreshth abhineta puraskar - lidar
  4. 1961 - filmafeyar sarvashreshth abhineta puraskar - kohinoor
  5. 1958 - filmafeyar sarvashreshth abhineta puraskar - naya daur
  6. 1957 - filmafeyar sarvashreshth abhineta puraskar - devadas
  7. 1956 - filmafeyar sarvashreshth abhineta puraskar - azad
  8. 1954 - filmafeyar sarvashreshth abhineta puraskar - dag

filmi safar par ek nazar[9]

goldan jubali hit

juganoo, mela, andaz, an, didar, azad, mugal-e-azam, kohinoor, gnga-jamana, ram aur shyam, gopi, kranti, vidhata, karma aur saudagar.

silvar jubali hit

shahid, nadiya ke par, arajoo, jogan, anokha pyar, shabanam, tarana, babul, dag, udan khatola, insaniyat, devadas, madhumati, yahoodi, paigam, lidar, adami, sngharsh.

vinodi (hasy) bhoomika
shabanam, azad, kohinoor, lidar, ram aur shyam, gopi.
dabng bhoomika
an, ajad, kohinoor, kranti.
nakaratmak bhoomika
phutapath, amar.
apoorn filmen
kala adami, janavar, khara-khota, chanaky-chndragupt, akhiri mugal.
abhinay se inakar

baijoo bavara, pyasa, kagaj ke phool, sngam, dil daulat aur duniya, naya din nee rat, jabaradast, laaurens aauph arebiya, d baink mainejar.

dilip kumar ki nayikaen

sirph ek bar kam kiya[10]
  • aparna sen (sagin mahato)
  • begam para (shabanam)
  • bi. sarojadevi (paigam)
  • bharati (ijjatadar)
  • bina ray (insaniyat)
  • kumakum (kohinoor)
  • lina chndavarakar (bairag)
  • mira mishra (milan)
  • mridula (jvar-bhata)
  • mumataj shanti (ghar ki ijjat)
  • mumataz (ram aur shyam)
  • munavvar sultana (babul)
  • nadira (an)
  • nnda (mazadoor)
  • nirupa ray (kranti)
  • noorajahan (juganoo)
  • rakhi (shakti)
  • rohini hatngadi (dharmadhikari)
  • rooma ganguli (bairag)
  • sharmila taigor (dastan)
  • shyama (tarana)
  • simi (adami)
  • sitara devi (halachal)
  • suchitra sen (devadas)
  • svarnalata (pratima)
  • usha kiran (musaphir)
  • radha seth (kalinga)
dilip kumar ke sath nayikaon ki jodi[10]
abhinetri nam filmen
Nargis-Dutt.jpg nargis anokha pyar, mela, andaz, halachal, jogan, didar, babul.
Vaijayanti-Mala.jpg vaijaynti mala devadas, naya daur, madhumati, paigam, lidar, gnga-jamana, sngharsh.
Madhubala-1.jpg madhubala tarana, sngadil, amar, mugal-e-azam.
kamini kaushal kamini kaushal shahid, nadiya ke par, shabanam, arajoo.
Meena-kumari-1.jpg mina kumari phutapath, azad, yahoodi, kohinoor.
Nimmi.jpg nimmi an, didar, dag, amar, udan khatola.
Waheeda-Rehman-1.jpg vahida rahaman dil diya dard liya, ram aur shyam, adami, mashal.
Saira-banu.jpg sayara bano gopi, sagina mahato, bairag, duniya.
nalini jayavnt nalini jayavnt anokha pyar, shikast.
Nutan.jpg nootan karma, qanoon apana-apana.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 'nishan-e-imtiyaj' pakistan ka sarvochch nagarik samman hai.
  2. 2.0 2.1 baaulivud ke asali mahanayak – dilip kumar (hindi) jagaran jnkshan. abhigaman tithi: 18 sitnbar, 2011.
  3. 3.0 3.1 3.2 3.3 dilip kumar : ek mahanayak ki gatha (hindi) (ech.ti.em.el) veb duniya hindi. abhigaman tithi: 18 sitnbar, 2011.
  4. achchhe skript raitar bhi hai dilip kumar (hindi) (ech.ti.em.el) jagaran yahoo indiya. abhigaman tithi: 18 disambar, 2012.
  5. dilip-sayara: shadi se log chaunk gaye the (hindi) (ech.ti.em.el) jagaran yahoo indiya. abhigaman tithi: 18 disambar, 2012.
  6. dilip kumar : sah abhineta (hindi) (ech.ti.em.el) vebaduniya. abhigaman tithi: 18 disambar, 2012.
  7. dilip ki kahani begam ki zubani (hindi) (ech.ti.em.el) bi.bi.si hindi. abhigaman tithi: 18 disambar, 2012.
  8. Dilip Kumar on TV show?
  9. dilip kumar ki hit filmen (hindi) vebaduniya hindi. abhigaman tithi: 19 disambar, 2012.
  10. 10.0 10.1 dilip kumar ke sath film karane vali nayikaen (hindi) vebaduniya hindi. abhigaman tithi: 19 disambar, 2012.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah