सोहराब मोदी  हिन्दी देवनागरी में पढ़ें।

soharab modi
soharab modi
poora nam soharab modi
janm 2 navambar, 1897
janm bhoomi bambee
mrityu 28 janavari, 1984
karm bhoomi mumbee
karm-kshetr abhineta, nirmata v nirdeshak
mukhy filmen 'raziya sultan', 'ghar ki laj', 'kundan' adi.
puraskar-upadhi dada sahab phalke puraskar
prasiddhi abhineta aur film nirmata-nirdeshak

soharab modi (angrezi: Sohrab Modi, janm: 2 navambar, 1897; mrityu: 28 janavari, 1984) prasiddh bharatiy abhineta aur film nirmata-nirdeshak the, jinhonne hindi ki pratham rngin film 'jhansi ki rani' banaee thi. inako san 1980 men 'dada sahab phalke puraskar' se sammanit kiya gaya tha.

jivan parichay

soharab modi ka janm 2 navambar, 1897 men bambee men hua tha. soharab modi apani skooli shiksha khatm karane ke bad vah apane bhaee keki modi ke sath yatra pradarshak ka kary kiya. soharab modi ne kuchh mook filmon ke anubhav ke sath ek parasi rngamnch se bataur abhineta ke roop men shuruat ki thi. soharab modi ka bachapan ramapur men bita, jahan unake pita navab ke yahan adhikshak the. navab ramapur ka pustakalay bahut samriddh tha. ramapur men hi soharab modi ne pharratedar urdoo sikhi. abhinay ki prarnbhik shiksha unhen apane bhaee rustam ki natak knpani subodh thietrikal knpani se mili, jisamen unhonne 1924 se kam karana shuroo kar diya tha. vahin unhonne snvad ko gnbhir aur sadhi avaj men bolane ki kala sikhi, jo bad men unaki visheshata ban gayi. kuchh hi samay men ve natakon men unhonne pramukh bhoomika nibhane lage. ‘haimalet’ aur ‘d sol aauf datar’ unake lokapriy natak the jinamen unhonne abhinay kiya. bad men unaka parivar ramapur se bnbee chala aya. vahan unhonne parel ke nyoo haeeskool se maitrik pas kiya. jab ye apane prinsipal se yah poochhane gaye ki bhavishy men kya karen, to unake prinsipal ne kaha,-‘tumhari avaj sun kar to yahi lagata hai ki tumhe ya to neta banana chahie ya abhineta.’ aur soharab abhineta ban gaye. unaki avaj ki tarah bulnd thi. andhe tak unaki filmon ke snvad sunane jate the.[1] 

arambhik jivan

16 varsh ki umr men soharab modi gvaliyar ke taunahal men filmon ka pradarshan karate the. bad men apane bhaee rustam ki madad se unhonne traivaling sinema ka vyavasay shuroo kiya. phir apane bhaee ke sath hi unhonne bnbee men stej film knpani ki sthapana ki. is knpani ki pahali film 1953 men bani ‘khoon ka khoon’ thi, jo unake natak ‘haimalet’ ka filmi roopantar thi. isamen sayara bano ki man nasim bano pahali bar parade par ayin. ‘said –e-havas’ (1936) bhi natak ‘king jan’ par adharit thi. soharab moolatah natak se aye the, yahi vajah hai ki unaki pahale ki filmon men parasi thietar ki jhalak milati hai. aitihasik filmen banane men ve sabase age the.[1]

stej film knpani ki sthapana

bataur abhineta pramukh filmen
san film nam
1983 raziya sultan
1979 ghar ki laj
1971 jvala
1971 ek nari ek brahmachari
1958 jelar
1958 yahoodi
1956 raj hath
1955 kundan
1952 jhansi ki rani
1950 shish mahal
1943 prithvi vallabh
1941 sikandar
1939 pukar
1938 jelar
1935 khoon ka khoon

soharab modi ne san 1935 men stej film knpani ki sthapana ki thi. 1936 men stej film knpani minarva mooviton ho gayi aur isaka pratik chihn sher ho gaya. apane is bainar men unhonne jo filmen banayin ve thin-

  1. atm tarng (1937)
  2. khan bahadur (1937)
  3. daivors (1938)
  4. jelar (1938)
  5. mitha jahar (1938)
  6. pukar (1939)
  7. bharosa (1940)
  8. sikndar (1941)
  9. phir milenge (1942)
  10. prithvi vallabh ((1943)
  11. ek din ka sulatan (1945)
  12. mnjhadhar (1947)
  13. daulat (1949)
  14. shishamahal (1950)
  15. jhansi ki rani (1953)
  16. mirja galib (1954)
  17. kundan (1955)
  18. rajahath (1956)
  19. nausherava-e-adil (1957)
  20. mera ghar mere bachche (1960)
  21. samay bada balavan (1969)[1]

inake alava unhonne sentral stoodiyo ke lie ‘parakh’ aur shaili films ke lie ‘minakumari ki amar kahani’ banayi. 

bharat ki pahali rngin film

soharab modi

bharat ki pahali tekanikalar film ‘jhansi ki rani’ unhonne banayi thi. isake lie ve halivud se takanishiyan aur saj-saman laye the. isamen 'jhansi ki rani' bani thin unaki patni mahatab. soharab modi rajaguru bane the. is film ko unhonne badi lagan se banaya tha, lekin film flaaup ho gayi. is viphalata se ubarane ke lie unhonne ‘mirja galib’ (suraiya-bharatabhooshan) banayi. yah film vyavasayik taur par to saphal rahi balki ise rashtrapati ka svarn padak bhi mila. unhonne samajik samasyaon par bhi kuchh yadagar filmen banayin. inamen sharabakhori ki buraee par banayi gayi film ‘mitha jahar’ aur talak ki samasya par ‘daeevors’ ullekhaniy hain. unaki sarvadhik charchit aur saphal aitihasik film thi ‘pukar’. isamen chndramohan (jahangir), nasim bano (noorajahan), soharab modi (sngram sinh) aur saradar akhtar ki pramukh bhoomikaen thin. is film ko n sirph pres balki darshakon se bhi bharapoor prashnsa mili. ‘sikndar’ men poras aur ‘pukar’ men sngram sinh ki bhoomika men soharab modi ke abhinay ki badi prashnsa huee.[1]

parivarik jivan

mahatab se unaki shadi 21 aprail 1946 ko huee, lekin modi ka parivar unhen bahoo ke roop men svikarane ko taiyar nahin tha isalie kee sal unhen alag rahana pada. 1950 men unake parivar ne unaki shadi ko svikar kar liya.

puraskar

soharab modi ko san 1980 men dada sahab phalke puraskar se sammanit kiya gaya tha. bharat men aitihasik filmon ko pratishtha dilane ka shrey unhen hi jata hai.

nidhan

1978 tak ate-ate 80 sal ke modi sahab ko chalane-phirane men chhadi ka sahara lena pad gaya tha. unaki badi khvahish thi ‘pukar’ ko phir se banane ki. lekin bimari ne aisa nahin karane diya. 1984 men daauktaron ne yah ghoshit kar diya ki unhen kainsar hai. tab tak unhen khana nigalane men bhi takaliph hone lagi thi. 1983 men unhonne apani akhiri film ‘gurudakshina’ ka muhoort kiya tha. use adhoora chhod 28 janavari 1984 ko modi hamesha ke lie chiranidra men nimagn ho gaye. ve bade ala tabiyat ke insan the. unaka dhairy bhi apar tha. kee bar kalakar kee ritek dete, par modi sahab ke chehare par shikan tak nahin padati.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 1.2 1.3   soharab modi (hindi) sinema jagat. abhigaman tithi: 2 navambar, 2012.

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah