राजेश खन्ना  हिन्दी देवनागरी में पढ़ें।

rajesh khanna
rajesh khanna
poora nam jatin khanna
prasiddh nam rajesh khanna
any nam kaka, RK
janm 29 disnbar, 1942
janm bhoomi amritasar, pnjab
mrityu 18 julaee, 2012 (umr 70 varsh)
mrityu sthan mumbee, maharashtr
pati/patni dimpal kapadiya
sntan do putri- tvinkal aur rinki
karm bhoomi mumbee
karm-kshetr sinema
mukhy filmen 'kati patng', 'anand', 'an milo sajana', 'mahaboob ki menhadi', 'hathi mere sathi', 'do raste', 'dushman', 'bavarchi' adi.
puraskar-upadhi tin bar filmafeyar sarvashreshth abhineta puraskar
prasiddhi hindi sinema ke pahale suparastar
nagarikata bharatiy
any janakari rajesh khanna ki pahali pradarshit film ka nam ‘akhiri khat’ tha. 1969 men rilij huee 'aradhana' aur 'do raste' ki saphalata ke bad rajesh khanna sidhe shikhar par ja baithe aur unhen suparastar ghoshit kar diya gaya tha.
adyatan‎

rajesh khanna (angrezi: Rajesh Khanna, janm: 29 disnbar, 1942, amritasar; 18 julaee, 2012, mumbee) bharatiy hindi filmon ke prasiddh abhineta the. rajesh khanna ka vastavik nam jatin khanna tha. apane roomani andaj, svabhavik abhinay aur kamayab filmon ke lnbe silasile ke bal par qarib dedh dashak tak sine premiyon ke dilon par raj karane vale rajesh khanna ke roop men hindi sinema ko pahala aisa suparastar mila, jisaka jadoo chahane valon ke sir chadhakar bolata tha. rajesh khanna film nirmata aur rajanitigy bhi rahe. rajesh khanna ne lagabhag 163 filmon men abhinay kiya, jisamen 106 filmon ve mukhy nayak rahe. rajesh khanna ko tin bar filmapheyar puraskar mila aur 14 bar namankit hue.

janm

rajesh khanna ka janm 29 disnbar, 1942 ko amritasar, pnjab men janme jatin khanna bad men filmi duniya men rajesh khanna ke nam se mashahoor hue. rajesh khanna ne varsh 1973 men khud se umr men kafi chhoti navodit abhinetri dimpal kapadiya se vivah kiya aur ve do putriyon tvinkal aur rinki ke mata-pita bane. unaki donon putri abhinetri hain. halanki rajesh aur dimpal ka vaivahik jivan jyada dinon tak nahin chal saka aur kuchh samay ke bad ve alag ho ge. rajesh filmon men vyast rahe aur dimpal ne bhi apane kariyar ko tarajih dena shuroo kiya. rajesh khanna ki badi putri tvinkal khanna ne abhineta akshay kumar se vivah kiya.

filmi zivan

unaka abhinay kariyar shurooati nakamiyon ke bad itani teji se paravan chadha ki usaki misal bahut kam hi milati hain. parivar ki marji ke khilaf abhinay ko bataur kariyar chunane vale rajesh khanna ne varsh 1966 men 24 baras ki umr men akhiri khat film se sinema jagath men kadam rakha tha. bad men raj, baharon ke sapane aur aurat ke roop men unaki kee filmen aee. magar unhen baauks aphis par kamayabi nahin mil saki.[1]

pahali saphal film

varsh 1969 men aee film 'aradhana' ne rajesh khanna ke kariyar ko udan di aur dekhate hi dekhate vah yuva dilon ki dhadakan ban ge. film men sharmila taigor ke sath unaki jodi bahut pasnd ki gee aur vah hindi sinema ke pahale suparastar banakar prashasnkon ke dilodimag par chha ge. 'aradhana' ne rajesh khanna ki qismat ke daravaze khol die aur usake bad unhonne agale char sal ke dauran lagatar 15 hit filmen dekar samakalin tatha agali pidhi ke abhinetaon ke lie mil ka patthar qayam kiya. varsh 1970 men bani film 'sachcha jhootha' ke lie unhen pahali bar sarvashreshth abhineta ka filmapheyar avard diya gaya.[1]

yadagar filmen

varsh 1971 rajesh khanna ke abhinay kariyar ka sabase yadagar sal raha. us varsh unhonne 'kati patng', 'anand', 'an milo sajana', 'mahaboob ki menhadi', 'hathi mere sathi' aur 'andaj' jaisi suparahit filmen din. 'do raste', 'dushman', 'bavarchi', 'mere jivan sathi', 'joroo ka gulam', 'anurag', 'dag', 'namak haram' aur 'hamashakl' ke roop men hit filmon ke jarie unhonne baauks aphis ko kee varshon tak gulazar rakha. bhavapoorn drishyon men rajesh khanna ke satik abhinay ko aj bhi yad kiya jata hai.[1]

film anand

film anand men amitabh aur rajesh khanna

'anand' film men unake sashakt abhinay ka ek udaharan ka darja hasil hai. ek lailaj bimari se pidit vyakti ke kiradar ko rajesh khanna ne ek jindadil insan ke roop jikar kalajayi bana diya. rajesh ko anand men yadagar abhinay ke liye varsh 1971 men lagatar doosari bar sarvashreshth abhineta ka filmapheyar avard diya gaya.

barman da aur kishor da ke sath jugalabndi

bharatiy sinema ke prasiddh sngitakar ar. di. barman aur prasiddh abhineta, nirmata-nirdeshak, gayak kishor kumar ke sath rajesh khanna ki jugalabndi ne anek hindi filmon ko suparahit sngit diya. in tinon gahare doston ne qarib 30 filmon men ek sath kam kiya. kishor kumar ke anek gane rajesh khanna par hi filmae ge aur kishor ke svar rajesh khanna se pahachane jane lage.[1]

doosari pari

qarib dedh dashak tak prashnsakon ke dil par raj karane vale rajesh khanna ke kariyar men 80 ke dashak ke bad utar shuroo ho gaya. bad men unhonne rajaniti men bhi kadam rakha aur varsh 1991 se 1996 ke bich nee dilli se kangres ke lokasabha sansad bhi rahe. varsh 1994 men unhonne 'khudaee' se abhinay ki doosari pari shuroo ki. usake bad unaki 'a ab laut chalen' (1999), 'kya dil ne kaha' (2002), 'jana' (2006) aur hal men rilij huee 'vapha' ke sath unaka filmi safar samapt hua.

rochak tathy

  • jis tarah se aj tivi ke zariye tailent hnt kiya jata hai, kuchh isi tarah kam 1965 yoonaited prodyoosars aur filmapheyar ne kiya tha. ve naya hiro khoj rahe the. fainal men das hajar men se ath ladake chune ge the, jinamen ek rajesh khanna bhi the. ant men rajesh khanna vijeta ghoshit kie ge.
  • 1969 se 1975 ke bich rajesh ne kee suparahit filmen din. us daur men paida hue jyadatar ladakon ke nam rajesh rakhe ge. film indastri men rajesh ko pyar se 'kaka' kaha jata hai. jab ve suparastar the tab ek kahavat badi mashahoor thi- oopar aka aur niche kaka.
  • 29 disambar, 1942 ko janme rajesh khanna skool aur kaaulej jamane se hi ekting ki or akarshit hue. unhen unake ek najadiki rishtedar ne god liya tha aur bahut hi lad-pyar se unhen pala gaya.
  • rajesh ne film men kam pane ke lie nirmataon ke daftar ke chakkar lagae. sngharsh ke dinon men ve itani mahngi kar men nirmataon ke yahan jate the ki us daur ke hiro ke pas bhi vaisi kar nahin thi.
  • rajesh ki pahali pradarshit film ka nam ‘akhiri khat’ tha. 1969 men rilij huee 'aradhana' aur 'do raste' ki saphalata ke bad rajesh khanna sidhe shikhar par ja baithe. unhen suparastar ghoshit kar diya gaya aur logon ke bich unhen apar lokapriyata hasil huee.
  • ladakiyon ke bich rajesh khanna behad lokapriy hue. ladakiyon ne unhen khoon se khat likhe. unaki photo se shadi kar li. kuchh ne apane hath ya jangh par rajesh ka nam gudava liya. kee ladakiyan unaka photo takiye ke niche rakhakar soti thin.
  • studiyo ya kisi nirmata ke daftar ke bahar rajesh khanna ki saphed rng ki kar rukati thi to ladakiyan us kar ko hi choom leti thin. lipistik ke nishan se saphed rng ki kar gulabi ho jaya karati thi.
  • pails ke aaupareshan ke lie ek bar rajesh khanna ko aspatal men bharti hona pada. aspatal men unake ird-gird ke kamare nirmataon ne buk kara lie taki mauka milate hi ve rajesh ko apani filmon ki kahani suna sake.
  • gurudatt, mina kumari aur gita bali ko rajesh khanna apana adarsh manate the.
  • shadi ke vakt dimpal ki umr rajesh se lagabhag adhi thi. rajesh-dimpal ki shadi ki ek chhoti-si film us samay desh bhar ke thietars men film shuroo hone ke pahale dikhaee gee thi.
  • rajiv gandhi ke kahane par rajesh rajaniti men ae. kangres (ee) ki taraph se kuchh chunav bhi unhonne lade. jite bhi aur hare bhi. lalakrishn adavani ko unhonne chunav men kadi takkar di aur shatrughn sinha ko haraya bhi.
  • rajesh khanna aur unaki beti tvinkal ka ek hi din janmadin ata hai, 29 disnbar. kaka ka kahana hai ki ve apani zindagi se behad khush hain. dobara mauka mila to ve phir rajesh khanna banana chahenge aur vahi galatiyan doharaenge.[2]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 1.2 1.3 hindi sinema ke pahale suparastar the rajesh khanna (hindi) (ech.ti.em.el) jagaran yahoo indiya. abhigaman tithi: 23 joon, 2012.
  2. rajesh khanna ke bare men 50 rochak janakariyan (hindi) (ech.ti.em.el) vebaduniya hindi. abhigaman tithi: 24 joon, 2012.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah