Makhanchor.jpg bharatakosh ki or se ap sabhi ko krishn janmashtami ki hardik shubhakamanaen Makhanchor.jpg

भारत भूषण  हिन्दी देवनागरी में पढ़ें।

bharat bhooshan
bharat bhooshan
poora nam bharat bhooshan
janm 1920
janm bhoomi aligadh, uttar pradesh
mrityu 27 janavari, 1992
mrityu sthan mumbee, maharashtr
karm bhoomi mumbee
karm-kshetr abhineta, nirmata
mukhy filmen 'baijoo bavara', 'mirza galib', 'basnt bahar', 'phagun', 'rani roopamati' adi.
puraskar-upadhi sarvashreshth abhineta filmafeyar puraskar (film- chaitany mahaprabhu)
nagarikata bharatiy

bharat bhooshan (angrezi:Bharat Bhushan janm: 1920; mrityu: 27 janavari, 1992) hindi filmon ke ek prasiddh abhineta the. apane abhinay ke rngon se kalidas, tanasen, kabir aur mirza galib jaise aitihasik charitron ko naya roop dene vale abhineta rahe.

jivan parichay

uttar pradesh ke aligadh men 1920 men janme bharat bhooshan gayak banane ka khvab lie munbee ki film nagari men pahunche the, lekin jab is kshetr men unhen mauka nahin mila to unhonne nirmata-nirdeshak kedar sharma ki 1941 men nirmit film 'chitralekha' men ek chhoti bhoomika se apane abhinay ki shuruat kar di. 1951 tak abhineta ke roop men unaki khas pahachan nahin ban paee. is dauran unhonne bhakt kabir (1942), bhaeechara (1943), suhagarat (1948), udhar (1949), rngila rajasthan (1949), ek thi ladaki (1949), ram darshan (1950), kisi ki yad (1950), bhaee-bahan (1950), ankhen (1950), sagar (1951), hamari shan (1951), anndamath aur man (1952) filmon men kam kiya.[1]

baijoo bavara ne di nee disha

bharat bhooshan ke abhinay ka sitara nirmata-nirdeshak vijay bhatt ki klasik film baijoo bavara se chamaka. behatarin git-sngit aur abhinay se saji is film ki goldan jubali kamayabi ne n sirph vijay bhatt ke prakash stoodiyo ko hi doobane se bachaya, balki bharat bhooshan aur film ki nayika mina kumari ko star ke roop men sthapit kar diya. aj bhi is film ke sadabahar git darshakon aur shrotaon ko mntramugdh kar dete hain. o duniya ke rakhavale.., man tadapat hari darshan ko aj.., too gnga ki mauj men jamuna ka dhara.., bachapan ki muhabbat ko.., insan bano kar lo bhalaee ka koee kam.., jhoole men pavan ke aee bahar.., aur door koee gae.. dhun ye sunae jaise film ke in madhur giton ki tasir aj bhi barakarar hai. is film se jude़ kee rochak pahaloo hain. nirmata vijay bhatt film ke lie dilip kumar aur nargis ke nam par vichar kar rahe the, lekin sngitakar naushad ne unhen apekshakrit ne abhineta-abhinetri ko film men lene par jor diya. isi film ke lie naushad ne tanasen aur baijoo ke bich pratiyogita ka gana shastriy gayan ke dhurndhar ustad amir khan aur pndi़t di.vi. paluskar se gavaya. film ki ek aur dilachasp bat yah thi ki isake sngitakar, gitakar, shakil badayoonni aur gayak mohammad raphi tinon hi musalaman the aur unhonne milakar bhakti git 'man tapadat haridarshan ko aj..' jaisi utkrisht rachana ka srijan kiya tha. baijoo bavara ki saphalata se utsahit yahi tim ek bar phir shri chaitany mahaprabhu film ke lie judi aur isamen sashakt abhinay ke lie bharat bhooshan ko sarvashreshth abhineta ka film pheyar puraskar mila. kalakaron, sahityakaron, sngitakaron, bhakton aur aitihasik vyaktitvon ko apane sahaj svabhavik abhinay ke rngon se parade par jivnt karane ka bharat bhooshan ka yah silasila age bhi jari raha.[1]

mirza galib men shanadar adakari

bharat bhooshan ke filmi kariyar men nirmata-nirdeshak soharab modi ki film mirza galib ka aham sthan hai. is film men bharat bhooshan ne shayar mirza galib ke kiradar ko itane sahaj aur asaradar dhng se nibhaya ki yah guman hone lagata hai ki galib hi parade par utar ae hon. behatarin git-sngit, snvad aur abhinay se saji yah film behad kamayab rahi aur ise sarvashreshth film aur sarvashreshth sngit ke rashtriy puraskar mile. is film ke lie gajalon ke badashah talat mahamood ki makhamali aur gayika, abhinetri suraiya ki mithas bhari avajon men gaee gee gajalen aur git 'behad makabool hue .., ah ko chahie ik umr asar hone tak.., phir mujhe dide tar yad aya.., dile nadan tujhe hua kya hai.., mere banke balam kotaval.., kahate hain ki galib ka hai andaj-e-bayan kuchh aur bharat bhooshan ne lagabhag 143 filmon men apane abhinay ki vividharngi chhata bikheri aur ashok kumar, dilip kumar, rajakapoor tatha devannd jaise kalakaron ki maujoodagi men apana ek alag mukam banaya.[1]

pramukh filmen

bharat bhooshan
bharat bhooshan ki pramukh filmen[2]
kr.sn. film varsh kr.sn. film varsh
1. chitralekha 1941 2. suhag rat 1948
3. baijoo bavara 1952 4. anandamath 1952
5. man 1952 6. mirza galib 1954
7. shavab 1954 8. shri chaitany mahaprabhu 1954
9. basnt bahar 1956 10. kavi kalidas 1959
11. paradesi 1957 12. rani roopamati 1957
13. champakali 1957 14. getave aauf indiya 1958
15. phagun 1958 16. samrat chandragupt 1958
17. sohani mahival 1958 18. savan 1959
19. angulimal 1960 20. barasat ki rat 1960
21. mud mud ke na dekh 1960 22. ghoonghat 1960
23. sngit samrat tanasen 1962 24. avval nambar 1990
25. jahan ara 1964 26. takadir 1967
27. pyar ka mausam 1969 28. jay sntoshi man 1975
29. mira 1979 30. umarav jan 1981
31. hiro 1983 32. adi shnkarachary 1983
33. kala dhndha gore log 1986 34. rahaguzar 1985

film nirman

bharat bhooshan ne film nirman ke kshetr men bhi kadam rakha, lekin unaki koee bhi film baauks aphis par saphal nahin rahi. unhonne 1964 men apani mahatvakankshi film 'dooj ka chand' ka nirman kiya, lekin is film ke bhi baauks aphis par buri tarah pit jane ke bad unhonne film nirman se tauba kar li.

antim samay

varsh 1967 men pradarshit film 'takadir nayak' ke roop men bharat bhooshan ki antim film thi. isake bad vah mahaul aur filmon ke vishay ki disha badal jane par charitr abhineta ke roop men kam karane lage, lekin naubat yahan tak a gee ki jo nirmata-nirdeshak pahale unako lekar film banane ke lie lalayit rahate the. unhonne bhi unase munh mod liya. is sthiti men unhonne apana gujara chalane ke lie filmon men chhoti-chhoti mamooli bhoomikaen karani shuroo kar din. bad men halat aise ho ge ki bharat bhooshan ko filmon men kam milana lagabhag bnd ho gaya. tab majaboori men unhonne chhote parade ki taraph rukh kiya aur disha tatha bechare guptaji jaise dharavahikon men abhinay kiya. halat ki mar aur vakt ke sitam se buri tarah toot chuke hindi filmon ke svarnim yug ke is abhineta ne akhirakar 27 janavari 1992 ko 72 varsh ki umr men is duniya ko alavida kah diya.[1]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 1.2 1.3 bharat bhooshan ka sitara bhi pada tha gardish men (hindi) (ech.ti.em.el) jagaran yahoo indiya. abhigaman tithi: 4 navambar, 2012.
  2. Bharat Bhushan, Bollywood Actor (hindi) indianetzone. abhigaman tithi: 29 janavari, 2016.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah